mi(sual).com

Khawpui dai hnaia huan nei te’n an sawi ta fo mai a, ka han tuihnih ve ang e. Kan khawpui dai hnai mai ah mi tam takin huan an nei a, bianga thlantui far zawih zawih leh hah taka hna thawkin an huan ah thlai leh thei chi hrang hrangte an ching a. A rah seng a lo hun a, a neitu aiin midangin an chang tam ta daih mai thin ni awmin an sawi ka hre ve ta fo mai.

Heti hi anih chuan kut hnathawh hian hlawkna a nei thei dawn em ni? Hah taka an thawh hah sa a bo zel anih si chuan tu nge huan siam peih ta ang le? Sava veh niawm taka mi huana kal dun dun, hawi kual zuk zuk a, mi hmuh loh hlana huan thlai lawh ru zauh zauh hmuh tur an awm fo. Huan nei tam tak chuan an huan ah a vengtu tur hlawh neiin an chhawr a ngai ta. Hei hian hnam hmel a ti chhia. Rukru hnam kan ni miah si lo va.

Kan History reng han en hian hnamdang hlauva baklenga tlanchhiaa thlangtla ta kha kan nia, Mizote hi hnam huaisen zawk zawk chu kan ni lovin a lang. Hnamdangten awmna tlaka an ruatloh hmun chhengchhiaah kan inhamtang hlawm chu a nih hi. Hei hi kan dawihzep vang a ni thui khawp ang, inchhuang vak tur kan awm lo. Kan pi pute atrang renga chhumchhia, rethei leh fahrahte hmusita chhaih nawmnah ching tak kan ni, i awihloh chuan kan Mizo thawnthu te hi han belchiang la…A zahthlak angreng ngawt asin.

(more…)