He topic pawimawh leh rura tak mai hi ringtu kannih chhunga pawimawh a ni a tihloh theihloh. Ringtu mai ni nang, animal kingdom ah chuan ngei ngei tur a ni tih hi a hriat em em a. Zirtir chawp a ngai lo, pianna atanga pianken ze ding nghet tak a nih avangin, pian tha leh tha lo, anih tur ang a nih leh nihloh hriatna kawng pawimawh ber mai zawk a ni.
Entirna tawi leh mawl mang tak siam chhin ang. Bawngpui hrisel tha pangngaiin no a hrin chuan bawngpui a hring ngei ngei thin. Kel hrisel tha pangngai pawn kel tho a hring a. Ui hrisel tha pawn ui tho a hring thin tih hi a ni. Ui tho hian ui nilo a hrin chuan “ui hrisello” tih a ni a. Bawngpuiin bawngno a hring lo a nih chuan bawng hrisello a ni. Universal issues- ah reng reng chuan bawng hrisel chuan bawng ngei a hring tur a ni tih hi DNA pattern leh Law of inheritance hian a tichiang ngawih ngawih a ni.
Hetiang chiah hian mihring hrisel tha chuan mihring vek a hring tur a ni a. Mihring nilo a hrin chuan a hringtu leh a hrin chu mi hrisello an ni tihna a ni. Hei mai hi a la nilo fo mai. Mihring in note a hrin chuan a tap ngei ngei tur a ni a, a tawng ngei ngei tur bawk a ni. A tawng pawh khan mihring tawng ngeiin a tawng tur a ni bawk. A tawngloh anih emaw, a pian hlima a taplo a nih chuan mihrisel lo tihna a ni. Tiang chiah hian bawngno te pawh a BU ngei ngei tur a ni a, ui note pawh a BAUH ngei ngei tur a ni a. Kel note pawh a BE ngei ngei tur a ni.
He universal issues hi zirtir chawp ngai a nilo. Ui note chu ui atanga lo piang a nih avangin “a bauh ka ring” tih a ngailo. Bawng note chu bawngpui atanga lo piang a nih avangin “a bu mai thei” tih lam pawh a nilo. Kel note chu kelpui atanga lo piang a nih avangin “a be tur” a ni tih lam pawh ala nilo cheu. Mihring pawh hi mihring atanga lo piang a nih avangin tawng theihna pek a tha tih lam pawh a ni chuang lo. He issues- ah hi chuan mihring chu mihring a nih chuan a tawng dawn tih hi sawi ngailo a chiang a ni tawp a. Bawng note pawh bawng atanga piang a nih avangin a bu ngei ngei dawn tih hi zir vak pawh a ngailo. An bu emaw an tawnglo a nih chuan bawng hrisello, mihring hrisello tihna a ni mai.
Pathian thu chuan engtin nge a tih kha, “Tisaa piang a piang tisa a ni a; thlarauva piang a piang thlarau a ni(John 3:6)” a ti mai a ni. Thlarauva piangthar a piang chu thlarau a ni tih hi tisaa piang a piang tisa a ni tih nen hian an danglamna sawi hran tur a awm hauh lo nia mawle. Mihring chu mihring atanga lo piang a nih chuan mihring tho a ni. Mi thlarauva a pian chuan thlarau vek a ni tur a ni tih hian a fiah ngawih ngawih a ni. Hei mai bakah mihring chu mihring atanga lo piang a nih avangin mihring tawng in a tawng tur a ni tih a ni a, thlarauva piang pawh thlarau atanga piang a nih vangin thlarau vekin a tawng tur a ni tih hi a dik leh vek.
Hei hian thlarauin a tawng tir ang zel a tawng dang(other tongue) a tawng te, tawnghriatloha(unknown tongue) tawng te, tawngthara(new tongue) tawng tawng te hi a huam vek a ni(Acts 2:4). Hei hi mihringin mihring hrisel a tehna pawimawh ber mihring tawngin a tawng tur a ni a ti ang hian; thlarau a piang chu thlarauvin a tawng tir ang hian a tawng ngei ngei tur a ni tih hi thudik awmsa, thuril pawh nilo, thu dik awm reng sa chu a ni.
Charismatic movement duhlo a hnawl tu te zingah he topic ropui leh ngei ngei tur hi hlauh a ni tlat mai hi pawi tak a ni. Mahse he charismatic movement pawh hi bible nen a enkawp chuan duh thusamlo; he tawng hi thilpek a ni lo, pek ngailo a pianken zeding awm fel sa thlap zawk chu ani a. Chuvangin penticostal movement pawh kha kum zabi 20 hnu lamah alo piang chhuak ta reng a ni. He topic hi setana hian a man fal nalh mai a. Nau sawngnawi leh hrisello tak mai nih tir hi a tum tlat reng a ni. Heng tawng hi a ngai kher kher lo e ti tu chu thlarau ah a awmlo a ni tih hi sawi chian ngam a ni. Doctor chuan note chu alo puitlin a, a tawngloh chuan “natna nei, hrisello, mihring ang pha chiahlo” tihna a ni tih a hre mai thin. Thlarau hriatna nei tawh phawt chuan mi thlarauva pian chuan heng tawng pathum zingah mite ah hian thlarauin a tawgtir ang zelin a tawng ngei ngei tur a ni tih hi zirtir ngai hauhlo a thudik awmsa a ni.
Similar Posts:
- ISUA KHA BAWNG IN AH A PIANG EM? (Luka 2:4-7)
- Kristian sakhua leh Mizo hnam sakhua danglamna
- Mihringin thlarau a neilo !!
- Tuiah leh thlarauva piang
- Chungkhuanu (Pathian)
(Y)
June 16th, 2012 at 3:35 pm
A ni viau. 😛
June 16th, 2012 at 3:42 pm
Post tupa, I 2nd para, Bawngpui hrisel pangngaiin bawngpui (Bawng note ni lo ) tho a hrin chuan bawng vulh a va hlawk dawn ve..NLUP ah bawng vulh dil ve ila tha ang a :p
June 16th, 2012 at 3:53 pm
Tha hle mai
June 16th, 2012 at 3:56 pm
Naute tih tur a ni lo mi? Good post (Y)
June 16th, 2012 at 3:59 pm
ka chhiar peih lo!
June 16th, 2012 at 4:02 pm
Pending-a a awm lai khan admin-in ‘note’ tih kha ‘naute’ ti-a an thlak ka lo ring a!
