Misual han inkawmkhawm hi chu a nuam mang e! Kan hlim, kan induhsak bawk nen. Hmel hmuh loh karhla thiante hun remchang inherchhuaka kan intawn hlawl changa kan inpawhziate hi keini pachhe deuh tan chuan a chhenfakawm ngei mai!
Amaherawhchu, thu chi hrang hrang kan post leh kan comment-ahte hian fimkhur lehzual a tul hle a hriatna ka nei lian hle thin. Kan thu post-te ngaihnawm hlawm viau thin mahse kan hnam tawng neihchhun Mizo tawng hi i uluk hram teh ang u. Mobile phone changkannain min rawn chiahpuam tak hnu hian kan tawng hian uaithlak lam a pan tlat mai hian rilru a kap thin.
Thu lamtawi leh spelling dik mang lova ziak a tam ta viau mai hi a buaipuiawm ta.SMS a hman thin niawm tak, heng :- cu, sim sim, ltk, khn, leh a dang tam takte hian Mizo tawng a tidalin chhiar a hrehawm em em a ni. Chuvangin, kan comment emaw thupui kan post emaw tawng dik, lamtawi nilo hmang hram ang u hmiang.
Tin, a bikin, kan comment na lamah hian thu hrawmhraw tak tak, zahmawh lamte hial pawh kan sawi mai thin. Mizo tawng kalphung leh Mizo nunphunga thu khuh tak hriatthiam theih tho site hi a hlutna man a tul asin. Pipu chhuan atangin zahmawh lam phei chu a ngial a nganin sawi ngai a ni lova, nunphungah pawh uchuak lam a pawl hle zawk thin. Fiamthu thawh ila, thupui sawi ho ila, thu inchuh ila, mahse tawng hman i fimkhur ang u hmiang.
Misual member kan tam tial tial leh mi thar tlangnel taka lo lenglut a cham ve ta nghalte hian he site hi a tihlu lehzual. Kan pung anga, hriatna leh thiamna pawh kan inhlan tawn anga, hlim takin inkawmkhawm ang u. Chuti lo zawng mi(sual) hian ‘zakhua a rawi tan e..’ ka ti mai dawn asin!!
Similar Posts:
- Ka hmuh dan chu…
- Shemale!! MAK Lutuk………….
- Zahmawh sawi hi sual a ni em?
- Mi(5ual) Plugins a Duhthu ka sam na!!
- Mizo tawng hi i ziak fimkhur ang u
Ka first khat...
March 8th, 2010 at 3:00 pm
Muantea hmanna hi a dik ang. Tawngkamah “Hmingchhiatna zakhua a lo ni e” tih te, vanduaina zakhaw lamtluang maw lo ni?” tih te hman a ni a. “Rawi” hi beidawng/pawlhdal lam sawina a niin ka hria a. Chuti a nih chuan “Zakhua kan rawi e tih chu kan buai chuar zo sawina a ni.
Rawi hmanna thenkhat: Keini chhung zawng kan rawi zo ta. (Keini chhung zawng beisei tur kan awm tawh lo, kan khaw lo zo ta)
Rawi: Bai hi han Chawhchaw rawi ila, a tui dan a dang thei fu mai. etc..
Zakhua: Hmingchhiatna zakhua mai maw kan chan tawk, buaina zakhua a va sei dawn em etc..
Report this comment
March 8th, 2010 at 4:37 pm
@ Diktea-pa leh zorunpuia! Thil hi a ni tlat emaw tih a, mahni chian chian a chian riau hi a awm ve a nia
In pi/pu/upa zawk zawh tur mai an awm lo a nih chuan dictionary en ve mai teh u. Hei Mizo-English Dictionaryah ka en a, ka comment kha a lo dik ngei e.
Diktea-pa sawi ang hian naupang ri luaih luaih hnenah chuan ‘zakhua in rawi e’ a tih theih. Chumi awm zia chu in bengchheng lutuk a, thildang a tih theih loh, in huhang a na lutuk etc. tihna lam daih a ni (naupang ri/tap luaih luaih chu an influential reng a ni lawm ni ?
@ zorunpuia! ZAKHUA tih leh RAWI dah kawp a, a awmze chhut khawm ngawt chi a ni lo, a awm kawpin a awmza a dang. HMEI leh CHHIA awmzia a hrang a chhut ang vel a ni e.
