‘Nangmah I inhmangaih angin I vengte pawh I hmangaih tur a ni,’(Mt 22:39)
Rawngbawlna kawngah hian chanchintha hril hi kan dah pawimawh ber rual hian, a chhehvel keimahni min hualtu thil pawimawh tak tak thenkhat hi kan ngaihthah deuh thin em aw tih theihna lai a awm thin. Thil tam tak sawi tur a awm rualin, a pawimawh ber zinga pakhat mahni thenawm khawvengte nena kan inlaichinnaah hian kohhran memberte hian Pathian thu pek kan zawm meuh em tih hi in ngaihtuah ho teh ang u.
Mahni vengte hmangaih hi Lal Isua khan a dah chungnung em em a, thupek ropui ber nen intlukpuiin a dah hial a nih kha! Kohhran mipui zawng zawng Pastor atanga a te ber thleng hian mahni inhmangaih lo tawp chu kan awm lo ang a, mahse mahni kan inhmangaih anga midang hmangaih chu kan lo awm mial a nih pawhin pahnih khat bak kan nih a rinawm loh.
Kan sawi thui lutuk loh nan Midangte hmangaih kawnga langsar ber pakhat midangte lungngaihna leh tuarna tawmpui chauh hi tarlangin hemi kawngah hian kohhran mipuite eng dinhmunah nge kan din in thlir teh ang
Khawtlangah chhiat tawh nikhua hian a phusa ber chu YMA an ni. Mahse a memberte chu kohhran mite vek tho kan ni a, hetah hian kohhran member a bikin hruaitu lamte hi kan indah hrang deuh thin em aw a tih theih. YMA hruaituten hnathawhkawr an hak laiin kohhran hruaitute chuan thingpui no an dawm thin an ti.Lal Isua Krista’n vengte hmangaih tura thu min pek chu a hmanna hun tur niawm takah kan inthiar fihlim a, kohhrana lang tam lutuk lo, khawlaia rui kawi vel mai maite tih awm tawk chauha kan dah deuh reuh thin hi chu Pathian duhzawng a nih a rinawm loh.
Lumen a ngaih zana lusun chhungte lungngaihna tawmpui a tul hunahte hian Kohhran hruaitu thenkhat chuan an fate an tir tha duh meuh lo, ‘ Zute an ina , sual an zir thin’ an ti hlauh! Hei hian a tarlan chu mahni an inhmangaih lutuk tihna a ni. Miin an hmangaih nghawih ngawih leh an thlakhlelh ngawih ngawihte an sun a, lungngaihna namen lo an tawh laia ‘ Mami/Mama nang chu va tlaivar ve suh aw’ ti thin nu leh pate hian mahni vengte hi an hmangaih a rinawm loh.
Thihna meuh hi chu mihring tawha rapthlak ber a nih avangin khawhar ina lenkhawm leh bungraw senghawi vela tel tura fate tir ngai reng reng lo hi chuan Pathian thu hi a bukin an thelh a ni. Hetiang nu leh pate vang hian nakin lawkah chuan Tlaivar nachang hre lo, thlan laih nachang hre lo, khawhar ina kal nachang hre lo thalai kan pung tual tual anga inhmangaih tawnna pawh a bo tual tual bawk ang. Kan hun tawn mekah pawh chumi sawhkhawk chu kan tem daih tawh a ni.
Kan khawtlang hi nasa takin a sawp chhe tawh a, YMA lamin a beih let nan ‘Khawtlang nun siamthat’ tih chu kumpuanah an hmang a, kohhran member tam tak erawh chuan kan ralthlir a ni. Lal Isua Krista kha chuan khawvel chhe lutuk a hmuh khan a awm mai mai thei lova, a van ropuina zawng zawng hlipin a lo kal a, mite tan rawngbawl sakin amah a inhlan a… Kohhrante hian eng nge kan tih ve dawn le. YMA tih turah kan dah dawn em ni? Luhchilha siamthata dinthar leh hi kan tih tur a ni dawn lawm ni?
KTP memberte lek phei hi chu kan mihringpuiten tanpui an ngaih a, kan thlamuanna an thlakhlelh ngawih ngawih chuan va tlaivarpui a, an tana kan tih theih tawk va tih a, thlante va laihsaka, va inhlan hi kan rawngbawlna awm reng a ni, tunah chuan Tlaivar zak zak thin tam zawk hi chu rui chi an ni deuh vek a ni, KTP ten kan tih tur kan tih tawk loh vangin Lungte zawk an au chhuak a ni.
Kohhran member thenkhat chuan YMA,MZP etc-te hi kan hmu khawvel tlat a, an zinga tel pawh kan duh meuh lo, mahse heng mite hriat thelh thin chu kohhran hi huap zo a ni a, keimahni huang chhung mai ni lovin mi zawng zawng a huap zo a ni tih hi. Kohhran dika awm lote chauh hian mi an huap zo thin lo tih hi theihnghilh loh a tha hle.
Similar Posts:
- Thikthu tel lo hmangaihna !
- Valentine’s Day Pualin : What True Love Means to Me.
- SMS chhas hi?
- I vanglai hian i siamtu hre reng rawh
- Inkhawm ti tlem ila!
Kan...
