Vawiin(16th Sept) chhun dar 12.00 vel Anti Corruption Bureau (ACB) chuan ex-Chief Minister Zoramthanga chenna in, Ramhlun Venglai, an ‘raid’ a, ACB te hian in chhunga a pawisa, bungrua assessment an siam a, a thenawm(nuphalpa) F Lalramchhana in an dap bawk. ACB hian a bank account leh a LSC an hawn sak a ni. Zoramthanga chuan a hlauhawthawn loh thu a sawi a, hemi chungchang hi PRISM-in PIL an thehluh vanga kalpui a ni a.
Kum 2008 MLA inthlana a affidavit-a a thil neih a ziah leh tuna a neihte a inanglo niin an sawi. Threnkhat erawh chuan Aizawl Municipal inthlan a hnaih avanga ‘game’ awm nia ngai tawk an awm bawk.
A hnuaia mi hi rawn telh a remchang tlat
Aizawl bawlhhlawh paih PPP mode-in
Aizawl, 16th September: Urban Development & Poverty Alleviation department changtu Minster Zodintluanga chuan vawiin chhun khan press conference kovin Aizawl veng 60-ah bawlhhlawh paih chu Public Private Partnership(PPP)-a kalpui a nih tawh tur thu a puang a, hemi atan hian sawrkar hian kar tin cheng 5,08,500 a seng dawn niin a sawi bawk.
Aizawl veng 60-a V/C tinte leh sawrkar department hian September ni 6,7 & 8 khan inremna an lo ziak tawh a, inremnaah hian vengtinte chuan an vengchhung bawlhhlawh khawnah leh department-in bawlhhlawh paihna tura an ruatbik Sakawrhmuituai leh Tuiriala bawlhhlawh paih chu V/C mawhphurhna a ni ang tih a ni.
“Bawlhhlawh paihtur Motor hman leh a paihtu tur labour rawih hi V/C te mawhphurhna a ni bawk ang, inremnaa sawrkarin veng hrang hranga pawisa hman tur zat a bithliah bak, labour hlawh leh tul dangte chu an mamawh angin vengchhung mipuite hnenah an khawn thung ang,” tih a ni.
Minister chuan, “Motor hi 34 vel nitin hman tura ngaih a ni a, nitin labour 102 chhawr thei tura ngaih an ni a, hei hian employment pawh a generate tha viau tura ngaih a ni. He ruahmannah hian sawkarin veng 60-a bawlhhlawh paih nan chawlhkar tin cheng 5,08500/- a seng dawn a ni,” a ti.
PPP system-a hma lak a nih chuan minister chuan bawlhhlawh paih hi nikhatah 751 cm vel paih turah an inngaih thu a sawi a, PPP system kalpui lohna veng 20 a awm a, chungte chu Ramhlun Vengthar, Ramhlun Venglai, Ramhlun Sport Complex, Ramhlun N, Laipuitlang, Chaltlang, Bawngkawn, Bawngkawn S, Durtlang, Durtlang Leitan, Durtlang N, Zuangtui, |huampui, Muanna Veng, Falkland, Zemabawk, Zemabawk N, Selesih, Sihphir, Sihphir Vengthar te chu department lamin an la enkawl chhunzawm dawn a ni.
He hmalakna hi World Habitat Day, October ni 4 khian Aizawl chhungah hian hman tan a nih tur thu Minister chuan a sawi a, ‘Better City, Better Life’ hi Mizoram pawhin a takin a kalpui theih thu Zodintluanga chuan a sawi a, hnam pumpui hmasawnna a ni tiin a sawi tel bawk.
Similar Posts:
- Ek, leivung leh bawlhhlawh paih suh !!
- Ramhlun Indoor Stadium ah chhawngkhat belh dawn…
- Bawlhhlawh paih motor
- Local Councils Election Result
- Funny te veng mawi piah lamah
September 17th, 2010 at 5:04 am
That chu Babute a thlabar hmel vel ka hmu chak. ti ila engmah a eiru lo an ti leh thovanga.
Bakah bawlhhlawh paih hi helamah pawh kan veng VC ti ve maiang te mawhphurhna ania, kum tin hemi atan hian chhiah kan chawi, kar khatah vawi khat an rawn khawn thin.
Report this comment
September 17th, 2010 at 6:12 am
Brig.T Sailo te chu ni se a tan na a rei tawh viau ang,in phat mar nan dawt sawi ve thiam hek lo le…a then chu an Case fi hlim (an in sawi fihlim na)an lawm hut hut lawi si a…ka nei theuh theuh an va in ang lo em….
