Hmanni deuh khan ka Malayali (Kerala mi cheng te sawina) thianpa nen chuan thil lam dan te eng eng emaw kan sawi duna. An tawng Malayalam ran zia leh an lam dan mak ka tih zia te ka sawi a. Entirnan ‘Kalapakadda’ tih te hi anni lam dan chuan ‘kalapakra’ tih ang in an lam daiha, ’Chinakadda’ pawh ‘chinakara’ an ti a, ‘zh’ te hi ‘rh’ ang lek lek in an lam a.
‘Kazhikode’ te poh ‘Karhikode’ ti ang in an lama. Tin ‘nj’ hi ‘ng’ kan lam ang lek lek in an lam ri bawk a, ‘Kanji’ te pawh ‘kanni’ ti ang deuh hlek in an lam bawk a. An thluk dan diktak ang tur hi chuan kan lei (tongue) hi kan hmang thiamlo ani ber. Tichuan Mizo tawng kan hrilh ve a, thumal pakhat in awmzia a neih tam zia te ka sawi a. ‘Aw’ hi ‘o’ ang in lam la ka ti a. Tichuan Aizawl chu Aizol ti ang in lam tur ka ti a.
Chutia kan titi mawlh mawlh lai chuan Delhi mi hi lo kal ve in Aizawl a ni lo, Aizwal alawm rawn ti ta tlat a. Kei chuan Aizwal hi hawrawp diklo ani a, Aizawl tih tur a ni, tun hnai ah mi thenkhat in a awlsam zawng in ‘Ijol’ ti ten an ziak ve bawk a, mahse tuman Aizwal tiin kan sawi ngailo ka ti a. Delhi vaipa chuan kan tet te atangin kan zirlaibu ah pawh Aizwal tih vek ania, kan ziah naah pawh chutiang hlir chuan kan ziak tho lawm, Aizawl pawh nise Aizwal ka ti tho ang a ti ta tlat mai a. Tlem a tlem ah kan in chhang thinur thelh a.
Mahse ka’n in ngaihtuah a. Tet lai atanga zirlaibu a an lo zir ngheh tawh ani miau a, ama thiam loh nilo in a lehkhabu buatsaitute zawk ani tiin ka ngaihtuah ta zawk a. Zirlaibu chauh nilo in, lehkhabu hrang hrang ah pawh hian Aizwal tih hi an ziahdan tlanglawn ani teh tak a, kan ‘zawl’ kha vai ho chuan ‘zwal’ tiin min thlak sak der tawh alo ni reng mai tih ka thianpa thusawi tang chuan ka hrechhuak thara, kan khawpui ber mai hnamdang ho in anilo hlir mai a min ziahsak hi enge in ngaihdan le?
Ka rilru a thil lo awm thar pakhat chu nikum lam khan engemaw thu ziak diklo zirlaibu ah a awm avang khan Pawl pakhat chuan hnam tan tiin lehkhabu kha mipui hriat ah an hal kha ani a. Khang mi te khan History pawh nilo tun huna kan khawpui hming diklo a min ziahsak fo hi, a ziaktute emaw hnamdang ho hriat ah hian kan duhlo ani, hetiang hi a diklo ani tiin an hal ve ngam a ngem le… Nge ‘mahni venga Sakei, mi venga Arpui’ an tih ang hian pawr ngamna chin an nei zawk ang le? Hma la tu an awm loh chuan AIZAWL hi a la AIZWAL dawn tlat .
Similar Posts:
- AIZWAL????
- Zirlaibu nuai 8 chuang maw?
- Mo Leh Monu Nge Mo Neitu Leh Mopa?
- Tamdil hi Tualbung ramchhung ami a ni
- Lalruotmawi an phuar dawn
May 23rd, 2010 at 7:49 pm
ai awih,ai bumro!!!!
Report this comment
May 23rd, 2010 at 7:49 pm
ai laidum
Report this comment
May 23rd, 2010 at 7:49 pm
ai gupta
Report this comment
May 23rd, 2010 at 7:50 pm
ai um
Report this comment
May 23rd, 2010 at 7:52 pm
Aizawl khua hi Sap ho din ania, sapho in a hming an phuah ani bawka chuvang chuan Aijal tih kha a hming dik ber ni in ka hria. Airport code ah pawh AJL an la hmang reng
Report this comment
May 23rd, 2010 at 7:52 pm
Aw chu o anga kan lam rik ngai ka va hre lo ve, aizawl pawh aizawl kan ti mai, aizol chu kan ti ngailo (hnamdang ho chuan an ti mahna) Aw chu Aw, O poh O
Report this comment
May 23rd, 2010 at 8:00 pm
Miten Bombay aia Mumbai an tih a, Madras aia Chennai an tih a, Culcutta aia Kolkata an tih leh, Bangalore aia Bengaluru an thlan tawh mek laia AIZAWL tih AIZWAL-a thlak tum te chu a..
