World bank kawng kan tih mai Aizawl – Lunglei via Thenzawl hian sawi neuh neuh leh rik deuh hlut chang a ngah ta hle mai. Lunglei a rawn luh dawn hnaihah phei chuan a zuih tial tial emaw tih mai tur a ni. ZDU sub – Hqrs Lunglei ten ngun taka helaia hnathawktu Tantia construction-te hnathawh an thlirna atangin lungawi lohna tur a tam hlein an hria.
Theihtawpa kawng tha kan neih theih nana hma lain a thlen theihna hmun apiangah an thlen zel bawk a. Tunah phei chuan an inremnate Tantia lamin bawhchhe thina an hriat avangin leh Tantia lam an lu pan hnathawh lutuk nia an hriat avangin Lirthei lam pawl hrang hrang nen tang hovin All Vehicle Organisations Joint Action Committee (AVOJAC) an din ta hial a ni.
AVOJAC chu 17th July 2010 khan chanchinbu mite nen an inkawm a, an hmalak tawh dan leh hmalak leh zel dan turte an sawi. AVOJAC Secretary chuan Tantia ho kawng siamah Balu tha lo leh Lung tha lo tam tak an hmang a, retaining wall an siamte phei chu a hlauhawm hle a ni a ti a, Haulawng leh Lunglei inkar kawng an black top fel tawh chu a la hawn hma apangin hmun 75 zetah kawng chhia a awm leh tawh an ti.
Hetianga theihtawpa kawng thatna tura hma an lak hnuah pawh Tantia lam hian hmanraw tha lo an la hman zel avang hian High Court, Mizoram Bench-ah PIL thehluh an tum thu an sawi bawk. An rawra hman quality pawh hi chhe hlein an sawi a, a test-tu Sheladiav Quality Consultant, Malaysia chuan tha niin a sawi lawi si. A that leh that loh chu ka hre ve thiam lova, a hnuaia thlalak hi Serkawn vengchhung kawng an la black top loh, an rawra phah chu a ni a, tha in tih leh tih loh chu in ngaihdan le.
Tin, tun hnai lawka an kawng siam zawh thar pawh hei thla hnih khat lekah a rawn sawr chhuak (a chhe leh pawh ka ti duh lo mai :smile: ) a, Serkawn panna kawng chho Bazar veng chinah hetiang hi hmun hnih hmun thumah a awm. Ka rawn dah lang vek lo mai, hei chauh hi ni mai se.
Note : Misual zingah hian PWD lama thawkte pawh kan awm mai thei a, anni hi nodal dept. an ni bawk a, kan ram asset hlu tak, kan highway ve tur hi a that zawk dan tur an hre ngei ang.
Source : Vulmawi daily Newspaper behchhan ziak a ni e.
Similar Posts:
- A leh a linga vuttuithlawrbel!
- Kan Khaw Kawng hi!!
- Mizoram kawng kam quarry
- Kan Zotlang ram nuam a ni (ka ti) tawh lo (ka phun dawn)
- S.O.S – Serchhip tlangdung khua te khi
July 20th, 2010 at 7:56 pm
@zero, ka hmuh dan chuan stone dust a tam, mahse an han phah hnu hian a stone ho pawh kha dust ah a chang zo ni hmiang maw,a bo zo vek a ruah a sur phei chuan a diak kawi thei khawp mai. Hetiang hmante chu that pawh a tha reng reng em ni? A tlo lo viau tih a chiang a, truck full load ho han tlan tak tak se karkhat chhung emaw lekin an rap chhe hman hial ang.
Report this comment
July 20th, 2010 at 8:05 pm
ups! zerO #51 last para, sorry! Chhum zing kara thlalak tih emawni post, Hmuifang lam post ah khan kawng lamah khan i thu riau khan an sawi emaw ka tìh vang a ni e. I hre viau tih chu a lang a, WB kawnga contractor te hna thawh dan i hmuh dan dik takte han sawi teh,a ngaihnawm dawn riauvin ka hrij.
Report this comment
July 20th, 2010 at 8:16 pm
muantea, jurisdiction bithliah chin hi a awm a, ZerO jurisdiction chin hi chu a la mam tha viau in ka hria…, a that loh vaih chuan kan chu luai luai dawn nia… :lol:
Report this comment
July 20th, 2010 at 8:17 pm
A mam rei ngut ange maw.
Report this comment
July 20th, 2010 at 8:25 pm
ZerO jurisdiction chin a ni em ka hre law. Tum khat Hmuifang lam an la hawn hma khan laklawh thilah ka kal a. Ka kal lai hian Thiak khaw chhung leh a pelh hnu 2kms zet tur kha naute lu tia dawn dawn boulder an phah zui mai a. Kha mi chil rual leh hnua an black top a nih chuan a zia khawp ang. Lunglei lamah erawh khatiang khan an ti ve si lo hi kru a hah a ni. Rawra diak thei an phah a, an chil mam leh ringawt a ni, ngaih a titha thei hauh lo.
