mi(sual).com

Thawhtanni:
1. Thawhtanni apianga office tlai ziah tur emaw tite tán Pathianni atanga inkhawm tlai lo va kâr bul an tan theih nan..
2. Hnathawhna hmuna mitêk nuai sawt sawt chîngten an thawh hlima a nuai tur awm zawng zawng an lo phihthlâk láwk diam theih nan..
3. Thawhtan tûk a nih vâng maia rilru táwt up up thînte Thawhtan tûk a nih vânga an lo thawven halh zâwk theih nan..!
4. Kár thar apianga thilsual lian tham deuh tih nuam titen kár kaltaa an thilsuala inchhîr nacháng an hriat theih nana VDP/YMA ten an vuak hrep theih nan..!

Thawhlehni:
1. Nuhovin zâna inkhawm a bân hun diktaka ina an haw nghâl theih nan leh an pasalten rilru thlamuang taka in an lo nghah theih nan..
2. Thawhlehni tlaia hnapkhir kheuh hrát tak takten hritláng damdawi leina pawisa an neih theihna tura Thawhtanni-a inhlawhna an hmuh theih nan..!
3. Thawhlehni zán apianga nuhah thîn pahote tán nidang remchânga an lo nuhah záwk theih nan..
4. Hnathawhnaa pute an tlawn huam thin avânga ngei hlawh nulaten thildang avâng pawh thîktu an lo neih theih nana an thawhpuite rilru a lo danglam zâwk theih nan..!

Nilaini:
1. Nilaini hi kâr khata ni laitá ber a ni tih hriaa sorkar hnathawkten ngawrh lehzuala hna an thawh theih nan leh hnathawh laia an ék a lo chhuah chhén loh nan..
2. Zâna mengrei deuh deuhte chhûna an menrei deuh zâwk theih nan leh chhûn lama mu hma deuh deuhte zân lama an mut hma zâwk theih nan..
3. Kár laklawh pawh ni eng ang mah se, chanchinbu tichhuaktu leh zuartuten tha taka an hralh theih nana mipuiten sum an lo ren loh zâwk theih nan..!
4. Pathianni chhûna inkhawm thîntena Nilaini zân pawha inkhawm nacháng an lo hriat theih nan leh tlangval inkhawm awm chhun chhunte a tha lo lama an hruai loh theih nana nula inkhawmte incheina tichhe vek thei tura an kal lama ruah a sûr theih nan..!

Ningani:
1. Ningani kher hi thla khata ningana kher a ni lo tih mitinin kan hriat theih nan leh a ni thei tho bawk tih pawh kan hriat tel theih nan..
2. Ningani apianga tarzan zaia zai châk tlatten Pathian hla sak an lo châk zâwk theih nan leh hnam hla an rilrua a lo lan tawh zâwk theih nan..
3. Ningani zân apianga rilrua ‘naute siam’ duhna rilru nei tlatten nupaa inthurual taka naute mombati siam thiam an siam theih nan..!
4. Inkhawm thatchhiat avânga Ningani zân apianga thaw huai thîn nu leh pate tihrehawm tura inkhawm a awm thut thut theih nan Pathian thu sawia zin thînte an lo zin thut thut thin theih nan..!

Zirtawpni:
1. Zirtawpni tlai apianga zirlaite an haw tlai ziah tawh loh nan leh chutiang thil a lo thlen palh thut pawha an nu leh paten, ‘an nula an tlangval ve tawh a, a âwm ve tawh tho lawm’ tia inhnem nachâng an lo hriat theih nan..!
2. Tlangvak bike nei apiangin Inrinni zîngkar apianga, ‘petrol ka nei leh tawh lo..’ tih tawngkam an neih ziah tawh loh nan leh, ‘petrol ka va ngah ém..’ an lo tih záwk theih nan..!
3. Zirtawpni zîng chauha thawh hma tur emaw ti nu leh paten nilaini zîng pawha thawh hma nacháng an hriat theih nan..
4. ‘Friday the 13rd’ tih rilru nei tlatten ‘Friday the 13rd’ hmain ‘Thursday the 12th’ a lo thleng reng tawh a ni tih hriat nacháng an lo hriat ve theih nan..

Inrinni:
1. Inrinni apianga bazara kal ziah tur emaw ti thalaite tán leh Inrinni apianga pawisa an neih loh ziah theih nan..!
2. Pathianni zîng apianga Aizawl chhehvêla condom hmuh tur a tam loh nan leh tam rau rauah bawlhhlawh bâwma a lo tam zâwk theih nan..!
3. Inrinni zân apianga haw tlai chhuanlama party ziah nulaten khawthlang làm aia chheih làm an lo thiam zâwk theih nan leh an nu leh pate pawh bum fin theiha an awm theih nan..!
4. Inrinni apianga a tûka fawrpui tur hmuh loh hlauhna nei thrîn thalaiten an hlauh ang ngei ngeia fawrpui tur an neih loh tak tak theih nan..!

Pathianni:
1. Inkhawm lo va mu nilêng thînte tán inkhawm bâna an mut a chhuah zâwk theih nan..
2. Pathianni tlaia bike-a tlán vúk vúk thînte tán zîng lama an tlân zâwk duhna thinlung an put theih nan..
3. Pathianni apianga natna pumna thînte tán Thawhtanni-a an pum a lo nat zâwk theihna turin..
4. Mi háwkdák tak taktena Pathianni tlaia New Capital Complex an pan ziah loh nana an rilrua thatchhiatna a lo pian thut theih nan..!

Bonus: Thisen i pe ang u!

Similar Posts:

• Chawlhkar ni hming
• Chawlhni vs Pathianni
• YMM Website A Lun
• Ho Mai Mai
• Pathianni a inkhawm a tul em?

Recent Posts:

• Jersey lampang aw.
• Illuminati thil tum te
• HOT dan dangin………….:-)
• Peaceful Protest Against Ethnic Cleansing Policy of Burmese Government
• Ka chantawkah ka lungawi em?

This entry was posted on Sunday, August 15th, 2010 at 9:34 pm and is filed under HAHAHA. You can follow any responses to this entry through the RSS 2.0 feed. You can leave a response, or trackback from your own site.