June 16th, 2012 at 4:07 pm
Para 3-na, sentence 3-na…”Mihringin note a hrin chuan…” Mihringin note a hring lova, naute a hring thin. Bawng te, kel te chuan ‘no an nei’ thin. Ka hriat sual loh chuan ‘hring’ tih pawh ran ah chuan hman loh tur a niin ka hria (hei erawh ka chiang chiah lo).
“Thlarauva piang chu thlarauvin a tawngtir ang hian a tawng ngei ngei tur a ni” tih hi Bible ah khawi bung leh changah nge a awm?
Pentecostal movement leh charismatic movement khi kan vaiin kan hre sa vek lo theia, tlar hnih ve ve talin sawifiah hmasa (or khaikhin) ta ang la, i thuziak a phuisuiin a ngaihnawm leh zual ang.
Hla pakhatin “Mihring chauh lo chu zirtir an ngai lo..” a tih kha min ti hrechhuak. I ziak tha e.
June 16th, 2012 at 4:20 pm
A headline kan en a ka chhiar peih ta lo mai.
June 16th, 2012 at 4:22 pm
Tunlai ka net hi post a chhiar theìh chang chang a, a comment hleih theih tlat loh. Charice sawi khi dik ka ti a, korinth thawn khatna bung 12 leh 14 kha lo zir chiang leh deuh teh. Inhnialna tur khawpin ka net a chak tawklo tlat mai a, hnial chhunzawm i tul anìh erawh chuan, net chak pawh ka neìh mai chu ka ring.
June 16th, 2012 at 4:32 pm
Hei te chu universal truth ani reng a, mihring in mihring, bawng in bawng, adt pawh ani vek ang chu. Thlarau a awm leh awmloh nen khian ka suihzawm thiam meuh lo.
June 16th, 2012 at 4:34 pm
Charice mizo- bible ah a awm kha maw. A ziarang inphum, a ruk ni lo, mawl mang taka inziak khi man theih a nia. Isua khan, “khawvel thil te mah inhriat thiamloh chuan engtin nge van lam thil inhriat ang” a tih kha maw..hehe. John 3:6 kha lo zir teh, thlarau tawng te nen lam khan. Hehehe
June 16th, 2012 at 4:40 pm
Pu pka- Gifts ah hian “tawng dang(Gr. Kainos) leh tawnghriatloh(Gr. Lalo)” chiag a awm a, thlarau tawng chi hnih kha chu gifts a nilo a nia. Hehe. Mihring piang hlim a tawng a, thlarau a piang pawh thlarau vekah a tawng loh chuan engtin nge a awm ang? Ngaihtuah chhunzawm atan. Hehe
June 16th, 2012 at 4:54 pm
Tawngkam uluk deuh la a ziaawm deuh tur
June 16th, 2012 at 4:56 pm
Pu pka- tawnghriatloh hrilfiahna zawk(tih dikna)
June 16th, 2012 at 5:14 pm
I tum ka hrethiam lo. Scientific tak thil a nih ka lo beisei a, thu chiang sa i rawn sawi vul mai ni-ah ka ngai. 😀
June 16th, 2012 at 5:36 pm
Bawng vulh ila,no nei se,hrisel vangin uar takin rawn tap rawng rawng mai se ka hlau ngawt ang!
June 16th, 2012 at 6:03 pm
Haha Lamji mai mai chuh 😀
June 16th, 2012 at 6:10 pm
Thlaraua piang le pianglo tehna chu tawnghriatloha an tawng leh tawng loh lam nilovin, an nunah a lang mai. Thlarau hruaia awmte chu a hai theih tak tak ngai loh ang bawkin, ringtu tisami pawh a hai theih tak tak ngai loh. Tirhkoh Paula te pawh Tawnghriatloh pekanih thu kan chhiar hran lova, “Khap suh u” a ti duh chauh a ni. Tin, hrilhfiahtu an awmloh phei chuan, inkhawm tibuai mai mai tiin a encourage lo hle zawk a ni. @Lta
June 16th, 2012 at 6:43 pm
Pu Pkfanai- A dik meuh mai chu chu. Mahse Nute piang hlim chu a tap thin a nih hi maw. Thlaraua piangthar pawh hian ngawi rengin a nun hi a chance nghal mai ka ring lo.
>
Isua hian thlaraua piang chu mi tisa alo pianga a awm ang hian thlarauin a awm ve ang a tihna a ni.
Thlarauva tawng hi chi thum a awm a nia- tawnghriatloh, tawngdang, tawngthar.
Tisa tawng pawh a awm ve tho a nia- english, hindi adt
Tisa a piang chu engtin nge a awm:-
1. A tap
2. A thang
3. A tawng thei
Thlarauva piang chu engtin nge a awm ve:-
1. A “hallelui” ngei ngei tur a ni
2. Pathian ropui zia a sawi ngei ngei tur a ni
3. Thlarauvin a tawngtir angin tawnghriatlohin a tawng ngei ngei ang
4. A thlarau nun a thang lian ang
5. Thlarau a chak fo tur a ni.
<>
🙂
Source- bible
He topic hi chu mawl te a ni, a mawl vang hian kan ngaihthah fo a nia..
Thlarauvin a tawngtir ang chein inlo tawng tawh em aw? Inla tawnglo a nih chuan ka lo tawngtaipui ang che u. Piangthar tehna chu thlarauvin a tawng ngei tur a ni (H)
June 16th, 2012 at 6:46 pm
Hman hunah chhiar tur a nih hi
June 16th, 2012 at 8:02 pm
ngei ngei tur a ni… tihna lai tak khin ka va hmu ve lo ve..
sap tawng bible hi chu ka nei kim ve viau a.. 😛
June 16th, 2012 at 8:04 pm
Piangthar chu tawnghriatlohin a tawng ngei2 tur i tihna em ni?
Tawnghriatloh dawng ve lote hi (k)an piangthar tak2 lo tihna nge? :-S
June 16th, 2012 at 8:07 pm
Post tu pa chu i tanwg an lo ngaithei lo deuh a mi 😀 😀 ? thinrim ang chhuak i ang riau mai a, i duh leh i bu anga, i duh leh i be anga, i duh leh i bauh a nga midang tan a buaina a va thlen loh chuan a pawi vak dawn emaw ni le 😀 . Ngaithei lo an lo awm a nih pawn ngaithei leh ngaithla peih kan awm teuh tih kha han hre ve phawt mai teh….
