Lunglei District Transport Officer (DTO) in thu a chhuah danin Lunglei District chhunga motor awm, district dang hminga registered te Lunglei District chhungah ngei tun thla (July 2010) chhung ngeiin registration an ti tha vek tur a ti. A sawi zel naah hetianga hmun dang (eg. MZ-01 etc..) registration-a tih hi dan kalh, Motor Vehicle Act 1998 Sec 42, 43 & 60 a ni a ti. Hrem theih an ni a, a tul dan azirin an Registration pawh CANCEL hial theih niin a sawi bawk (Act Sec. 53). Chuvangin Lunglei chhunga awm motor-te Lunglei registration-a tih vek tur a ni.
Thil tih hmaih theih leh ngaihtuah ngaite:
1. Hetiang a nih chuan, a hmasaberah – entawntlâka awm tur chu Sorkar bawk, chuan Lunglei-a Sorkar Deptt. Motor awm – Aizawl registered etc. zawng zawng te hi tih that hmasak vek nise, chuan mipui rilru a dam anga, tin, mipuiin thu an awih phah deuh ang.
2. Hmun (District) dang / khaw danga awm, Lunglei-a hnathawk, lo awm lailawk te, awm nghet lem lo turte tan a buaithlak thei hle ang. Dânin a phal loh chuan dan angin kal tlang ngam se, an awm lailawk emaw, awm lailawk lo emaw, registration hi an ti tha vek turah ngai phawt ang.
3. He thil hi ngaihtuah chian chuan, Transport Deptt. te hian an mawng an hlimna mai niin a lang. A tira hetiang dan awm reng te chu… Ngatinge motor leitu mipuite an duh duhna hmuna registration tih an lo phalsak thin. Dân lovin thil an lo tisual hmasa a, registration ti turte tan dân (criteria) mumal an siam lo nge, pawisa duh vangin an lo register pawp pawp mai thin zawk? Zawhna thui tak awm thei a ni, tin a chhânna pawh hriat chakawm tak a ni bawk.
4. Hetiang a nih chuan District tinah rualkhai takin thil kapui se, sorkar hi rintlakin, rin ngamin thil ti thin se, rualkhai lo taka thiltih hi mipuite beng tithleptu mai a ni thei angem, nge mirethei leh hausate thliarin, thil tithei deuh nia langte kan ngaidam leh mai dawn? Dânin mi a ngaidam ve ngai lo.
Sawi ve tawh rawh ule….
Similar Posts:
- Thilmak, zahthlak bawk, tunge mawh phur?
- Lunglei District tana Health Care News
- Mizoram Motor Registration
- Inneih register ngai tawh dawn
- Lawngtlai DTO leh a behbawm
Kan...
July 17th, 2010 at 3:37 pm
Heihi kan vei hmasak a ngai
Report this comment
July 17th, 2010 at 3:40 pm
Lunglei a kan police motor ho pawh kha MZ-01 tho an ni
Report this comment
July 17th, 2010 at 3:45 pm
He order hi dist dangah anti ve em?
Report this comment
July 17th, 2010 at 3:47 pm
Khai awwww…. Va buaithlak om ve. Ka Road tax pawh nakum may thleng ala nung asin. Ka registration poh kum 2018 thleng valid a, a hranpa in, poisa chawi nawn leh angai don tihna mi. ”alo mak thei ngei mai”
Report this comment
July 17th, 2010 at 3:51 pm
‘Lunglei District chhunga motor awm’ tih hi engtiang chin awm nge ni ang aw? Lungleiah thlakhat lai cham turin ka kal a, chu chu a huam angem? Sorkar hnathawk Aizawl khua ka ni a, Lungleiah min transfer avangin ka motor MZ 01 …. chu kum tam fe Lungleiah ka kawl dawn a, hei hi a huam angem? Hriatchian deuh ava chakawm ve. Lunglei motor Mz 02 tan Aizawla road tax pek an phallo tlat te, chutiang bawka Aizawl motor tan Lungleia road tax pek an phallo te hi tibo se lo tih tawh zawk naklaiin a.
Report this comment
July 17th, 2010 at 3:59 pm
Sawrkar in tihtur a tih hi chu, tha tak hian han zawm phawt mai ila a fuh ber. Sawrkar kan tawiawm that leh mipui tan a tha, “a ni pawh/an ni pawh enge an nih bik,” tihna rilru kan neih hian thil tha a chhuah ngailo. Mi entawn tlak a sawrkar awmtir tum ai chuan mipui te hian sawrkar entawn tlak a awm kan tum a hun tawh.