Report this comment
September 17th, 2010 at 6:59 am
An In lal chhawka corrupti0n case an in neih chhawk d0n va ang ve. An infihlim chhawk bok duh hmel.
Report this comment
September 17th, 2010 at 7:00 am
A pawisa faite pawh an lak sak ni khan sawi a awm a
Report this comment
September 17th, 2010 at 7:04 am
Blame Game … heti hian Zoram hnarkaitute chuan hma an la la dawn chauh a ang! Mipuite’n kan thlek hu hu ang a, kan harhchhuak lem hlei lo vang.
“Limousine Cocktail” an ti zo chiah a, “Babutea leh ACB” tia chhunzawm a’n ni zat mai bawk a. Kan ram hruaitute zakhnuaia an indeksak dan hian hma a sawn vak tak tak chuang bawk hek lo. 1986 July leh 2010 September 16 inkarah hian thau sawk hman chu an awm hlawm ngei niin a lang! “Pho ro” pawh han ti-tuai mah se, sawi nawn ngam a nih leh tawh loh hi! :mrgreen:
Sanitation lama hma thar lakna chu a zia e —eiruk leh dan tur hlet thar ni lul lo se! Party Worker induhsakna tur a ni leh mai ang em?
Report this comment
September 17th, 2010 at 7:16 am
Eirukna leh Bawlhhlawh hi chu a mangan thlak a ni!!!
Report this comment
September 17th, 2010 at 7:40 am
Babute a insawifiahna ka lo ngaithla fuh hlauh a nervous ve deuh ni in ka hria
Bawlhhlawh hi ram dangte tih ang in man chawiin paih ve mai ila thlakhatah Rs10 emaw te chawi ila a nat ka ring lem lo
Report this comment
September 17th, 2010 at 7:42 am
Brig T Sailo hi chu … nung chungin kan rep ro mek a nih hi, a VISION hi a puitling ta lo lutuk a, lungchhe lungngaiin a la liam ve mai dawn a ang ta! :wink:
Report this comment
September 17th, 2010 at 7:47 am
Chawei tui phawt mai u..
Report this comment
September 17th, 2010 at 8:02 am
Bawlhlawh PPP mode lampang hi kei misual hian ka lo sawi zing ve tawh khop maia https://misual.life/2009/03/.....atise-ila/
Hetiang lama hmaltu sawrkar kan nei hi ka lawm khoops. Aizawl khawpui hi lo fai sawt se’ng nuam ti tu chu keimahni kan ni ang. Natna kan kai tlem anga, mi tamtak in eizawna an neih phah ang.
Ex-CM chu a lar phah sawt dawn ah ka ngai
Report this comment
September 17th, 2010 at 8:55 am
Update: Kum 2003 MLA inthlan dawna Zoramthanga’n a thil neih a tarlan chu kum 1998-2003 inkara CM a nih chhunga a hlawh nen inmil lo nia hriat anih avangin leh, Aii Puk chungchanga PRISM leh MUP hruaitu ni thin pakhatin ACB-a FIR an thehluh avangin hmalakna khi neih a ni awm e.
ACB hian CM hlui pass book pathum Vijaya Bank Account Rs. 1,500; SBI Rs. 10,000; Apex Bank Rs. 1,000 leh a pawisa fai Rs. 5,4,860 bakah LSC an hren sak nia thu dawn a ni a, heng bakah hian a thil hlu neih (asset) atangin assessment an la bawk. ACB hian MNF president thenawm(nuphalpa) F Lalramchhana in an dap bawk.
Report this comment
September 17th, 2010 at 9:03 am
Pu Zorama hi a fihlim leh si chuan political advantage tha tak an siamsak zawk daih mai lo vang maw? Pu Hawla nena khaikhin ralah chuan kei chuan ani hi ka la duh zawk tho mai.
Bawlhhlawh paih chu garbage trailler ai chuan a tha zawk mai thei asin. Hnam pum hmasawnna erawh a la tling rih kherin ka hre lo.
Report this comment
September 17th, 2010 at 10:12 am
Atha ve ve e.Bawlhlawh paih dan kha tha ka ti khawp mai ka vengah chuan tuktinin kab BL an rawn khon thin.
A paihna hmun kha a ngai tho ang kha chu a tha ka ti lo.hmun a duh zauin a hrisel lo. Helam ah chuan khawtinin a paihna hmun zim te an nei khaw in a lo sawngbawl thung.