Pathian thlarau thianghlim chenchilh nih hi thil har tak a ni a, chutiang mi nih phei chuan A thu a chu i tlang au pui ngei2 zawk tur a ni dawn lawm ni? keini tak ngial pawh in Pathian thu chu zawm harsa ti thin viau mah ila kan zah ve teh mai a nia…….. (Y) (Y)
June 16th, 2012 at 8:10 pm
Note leh naute tih chungchangah hi chuan, kei chuan ka hrethiam ve2 tho va naute sawi i tumna a nih ka ring, hmang fo mah la pawi tihna ka nei hran lo nakin deuh va kan la hman nasat dan a zir in naute sawina synonym pakhat note kan neih belh a ni mai a pawi tihna ka nei hran lem love, awm ze bo thak khop ang chi a ni lem lo bawk a. 😀 😀
June 16th, 2012 at 8:10 pm
lt : , leite te, amaha insem darhin, mei angin an hnenah a lo inlar ta a. Tin, an chungah chuang theuh ngei ngei tur a ni,
i tihna em ni???????????????
June 16th, 2012 at 8:12 pm
#24, ran leh mihring te hi thuhmun rengah i ngai em ni lol, i sawi hmain i sawi tur ngaihtuah chiang rawh.
June 16th, 2012 at 8:18 pm
ka chhiar chhuak…ka hnial peih lo. hlal hlal tak chuan.
i la dai thui bik loh tehreng nen imperative deuh maia ‘tur a ni’ i ti fak fak hian theological circle-a i ril loh avangin i huai a ni mai em?
khawi maw greek word pahnih khat hrilhfiah theih avang hian theology hi hnuh vak tum loh tur..doctrinal issue phei chu.
tawng hriat loh tha ber chu Pathian nena kan inbiakna ril tak khawvel miten an hriatthiam phak loh lai hi a ni a, au ruai ruai emaw chiau vak vak lam a ni lo…mizo kristianteah phei chuan a nei nasate thlirin mi tam takin neih an hlau hial …petecostal te chu tuman an sawisel hran hlei nem trinity pawm pawh an awm tho va..
charismatic movement phei chu dova hneh chi pawh a ni looo. uar bik nei pawlte hian thurin zawrh vak hi an ching duh viau a sin.
June 16th, 2012 at 8:21 pm
OT loks : Chrome ka hmanga f5 hmet kher lo hian refresh buton dah chhuah dan ka van hre duh e….
June 16th, 2012 at 8:27 pm
R click ..Reload .. tih loh hian a awm thei em???
June 16th, 2012 at 8:37 pm
malsta…tawngkam humhalh lam chu i hlat hle mai maw. buh an tuh..ba an ling..la an en a..chhawhchhi an khawng a…bahra an lai a..bal an cho…danglamna sawibosak i tum dan chu i va hnam sakhua ta lo ve..hnam ro thil i ngaihhlut tehreng nen. tlanchhe peih lo.
June 16th, 2012 at 9:05 pm
@Charice Mizo#26: Ran leh mihring ka dah in ang tih ka ziah loh khi a, i tawng tur ngaihtuah hmasa rawh te chu mi han ti ta dah ah 😀 😀 .
Vakul: Language hi engtik lai pawh a inthlak reng static a ni lova, chumi a vang a a insiamna dal ai chuan tih hausak na lam a ni zawk e hetiang hi. Saptawng a hausa kan tihna chhan pawh hi hetiang te te2 vang hi a ani zawk lo maw? programme pawh program ti in ziak i la a khawi nge dik zawk a i rin?
June 16th, 2012 at 9:18 pm
Vakul: Kan edit theih loh chu, ka hnam sakhua ngai reng2 hleinem TMEF te ka zui emaw te i te ve hial lo maw 😀 😀 .
June 16th, 2012 at 9:21 pm
malsta chuh i fate mizotawng tawng chu kei ni ang duang chuan kan hrethiam tawh mang dawn lo a ni maw :-O ..
June 16th, 2012 at 9:28 pm
Saint sammoo: tawng hmasawn/hausak chhoh dan sawi chu i ngaihdan a ni vak na nge? mizo tawng hrethiam lo tur thleng2 a in in dah tak mai 😀 😀
June 16th, 2012 at 9:37 pm
tawng thar chu a piang tur a ni mahse a awmsa tihduhdah chu a tul lo..haha..
June 16th, 2012 at 9:38 pm
Malsta, mizo tawng tih hausak hi chu ka thil vei ve pawl tak a ni, mahse hmeichhia hi ‘minu’ tih a rem loh ang bawkin mihring naute hi ‘note’ tih a remlohna zu hmufiah ve tlat ia mawle!
ka poetry leh hlaphuah ah reng reng pawh naupang te mah ni ila mizo tawng ‘phrase’ thar chherchhuah ve hram hram ka tum thin. Mahse chumi avang chuan awmze bo thaka mahni tanna a dik a dawk pawh thlu lova tawngpaw sawhngheh tum lutuk avanga mizo tawng thumal awmsa hman dazat emaw sawisak leh palzam mai mai chu ka pawm thei lo kei chuan. ka comment hmasa ber khian mihring leh ran danglamna chu ‘no’ leh ‘nau’ tih a ni tih a rawn sawifiah hle a. Khimi khi i rawn tihchhan ber pawh a nih hmela, chuvangin alawm angkhat renga i rawn sawi liam puat tak avanga ‘mihring leh ran hi thuhmun rengah i ngai em ni” ka rawn tih. A chiang em?
Mizo tawng tih hausak i tum dan ang khi chuan kal ta ila tun atanga kum 10 velah chuan Pathian thlarau atanga chhuak tawnghriatloh dawn kher pawh a ngai tawh lo ang 🙂 . kan tawng mawi leh zahawm tak hi hriat hleihtheihloh ‘tawng hriatloh tenau’ a ni hawt tawh ang chu mawle.
June 16th, 2012 at 9:46 pm
#36 (Y)
June 16th, 2012 at 9:50 pm
Charice mizo: A awm zia a bo na ka hmu hauh lo mai le……mizo tawng ti duh dah a a post tu pa hian rawn post a nih ka ring hauh lo mai le, Usage ah a lut tawh a ni zawk. kum sawm vel hnuah a bo ang i ti maw? a bo teuh lo em mai, i ti lutuk hrat 😀 😀 . zawi2 a a in sawi danglam chhoh dan a hi i hmu thiam lo zawk a nih ka ring Saptawng a bo tak kan la hre love……..
