India ram chhiarpui hi a ram mipui kawng hrang hranga an dinhmun hriatna tura kum 1872 atanga neih tan a niin tun hi chhiarpui vawi 15 na a ni. Tun tumah hian a vawi khatna atan National Population Register (NPR) kalpui a ni dawn a.
Hemi hnuaiah hian ram chhung himna tha zawka kalpui a nih theihna turin India rama cheng kum 15 chin te chu an chanchin bakah thlalak te,kut zungtang 10 thla te leh mit naute thla lak tel a ni ang. Hei hi tihfel a nih hunah Unique Identity Authority of India (UIDAI) ah UID number pek tur thawn a ni ang. UIDAI hi Planning Commission hnuaiah nikum June ni 25-a din niin an hotupa hi Nandan Nilekani niin cabinet minister tluka a siam a ni.
Mitin te number hrang vek pek an nih hnuah UIDAI hian census hotute hnen lamah thawn let lehin National Identity Card peh chhuah tan a ni ang. Hei hi kumin August atanga tanin kum li chhunga zawh hman tum a ni. Number hi tunhma chuan pianni leh thla zulzui pek thin ni mah se venthawn thil thuah UID number hi inpawlhsawp (random) a tih tur a ni.
Tin, Microchi/Biochip hi eng chiah nge a nih tih chu science lam thiamte sawifiah atan dah ila. Sakawlh chhinchhiahna ni tur anga biochip sawi lartu ber chu The Mark of the New World Order tih ziaktu Terry Cook niin a lang a. An sawi dan chuan Biochip chu buhfang tia emaw lek niin chu chu kut dinglamah emaw, chalah emaw inchiuna hmanga kah luh zeuh tur a ni a.
Hetiang hi ram changkangah chuan ranvulh bakah mihringah pawh hman chhin tawh a ni a. Biochip kan hman hunah chuan Credit Card anga hmangin tuna pawisa kan hman ang hi hmang tawh lovin, pawisa awm tawh lohna khawvel (Cashless Society)-ah kan awm ang a, biochip tello chuan engmah thil lei leh hralh a theih dawn loh niin sawi a ni thin.
Tun tum chhiarpui leh UID hi thenkhat chuan Sakawlh lo lan tannaah ngaiin an hming an pe duh lo a ni awm a. Tin, biochip/microchip nena sawi zawmin hei hi Thup 13:17 a “Chhinchhiahna – Sakawlh hming emaw a hming namber emaw – neite chauh lo chuan tuman engmah an lei leh an hralh theih loh nan” tih thlen dikna turah an ngai a ni. Biochip hi UID nen sawizawm tum an awm niin a lang a; mahse UID ruahmannaah Biochip hi sawi lan a ni lo tih chhinchhiah ila.
Keini chuan heng kan sawi tak te sakawlh chhinchhiahna a nih ringtute sawi dan Bible atangin kan thlir ang.
UID HI SAKAWLH HMANRUA A NI THEI ANG EM? UIDAI Strategy Overview tih bu Planning Commission in a chhuah hi phek 45 laia chhah a ni a, sawi vek sen a ni lo. Tin, Sakawlh hming pawh kan hre fur a, eng nge a nih hriat tuma Bible zir erawh an tam lem lo. Sakawlh chu Krista dodala ringtute tidudahtu a ni a, a number chu 666 a ni a, chumi chhinchhiahna chu mihring ten an nei ang. Ngun taka han zir chuan heng UID leh Sakawlh te hi rinthu belh nual loh chuan heng thil pahnihte hi sawi zawm a har fu.
Pangang hlauin pangang an hmu thei ang deuh hian sakawlh hlau chuan sakawlh ni thei awm hi an hmu thei viau zel a. Sakawlh ai chuan Beram No nunnem ber hi thil a tithei zawk a sin maw le…Engpawhnise hengte hi hria ila:
1. Bible hian sakawlh zuituten sakawlh chhinchhiahna – Sakawlh hming emaw number (666) emaw an neih tur thu a sawi a; chhinchhiahna number hrang theuh nei tur ang zawngin a sawi lo (Thup 13:17 en la). UID hi India rama chengte inchhinchhiahna tur a ni.
