He chanchin thar hi thil hriat nuam a ni lo.
Ni 6 (Thawhlehni)-a DIG Range, Pu L.S. Sailo hova Mizoram Police Officer-te’n Crime Conference an neiha tarlan danin nikum nena khaikhinin Mizoram chhungah kumin hian tualthahna 90% chuangin a pung a. Pawngsual 11% chuanga a pun bakah hmeichhe naupang kum 10 hnuai lam pawngsual 14% chuangin a pung bawk.
Pawikhawihna thlirletna hunah hian nikum kum tir atanga nikum October thla tawp theng khan Zoram pumah tualthahna tum 21 a thleng a; kumin January atanga October thla thleng khan a let khat tling thelhin, tualthahna tum 40 a thleng a ni. Pawngsual pawh nikum khan January-October thla chhungin tum 60 a thleng a, kuminah he mi chhung hian tum 67 a tling chho a; hmeichhe naupang pawngsual nasa taka pungin, hmeichhiate khawih chingpen leh tihhminghliauna nikum chhung khan tum 44 a thleng a, kuminah tum 67 a thleng bawk. Nikuma tum 8 invauna thleng chu kuminah tum 18 a tling chho bawk.
Eng kan ti ta nge ni le? Hetiang a nih zel dawn chuan nakkum lam report ngaihthlak a va huphurhawm ve! He thilah hian tute nge mawhphur a, engte hi nge mawhpuh tur? Siamthat hna thawk turin engtia hmalak tur nge ni ang? Ngaihtuah a hun a ni…
Similar Posts:
- Kum 6 mi pawngsuala puh man
- Pawngsual vanga Lung In kum 100 tang tur
- October in Bangalore
- Pawngsual (Hmaituama, Brand New)
- Kumtlinglo khawih a ni leh tawh
November 8th, 2007 at 10:45 pm
Kan nun dan hi a huau huau bak ah thutakna hi a tlem lam em bawk a ni. Kan hruaitu te, administrative lam emaw a enga lam pawh hi han thlir ila entawn tlak tak hi kan awm tam lo bawk nen. A thu hrim ah kan in nel hlawm lutuk hi a thalo ka ti.
Mi tu in emaw a eiruk hian midang eiru ve theilo ten an awt ve a, sualna khur chidang ah a hruai thei bawkin ka ring. Kan thalai te hian in kawm dan/ in nel dan chintawk neih a tha maithei…a bik takin hmeichhia te hian mipa hi nel chintawk emaw an hmuh a tisa chakna lam a rilru hruai theilo tura chet thiam angaih ka ring bawk. Mipa hi tisa chakna chhuak hma lutuk mai kan nih avang hian, him zawk nan ( to be on the safer side) awmdan thiam atul khawp ang. Nuih thler diar duar te hi chin tam loh a tha..Mizo nula hi an nui thler diar duar zel mai. Engemaw an hlauh deuh lah hian an khek tuar tuar a. Khatiang kha mipa koh hnai na/an lo hnaih phah theihna che u chhuanlam tha deuh mai a ni tih hriat pawh a tha maithei.
Huat tur leh hnial tura ka ziah a ni lova, ka ngaihdan leh hmuhdan tlem ka han sawi ve lek fang a ni e:) peace out
Report this comment
November 9th, 2007 at 10:21 am
H.Vangchhia ngaihdan hi ka ngaihdan chiah a ni. Mizo thalaite hian in nel dan chin tawk hi kan hria lo tak meuh bon tolol. Nulat tlangval lai hi chuan eng ang a thian tha pawh ni I la in kuah buang buang, in pawm trui trui te hi ti lo i la kan safe zawk mahna!! hetiang hmuh tur hi a tam ka mit an ti khams although it’s none of my business.
Report this comment
November 9th, 2007 at 11:18 am
Kan nun hi a social em em a, naupangte atangin ngaihzawng neih kan uar a. In sawi ang hian kan innel lutuk bawk si. Hei hian kan nun a ti za a ni.
Media hian nasa takin min ti chhe mek bawkin ka hria. Naupang thlengin Violence leh sex lam mediaah kan hmu hnem em em a. Hman deuh phei kha chuan khawpui leh thingtlang lamah pawh kan cable operator ten zan reiah sex film an chhuah nasa nia sawi a ni. Khuahkhirhna mumal kan nei bawk si lo.
Chhungkaw keh leh inenkawlna mumal lo kan tam tulh2 ta hian kan khawtlang nun a nghawng hlein ka hre bawk. Chhungkaw tha kan mamawh a ni.
Dan leh thupek ken kawh lamah kan chaklo hle niin a lang bawk. Law & order bawhchhiat hi misual tan hlauhawm rawh se. Tunaah hi zawng kan nep deuh chu a ni e.
Report this comment
November 9th, 2007 at 5:39 pm
Inkuah thuak thuak te hi ka duh lo reng reng. Tunlai phei chu Mizoram ah HCV a nasa lutuk tih doctor ten min hrilh zui lehnghal…thlan leh chil atang pawn a in kai chhawn theih a…mahni a kal nal nal/pen theks theks ka thlang zawk e.
Report this comment
November 10th, 2007 at 5:42 pm
Hremna a na lo. Hei hi a ni ber a chhan chu. Mi ram angin in crime case neite in registered bur a ni rih bawk si lo. Mi ramah chuan Crime case vawikhat an neih tawh chuan an dam chhung a effect a, an personal record-ah a chuan tlat tawh avangin hna an zawnna ah te, engkim an tihnaah a lang zel a ni. Hei hian misual nih a tihreh ve bawk niin ka hria. Keini erawh veng pakhatah sual tak pawh veng leh lamah chuan mi fel tak awmin kan awm leh mai thin a. Kohhranah an tlu lut a, mi chhawr ber berah an tang leh thei thin hi a pawi ve bawk.
Kan Society ang ah hi chuan Hremna hi na em em ringawt mai se, hmanlai chuan tualthattu chu a thah chhungten phuba an lak a thiang a, an that ve leh nge nge thin a, an thah loh vek chuan lal in ah a tlu lut a, kum khuain amah leh a thlah te chu lal bawih(Chhiahhlawh)ah an awm phah thin a. Tin, mi pawisawi leh khawtlang duh loh zawnga an awm chuan an khua atangin an hnawt chhuak a, an pemna khuaten an lo duhlo zela, rei tak an hnawng thin a ni. Heng te avang hian Mizo pipu nunah khan thil sual tih chu thih hrehin an hreh phah a, an khawtlang nun chu a nuam em em thin a ni.
Tunlaiah erawh chuan cheng sang hnih khat lek it avang pawhin tual kan that hreh ta lo em ni aw a tih theih a, central jail ah reilo te an tanga, an chhuah leh mai thin te hi a pawi lutuk. Tual that ngat phei chu kum khaw chang nun lohna khawpa hremna DAN zam ni se. Kan khawtlang nun a that phah ka ring.
Report this comment