Report this comment
July 20th, 2010 at 8:50 pm
muantea, ZerO hi signal a nei tawh lo a ni mai thei. Mahse Hmuifang leh saw lai vel saw chu a jurisdiction ni in ka hria…
Report this comment
July 20th, 2010 at 9:27 pm
@muantea, a tha zawk a, a to bawk. Mahse ruahsur hnu-a black top vang te, side drain siam zawh hma-in fur (monsoon) in a nan a, kawng chhungah tui a lut a, traffic a lo tam ve bawk nen, a chhe ve nual tawh.
He WB project hi FIDIC (FEDERATION INTERNATIONALE DES INGENIEURS-CONSEILS) contract a nia. A hnuaia link ah a download theih. I interest zawng a nih chuan download la. Employer (PWD), Engineer (Sheladia) leh Contractor (Tantia) te mawhphurhna, chanvo etc. a inziak vek.
https://www1.fidic.org/download.....tected.pdf
Report this comment
July 20th, 2010 at 10:34 pm
Thanks ZerO, ka lo en ange. Engnge kan duh? – Kawng tha kan duh !!
Report this comment
July 20th, 2010 at 10:49 pm
Enge kan duh…kan duh lo…bang rawh se….
Report this comment
July 20th, 2010 at 11:17 pm
Kawngpui tha tak kan duh a, chu chu a ni mai. A hnathawk te, a bikin sorkar lam mi, a endiktu te hian an endik uluk tawk lo a ni thei. Eng process pawh hmang rawh se, Tantia hian engzat pawh hlep rawh se, kan duh chu Kawngpui THA a ni tawp mai.
Tunlai chu Lunglei lamah rawra chirhdiaka chang thei leh Balu chhia (vaivut mai mai) a lar khawp mai. Balu chhia chu ka mitin ka hmu ve lo, rawra phah, a chunglang dip deuh lai chauh emaw diak dawn tih laia a zavaia diak kawi pur mai erawh hmuh tur a awm e.
Lunglei leh Serkawn inkarah nitin ka tlan thin, Tantia kawng siam hi a mam khawp, Road Levelling erawh a chhia. Tin kawngpui mam lai tak ah rang taka chhia ka hmu. Kawng an siam hi a quality a hniam anih hmel.
Ka hmuh dan mai a nia. Nakinah mawihnai takin an rawn thawm ang a, chumi hnuah kawngpui an hawng ang a, Tantia ho chuan an bungrua an senghawi ang a, min kalsan tawh ang. Chumi hnuah chuan kan kawngpui hi a tlo lo anih chuan ka hovin kan la phun luih luih dawn nia.
Report this comment
July 20th, 2010 at 11:58 pm
Aizawl chhim kawngchhiat vanglai minti hrechhuak. Phai kawng siam angin, lei an rawn chhung vum thura, an siam leh hmain furin min nanga, an kawi hneh em em khawp mai a. Avan hrehawm khang hunlai kha.
PWD kawng siam tlo tak ka la hrelo :-)Khi khi PWD siam ani lotih chu hretho maila.
Report this comment
July 21st, 2010 at 3:46 am
An rora leh bolder/boulder? hman a chhe em ani.a dik kawivek thei.Tin,chumi avang chuan thlalak hnuaibera kan hmuh ang khian a pawrh tiar tuar mai.a lungchhiat thlak khawp mai.Hmun dang zawng2 aiin haulong-lunglei a chhe bik.an hawn hma hauh pawhin heti hi ania.haulong piah daih,Tlawng-lunglei inkarah pawh hetiang ang kawngchhia,rawn pawrh chhuak hi hmun 75 velah a awm bok.
Dik tak chuan a lawmawm hran lem lo.
Report this comment
July 21st, 2010 at 12:52 pm
Phai a kawng an siam te chu DBM te hi a phah te2 a, tuna kan black top hi chu a pan em a lawm… 50mm chauh kha nita in ka hria.. phai ah te chuan 225mm overall blacktop a ni thin a chuan lung an hman te pawh khi a chhe em a
Report this comment
July 21st, 2010 at 1:17 pm
ZerO, hian min hrilhfiah tur a neiin ka ring asin mawle! a reh ta vang vang mai si a.
Tantia ho rawra diak hi a ngeiawm lehzualna chu, chirhdiak pangngai aiin a al/ strong deuh nge maw ni, motor ah hian a bet nghet phian lehnghal a. Hetiang a nih reng chuan kan motor neih ve chhunte hi a ei tuiek chhe zo palh ang tih ka hlau.
Kawng tha o!!! kawng tha!!!!
Report this comment