2. Krista dodaltu sakawlh, ringtute tiduhdahtu tur hian keini ringtute hi a chhinchhiahna min pe duh ang em?
3. ID card hi ram changkang chuan an nei fur a, thil thar teh vak a ni lo. Kan chhak lawk Myanmar pawhin an nei a, Mahpumte(?) an ti a ni lawm ni? Burma Mahpumte aia changkang zawk nei turah inngaih mai tur a nih hmel. Ram dangah chuan hetiang hi hna zawnnaah te, passport siam dawn te, bank account hawn dawn te in hman a ngai thin.
4. A hman dan hi lehkha kan zir laia kan library card ang deuh kha ni maiin ka hria; library computer-a ka library number an chhut luh chuan eng zirlai nge ka nih tih leh ka lehkhbu hawh chhuah dan engkim an hre nghal vek thin. Chuvangin hetiang inchhinchhiahna hi ram pum huap a nih tak vanga hlauh tur awmin a lang lo.
5. Krista dodaltu lak atanga him duh vanga Krista taksa leh a mo – Kohhran chhuahsana bihruk tum hi tih lo tawp tur a ni.
6. Sakawlh chungchanga chhinchhiahna Bible in ‘an kut dinglamah emaw, an chalah emaw’ (Thup 13:16) a tih hi a saptawng chuan ‘to be marked on the right hand or the forehead’ (NRSV) tih a ni a. ‘in’ ti lova ‘on’ tih anih vang hian pawn lam hmuh theih chhinchhiahna a kawk thei ang. Greek tawng chuan kharakma niin chu chu kher (engrave), chhinchhiah tihna te a ni a, sakhaw lam chhinchhiahna, tattoo anga hmuh theih a nih a rinawm.
7. Thup 14:9 hi uluk taka chhiar chuan chhinchhiahna neituten sakawlh chibai an buk ni lovin, sakawlh leh a lem chibai buktuten a chhinchhiahna an nei chauh zawk niin a lang. Tuna mi thenkhat hlauhthawn dan hi chu a letling deuh a ni.
8. Sakawlh chungchanga hremna lo lang hi ‘thil lei leh hralh’ chungchang ni lovin, sakawlh chibai buka a chhinchhiahna neih chungchang zel zawk a ni. Sakawlh (Pathian ni lo thil dang – mahni mihring duh dan) chibai buk hreh hauh lo, chhinchhiahna neih hlau viau si a awm theih ang em?
9. Bible hian chhinchhiahna a ti satliah lo a, sakawlh chhinchhiahna emaw, hming emaw, number emaw a ti zel a. UID ruahmannaah biochip/microchip hi sawi lan a ni lo va, hengte hi tu hming leh number emaw, chhinchhiahna emaw a ni lo tih hria ila.
10. Sakawlhin a chhinchhiahna a neih tir tur hi ‘mi zawng zawng’ tih a nih lain UID nei tur hi kum 15 chin chauh a ni tih pawh hi hre tel ila.
11. Bible zirtute chuan Sakawlh hi Nero-a emaw, Rom Sorkar emaw niin an sawi tlangpui thin a, (Kumin Presbyterian Nilai zan zirlaibu en la). Bible zir lo sakawlh buaipuitute hian tunhma chuan number 666 hi an chhui vak thin a, tun hnaiah chuan pawisa awm tawh lohna khawvel (Cashless Society) an buaipui leh ta thung niin a lang. Natna chunchangah chuan Medical doctor thu awih mai a, Pathian thu hrilhfiahnaah chuan Pathian thu zirte sawi awih mai hi a hriselin a hahdam.
Similar Posts:
- Sakawlh 666
- Sakawlh Nambar: 666
- Engtin nge ni dawn le?
- Mahni mobile no hriat dan
- Lalpa’n Khawvel a ti mualpho leh ta..!!! Atheist te pawh a la timualpho zel ang che u..!!
May 24th, 2010 at 1:36 am
Report this comment
May 24th, 2010 at 2:04 am
Dawihzep ek sazu! sakawlh aiin ka kawlh!