June 16th, 2012 at 10:02 pm
Post tupa in a rawn ‘usage’ na chu ka sawisel tawha, amah pawn min hnial zui loh bakah engmah a rawn sawi tawh lo. Nangmah zawk khan kan sawiselna ilo lak run pui tlata, i rawn tuihnih veleh khera, chulam zawk chu a ni a hnuah hi chuan ka rawn sawi tawh ni.
Ka hrethiam che, cyber age ah kan cheng tawha, texting leh social networking, chatting etc kan uar chho zelin a hrin chhuahah ka ngai, thangthar naupang te te mizo tawng diktak hrula mizo tawng lem deuh deuh hmang te pawh eng tih thuloh, patling pui nangni ang te pawhin ‘kuhva tawm tum man’ in la ti no ve duai maithei a ni, ka ngaihtuah zawng ringawt pawh hian “oiha ka nuih a za latuk matre” 🙂
June 16th, 2012 at 10:06 pm
a posttupa khian mizotawng a sawisa a ni lo a hmang sual palh i rawn defend hian i sawisa a ni zawk..malsta.
tawng chherna chi a ni lo va a rilna lai i tihnawm khaw lo zo zawk a lawm.
June 16th, 2012 at 10:08 pm
Charice mizo: Lak nat pui love a, ka hmuhdan ka rawn sawi mai a ni zawk e, lak nat pui ang ah te mi dah leh ta daih mai ah buaithlak thin ma nge 😀 😀 .
Ka rindan chiah ani e………….. ka zak e ka pherh lutuk a oitho (Y) (Y) . Va nuam thin em Hahaha.
Mi an in tih fin viau lai a an rin loh deuh va thil a kal hian tiang hian an ti let duh fo hahahahaha
June 16th, 2012 at 10:13 pm
Khitiang khi kan zoram dinhmun tur a ni, i ngaihdana kan kal chuan.
June 16th, 2012 at 10:22 pm
Ni lah love, i rindan mai2 a nih chu hlauthawng duh suh 😀 😀 , tawng hi chuti mai mai in a boral lova nia, hma a sawn zel zawk fo. Thalai nundan ning hrim2 a i sawisel duh a nih te chuan thu hran 😀 😀 .
Tunlai ah tumah in thalai tawngkam takin ‘I Love thee’ an ti tuk2 tawh lo, hla ah pawh an hmang duh tawh mang lo 😛 😛 .
June 16th, 2012 at 10:31 pm
Ni e , “I love you” kan ti vek, sap ho pawn hunrei tak kalta atang khan an ti. Mahse “I luv ew” tih pawh thangthar tam takin an hmang, a sawi tum leh a awmzia chu kan hrethiam theuh mi a nileng lo chuan, mahse thumal dik ni ta lo nafam chu an tawngah an seng lut kher lo, kha daih kha sin.
Naute tih pawh hraibung dawntuai, sennau, hraite etc tiin kan sawi thlup thlup kher lo tunlai chhanah, tha takin ‘naute’ kan ti mai a ni, tin tawng chungchanga kan thiangzau lutuk avang hian chuti maiin tawng hi a boral ang ka ti kherlo, mahse literature zawn atang chuan a dazat ang ka ti mai a ni, mai mai shaala.
June 16th, 2012 at 10:44 pm
Charice mizo: I la na mai2 nih kha, la na duh suh. ew leh you te chu in ang lo lutuk lu lai em mai. literature i luh chilh nasat poh leh a huam chhungah phei chuan thu hian zalenna a nei zau zawk a sin ka nau. kum lam ah chuan ka u pawh i ni maithei e a hehehehe ka duh tawk a nge.
i nick te pawh hi ka hrihfiah sak vak che anga i bo hu palh ang tih te pawh ka hlauhthawnpui ang eng che e a (fth)
June 16th, 2012 at 10:59 pm
Ka va nui nasa em, malsta, i duhtawk har ka ti rengah.
June 16th, 2012 at 11:24 pm
He topic ah chuan Lta nen chuan kan va inkalh tek tek dawn pek ve le aw…..bawng chuan bawng a hring a,chutiang zel in.. Thlarau chuan thlarau a hring a, chutiang zel in a ni em le? Thlarua hi inthlahchhawn thil a ni meuh em? Nova line pawh generation 4 na ah chuan an khawlo nasa tawh a nia, Davida line pawh generation 1 lek ah an phirsi, a… chutiang hlir chu anni zawk mah awm e. I logic a diklo raps…. 🙂
Bible a hming lang tham tlar chhuak ila, tawng hriatloh a tawng an vang teh mai a sin. Isua ber tawnghriatloh in a tawng tih sawi a ni ngailo. Tawng hriatloh tih hrim hrim hi lehlin dik tawklo ah ka ngai. Tawng hriat sa, tawng dang, foreign language an hmang a ni mai, chu pawh mission nei thlap zel in. Paula khan a sawi lang zing ber awm a, chu pawh direct a fakna pakhatmah an awm lo, khapna leh control a ngaihzia leh criticism lam rawng kai anni zel.
Charismatic movement leh Penticostal movement tluk a thlarau suak kawngkhar hawnna hi a awmlo ka ti zawk bawk.Azuza park revival,toronto blessing, whooping , laughter, miracle, signs & wonders tluk a kristianna a scam turu hi a awm hleinem mawle..kan ti tak tak dawn em ni? 🙂
Thlarau rah chu SELF CONTROL (Gal 5:23)…..Charismatic ho tluk a he chang bawhchhe nasa hi an awm awm lo ve.Passivity hi witchcraft lam a ni zawk e.
June 16th, 2012 at 11:24 pm
nuih tiza fe fe hi kan tam ve ngawtin ka hria.
June 16th, 2012 at 11:39 pm
“Note” ni lovin “Naute” zawk tur a ni e.</B.
(I)
June 16th, 2012 at 11:41 pm
Zoho- mihring Inheritance in a kentel chu mother tongue hi. Thlaraua piang chu a tawng ve a nih chuan mother tongue nilo, thlarau tawng in a tawng ve thung tur a ni tih te a hi a summary chu a ni. Isua hian a hint sawi miau hek le..haha. “tisa chu tisa- tisa tawngin a tawng thin”. “thlarauva piang chu thlarau- thlarauin a tawng thin” tih te hi. Helai topic hi chu sawi thui ka tum lo, a hebrai emaw, greek emaw pawh keu a ngailo. Nu in naute a hrin chu a hmasa berin a tap a, a tawng a, a thang thin tih te hian thlarauva piang te awmdan riruang tehkhin ah a hmang miau si a le.
