Ramhnuk khawih thil em em sawi tur nei ve lo tan chuan thu ho mai mai post chawt hi a fuh deuh berin ka hria. Inrinni zan khan thian pali vel chaw eiah kan sawm a, kan han ti ti tak tak mai chu lung a leng ve raih thei alawm le. Kan thusawi chu kan naupan deuh laia kan inkawibah Goldmember an tel ve chak taka min lo thlir dauh dauh lam pawh ani chuang lo. Ka Office Boss(Goa pitar,kum 20 chuang work ex nei) achang changa thah/tihthraih ka chak thinzia lam pawh ala nita chuang lo.
In rubber zuan, in STOP/LONDON, in hawngbi, in nap (spelling?) tih vel lamin kan tran a. In siliper vawm chhuah kan han sawi meuh chuan trawng kan inchuh luai luai tawh a,kungfu shoe/beeter engzatnge I vawmchhiat hman tih kan inzawt ta laih laih a. In marble a kan drok(spelling?) kan hmanthiam bik zia te, in ball vawm dawn apianga lu leh ban thi lo emaw kawng achin chung lam thi lo kan tih vat thrinte kan sawi a.
Kei thuber,duh duh ban tih vel atrang pawha thuber nih kan chak thinzia kan sawilang a, in threngkaha –pil hman trangkaizia te, in bihruksiak apianga in daba awih leh awih loh vela kan inhnial nak nak thrinte kan sawi zel a. Eng infiamna pawha hix sex sox trangkai si zia te kan sawi chho laih laih a. Chutih rual chuan, kan lungawiloh deuha nangni chu ‘In Fet e’ kan han tih ve ngawt thrinte kha kan nuih pui bawk bawk a.
Zirtawpni-Intihbalh Ni, Inrinni-Inbualfai Ni tia kan chhinchhiah thrinte kha kan sawi chhuak a.In bailemchhuan nawmzia te, buk sak apianga iskut kuang ro kan zukruk ve ngawt thrin te khan engemawti tak chuan lung a tileng ve riau a. Thlasik laia naupang chat leh hmui rep lo tunlai anglo taka hmuh tur an van thrinzia te kha ha hipin kan sawi bawk a. Inkhawm thawhlawm kan hman thren ziah dan te kan sawi chho a, ABC-a No 1 thakbik zia kha a hunlai chuan kan lo pawmtlang viau hlawm bawk a. Wai Wai midangin min dila, an thram tam theihloh nana a mawng lama hum bet tlat thin vek kan lo ni hlawm phei chu kan nui nasa dar dar ania aw!
TV-a Spiderman, The World this Week, MacGyver, Knight Rider, Oshin, The Fall Guy ilo vel chhuah hun kan chhinchhiah kiau thin te kha kan sawichhuak bawk a. Amrikan Ninja hmuhnawm zia te, Lucky Seven-a pathaua chanchin vel kan sawi leh nual hnuah Dance Dance leh Disco Dancer ilo vel sawiin kan hun kan khar ta a.
Zawhna: ‘In fet’ tih leh Inbihruksiaka ‘Daba’ hi a awmzia tak emaw a lo chhuahna emaw hria kan awm em aw? Hriat lem loh pawn mahni hunlai threuha infiamna lar/ Tv Show ilo vel han sawiho teh ang u.
Mizo naupang in rubber zuan lai – by Xaia
Similar Posts:
- Nano Thar hlak a kang
- A hunlai chuan….
- Hyderabad Mizo Association Website thar
- Zawng khawngaihthlak
- Kan naupan laia infiamna (Hmeichhe Version)
October 9th, 2009 at 4:58 pm
hahaha, gari a motor part engemaw thir luak nei thei kha chu kan awt thei rap, anihlohleh motor tyre zai tet
naupanlai a kan boss kha sipai lam tui tlat mai kha ania, silai lem thing a tuk keng khan min tlan tira, a tawp ah “chaarge dikaat puncher” tih pahin a hmawr in lei min vih tir thin, a au pa thei thei kha a duhsak lehnghal a. kan thil sawi thin khi tun thlengin enge a awmzia pawh ka hre chuanglo. kan au treng ve thei hle a nimai.
Report this comment
October 9th, 2009 at 5:05 pm
..
motor acid liah in sawi tawh em?
jeep gear fawng marbul atan hman te…
Report this comment
October 9th, 2009 at 5:13 pm
Sairawkherh a in do a nuam ber, awmah lehkhakhawng kan dah thrin phaw a tan…
Report this comment