Report this comment
May 24th, 2010 at 2:21 am
Insawi hlauh chawp mai mai mawle. Hnamdang hriatah pawh a zahthlak lulai lutuk e. “Kristian ho hlauh hi a nep em mai an sakhuana pawh hi a tha lo tawp ang,” an ti mai tur asin.
Report this comment
May 24th, 2010 at 2:24 am
Hluah tur an zawng maw le..auh.
Report this comment
May 24th, 2010 at 2:26 am
hlauh tur tam toh nakalaia..
Report this comment
May 24th, 2010 at 2:28 am
Eng eng nge hluah tur chu>>>>he he he
Report this comment
May 24th, 2010 at 2:30 am
@Johnroyte: I hming spelling (Mizo tawngin) a dikloh deuh vang nge i hlauh spelling vawi 2 lai i miss tlat
Report this comment
May 24th, 2010 at 2:32 am
Ha ha ha,ka lo miz palh ani maw..zephenathania….
Report this comment
May 24th, 2010 at 2:34 am
@44.. ka post an hreng mek.. ilo en dawn nia hehe
Report this comment
May 24th, 2010 at 2:37 am
German Goth em ni
Report this comment
May 24th, 2010 at 2:50 am
Pu henry,emoticons ka download ve hi ka hmang thei tlat lo a minpui thei mial lo maw?
Report this comment
May 24th, 2010 at 2:54 am
Hlauh tur vak a awm pawh ka hre lo. Bible thu a thleng dik zel a nih paw’n ringtute tan enge hlauh tur awm? Pathian thutiam hlenin a awk zel tihna ni maiin ka hria. Bible chuan Isua lokal leh tur hun a sawi a, chung hrilhlawkna te chu a thleng mek zel anih chuan Isua lokal leh hun a hnai tawh tihna a ni mai a – Bible thu hi thu mai mai ni lovin thil tak a ni tih a tichiang mai lo’m ni? Chumai bakah, khawvel tawp lo thleng tur chu mihring tan lo danchah theih ngawt chi a ni lova, chutilozawng Bible-in thu min tiam kha hlenchhuah a ni thei nang!
Report this comment
May 24th, 2010 at 2:57 am
John, misual ah hian an post tawh ngei mai, ka hre ta mailo a thupui. Nangmah khan i hman tho chuan han risk kual vel chhin ta che, search ah khian. Sorry
Report this comment
May 24th, 2010 at 4:18 am
misual hlauh tur an tam alom
Report this comment
May 24th, 2010 at 6:18 am
uid leh sakawlh chu e,thil azawnga in tuha lo te zinga mi ani hial ang chu maw le.keini kristian tan chuan insawitheihna tlak pawh a tling lo mah zawk awm e.uid ang te hi chu ram tam zawkte lo neih tawh/mek hi a ni mai e;a tangkai hle thung.Burma card,mahpumte khi ‘hmat-pung-tin’tih zawk tur a ni e(tlawmngaite chawimawi hi,khawtin dan a ni,tia,khawtin dan thluk anga thluk tur a ni.
Report this comment
May 24th, 2010 at 8:32 am
Isua chanchintha aia sakawlh chanchin tuipui an tam an ti
Report this comment
May 24th, 2010 at 10:06 am
No comment… Ka ning !!!
Report this comment
May 24th, 2010 at 10:58 am
kawlh kawlh kawlh tih reng mai.. hi chu ninawm ve khawp mai ka pawt kawlh vek dawn cheu mawnile aw :lol:
Report this comment
May 24th, 2010 at 11:03 am
Sazaidam i sawi ho zawk teh ang u :lol:
Report this comment
May 24th, 2010 at 12:19 pm
sahmul hi ka tan chuan a hlauom…ka allergic a..
Report this comment
May 24th, 2010 at 12:21 pm
Jewel tan hi chuan engpawh mai hi allergen an ni vek maiin ka hria…hehehe :lol:
Report this comment
May 24th, 2010 at 12:23 pm
Kei hi SAKAWLH sa ka va eichak eeee…,Jewel ka pa i ti em?…hahaha.. :lol:
Report this comment
May 24th, 2010 at 12:30 pm
van damme, ka allergic che ti kha ka silh to che mi? :lol: Nangte chu sa hrim2 chu tui i ti vek alom..sakolh phei chu tui iti ngot ang!! :lol:
Report this comment
May 24th, 2010 at 12:35 pm
Jewel hi sakawlh, ṭeu nasa ang chu!