March 5th, 2010 at 8:18 am
Rilru tak tak a tuar te tawrh pui chu harsa mahse theih zeuh chang a awm thei ang a, mahse rilru tak tak a lawmte lawm pui hi a harsa zawk mahin ka hre thrin.
Report this comment
March 5th, 2010 at 8:20 am
Mihring rilru chhungril taka thil harsa tak pakhat chu Lawmte lawmpui hi a ni. Tah te tahpui aiin a har daih zawk.
Report this comment
March 5th, 2010 at 8:46 am
Mahni kan inhmangaih ang hi chuan mahni veng pui te mai mai chu hmangaih har kan ti tlang hlawm ngawt ang chu
Report this comment
March 5th, 2010 at 9:16 am
chiatni a inhman leh inhman loh/inhman dan chin tawk hi chu, post hmasa lama kan lo khel nual te nen khan a inkaihhnawihna chin a awm. Khawvel thang zelah hian kan la khel chho zel dawn chauh a ni.
Khawpui veng thenkhat a thlan laih leh mithi in riah an harsat deuh laiin, khaw tam takah chuan harsatna a la awm lo a. Khaw tin kan khai rual ngawt thei lo ang. Zirna khawvel a intihsiakna a san chhoh zel takah pawh hian, zirlai te tanghma hriatthiam pui a ngaih chin a awm chho zel dawn. Mahni tana chakai khawrh theuhna khawvelah hian in hman dan chin tawk kan hriat a tul zel ang. Khawtlang a in hman nasat chuan biakin inkhawm atanga eng eng committee neuh neuh nen. Fate hmakhua ngaih luat avanga a chintawk a inhman dan kan thiam chhoh te pawh a ngai zel ang.. He post hi debate na atana post tha a ni.
Keipawh tuar te va rawrh pui ai chuan lawm te lawmpui hi a harsa zawk em aw chu ka ti:twisted:
Report this comment
March 5th, 2010 at 9:46 am
@Pu shai: mithi In riah sawi tak ah chuan tlangval riak tur ho hian kerh kerh an tum kher zel hi ka ngai thei lo :lol: kei chuan ka tum ngai lo ah :lol:
Report this comment
March 5th, 2010 at 9:47 am
Hringnun hi; Thenkhat hlimna chu kan tan tahna, an tahna chu kan hlimna… Thenkhat hlawkna chu kan tan hekna, an hek/hlohna chu kan tan hlawkna ani leh si…
“Tuarte Tuarpui” ni loin, “…Tawrhpui”. Chutiangzelin “Tapte Tappui” ni loin,”…Tahpui”
Report this comment
March 5th, 2010 at 9:56 am
Hringnun hi; Thenkhat hlimna chu kan tan tahna, an tahna chu kan hlimna… Thenkhat hlawkna chu kan tan hekna, an hek/hlohna chu kan tan hlawkna ani leh si…
“Tuarte Tuarpui” ti loin, “…Tawrhpui” ti ta zawk la. Chutiangzelin “Tapte Tappui” ni loin,”…Tahpui”
Report this comment
March 5th, 2010 at 10:37 am
Hausakna kan tihte pawh hi a putu rilru mai a lo ni e. Nei tam anga kan ngaih, hausa inti lo, duhtawk ngah lo, rethei inti tlatte kan tam ta. Nei vak lo anga kan ngaih rilru hausa, mahni chan tawka lungawite hi an awhawm ber mai e.
Report this comment
March 5th, 2010 at 7:21 pm
A thupui ka chhiar khian Leikhi Miss kha a ko duat vel emaw ka ti dawn a
Trap te trahpui/tawrhpui hi chu mahniah han inchan ila a theih ve mai a, lawmte lawmpui hi chu..mahniah han inchan ila thin a ur tuuk duh riau a sin..
Report this comment
March 5th, 2010 at 10:32 pm
@9Jennifer Lo. Ka sawi tum tak i sawi chu le lungngai te tawrhpui te hi chu a awl zawk lawm te thinlung chhungril tak atanga lawmpui hi vengte hmangaih tak tak harsat na lai anih ka ring
vawikhat chu ka classmate hian kan result chhauhin kei ai in a ti chhe deuh a min haw hlen ringawt maw le,
Report this comment
March 5th, 2010 at 11:17 pm
Kan politician ho hi party khata awm te pawh leh thri-beh ho ngat te pawh hi; thawhpuite chet fuh loh na lama dinhmun thra luah duh keuh hi an tam hmel ka ti.
Chutiangin Party workers ho poh hi pumpui chauh hmangaih an tam duh hmel sup sup ka ti thrin. Minister threnkhat te hi chuan an workers ho ning fe fe pawh an awm tho maithei asin.
Rorelpui tum leh herh kawi tum pawl hi ZU rem mai lo tur ang vel hi niin ka hria. Kan moral hi a la hniam kiuh keuh em mai.
Report this comment
August 10th, 2010 at 11:24 pm
@XaiA, ka sawi tur tak i rawn sawi e. Ni e, mizo te hian lawmte lawmpui kan harsat thin a, a tawrhpui lamah hi chuan kan tuan a that hi maw? Hnamfing te chuan mi talent nei tha te an lo chher puitling thin.
Report this comment