June 16th, 2012 at 11:52 pm
Phek thar hawng reng2 ang
June 16th, 2012 at 11:52 pm
Zoho- Setana’n Pathian theocracy a challedge na point chu kan hriat ve ve kha maw. Dualism ah chuan tawnghriatloh sual a awm chuan tawnghriatloh tak a awm tur a sin. Tawnghriatloh buaipuia duhlotu ten original greek manuscript ah a awmlo an tia, a grammer lam an buaipui mup mup laiin ramla a thlaraubo sengkhawmtu chu charismatic leh penticostal movement hi an ni zawk tlat. Third wave hian ala hrut ve lo che ami aw ka ti? Haha. Ka lo tawngtaipui ang che(duhsakna..)
June 16th, 2012 at 11:55 pm
Ni ru ni ru.
June 16th, 2012 at 11:59 pm
Thlarau tawng chu thunei taka thusawi, dik tak a sawi, huaisen taka sawi, ringhlel lo va sawi, dawt hmang a phuahbelh lo va sawi, mahni inhampuar lo va sawi, midang hmusit leh nuihsawh lo va sawi hi ani zawk.
Isua te, Petera te leh zirtir dangte kha Thlarau Thianghlim a an khah a an tawng hman chu aramaic vek a ni.Miten mak an tih lai chu huai tak leh thunei taka an sawi thin kha a ni zawk. uuuuuu-shadha-lak, uuuuu-shaaaaba-lak- uuuushhhaba-rak…uuuusshh ….hi chu afican witch doctor ho tawng dan a pawl zawk tlat.
June 17th, 2012 at 12:17 am
Charismatic movement zawng zawngah tawng hriat loh a tel kher chuang hlei nem, pentecostal lamin an uar uchuak mai mai alawm. Hehe
June 17th, 2012 at 12:19 am
Thlarau dik leh Thlarau diklo te dualism ah chuan active leh passive a ni zawk,kan conscience zai ngai leh kan conscience palzut a ni zawk.
June 17th, 2012 at 12:33 am
Bible chik chuan kan lo rindan ang hian pentikos ni ah khan zirtirte leh ringthar te khan charismatic ho in tawnghriatloh an tih hi an hmang tlatlo, khatih hunlai a Rom Lalram in a awp ram hrang hrang leh tawng hrang hrang awmsa tawng ten a ni an tawng zawk ni. Mi ten uain thar an rui emaw an tih nachhan pawh sarak lam a ni lo, an mother tongue nilo an hmang a ni mai. Mizo zu rui in sap tawng a tawng phet a tum a, midum zurui in mizo tawng a tawng phet a tum ang hian, hei hi mihring mizia, mak leh dik leh nuihzatthlak deuh mai a ni. Taksa chetna lam phei chu sawilo law law mai ang, a clue a awm zeuhlo hrim hrim.
June 17th, 2012 at 12:53 am
Zoho- Thlarau baptisma chang hian kherin a tawng tur ka ti lo a, bible pawn a ti hek lo. Mahse thlarau chuan a tawng ngei ngei tur a ni= mi alo pianga alo tap a, alo tawng ta thin ang hian.
Thlaraua tawng chu “dik tak a sawi, huaisen taka sawi, ringhlel lo va sawi, dawt hmang a phuahbelh lo va sawi, mahni inhampuar lo va sawi, midang hmusit leh nuihsawh lo va sawi hi ani zawk” hei hi emotion a ni bawk, Thinur chuan ka thinur a tih hian hi a rilru atang alo inmung a, a ka atangin alo sawichhuak mai thin.
Isua leh zirtir dang te hi tawnghraitlohin an tawnglo tih hian issues thui tak a nei lo. Thil pawi lian tham pawh a nilo,”thlarauin a tawngtir ang zelin” tih mai chauh hi a ni. Isua lek phei chu sawi tel chi a nilo. Thlarau chu a thihhnu ah tirh chauh a ni.
June 17th, 2012 at 1:00 am
“uuuuuu-shadha-lak, uuuuu-shaaaaba-lak- uuuushhhaba-rak…uuuusshh ”
Tih hi witchcraf hoin anlo hmang ve hi mak ka tilo. Setana hian tha chu tha tep theory hmanga bei a ni miau si a le..hehe
Nie, bible ching a piangin pentikos ni a tawng kha tawnghriatloh a nih loh zia an sawi. Keipawn ka ring a, tawnghriatloh a nilo ka ti bawk. “Tawng dang(other tongue)” zawkin a ni an tawng. He tawngdang hian a huam chin a zau khawp ang le. Mahni tawng theuh a an hria a nih chuan universal tongue a ni tih hi keipawn ka pawm thlap e.
June 17th, 2012 at 1:16 am
Bible a thlarau tawng chi thum- thlarau baptisma chang ten an dawn thin kha ilo chik ve tawh em.
1. Tawng dang
2. Tawng thar
3. Tawnghriatloh
1&2 hi chu a scope a awlsam em avangin ka sawi peih lo. 3-na zawk khi a awmlo tih lai hi khel ka chak tlat a nih chu..
1Korinth 14:2 kha lo bih lawk teh ang,
“Tawnghriatloh chu mihring hnena thusawina niloin, Pathian hnena thuruk sawina a ni. Tuman a thusawi an hre silo”
He word hi ngun taka chik chuan mother tongue, universal tongue lam hawi a ni hauh lo a nia
. Prediction leh indicational motion awm hauh lo, mahse thlarauva Pathian hnena thusawi erawh a ni tlat thung si a ni. “Rilova sawi” tihna a ni thei em? Bible hian TONGUE a hmang tlat TAWNG a tan hian..hehe 
Mahse chang 4 kha kan en leh chuan Tawnghriatloha thusawi chuan personal development chiah a nei, midang tan hlawkna a awm lo. Heivang hian a lawm, Paula chuan a KHAP ti tih deuh a, THUHRIL lam uar turin a fuih zawk ni.