Report this comment
May 24th, 2010 at 12:37 pm
HETSS…shalla..Diktea_Pa, chutin i ti ang mo? grrrrrr :twisted:
Report this comment
May 24th, 2010 at 3:01 pm
Sakawlh leh lunglum hlaua tlanchhe reng mai pawl kan awm hi chu kan va khawngaihthlak tak em !!!
Mizote hi Pathianthu hlim leh lawmna lam kan duh luatah kan thlir chianglo hle thin a,kan kalsual fo mai niin a lang.
1906 atanga 1935 bawr vel a Zoram pumhuap harhna (revival) tumli lai a lo thlen pawh khan a tum 2 na vel atang kha chuan kalsual pawl an lo chhuak der tawh.
A sawi huai huai,a phuah chawp huai huai, a Kohhran nek na ngam ngam thu sawi kha a rau a maw kan ti tlat zel.
Ti dam thei apui pawh kan tam ta e !!
Self style evengelists,mahni lawina kohhrana pawha inkhawm tha peih mang hleilo tam tak hian hman ang reng takin khaw hrang hrang an fanga,huai deuh deuh in chiang taka an hriat thawi kha an sawi vak vak a,mahni tawka Bible zir/bih peih manglo inti thlarau mi,mi thusawi leh thlarau ‘PAIKAR’ ching ho chuan anmahni kohhran thurin ngei kalha an rawn sawi paw’n an hallelui thuai zela,a dik chiah chuan Nu-ho er awr hi lawm,an mittui an titla thuai a,pa ho aattention hi an draw thuai mai a,pa tha diam duam,nupuite ngamloh vang nilova an thu awih em em mai ho kan tam lutuk hi a ni bawk.
Beroia khua mite kha chu Paula-te vanglaia tihdamna nen a rawng an bawl vanglai pawh khan an awih duak duak reng renglo,an zirtirna kha Pathian thu dik a ni em tiin nitin an zir,a an chhiar thin a sin (Act 17:10-15, ‘They listened to the message with great eagerness,and every day they studied the scriptures to see if what Paul said was really true’)kha daih kha sin mite chu !
A mak hran lo e,ti mai teh ang,Nicene Creed AD 325 a lo chhuah na chhan pawh zirtirna dikloin a lo hrinchhuah kha chu a ni phawt mai a ti zawng pawhin a ngaihtuah theih ang chu.Mahse kan kal sual loh nan heng chanchinte hi inzir nan hmang thei ila tha tur !!!
Liberal theology,chuti khati kan ti viau thin a,mahse kan rama kalsual tamna chhan ber pakhat hi chu selfstyle evangelists leh mahni tawka Bible interprete hote hi an ni tlat.
Exegesis leh Eisegesis bawk hi mawle.A hmasa zawk khi chuan a original text leh context atangin him takin a background hre chungin a zir a,zirtirna a pe a,a hnuhnung hi chuan a duh hawi hawiin, a tui pui zawng zawngin a kai pharh a,chuvang chuan mahni in leh lo hralh ral thakin Sangauahte,Thaltlangahte,Tlangsamahte.etc..etc..kan tlan chhe ta chum chum mai a lo ni e.A bul ber chu Nuho hmalakna bawk !!
Chumai a ni hlei nem khawpui sir deuha inkulh hote thlengin an pawl ni velo chu Babulon mi an ti a,Pa leh Fa,Nu leh Fa & pa; Pa & nu ; nu & fa & mo & tu & all other relatives & thiante thlengin etc. an in tui thlar lawng lawng mai a,chu chu Pathian thuin kan hre tlat a,mi pangngai awm fu fu pawh hmuihmul zuahin an thu nui vur vur e an tih chuuu!!!Hmui hmul met se nupuite thu thu a awm loh deuh dante zir se tha tur !
In ngaihtuah chiana sim a hun viau a ni.
Report this comment