Khang hunlaite khan hmanlai an chang zo dawn ta. Ka ngaihtuah a, ka ngaihtuah nawn leh thin. He thil ka hmuh hian khang hunlai kha ka min hriatchhuah tir fo a, ka ngai thin ngei mai. Thupuia luh hmain he picture hi han thir ve phawt teh u.
Ka zinna Kawngpui kam thingpui dawr a an menu a nia, a lian tha khawp mai, Bangah an tar tawp mai mawle :!:
Thupuiah lut leh ang. Kum tam chu a vei ve ta. He thingah hian kan lawn nasa thin. Kan Biak In mawitu ber kha a ni thin a, April kung chu a ni ngei a, mahse, April thla chanve velah khan a par tan thin a, May thla bul lam kan chuan kai meuh chuan a par mawi vanglai tak kha a ni thin.
naupang te te kan la ni. Chawlhni kha kan nghakhlel thin ngawt mai, Zing atangin Inkhawm turin kan inpuahchah nghal a, chaw eikham veleh Thawhlawm tur naia sawmhnih (Pawisa 20) hum tat tat chung khan Biak In lam kha kan pan a. Sunde Sikul a kan zirtirtute khan April kunga kan lawn tur kha min veng thin, kan tlak an hlau si, keinin lawn kan chak bawk si. A kakpuiah hian han thut ngei kha ka tum ve thin a.
Tunah chuan kum tam a vei tawh tih hriat takin a zungte pawh alo puak chhuak tawh a, lei chung langah a rawn in phan ta tuak mai. Tar lam pan ni tawh mahse, a chakna a hlauhlo tih a hriat a, Lei thuahthip chhah tak tak pawh a nawr khi tiar tuar a, a tawntlang phuk phuk mai.
Mihringte hian kan lo upat tial tial hian kan tleirawl laia kan mawina te kha kan hlauh hret hret a, atawpah chuan mite hmuh a mawina reng kan nei tawh thin lo.
He thing erawh hi chuan a upat hnu pawhin a mawina a hlauh mailo a, a mawina zia tam zawkin a chhuah zel zawk a. A zung inphan tiak tuak leh a taksa ser deu dawute hian a upatna tilang mahse, a mawina a belh chhah zawk a ni. Mihringte erawh, kan upatna tilangtute hian kan mawina a hliah thin si a.
Similar Posts:
- Lawngtlai ah Mizoram record thleng?
- Ka pu chempui (thing tuak)
- Ho mai mai
- Ka han thar thawh leh teh ang
- Pathian Chungchang
Kan...
June 5th, 2010 at 4:36 pm
mahni lung tileng tawk te te hi he hringnum khawvel kan zawhna kawngah hian kan kalpel zel mai dawn chu a nih hi.
June 5th, 2010 at 4:40 pm
Uisa plate 2,paratha per 6 leh thingpui no 1. ka minlo pe tih tur awm se ka bul hnai ah hian:)
June 5th, 2010 at 4:40 pm
shaalaaaaaa….3rd….huhuhu..
June 5th, 2010 at 5:12 pm
Kan upatna tilangtute hian kan mawina a hliah thin si…chai tham fe a nih hi hei hi..
A sawitu azirin ngaihdan pawh a saisa nukin a rinawm bawk. Upatna hian hmel mawina zawng a hliah ngei taka, mahse, chhungril mawina leh thatna te hi zawng chatuan chatuan pawha ral ngai lo tur a ni si..
Zo tawng ziakdan-ah bawk kir leh a chakawm mang e…a thupui hi..CHUAI LO TEN VUL ZEL ANG CHE tih ni se a dik thlap mai tur hi a nia. TEN tih hi TE-IN tih laktawi ni mah se, ziak zawm mai hi a pawi lem lovin ka hria.
June 5th, 2010 at 5:24 pm
menu chu paper a print out a sem kual velh ai chuan a awlsam phian dawn khi mawle
June 5th, 2010 at 5:28 pm
Pimpom post a ni bawka, kan khawngaih comment sak ve ang e!