June 17th, 2012 at 1:21 am
Lta…tawnghriatloh hlauawmzia i hriat duh tak tak chuan passivity tih hi chik rawh. Passive writing, hypnotism, mesmerism,yoga, meditation, transcendency, astral projection, psychic power, shoalin Kung Fu, black magik, higher buddhism leh lower buddhism, heng zawng zawng ah hian an mind hi an dah passive/blank vek a, thlarau diklo in an rawn lalui ta mai thin a, an conscience an switch-off sak thin. Science zawng a i chik duh chuan neurons electrical charges pe tu energy khawvel a mite tho kha an ni. Acid Trip te nen hian an inang reng. NDE te, OBE te, mihring taksa chauh lai leh zu ngawlveite taksa chauh lai a ramhuai an hmuhte nen hian an inzawm vek. Chutiang mite chu Paula’n “an chhia leh tha hriatna thiang tak(conscience) thir ling a deh ang(chawlawl/switch off) a tih kha anni. Reason pui an harsat tawh dan chu sawi in a siak lo e. Thlarau rui leh drugs rui hi an inang em em, an thluak fim switch-off sak anni tawh, addictive behaviour leh compulsive behaviour, dawi at zia hi la zir chik nasa rawh.
A thu hrim in, hun hnuhnung ah kan cheng tawh a, Bible in hun hnuhnung ah hian world wide revival min tiam lo, world wide deception nasat tur zia zawk a ni min hrilhlawk nasat em em zawk. Hetah hian charismatic leh pentecostal movement hi an kalsual duai, ang ve em em, counterfeit hi deception chu a ni si a.Chik chuan religiuos scam a tam lutuk, hming hmerh a sawi chu a ngai kherlo ah ngai ang.
June 17th, 2012 at 1:37 am
John 3:8 hi ilo chik thin ka ring.
“Thli khawilamah nge a tleh, khawi atanga lo kal nge, khawi nge a kal dawn tih tung hria; tupawh thlarauva piang chu chutiangin an awm”
He thli hi energy nen tehkhin ta ila, energy hian min sock dan tur hi a sawi lawk diam a ni. He conscience kan duh te hmanga kan chawm nun hi blank vek a, lo chen a duh miau a ni.
Engvang nge a blank kher a ngaih? “Pathian chuan khawvel thil ropui te thlang loin, thil mawl te a thlang ta zawk a. Mihring finna chu atna ah a ruat zawk theih nan”
Mind chhunga DNA in read sa vek hi chawk zero a, hman tlaka siam a tum zawk mai a ni ah ka ngai
June 17th, 2012 at 2:00 am
Zoho—>Ka han ti leh lawk. Tawnghriatloha tawng hi thlarau chang thar ten an tawng leh, paula rawngbawlna ngei a tawnghriatloha tawng thin te, paula ngei pawh tawng hriatloha tawng thin a ni tih kan hriat kha. A awm ngei a ni. Tawnghriatloh dawngtu te ngeiin ringlo mi ram an lak tam tawh zia te, thlarauva tawng an ngaihthah avanga khawthlang ram pawh kha awngrawp an ni. Charismatism vang liau liau a nung chhuak leh an nih khu maw.
Pathian hnena thlarauva thuruk sawina a nih avangin chang ngei turin duhsak takin ka lo tawngtai pui ang che
June 17th, 2012 at 3:18 am
RE>>”Pathian hnen a thlarauva thuruk sawina”
mak ve aw…????
Pathian chu kan thinlung a en chhuak vek thei a ni si a, ngaihtuahna te pawh a chhuichhuak vek a ni si a???
Eng thuruk nge maw Pathian chu kan han sawi pui ngei ta reng reng ang le aw? Chu pawh punkhawmna hmun ah, ring deuh deuh vin, thuruk sawina hun leh hmun tha chu a ni lullo…a sawitu pawn a awmzia pawh kan hriatloh sarak chuan Pathian chu thuruk kan sawipui meuh a maw?
Thuruk sawi a ngai a nih chuan Isua khan a sawi nasa ber thin tur a ni a, tawnghriatloh in a tawng tih record a awm eih lo. Tawnghriat in a pa chu a titi pui nasa tih erawh kan hmu nasa teh e. An thuruk vawrtawp ni a ngaih theih chu “Ka Pa, he no hian mi kalpel lul rawh se” tih kha a ni ber hmel a, tawng hriat in a ni a sawi ni.
Isua hian “uuuuuu-shadha-lak, uuuuu-shaaaaba-lak- uuuushhhaba-rak” a ti tlatlo a ni.
20th Century a western revival khu ka dahsang lemlo khawp mai bawk, financial scam a tam lulai em mai. Benny Hinn a unaupa khan suma duh hem hem em mai. Kathryn Kuhlman te lah Negromancy an buaipui thul,Benny Hinn lah in Kuhlman -i thlarau in a possess ang in a sawi thul.Hahthlak tak urute in a hahthlak. Bible an kalh nasat zia chu turu tak a ni. Financial prosperity bak an khel lo e.
June 17th, 2012 at 10:22 am
54
zoho Says:
“uuuuuu-shadha-lak, uuuuu-shaaaaba-lak- uuuushhhaba-rak…uuuusshh ….hi chu afican witch doctor ho tawng dan a pawl zawk tlat”
Tawnghriatloh hi a awm ngei tih chu a chiang. Bible-in a sawi tlat. Mahse tunlaia tawnghriatloh kan tih ve ngawt hi a lem a nih a rinawm. Counterfeit healing, counterfeit miracle etc ang tho hi a ang tlat. Tawnghriatloh a thusawi reng reng Bible chuan hrilhfiahna a phut tlat a, tunlai hian tawnghriatloha tawng tam tak an awm; hrilhfiah thei erawh an vang pharh. Hemi avang hian tunlaiah a awm tawh miah lo chu ka ti ngam chiah lo.