‘A dik ang’ emaw, ‘A dik zawk ka ring’ tih ringawt ai a tanchhan tha, entirnan..chumi kha mi dictionary-ah chuan a awm emaw, ‘Kapu a awmze hre chiang tak in min hrilh’ emaw tan chhan mumal deuh in neih loh chuan ka naupan lai atang a tawngupa ka hriat ve chhun zing a mi a nih avangin a awmzia ka hriat dan (diktak hi
)ka sawh danglam thei dawn lo 
@Muantea, Nang pawh khan dictionary chu i nei reng lawm ni..en ve mai la
Tin, tlai office banah i mail ka han chhang ang!
Report this comment
March 8th, 2010 at 8:35 pm
@elcee ka lawm khawp mai.. i hriat dan huai tak a Pu Buanga dict. zul deuh a i pho/ziak chhuak hi! Kan pawm e :!:
Kum 1? ka pelh hma trang tawh khan, hmai zûr fe fe pawh ka kawm tam fu. “Zâ khua kan/in etc. rawi” tih hi sawi zik-tluak/fum-fe thei ka tawng lo a niang :?:
{Duh-lian to ? , Dictionary-ah hian Chin(?)-Chhuak a chhui an tam lo(awm lo) a ni ta ve ang!}
Chu-tih-rual chuan Lam-tawi/thu ziak mu-mal lo/Zah-mawh ngial-ngan tak etc. A ngai(h)mawh thu Sawi na’n @muantea’n “Zakhua kan rawi e!!” a hmang hi dik lohna ka hmuh pui lo ka’n ti Rawt/Rawih mai a nge.
A hmang trangkai thiam in an hman zui hi, khak zui trul in ka hre lem lo! Tisa mu-tawh kaih thawh lehna piah lamah, Thu-mu hnu kaih thawh thiam mi(sual) in awm hi ka sual zualna a ni fo a nia! 
Report this comment
March 8th, 2010 at 9:10 pm
nizan zan khuain ti hian kalo ngaihtuah a.naktuk zing chu muantea post ah elcee-i zakhua a rawi e ka ti ang ka lo ti reuh reuh a.
hei a va rawi leh se hmel loh ve.
elcee hian a ti dik zawk hmel riauin ka hria.
elcee, zakhua a rawi ta tho chuan ka hria.
Report this comment
March 8th, 2010 at 9:29 pm
Trawng kau chheh kan hman hun,tlûk leh a kawh tum a zir hian Zo-trawng chu a pawh fân theih a nia! Hman-lai Lal leh khawn-bawlte khan “Zā Khua zawng kan rawi ve na’ng a… Ral do tur em chuan…” a’n ti mai lo’ng maw? :?:
Report this comment
March 8th, 2010 at 9:42 pm
Ka ni tin tawngkamah “zakhua kan rawi,” tih kher kher hi ka la hmang ve chhin ngai lo! Phrase nge idiom a nih pawh ka hrethiam chuang vak bawk hek lo! Phrase-ah ka’n ngai ngawt a … in sawi dan liam liam atang chuan chi hnihin a hman theih a va ang ve le!
Report this comment
March 8th, 2010 at 9:50 pm
@chawnghilh #106 ka nui huk nia! Chi 2 ai tam-ah a hman theih zawk lo maw?
Report this comment
March 8th, 2010 at 10:39 pm
Ekhai!!! Ka tisual ta nge maw ni ka ti hman a, mahse ka hman dan leh ka hriat dan nghet tlat a nih avang hian chiang mai turah ngaiin tanchhan lam ngaihtuah hauh lovin ka han hmang ve ngawt a nia. Ka lo hriat dan hi a dik tawk loh chuan Mizo tawng ka hriatchian belhna ni mai teh se.
A thuhrimah ‘Zakhua’ leh ‘rawi’ hi ziak zawm loh tur niin ka hria. Noun leh verb a awmze nei tura hman, phrase, a nih tlat avangin. Pi elcee pawh hi a ti tha khawp mai..tawng lama tui leh thiam a ni a, thangkhat lian dawn rampawna a awm hnuah pawh Mizo tawng uluk takin a hmang thin tih a hriat e. Tlang hrangah thu hman erawh a hrang zeuh zeuh thin. ‘Zakhaw rawi’ chungchang sawifiah ho talte pawh a tha e. Sawi zel ila kan hlawkpui hrim hrim ang.