Babutea cheng khat paw ka eiru lo ang a tih kha maw!!!!!!!!!!!!!!!
Report this comment
September 17th, 2010 at 10:41 am
kan ram hruaitu te corruption ah an fihlim lo vek niin kan hre hlawm a,kan thlang tling leh hlawm thin si.buaithlak.Pu,Lalduhawma te hi thlang tling ve chhin ila.enge a an ang le.a economic policy hi chu zui tlak ni in ka hria.an tihlawhtling thei anih chuan,kuthnathawktu te tan a tha emai.
Report this comment
September 17th, 2010 at 10:45 am
Pu Babutea chu ava khawngaih thlak ve, a CM laia a smiling face kha chu a pu thei tawh bik lo ang a. A flying carpet te pawh kha an laksak lo a mi?
Report this comment
September 17th, 2010 at 11:00 am
Anti Corruptiom Branch(ABC) hi state sorkar hnuai ami a ni. Phawt mai a. Thui an kalpui chuangin a rinawm lemlo. Engpawhnise, Tamilnadu ai chuan kan la thutaklo rih deuh a lawm. Anni zawng jail bang an inzut tir thak thak mai chu a nia.
Report this comment
September 17th, 2010 at 11:13 am
Bawlhlawh peih PPP in sorkar in a tan chu a tha hle mai, hna a siam belh bak ah khawpui a fai phah thei ang. Nakin zel ah recycling lampang zawng in degredable leh non degreadable waste la segregate se a that viau ka ring.
Babutea chu Bank balance a va nei tlem ve :-), Insurance lam a investment te kha a awm em?
Report this comment
September 17th, 2010 at 11:22 am
Kan ramah ve hi chuan eng anga eiru nasa pawh an táng thei tak tak chuang lo. Bail te hi kan ngah tawh khawp a, tun hmaa kan hriat ngai loh, interim bail, anticipatory bail, tih vel hi kan hre kúr dup ta reng mai a. An mi man ten bail an han dil hian thubuai remtute lah hian an lo remtihsak zel mai bawk a. Nimina news pakhat, cheng nuai 160 vel eiru, dàn phal loh silai lo kawl bawk te kha a bail dilna an han phalsak leh nghal mai a. Arms Act te hi bailable a ni reng em?
Report this comment
September 17th, 2010 at 11:41 am
update Vanglaini ah – ACB Addl. SP, Sher Singh Thapa hoa kal, ACB team hian Zoramthanga in dap phalna, Special Judge-in a pek an entir hnuah Zoramthanga in hi uluk takin an dap a, ACB-te hian Zoramthanga te cash book, LSC leh file pawimawh thenkhat an lâ a; in chhung bungruate hi la chhuak loin, seizure list fel tak siamin an mansak a ni. Zoramthanga in bula a nuphal in pawh an dapsak bawk.
more info – https://vanglaini.org/index.php.....:frontpage
Report this comment
September 17th, 2010 at 12:22 pm
Report this comment
September 17th, 2010 at 12:26 pm
UPDATE:
AMC inthlan huphurh vangin he thil hi tiah kan ngai: MNF party PAC & Legislature party
Nimina(Sept 16) Chief Minister hlui leh Mizo National Front party president ni bawk chenna in Anti Corruption Bureau (ACB)-in an dap chu MNF chuan Aizawl Municipal Council (AMC) inthlan huphurh vanga tiah an ngai.
Tukin khan MNF president Zoramthanga chenna inah MNF party Political Affairs Committee(PAC) leh Legislature Party-te an thukhawm a, he hunah hian mi 10 kalin Congress sawrkar-in politics-a tihhmingchhiat tumna vanga MNF party president in an dap chu pawi an tiin an dem thu tarlangin resolution an siam nghal.
“Tuna kan CM kaihhruai Congress sawrkar hian a tih hmasak ber chu sawrkar hmsa minister-te thubuai siam sak a, politics-a puh hmingchhiat leh tihbuai a ni,” tiin PAC leh Legislature party-te chuan resolution an siam.
“Hetianga an pi leh pute vaiho ze tha lo lai kalpuia Kristian ram leh Kristian mipuite zinga seng luta politics-a intihhmingchhiat tuma an beihna hi a zahthlakin hnam mualphonaah kan ngai,” an ti.