Piangthar chu tawnghriatlohin a tawng NGEI NGEI tur tih phei khi chu BIBLE KALH, thu vuvuk a ni tih ka sawi sak ngam. Biblical interpretation hi mahni duh dan dana kalpui chi a ni lo tih hretu vek kan ni. Isua’n “Tisaa piang apiang tisa a ni; Thlarauva piang apiang thlarau a ni [Jh 3:6]” a tih hian thlaraua piang apiang tawnghriatlohin an tawng ang a tihna a ni lo. A chhan chu thlaraua piang tirhkoh Paula khan heti hian a sawi a:
“Chutichuan,nangniho hi Krista taksa chu in ni a, a pengte in ni theuh bawk a. Tin, Pathianin thenkhat chu kohhranho zingah a dah a – a pakhatnaah chuan tirhkohte, a pahnihnaah chuan thuhriltute, a pathumnaah chuan zirtirtute a dah a; chu mi hnuah chuan thilmak tihte a awm a; chu mi hnuah chuan tihdam theihna thilpekte, tanpui theihna thilpekte, rorel thiamna thilpekte,
tawng chi hrang hranga thusawi theihna thil pekte chu a awm leh a. An zain tirhkoh an ni vek em ni? An zain thuhriltu an ni vek em ni? An zain zirtirtu an ni vek em ni? An zain thilmak titu an ni vek em ni? An zain tihdam theihna thilpek te an nei vek em ni? AN ZAIN TAWNG HRIAT
LOHTEIN THU AN SAWI VEK EM NI? An zain thu an hrilhfiah vek em ni?” — I KOR 12:27-30
Thlaraua piang chu thlarauin a tawng ngei ang. Mahse thlaraua tawng hi tawnghriatloh tihna a ni kher lo tih hriat a tha. Isua khan “in hnena thu ka sawite hi thlarau a ni, nunna pawh a ni [Jh 6:63)” a ti a, Aramaic leh Hebrai tawnga a thusawite kha thlarau leh nunna chu a ni. UUuuuuu-shadha-lak, uuuuu-shaaaaba-lak- uuuushhhaba-rak…uuuusshh tiin a sawi kan hre lo. Chumi pawma, ringa, zawmtute chu thlarau mi an ni a, an thiltih leh sawi pawh Pathian thlarau atanga ti an nih tawh thu Jh 3:6 ah hian Isua’n a sawi mai a ni zawk. Tawnghriatloha tawng ngei ngei tur ti lam zawnga hrilhfiah chi a ni lo ve.
June 17th, 2012 at 10:38 am
zoho@64;
Benny Hinn i sawi takah chuan, hepa pui roh hian trinity chu sawi loh, Pathianah hian mi pakua (9) an awm zu ti a mawle!!
Pa-ah hian mi pathum, Fapa-ah pathum dang, Thlarau Thianghlimah pathum dang leh!! Mahse a beram ten an sawisela, a sum hnar a chhe dawna a hriat avangin a pha leh tawh. Bible ka lo hriat chian tawk loh avang a ni a ti dah.
Atir chuan Adama kha a thlawk (fly) thei te a ti vel !!!
June 17th, 2012 at 6:05 pm
Donald- Hahaha..ka van nui nasa teh reng em..khi tawnghriatloh i rawn sawi kher khi. Keipawn a hrilfiahna khi ka hre miah lo a nia
Ka zirpui pakhat hi salvation a nia, a pi hi tawnghriatlohin a tawng reng thin a, a nutei’n a hrilfiah thin. Tawnghriatloh an hrilfiah hi ka hmu ngun tawh ang reng a, a then chu a rinawm a, a then chu ka ring vek kher chuang lo a nia, mahse tunlai tawnghriatloh hi a dik tih chu 80%-in ka ring.
“Tisa a piang chu tisa; thlarauva piang chu thlarau”
He word hi ngun takin han bih teh, awlsam te a ni. Isua hian mi nu pum atang alo piang tha leh theilo a, thlarauah a tihna a ni a. Mahse nu pum atanga alo pian ang chiah khan a tawng ve tur tihna a ni. Tisa a piang leh thlarauva piang comparision a nei tlat pek a alawm le
1Korinth 12:27-30 khi sawi ve ka chak lutuk
..Thlarau thilpek bawk kha a rawn review na niin ka hria. An za vaiin an dawnglo a, a vaiin an dawng dawnlo bawk thlarauthilpek hi. Mahse thlarau thilpek 1korithn 12:7-11 kha han en ila, “TAWNGHRIATLOH HRILFIAH THEIHNA” pek ve a ni thlarau thilpek zingah. “TAWNGHRIATLOH ” hi thlarau thilpek a ni ve lo a nia aw. Hei tak hi a lawm Charismatic leh penticostal movement duhlo tuten a ngai kher kher lo, a thing, a ho, a pawimawhlo a niang an tih avanga an reject na chhan chu.
Mi alo pian chuan a tawng thin. Mi thlarauvah alo pian chuan a tawng ve tur bawk a ni. Chu chu tisa mi dik tak a ni tih hriatna leh thlarauva piang a ni tih hriatna awlsam tak a ni. Tisa a piang a tawng chuan, thlarauva piang pawh hi a tawng ve ngei ngei tur hi a ni tawp. Ngati maw???Isua hian tisa atangin a rawn teh miau hek le
Thlarau hian tawng hran a nei em ni. Nei e, thlarauva piangthar kan hriat te hian tawng chi thum zing ami pakhat tal hi an hmang ngei ngei a.
1.Tawnghriatloh
2. Tawngthar
3. Tawngdang
TAWNGDANG hi chu thlarau thilpek a ni e. A dawng kherlo mai thei
June 17th, 2012 at 6:16 pm
65 donald
Bible in engtinnge min zirtir? tih lam aia mahni ngaihdana “hetiang i ani ngei tur a ni” kan lo tih ve chiah hian, kan lo kalsual hret thin duh khawp mai.
June 17th, 2012 at 6:28 pm
khaia… hetilai chu thlarau thianghlim pawi sawi te pawh in hlau hlawm lo chu a niangah, Pathian hian engtin nge hna a thawh pawh kan hriatthiam loh lai hian ka rin ai chuan in huai.
June 17th, 2012 at 7:20 pm
Lt,
TAWNGHRIATLOH hi thlarau thilpek a ni lo e a ??
Thlarau tawng a ni a, a sawitu Thlarau Thianghlim ngei pawh hi thilpek a ni asin. Chuvangin tawnghriatloh hi thlarau thilpek tho a ni e. Mi zawng zawngin an dawng vek loh ti pawh Paula hian a sawifiah khawp a ni.
“Tin, Peteran chung thu chu a sawi lai tak chuan thu hretute zawng zawng chungah chuan Thlarau Thianghlim a lo thleng ta a. Tin, Serhtanho zinga ringtute Petera rawn zui apiang chuan Thlarau Thianghlim PEK chu Jentailte chungah pawh leih a nih avangin mak an ti hle a; TAWNG HRIATLOH TEA thu sawiin Pathian fakin an hre si a.” — TT 10:44-46
“Tin, Petera chuan an hnenah, “Sim ula, in sual ngaihdam nan Isua Krista hmingin baptisma chang theuh rawh u; tichuan Thlarau Thianghlim pek hi in hmu ang” — TT 2:38
“Chung thu chu a hretute kan nih hi; Thlarau Thianghlim, Pathianin a thu zawm apiangte hnena a pek kha, a hretu a ni ve bawk a,” an ti a, an chhang a.” TT 5:32
June 17th, 2012 at 7:33 pm
Tawng hriatloh chuan han tawng chhin teh u
A hrilhfiahna hi misual zingah dawng an lo awm mial maithei a sin.