A humhalh tur chu Keini Mizote bak an awm lo. Kan humhalh loh chuan kan mawh a ni ang.
(Tunah meuh chuan miin Bombay,Madras an ti vak2 tawh lo, Mumbai, Chennai an ti mai tawh)
@Aryan: Sap hmingsak leh pek hi khawi hmunah pawh mahni hnam leh ram tawng zela thlak mek zel a ni hi maw
Report this comment
May 23rd, 2010 at 8:05 pm
Aryan, ka awih chiah lo mange aw :lol: Aizawl lal te khan Aijal an tih hi ka ringlo hrim hrim. Hnamdang te chuan an version in an lam a ni ve mai. Mizo pawn Kolkata hi Kulkhut kan ti ve thin tho alawm. Police pawh polite, obedient, loyality, intelligent, courage, earnest a nih laiin, Germany ah chuan Polizei an ti daih tho alawm.
Aizawl bik ah erawh chuan hrelo te apiang AIZAWL hi a dik zawk a ni, a ram mipui te ngei koh dan a ni e, tih hi hrilh peih fo a tha ka ti.
Report this comment
May 23rd, 2010 at 8:11 pm
hming thlak dawn chuan state sorkar in central ah ngen phawt a ngai ang
Report this comment
May 23rd, 2010 at 8:14 pm
Mizo tawngah Aizwal a awm thei lo, Mizo tawng-ah chuan, a letter formation atang pawh hian. ‘Aw’ hi english ho in ‘o’ an lam dan ag a lam ani tlangpui. Mizo chuan aw hi kan thluk fan deuh a, o erawh kan thluk tawi(bung) deuh thung. Hei hi hnamdang in an neih ve loh vang-in an hrethiam thin lo a, Mizo tawng a ‘aw’ meaning leh pronunciation hi kan hrilh thiam angai. Ka sawi fiah kuar thiam bik lo, zaizir leh voice angai tlat :lol: hehe
Report this comment
May 23rd, 2010 at 8:17 pm
filliz, Mizo tawng English a lam dawn chuan hetiang hi a nih zawk hmel.
AW – O as in On.
O – O as in Over.
Mizo te hian English alphabet kan lam dan hi alphabet, A, B, C an lam dan anga kan lam ve loh avang hian han sawi fiah mai hi a har fo a ni. Ahems
Mizo chuan, ‘on’ hi on tiin kan lam ( a dik) nangin, ‘over’ pawh hi ‘on’ kan lam ang tho in, Awver angin kan lam mai thin niin ka hria, a dik lo a ni.
Report this comment
May 23rd, 2010 at 8:24 pm
Aizwal kan tih chuan hnamdang ten an lam dan tur cu – ‘AIZUAL’ tih lam a ni dawn tlat. Chuvang in i thiante i hrilh dan Aizol tih pawh kha a dik reng mai. Hnam dangin ‘aw’ hi a lam dan an hre tlat lo a, ‘wa’ erawh chu ‘ua’ or ‘va’ in an lam thei a..
Report this comment
May 23rd, 2010 at 8:28 pm
@filliz: An lam diklo a nih pawhin a pawilo, mahse an ziak dik tur a ni :lol:
Report this comment
May 23rd, 2010 at 8:29 pm
Hetiang lamah hi chuan ‘ti se ti se’ emaw helai a inhnial vak2 lo hian kan admin Sandman an nikum april thla a a blog a a ziah ang hian mahni hma zawnah theuh hma lak i tum vek zawk ang u.
A link chu a hnuai a mi hi a ni e.
https://www.mizohican.blogspot......se-1a.html
Report this comment
May 23rd, 2010 at 8:31 pm
AIZAWL CHU AIZAWL< thiante i hrilh dawn pawn AIZAWL tho. An ngeng viau anih leh, Aw = O as in On, tih hreh loh tur. Vai ho in tunlai ah an Hindi movie thing deuh deuh, english alphabet in an ziak a, an lam dan nen a in mil ngailo ang hi Mizo tawng a ni velo tih hriat atha. eg: Chehera (face) pawh Chehra tiin an ziak daih.
Mizo chuan mahni alphabet ngei English alphabet atanga siam kan nei. Vai ho chuan English alphabet atanga siam an nei velo. An ni anga duh2 a ziah kual vel mai mai tur a ni ve lo.
Mizo tawng, Mizo thil neih reng reng hi a ti dal/dava zawng hian hnamdang te hi engmah kan hrilh tur a nilo.