Mipui/vantlang hian sawrkar hnathawk te eiruk kan remti a, an eiruk hnu in kan sawisel leh si. Contractor te thalo leh pawlawh taka an hnathawh kan remtih sak a, an hna a tlo loh hian puhmawh tur kan dap leh si. Pathian thu kan ring kan ti a, kan inkhawm a, kut tlinglo pawisa kan hnial ngam bawk hek lo.
Mipui/vantlang zawmthawtna avangin Mizoram ah nasa takin hlemhletna a awm a, kan thanmawh bawk te chu kan la hlauh tlawn thung a, kan zah em em mai a, Sir sir kan la ti. Tunah phei chuan an lut thuk lutuk tawh a, case ah pawh an la ngam tawh lo te pawh a ang rum2. Diriam a vantlang pawn ensan ngam tur zawk an ni dawn lawm ni. An eiruk tur fuih nan thamna kan pe hreh hek lo. Mipui te hi kan tan a thawk tu te entawn tlak in awm a hun tawh. Eiru te pawn an in ziah bo thiam avangin an in leh lo, sum chelek danah mipuiin kan hailo, Mizoram tan phuba la duh an la awm vat ang tih ngaihtuah phak a tha.
not a speach, not a threat, just a thought.
Indian Vehicle Acts:
https://www.vakilno1.com/bareac.....es-Act.htm
Report this comment
July 17th, 2010 at 4:03 pm
Pu Hv gud morning. a dik, vawk talh rawh an tih chuan talh mai tur. mipui bawkin an ei ang. sa hawn tumin fatu ah trang lo se an ni mai.
Report this comment
July 17th, 2010 at 4:05 pm
mkima, morning morning
Report this comment
July 17th, 2010 at 4:11 pm
awmawmpuia #5 point khi thuneituten an sawifiah a tha ang. Lunglei a motor awm han tihah chuan, va zin a, thla 2/3 cham tur pawh, an registration tih thar vek tur nge? Tin, sawrkar hnathawk tam zawk hian (80% aia tam) sorkar motor an kawl lo a. Anmahni private motor in an ‘duty’ a ni. Mizoram pumah he dan hi lo kengkawh dawn ta se la, an district tinah an register thar leh vek zel a ngai dawn tihna em ni? Sawrkar hnathawk thenkhatte chu thla 3/4 emaw, kum khat pawh tling lo a sawn chhuah leh tawk an awm thei. Kumtin, district hranah an motor an register thar ziah dawn tihna emni dawn?
Report this comment
July 17th, 2010 at 4:20 pm
va mak ve ooo, Pisa hnathawkin Lungleiah Kum 5 vel ka om dawn a, lungleiah ka register leh ang mo? buaithlak om ve
Report this comment
July 17th, 2010 at 5:07 pm
MV Act Sec an refer khi 40 ni zawk awm tak ani. Sec 40 ah chuan ‘… to be registered by Registering Authority in whose Jurisdiction he has residence or place of business where the vehicle is normally kept’ tih ani a. Aizawla ka khawsak laiin ka register a, Lungleiah ka insawn ta a, Sec 49 kha han chhiar ve teh u, register that leh tur tih lam ani lo ani. DTO ah kan in report anga ani in kan documentah kan address alo thlak dawn tih ava nih hmel ve. Saptawng thiam deuh han che teh u.
Report this comment
July 17th, 2010 at 5:17 pm
Dan hi chu dan a ni, pawisa tan a tha. Pawisa lo tan pawh thil nam liam ve mai mai theih a ni tho, kan thenawmah Florida registration pawh kum fe an awm, car intlan thelh sung sung a ni tho va.
Lunglei District chang lo pawhin an ti ve ang em? Lai Autonomous phei chuan Chakma leh Mara an rep zeih ni berin ka hria a, TOLL chungchangah khan!
Mahni District ni lo registration vaihma tur hian traffic lam an inpeih et awt chuan ka ring chuang lo!