Report this comment
March 9th, 2010 at 1:32 am
234
Report this comment
March 9th, 2010 at 3:54 am
@elcee, ka hmanna kha a dik lohna a awm ka hre lo. Pu Buanga dictionary ah chuan hetiang hian a sawi:
za-khua, adj. to, for, upon, affecting or extending to all or everybody; to, for, upon, affecting or extending to the whole company, family, community, country, etc; family, communal, general, national, universal, etc. (This zakhua is always preceded or followed by the suffix-na.) Hming chhiatna zakhua a lo ni ta (or) Hming chhiat zakhuana a lo ni ta = It has resulted in a bad name for everybody concerned. Buaina zakhua a thleng ang e (or) Buai zakhuana a thleng ang e = Trouble
Tin, ziahzawm thuah Zakhua tih leh Rawi tih hi zawm tur a ni ngai lo. Zakhua hi thumal pakhat a ni a, Rawi hi thumal pakhat a ni.
Rawi tih hi pawlhdal sawina a ni ang, Lusei tawng chuan tawng upa a nih rualin Hmar leh Lai dialect hmang ho tan tawng upa a ni lo va, an ni tan chuan pawlh tihna a la ni reng.
Zakhua erawh kan sawi fiah tawh a, sawi nawn ngai tawh loah dah ila.. Mizo tawng upa kan tih reng reng hi Hmar, Paite, Lai etc.. te tawngkam pangngai a la ni deuh vek.
Report this comment
March 9th, 2010 at 4:00 am
Mama sawi hi a dik ang.
Report this comment
March 9th, 2010 at 4:46 am
Hman deuh khan, Mizo tawng standard ala awm lo tih ngaihdan ka siam a. Ka sawina chhan pawh M.A.L ho seminar ka hmelhriat ve tawh vang a ni. Chanchinbuah ka ziak nghe nghe. Tawng lettu ka tawng hnem viau. Mahse, a hnu lawkah M.A.L chuan, Mizo tawng, khawnkhawm a, mumal zawka grammar (functional & structure)siamthat an rawt thu hi an journal ah ka chhiar tlat mai. Tunah dinhmunah chuan inti hrechiang deuh ten, heihi a dik zawk an ti mai thin niin ka hria. Chuvangin, mizotawng (dynamic) kalphung hi tunlai globalization kalphung te nen kan bih nawn tulin ka hria..Mizo tawngin thu ziak dawn ila, lehkhabu rawn tur vang viauin ka hria.
Report this comment
March 9th, 2010 at 5:18 am
@Epis : Interesting. Ka subject ni ngai lo mah se, ka intikâwlhrâwng ve nasa mai a. Dynamic ai mah hian Rigid & Static lu’ lam hreta kal an tum khawng lutuk deuh hi ka mil kim sêng chiah thìn lo va, “Mizo tawng standard a la awm lo,” i ti huai ve ngam ngat a nih chuan—lawng pakhata chuang tlâng kan nih ngei chu le!
Report this comment
March 9th, 2010 at 10:45 am
Pu Buanga dictionary page 557:- za-khua”rawi- to be influential, well equipped or gifted in many different directions; to be a multum in parvo, to be a host in oneself, to be many things rolled in one, to be versatile, to be competent in many directions, to be the life and soul of a party, to be able to keep one so entertained that no others are needed to keep one company.
A lamtawi chuan Pu Chawnghilh ang hi tihna
Report this comment
March 9th, 2010 at 12:24 pm
Muantea hian Zakhua rawi a ti ngawt lo va “Zakhua kan rawi e” a tih deuh kher avangin a sawi tum hi hrang daih a ni. Pu Buanga dictionary hi ka hmu tho a, mahse muantea hmanna leh a thumal chhehdan en hian a sawi tum chu kan sawifiah tawh ang hi a ni zawk.
Report this comment
March 9th, 2010 at 10:06 pm
@Zorunpuia! Zakhua hi thumal pakhat a ni a, Rawi pawh thumal pakhat ni mahse Zakhua leh rawi sentense pakhat a thil sawifiah nan a i hman kawp chhung chuan a mal in a awmzia i let hrang thei lo. Entirnan KHAWVEL hi thumal pakhat a ni a CHHING hi thumal pakhat a ni bawk a. ‘khawvel chhing’ tih hi i hmang kawp a nih erawh chuan a awmzia a dang daih tawh, an inkarah thudang pawh dah la sentense pakhat a thil sawifiah nan a i hman kawp chhung chuan a awmzia a hrang in a leh theih loh. Nang chu dictionary i en hnuah pawh a hrang in a awmzia i let lui tlat a
Zakhua tih leh rawi tih kha a hrang a en luih tlat ai chuan Zakhaw rawi tih sawifiahna kha en ve mai la 
Chuan i comment hmasa a diklohna lai i hriat loh thu i han ziak a, nakinah i tanna a dik lo tih i hriat chhuah hunah han sawi leh hreh lem bawk lo la 
Report this comment