Report this comment
May 23rd, 2010 at 8:32 pm
Hei hi hre vek rawh u, tet tawt hlawm mai
MIZO TAWNG AH CHUAN:
AW – O as in On.
O – O as in Over.
Report this comment
May 23rd, 2010 at 8:32 pm
@pu hv, kha kha ka sawi tum dan chu alawm, ka sawi chhuak thiam chiah lo a.. Example nen i pek chuan a chiang kuarh mai.
Hnamdang ho bulah hian ‘aw’ leh ‘ng’ kan lam dan kan hrilh hmasak phot loh chuan an mahni tawng or English a a rem dan ang in an lam tawp zel ania. Hrilh hriat tum hram2 ang u, kan thiam dan ang ang in.
Report this comment
May 23rd, 2010 at 8:34 pm
ty ‘muah’ and good luck.
Report this comment
May 23rd, 2010 at 8:41 pm
Ka hriatsual loh chuan tuna City Park leh Raj Bhavan vel khi hmun zawl tha tak, Aidu hmun ania. Chuta tang chuan Aiduzawl antia,chumi hnuah Aizawl. Aijal chungchang chu comment #8 ami khi anih ka ring
Report this comment
May 23rd, 2010 at 8:43 pm
@zephenath, a dik ka ti. Mahse, a lam dan remchang kan hrilh pah khan Mizotawng a ‘aw’ pronounce dan kha hrilh hre pah zel ila. A lam dan kan hrilh hnu ah a ziah dan kan hrilh leh hram hram ang chu. Mizotawng hi hnamdang lam dan leh duh dan anga kaih her mai hi a tha lo. Entirnan, hming ziah dan chungchang te hi..
Report this comment
May 23rd, 2010 at 8:45 pm
A tul chuan ka hrilh fiah hrep zel. India ram chhunga kan awm ve tak ngawt dan thleng hian ka sawi vak zel :lol:
Henu pawh hi kar hmasa khan ka hrilh nual
https://www.cnn.com/CNN/anchors......jill.html
2001 pawh khan India republic day lawmna ah MSA (Mizo Society of America) member te kan lam ve a (Kei chuan Darkhuang ka vua, a vuakna a chhia a, ka chum char2
). US defence secretary kha chief guest ah an sawm a, stage hnungah mahni introduce dun mah ila tunge anih kalo ngaihtuah lo tawp mai a, nel zetin Mizo te chanchin kalo hrilh mial mial a. Pu Zuala chuan ka biak mek chu tunge anih min hrilh ta a, ka in thlahrung leh hnahnawh viau nangin, ka rilru tak chu a lawm viau thung. Program an han tan ta a, ka kawm hrep pa lawm chuan an kutbeng chu a thum ta chur2 a hairehai 
A tul chuan sawi mial mial mai tur ka tihna a ni e.
Report this comment
May 23rd, 2010 at 8:56 pm
Ka hmin a ‘..awma’ tih pawh hi hnamdang chuan ‘wama’ tiin min lo thlaksak leh thina. Ka id a a inziah dan hi a ni mai ka tih pawhin hetiang a awm thei hleinem, i ziak sual’ hi min ti let hrep zel a, chuvang chuan ania, hrilh hriat hram hram a tha ka tih na chhan chu.
Sap ho (English) sawi dan chuan Aizawl chu Aijal, Lunglei chu Lungleh, Lusei chu Lushai.. :twisted:
Report this comment
May 23rd, 2010 at 9:01 pm
filliz, “Italian tawng in chhiar angin chhiar rawh u,” ti hmak rawh. Ka last name ‘Vangchhia,” pawh hi vai ang chu nise, an buai fo ang. Mahse, an fing khawp mai, hawihhawm takin, “how do you pronounce your name,” min ti mai zel, office ilo han dawr te hian. Ka hrilh fo nangin a chang chuan, Italian angin lam rawh ka tih chuan an lam sual tawh ngai lemlo.
Report this comment
May 23rd, 2010 at 9:01 pm
Ladki=Lardki, as in thau equals Lard in English (Larki anilo ania aw); Aizwal=Aizawl ani mai lawm :lol:
Report this comment
May 23rd, 2010 at 9:06 pm
A ni mai lo thin deuh alawm
Report this comment
May 23rd, 2010 at 9:54 pm
Aizawl a lawm :lol:
‘Aizawl a mi ngei’ tih hla pawh a awm kha.