Report this comment
July 17th, 2010 at 5:18 pm
awmawmpuia, chiang reng alawm :
Laws – Motor Vehicles Act:
40. Registration, where to be made.
Subject to the provisions of section 42, section 43 and section 60, every owner of a motor vehicle shall cause the vehicle to be registered by a registering authority in whose jurisdiction he has the residence or place of business where the vehicle is normally kept.
https://www.vakilno1.com/bareac.....es-Act.htm
Report this comment
July 17th, 2010 at 5:31 pm
@HV : Ka inkhalh chhuak a, kawng peng thuamah ka buai thut zeuh zeuh thin, Mizoram Traffic Police an lo fel tawh khawp. “A dik em?” tia zawt pahin ka khalh, min chhang polite hle hlawm. Police smart tak tak kan nei ve ta. Aizawl-a an tlan dan ka thiam kim tep tawhin ka ring. Mahse, kawng zim khawimaw laiah ‘right is right’ hmun US ang deuhva an observe-na lai a awm zauh zauh va, chhinchhiah chian a ngai khawp! World Bank Lamlianpui chu Hmuifang thleng ka zawh chhuak tawh.
Report this comment
July 17th, 2010 at 5:35 pm
chawnghilh: Indicator light tih en khan, i kalna lam tur midang i hrilh ni lovin, midang hnenah “min rawn tlan pel thei” tihna a la ni em, hairehai ? :lol:
Report this comment
July 17th, 2010 at 5:39 pm
HV, pl see 11
Report this comment
July 17th, 2010 at 5:41 pm
chawnghilh, Aizawla tlandan hi a thiam kim tak tak theih miah loh ania aw. Traffic SP thar kan neih apiangin an thlak kual mai ani.
Report this comment
July 17th, 2010 at 5:43 pm
@HV : Hei hi ka la chiang chuang rih lo, hmanah kha chuan “ka peng dawn” emaw “min tlan pel ta che” tihna ang deuhah khan kan hmang.
Lamlian laitaa rin BROKEN leh UNBROKEN a awm ve ngai si lo, ka buai deuh hlek zauh zauh! Mahse, ka GET USED rang khawp mai! Kan lo tih hnu, mahse Aizawl-ah chuan ROUTE an thlak zing hi ka buaina a ni fo. 1989-a Ludhiana ka zuk khawsa, ka hawng leh pawh, Traffic Police-in min hrawk hrep. Misual awmin ka awm tawp. Route an lo thlak tawh vang mai mai!
Report this comment
July 17th, 2010 at 5:47 pm
Drivers/driving license la tur te hi uluk takin traffic law hi test tir thin se ka ti khawp mai, traffic jam pawh a zia phah khawp ang.
Report this comment
July 17th, 2010 at 5:53 pm
@HV : Lamlian laitaa rin ngil leh broken pawh, a kapkalaka rawn tlan chiam an awm. A manganthlak theih khawp! Chuvangin, Driver License la tur hi chuan signal chi tinreng hi chu zir chiang kim se. MVA kalphung kha a tha ber!
Report this comment
July 17th, 2010 at 6:27 pm
Aizawl Dist bak an la computerise hma khan Serchhip-ah Driving License ka han ti fel hman chiah chiah..chulah No Tolerance Week of 2008 Dec ah min laksak (insurance felloh vangin, insurance hi mangnghilh a awl kher mai), date-line min tuk hmain ka va ti fel vek. Ka Driving License va lam ka tum, an hmuzo lo..tun thleng hian driving license telloin ka la tlan vawk vawk mai..mahse, ka driving license No. kha ka lo hre kiau a..in check ni khua pawh hian man ka pumpelh ve hram zel :lol:
Report this comment
July 17th, 2010 at 6:36 pm
shabito…keipawh driving license, RC leh Insurance tel lovin guwahati ah kum 1 chhung bike ka khalh
mizoram license ka ti bo a nagaland drving licese in absentia in ka la…ka permanent adress chu mokokchung…lolzzzzzzz
Report this comment
July 17th, 2010 at 6:39 pm
HV & chawnghilh, US vela traffic rules/laws nen chuan a dang khawp ang le… :lol:
Report this comment
July 17th, 2010 at 7:06 pm
Tunlai chu Lunglei khawchhung a lirthei a tlanchhuan a nuam khawp mai, hmuntin deuh thaw ah Traffic Police te an in zarpharh a, dan bawhchhia lirthei khalh leh tlanchak lutuk an veh reng mai! Motor tlan a tlem thut dan ah kan khawchhung ah hian dan phalloh a Motor khalh an lo la tam hle niin ka hria, a zahthlak a, pawh ka ti. 100% zawm theilo mah ila a theih chin chin chu zawm tum ve tur, eg Driving licence, tax, two wheeler tan Helmet kaih thlap..etc. Zawm an har hlawm lemlo a sin.
Nizan erawh kha chu chhum zing em em kar ah ka tlan a, hnai set sawt ah hian Traffic Police khan hamrik a ham tuar mai a, Tlanchak deuh ila chuan ka ding hman kherlo ang.
