Sunglass man to chhan!

August 31st, 2018 11:02 am by H.Vangchhia

Dawr chekhnawk ve deuhah te lo chuan sunglass man hi a sang em em ta mai chu a nia. Darthlalang them, thirhrui tawite leh plastic tereuhte remkhawm mai nisi hian sunglass (brand name!) ho hi an to uchuak em em mai a ni. Hetia sunglass man a san chhan, hniam lam aia san lam a pan zel zawk chhan hi engvang nge kan tih chuan, Italian company pakhat tu vak mahin an hriat lar lemloh, Luxottica company vang a ni a tih theih ang. Tunlaiah phei chuan sunglass quality tha tak tak RayBan, Oakley te leh chi hrang hrang bakah, lehkha chhiarna tur chi hrang hrang, vur tlengna a vuah chi ilo designer thiam tak tak siam duhthlan tur a tam hle mai – hetiang lar tak tak ho hi Luxottica ta deuh vek anni hlawm.

Luxottica hi khawvelah mit a vuah chi siamtu company lian ber a ni. Nikum hmasa lam tawh khan Luxottica CEO thin, Andrea Guerra chuan khawvel mipui billion chanve talin an tarmit siam an vuah niin a sawi hem mai. CBS news reporter-in engvang a tarmit man titlawm duhlo nge an nih, tia a zawh chuan, Andrea Guerra chuan, “a vuahtu turin nikhatah darkar 15 vel hahdam taka a vuah tur leh hmaifang danglam tak takte ta tur han siam chu hna a tam ve em a ni,” a ti.

He company, Luxottica, khawvel miten an hriat lar em em loh hi Agordo khua, Italy ramah kum 1961 khan din a ni. Bul an tan-tirh chuan tarmit frame pawh sathar ang chi, mountain goat ki (horn) hmang a siam ala ni. Sunglass tha chi kan tih ho reng reng te, tarmit frame tha chi emaw mit lam vuah chi reng reng a “Brand name” chin hi chu Luxottica siam deuh vek a lo nih chu – RayBan tarmit thlengin an ta a ni a, chubakah, tarmit dawr lar chu an lei vek titih tawh a ni. Smartmoney.com columnist Brad Arron chuan, siamtu hrang hrang awm anga kan ngai hi mit dawivaih angin a tehkhin nghe nghe a ni. Brad Arron vek chuan, “Pro-wrestling ang hian inelna lem (fake competition) a ni. Oakley pawh company lian tak a ni thin a Luxottica nen an in ngur takah chuan Luxottica chuan an dawrah an tarmit hralh a phalta silo a, Oakley stock a tlachhe ta nghal a – Luxottica chuan Oakley chu a leita a ni…Luxottica hian $30 a siam theihah $200 mipui hnenah an ngiat a ni”, a ti a; a sawizelnaah chuan, khawvel a brand name pheikhawk chi hrang hrang pawh hi a neitu chu company pakhat niin pheikhawk lar ho dawr pawh chumi company ta tho chu niin a sawi.

Source: CBS news

Similar Posts:

Recent Posts:

15 Responses to “Sunglass man to chhan!”

  1. 1
    XaiA Says:

    First tih vel lai te kha…hehehe

    [Report abuse]

  2. 2
    H.Vangchhia Says:

    @Xaia a lunglen thlak țhin teh e. Kha i first alawm hairehai :P

    [Report abuse]

  3. 3
    dtea Says:

    Password thar nen rawn 3rd ve e..hihi..
    Kan sawi deuh duah te’ng.

    Silent leh lent lo inkar vela awm ang vel niin ka inngai a, post fahrah te te pahnih khat te chu misual hlun ho cho chhuah nan leh, ni tin a ka lo tlawh ziah na a sulhnu neih loh a duh loh avangin.
    Misual fam ta te thlarau zahna avang tal pawhin he site hi kal reng se tih hi kan duhthusam a ni e.
    Mizoram diary leh thlatin fiamthu huang te pawh hi awm leh sela a va duhawm em!

    [Report abuse]

  4. 4
    dtea Says:

    Site admin te ṭang leh zual teh u khai.

    [Report abuse]

  5. 5
    H.Vangchhia Says:

    dtea (Y) i sawi, member kalta te … a dik ka ti hle mai. Chubakah, hmundanga kan biak that theih loh tur te nen lam a titi tlanza theihna hmun a nihna hi hlu tak niin ka hre bawk.

    [Report abuse]

  6. 6
    Mama_B Says:

    Main site ṭhat leh manah comment hrim hrim teh ang. Nakinah uluk deuhin ka la chhiar ang.

    Lunglenthlak ve…
    Password ka risk fuh hlauh mai

    [Report abuse]

  7. 7
    Phivawk Says:

    Bengvarthlak e

    [Report abuse]

  8. 8
    H.Vangchhia Says:

    Mama_B & Phivawk (Y) in va lut khat awm ve :P :D

    [Report abuse]

  9. 9
    Chhuaklinga Says:

    A lo ni maw,bengvarthlak e. 👍

    Post by Admin a inti dawn emaw ka tia. 🙊😂

    [Report abuse]

  10. 10
    H.Vangchhia Says:

    Chhuaklinga pawh a rawn lang hlawl mai. Avan lunglen thlak tak em. :)

    [Report abuse]

  11. 11
    Rodney Croman Says:

    Going Here

    Sunglass man to chhan! | mi(sual).com

    [Report abuse]

  12. 12
    Lorean Parkhurst Says:

    Hershel Neumaier

    Sunglass man to chhan! | mi(sual).com

    [Report abuse]

  13. 13
    Roughcasting and sandstone restoration forest of dean Says:

    gloucesterroofers,

    Sunglass man to chhan! | mi(sual).com

    [Report abuse]

  14. 14
    most homes did have a damp proof course including using bitumen longhope Says:

    Property survey thornbury

    Sunglass man to chhan! | mi(sual).com

    [Report abuse]

  15. 15
    Stove connections Says:

    Electric Garage Doors cheltenham

    Sunglass man to chhan! | mi(sual).com

    [Report abuse]

Leave a Reply

You must be logged in to post a comment.