Report this comment
May 23rd, 2010 at 9:59 pm
Law pawh hi vai ang chu nise Lwa
Report this comment
May 23rd, 2010 at 10:18 pm
aizawl chu aizawl. Mizoram capital ani e.. in lo hriat loh takin
Report this comment
May 23rd, 2010 at 10:21 pm
State te tak te mah ni ila, vaihoin kan capital ve meuh mi’n han tih-AizWAl-sak talh mai hi chu a ngeiawm ve ang reng thin. Keini zawk pawhin lam har deuh pawh nise, state capital chinte chu kan ziak dik thlap thlap thei tho sia. Websites tam zawkah pawh hian registration forms velah Aizwal tih a ni tlat thin a. Thenkhat chu siam tha turin ka ngen a, an siam tha nghal vat tlangpui.
Report this comment
May 24th, 2010 at 12:32 am
Kan politician hmasa te atang tawhin Mizoram hi kawng tinrengin an sawisa. Thangthar te hi chuan kan phal tawh tur a nilo.
Cheraw – bamboo dance maw, teuh lo mai, Aizawl – Aizwal maw, ni awkhawzawng lo mai, zawng ho.
Report this comment
May 24th, 2010 at 12:57 am
Kei chu Aizwal/Aizawal tih tum talhho hi saptawnga ‘crawl’ ‘sprawl’ tih te hi ka ziak a, ka chhiartir thin a, an lam dik thei reng tho thin si a. A hnua ‘Aizawl’ tih han chhiarttir leh pawhin an lam dik thei deuh zel tawh thin.
Mizo tawngah hian ‘aw’ chu kan nei a, ‘w’ emaw ‘wa’ emaw hi chu kan nei tel lo, a hmanna tur pawh a awm lem lo bawk.
Aizawl tih hming hi Sapho sak a ni chiah em ni? Mizoho sak a nih ka ring zawk. Sapho khan anmahnin an lam thin dan angin an ziak mai thin a ni lo maw?
Report this comment
May 24th, 2010 at 1:02 am
A lamdan tur in buaipuina lamah enge a nih in theihnghilh don alom male :lol:
Ai ai aizawl, mizoram khawpui hi……
Ai ai aizawl, hei ngei hi….a tih kha vincy pon…
Report this comment
May 24th, 2010 at 1:03 am
haltekhua, i idea pawh khi a tha khups ang chu
Report this comment
May 24th, 2010 at 1:10 am
kripia dhyan di jiye…..please bckle ur seatbelt, straighten you seat and lift ur window shade..we will be landing shortly at aijal…NOI
take me down to paradise city
where the grass is green and the girls are pretty
o won’t u please take me home..ya ya
Report this comment
May 24th, 2010 at 1:18 am
Misual.com admin, Sandman hian hemi siamthat tumin theihtawpin hma ala tawh a. A hma lakna pawh a hlawhtling khawp mai. Internet site emaw mimala kan hmu anih pawhin hrilhriat dan zawn hram2 a tha khawp mai. Khawtlang pawl tihtur chauh nilovin, mimal pawhin nasa takin thawh theih a ni tih chu Sandman hnathawh atang hian alang.
Report this comment
May 24th, 2010 at 1:51 am
Sandman ahnathawh hi afakawm khawp mai,
misuala kuthlei tak tak e.g. B0nez,funny.G0thica te chhungkua ?
tehi han tangrual sela an thawhhlawk dawn asin le aw..lol,N0I
Report this comment
May 24th, 2010 at 11:58 am
@ 26…teleptuama…keichu Aijal tih hi ka thlawp asin…lol
Kerala style in hming pahnih nei thluah ila ni mai:
eg
Calicut-Kozhikode
Cochin-Kochi/Ernakulam
Palghat-Palakkad
Kasargode-Kasarghat
Hmanah Ernakulam train station ah hian cochin kal dan tur kan zawt kual tak2 mai anih kha…huizzz
Report this comment
May 24th, 2010 at 12:43 pm
Aijal club pawh kan nei a ni lawm ni?
Report this comment
May 24th, 2010 at 1:55 pm
Miin a dik zawk an hrilh ngawih pawh a, Aizwal la tih tlat, Delhi vaipa chu a mawl awm hle mai…a chi dang, (a fal)a hrilhfiah chi a nih chu….ka thin a rim kher mai…
Kan Chief Minister pawh Lal-than-Hwala min tihsak hmel eee
Aizawl hi = sapho lam thiam lovin Aijal an ti mai mai a lawm. Aijal an tih hma daih a, Aizawl, Aiduzawl atanga , ‘du’ lai paih a, Aizawl tih lo ni ta a ni.
Report this comment
May 24th, 2010 at 3:29 pm
Hotu lamten an sawi fo hi maw le… Changkang lo leh oficial lo chin atrangin hetiang hi chu a la rawn thleng nawk thrin
Report this comment