Report this comment
July 17th, 2010 at 7:43 pm
@ 4, X_MAN_19, MV Act Sec 49 khi han chhiarchiang teh.
Report this comment
July 17th, 2010 at 9:48 pm
Hei hi alwm buaithlak chu.pu saitawk,lungleiah keipawh ka awm a.mahse permanent tur ka ni lo a,thla 3 vel ka awm dawn a.registration hi tih that tho a ngai dawn ani maw?adik em?keichu register that pwh kalo tum vaklo ve ringawt asin.zin ang lek kan nia.
Report this comment
July 18th, 2010 at 12:58 am
Saitawk, min lo register thar sak ta mai che
https://i31.tinypic.com/2m7jeqs.jpg
Report this comment
July 18th, 2010 at 1:05 am
Chawnghilh i lo Mizoram daih ani maw.Indicator light i kal na tur i signal khan mizoram driver te chuan min tlanpel rawh i ti emaw an ti ang a in insu bur mai tur a nia.
Helam ah chuan motor reng vawikhat register tawh chuan a number kha a ngai reng hmang in thirchhia anih hma chu an hmang mai.Awmna hmun sawn emaw hralh emaw chuan Transport office ah hriattir a ni mai.
Office lam hian a number a tangin tu car nge khawi khua ah nge a neitu a awm tax,test,etc a pe tha em tih anhre vek an tih that loh chuan kar lovah an man chat mai zel.
Report this comment
July 18th, 2010 at 1:09 am
Permanent a Lunglei a awm lo tur te kha chuan Lunglei DTO ah reregister duh reng reng suh u, revenue chu sorkar ah vek a lut tho. Tax pek erawh theihnghilh lo ula, receipt keng tel bawk ula. (Dan aiin khawngaihna a chungnung zawk…a bung leh chang ka hre tawhlo!)
Ven sen a ni lo ang.
@HV, i petrol tanky capacity sawi phawt la! :lol:
Report this comment
July 18th, 2010 at 1:16 am
Saitawk, litar khat :lol:
Report this comment
July 18th, 2010 at 1:28 am
@HV, khitiang tanky khi ka hriatdan chuan 750ml chiah niin ka hria a sin! hairehai!… ve ang! :lol:
Report this comment
July 18th, 2010 at 1:45 am
Saitawk, ml 250 in liter khat pawh a la tlinglo zui a ni maw :lol:
Report this comment
July 18th, 2010 at 1:48 am
@HV, Kan ram ah chuan bawtawl/um/ khat hi 750ml a ni tlang pui tawh. Motor engine/gear oil pawh hi 750ml chi leh 1litre chi lei tur a awm hrang thlap! A man pawh a inthlau ve zalh mai mawle. :lol:
Report this comment
July 18th, 2010 at 6:09 pm
Lunglei DTO thuchhuah/thupek hi hmuhve a chakawm khawp mai. A thusawi tum leh a section tarlan te khi a inmillo ang reng khawpin ka hria. Section 42 chu Special provision for registration of motor vehicles of diplomatic officers etc tih ani a, Section 43 lah khi Temporary Registration ani leh daih bawksi a. Tin, Section 60 pawh khi Registration of vehicles belonging to the Central Government ani bawk a. Section 53 lah chu Suspension of registration (cancel nilovin) ani leh bawk a, a dan han tlawh chhan leh a thupekin a tum chu a in tu lo deuh awm mange kati.
Report this comment
July 18th, 2010 at 8:32 pm
Lunglei chuan DTO dan zirchiang vaklo an nei emni aw.
Report this comment
July 18th, 2010 at 11:33 pm
Lunglei district a awm nghet ti ila a chiang ber awm e.Transport deptt hi sum hailut depptt kan neih tlem te zing a pakhat a ni a , tunlai hian tan an la thar ve bawk a . District dang ah pawh registration drive hi kal pui a ni a , district chhung a mi district dang a motor register the chu tax validity te an in dil kual nual tawh in ka hria a ….. a bawhzui dan tur pawh office lam in an kawhhmuh theih ngei a rinawm.
Mahni district changtlun nan mahni district ah registration ti rawh tihna ah ngai thei ila a tha viau ang.
Dik tak chuan Transport deptt set up hi mumal tak a a kalna chu kum hnih khat lek a ni awm a sin
Report this comment
July 18th, 2010 at 11:51 pm
@Ditto:ni ngawt mai ti raw…
Report this comment