June 5th, 2010 at 5:32 pm
Midang tana engmah nilo te hi kan tan chuan lung ti leng em2 tute an ni ve tlat thin.keini tan chuan thingkung satliah,nangma tan chuan chuailo kung a ni moooo 8O
June 5th, 2010 at 5:39 pm
fly-wheel chhia mau phel hmangin kan han khalh a brruuuunnnnn ti pah a khawlaie kan han tlan kual laite kha min ti hrechhuak alawm, meizial bung chhar tur a kan han in bin zek mai thin te kha anuam riau a lawm, a lunglen thlak thrin ngawt mai…
June 5th, 2010 at 5:52 pm
Zanlawn kawngsir chaw dawr a intar a nih duh hmel mang e a
April kung khi Khawbung a mi a ni em, ka hmuh hnu avan ang vele?!
June 5th, 2010 at 6:21 pm
He MENU hi Serkhan daia (About 2 KM from Serkhan towards Kolasib)Pi Vuli dawr menu a ni ngat ang!
June 5th, 2010 at 6:35 pm
menu chu in va hre hlaw ve :!:
BMW: Minlo khawngaih a ka lawm em em e.
Coolsoul09: Zotawng ziak dan lamah hi chuan ka rawn tlak loh zia alang chiang hle a nih khi. Chuvang ania helam chanchinah hi chuan ka reh hmak zel. .he..he…
June 5th, 2010 at 6:38 pm
Tin, ka post hi ava chhuak hma em em ve! Min tiphu zawk alawm le.
June 5th, 2010 at 6:49 pm
@pimpoma – topic a tam lo em. HVa topic kha June 15 a chhuah tur a lo ni leh daih bawk sia. Zep lut ta zeuh mai nih hi
June 5th, 2010 at 8:12 pm
Sai-Ar tawk lo mi PimPom!! :lol:
June 5th, 2010 at 8:24 pm
Lung a va ti leng ri riai hlawm ve aw :!:
Menu khi chu ka hmu ve tawh kei pawh :lol:
June 5th, 2010 at 8:50 pm
menu khi Zoram ka awm ve thin lai chuan thingpui hi Rs 1 niin ka hria.atra leh zochhang nen hian Rs 3 niin ka hre tlat.chuan sawhchiar hi Rs 5 niin ka hria.
thil raate a kai ve hle mai..
June 5th, 2010 at 8:56 pm
@Goldie: A lawmawm lamah ngai ang.
@Drake: Saiar chu hmu mahila ka cupture tawhlo ang. :lol:
June 6th, 2010 at 1:12 am
An menu chu a chian kelh kawlh ve le @@@@far_star Serkhan thlang kawng chho tui khawhtlak na thlang kawng zau lai a mi kha i tihna em ni.Ka chawl ve zeuh zeuh tawh.A neitunu pawh hanglam samkir mit,,,,, deuh kha hahaha
June 6th, 2010 at 2:26 am
Mi chhe dai kil kar a mi, tu’n ka ui ka ar min tih loh ni mah ila, ka lunglenna tur tawk te te hi ka tawng hnem tawh khawp mai. Lung han tileng zual tur hian ka hun neih hian a zir lo em mai pawh a.
Lunglenna hi mihring ze pakhat hlu tak niin ka hre ve thin. Lunglen hi hrehawm tak, nuam si a ni.
June 6th, 2010 at 3:15 am
a nih tak khi a.
June 6th, 2010 at 1:54 pm
menu khi World Record a nih ka ring. Khi ai lian khi eng restaurant ah mah an hman ka ringlo.
June 6th, 2010 at 2:00 pm
khitiang menu khian ka lung ati leng topz.
Ka ngaihtuah ta mai2 a, Mizoramah hian “Paratha” hi kan ti thla teh ngawta, North Indian ho ina “Bhatura” an tih hi anih hmel zawk e, kalo tia.
Hmanah ka thianpa pakhatin hnamdang a hruai haw a, “Hotel” a tam ati khawp mai
“Sunde” hi enge maw ni chiah le .. hihiiii..
June 6th, 2010 at 2:20 pm
Uaiizz: kan naupan laia kan lam dan in ka rawn ziak a ni e. Sunday School tih ka sawi tumna a ni.
June 6th, 2010 at 2:25 pm
lolz.. PimPom, nia ka rawn fiamthu mai mai. Mi tam tak hian official-in an hmang nasa ta bawk sia, mahni tawng ani lo bawka “Sunday School” tih deuh chawrh mai kha hriatthiam a awl ka ti mai mai ani.
Naupan laia kan thil lam dan tam tak kha tun hnua ka ngaihtuah leh hian kala khi vur vur thei