June 18th, 2012 at 12:23 am
Babel kha kheuh leh zuai teh ang.
Hmanlai chuan tawng hi an inhrepawh vek thin a.Mahse zirtirna diklo a rawn tleh ta tak tak a, tawng pakhat an hman chuan chu zirtirna diklo chuan mihring zz chu a lempil dawn ta tlat mai a,Pathian in chu chu fing tak in hremna phen ah purpose a lo neih chu a ni. Chu Babel vang chuan khawvel ah nationalism a lo piang ta a ni.
Pentikos ni ah khan chu Babel curse chu pathian in a rawn halral ta a, chuvang a leite(tongues) ang mei hmang a manifest a nih nachhan. Helai a a message ril ber chu tawng hran vang a nationalism daidanna bang hi thiah a ni ta a, Krista ah unau vek kan ni leh ta tihna a ni zawk e. Pentikos awmze hriat fiah duh chuan babel curse hriatfiah a ngai.
sarak uuuuu shabarak…..erawh hi chuan spiritual healing a khawihpha lo, psychic healing erawh a pe ve thei…thinrim deuh a kan ang buan buan a kan thawl ve hawk thin ang chiah hi……counterfeit a ni tih hi ka chiang e.
June 18th, 2012 at 1:11 am
Pu Donald- ka chhuang lutuk che. I sawi hi chuan a fiah kuar mai a nih hi
. Keini ang hre rillo leh tlem a thlek nei, mahse thudik duh vanga thlek lam sawi thei ka nih vang erawh hi chuan i thuziak ka chhiar hi ka sawtpui thin khawp e.
Thlarau thilpek a zawnga kan lak vung tak vek mai chuan nunna pawh hi Pathian tlarau thilpek zu ni zel pek a
Mahse Piangtharin thlarau a dawn leh, piangtharin thlarau baptisma a chan dan hi dang daih turah a rinawm.
Thlarau chang chuan mei a koh thla thei a, tui a sat chat thei a, power ru ra tak a nei thin. Thlarau baptisma chang ve thung hi chu a dang daih a,a taksa chu thlarauin a awmpui reng tawh a ni. Kalsan ni thin mahse alo let leh vat thin a ni.
Thlarau thilpek lam hi chu i sawi khi ka pawm thlap e. Mahse a TAWNG VE tur a ni tih hi chu a chiang lo maw aw ka ti. Tawng chi thum zingah khan.
June 18th, 2012 at 2:10 am
Ni e LT, engkim hi Pathian hnen atanga kan dawn (pek) vek a ni. Isua Krista ngei pawh hi pek kan ni alawm.
Thlarau baptisma hi ni e, engtin emaw taka manifest tur chu a ni tehmeuh mai. Apostolic age-ah khan a langsar hmasa ber chu tawnghriatloh kha a ni maithei e. Mahse temporary a nihzia Apostol Paula khan a sawi a – “Hmangaihna hi engtikah mah a reh lo vang; amaherawhchu thu hrilhnate hi awm mah sela tihban a la ni ang a, tawng hriat lohte hi awm mah sela a la bang ang a..” a ti. Amah bawk khan mi zawng zawngin an chang kher lo tih pawh a sawi kan tih tawh kha. Apostol te hun hnuhnung lamah ngei pawh khan sawitur abar a awm tawh lo a ni ang Bible hian a sawi tawh tlat lo. Mahse ka sawi tawh angin a awm tawh miah lo chu ka ti ngam lo. Ka point zawk chu mi zawng zawngin an chang kher lo tih hi a ni.
Tichuan Thlarau baptisma chu tawng hriatloha a in manifest emaw fest lo emaw, ringtu chuan kan chang vek a ni tih hi Apostolte zirtirna a ni – “Kan ZAIN, Judate emaw, Grikte emaw, bawih emaw, bawih lo emaw, taksa pumkhata awm turin THLARAU PAKHAT CHAUHVAH BAPTIS-IN kan awm theuh si a, Thlarau pakhat chauh min intir theuh bawk a” – I Kor 12:13
Tichuan i rawn sawi khi a dik chiah. Thlaraua piangthar chu thlarauin a tawng ngei ngei ang. Mahse thlaraua tawng tih hian tawnghriat lohin a tawng ang tihna erawh a ni kher si lo. Ringtu chu thlarua-ah a nung a, chu chuan thil a tih tir ta a. A tih ngai loh a tih a tul a, a tih thin a tih loh a tul a, a sawi ngai loh a sawi alo ngai ta (tawng tharin a lo tawng ta tihna a nih chu), a sawi thin a sawi tawh loh a lo tul bawk thin. Hetia kan sawi avang hian tawng hriat loh hi a awm tawh miah lo, a lem vek a ni kan ti a ni lo. A genuine hi chu a awm thei ang tih hi ka pawm.
Tihian i zawhna chu ka chhangin ka hria. Mi piangthar chu a Chithum zinga pakhat, tawng tharin thlarau chuan a tawngtir ta thin a ni. Nunthara mi a nun chuan a tawng pawh a lo thar ang tih chu a chiang em em a ni.
“Tin, heng chhinchhiahnate hian ringtute chu a zui zel ang: Ka hmingin ramhuaite an hnawt chhuak ang a, tawng thartein an tawng ang a” tih ziak ang khan. Thlarau baptisma manifestna chu temporary thil ni lovin chantuan hawlhtlang tur Hmangaihna-te, rinna-te, beiseina-te hi a ni. Hmangaihna ringtua a manifest hian thlarau baptisma a chang tawh tih kan hre thei a ni. Pathian chatuan thiltum pawh Kristaa hmangaihnaa thilsiam zawng zawng fawkkhawm hi a ni.
June 18th, 2012 at 8:38 am
Pu Donald- ka va han lawm em. Tawnghriatloh a tawng ngei ngei hi penticostal movement khan a keng a. Ka zirna atang ve thung hi chuan ngei ngei hi a ni lo. Thlarau tawng chi thum zing ami ah khan a tawng ngei turah a rinawm zawk a ni. A lawmawm e, ka hriatbelh leh ta teuh mai