PAC leh MNF party Legislature intawkkhawmte chuan Congress sawrkar chuan kum hnih dawn an sawrkar chhungin an hlawhchham a, hei vang hian Aizawl Municipal Council inthlan an huphurh avangin he thil hi an tiah an ngaih thu resolution-ah hian an tarlang tel bawk.
“Hmalak dan ngaihtuahin September ni 22 khian Mizo Hnam Runah High Command Emergency Meeting neih ni se kan ti,” an ti bawk.
Mizo National Youth Front (MNYF) president Lalruatkima chuan hetianga politics-a inbeihna hi India hmarchhakah pawh a la thleng ngai lo a, vaiho inbeihna tenawm tak a nih thu a sawi a, Congress sawrkar chuan CM Lal Thanhawla nuamtawla a zin haw ni takah boruak dang siam tumin Pu Zoramthanga in chu ACB daptir an ni ta maiah a ngaih thu a sawi.
Anti Corruption Bureau (ACB) hian Pu Zoramthanga in an dap hian a pass book pathum Vijaya Bank Account Rs. 1,500; SBI Rs. 10,000; Apex Bank Rs. 1,000 leh a pawisa fai Rs. 5,4,860 bakah LSC an hren sak nia thu dawn a ni a, heng bakah hian a thil hlu neih (asset) atangin asessement an la bawk. ACB hian MNF president thenawm(nuphalpa) F Lalramchhana in an dap bawk.
Kum 2003 Mizoram MLA inthlan dawn khan candidate ten affidavit siamin an rosum neih zat an thehluhah Zoramthanga hi pawisa leh ro cheng nuai 48 hu neiin a inziak a, term khat CM nihna a chelh chhunga a hlawh zat chu cheng nuai 15 vel a ni tiin MUP, PUCL leh mimal pakhatin a sawi zat leh a neih a inmil lo tiin kum 2006-ah ACB-ah FIR an thehlut ta a ni. Hemi hnu kum 2006 June ni 22 hian eirukna dotu pawl PRISM chuan ACB-ah Zoramthanga chungthuah bawk hian FIR an thehlut leh a, July ni 14, 2007-ah PRISM vek hian Gauhati High Court-ah PIL an thehlut leh bawk a, hemi kal zelah hian nimin khan ACB hian Zoramthanga chenna in hi an dap ta a ni.
Report this comment
September 17th, 2010 at 12:37 pm
Mizoram politiic-ah chuan Corruption hi Bawlhhlawh lian ber a ni.
Report this comment
September 17th, 2010 at 1:03 pm
Politik a inrawlh tlat mai a!!!
Report this comment
September 17th, 2010 at 1:38 pm
Babutea chu a hawi lawl lawl dawn a nih chu
Report this comment
September 17th, 2010 at 1:43 pm
Pu Ramtea chu an interview tawh em…en a va chakawm ve…a insawi thiam dan vel leh a confi dan vel hmuh chak awm lawm le..heheh
Bawlhhlawh paihdan thar hi chu tha ka ti khawp mai…..
Hmanni kan veng ka haw chhoh khan vengpa ho thenkhat chu ka titipui ve nial…Tiang zawnga bawlhhlawh paih dan vel hi..heheh
Report this comment
September 17th, 2010 at 6:35 pm
Prism in Candidate te Lepsena lehkhabu a an tarlan ka rawn paste ve hrim hrim ange, a in relate deuh bawk a. He thu chhiar hi chuan kan bih chian duh takin
MNF Zoramthanga : Zoramthanga hi Darphunga
leh Vanhnuaichhingi 
te fapa niin 13
July, 1944 khan Samthang khuaah a lo piang a, kum 1960-ah Champhaiah tunah Chaltlang, Aizawl-ah in leh a bengbel a, Chief Minister’s Bungalow, Mc Donald Hill, Aizawl-ah a nupui Roneihsangi nen chengin fapa leh fanu 1 ve ve a nei a. Kum 1966 khan D.M. College, Imphal atangin BA English Honours a zo a. Kum 1966 khan MNF Underground zawmin MNF Party President ni lai a ni a. Kum 1987-a inremna awm khan PWD Minister a ni a. Kum 1987 atang khan a zawnin MLA a la tling char char a. Kum 1998 atang khan Chief Minister a ni.
Kum 2003 inthlan lai khan Baleno Car leh Gypsy a nei a. Pawisa fai Rs 2,00,000 neiin SBI- ah Rs 1,30,871.46 te, Apex-ah Rs 926 leh Vijaya-ah Rs 77,217 te a nei a; a nupuiin SBI-ah Rs 1,32,629 leh Vijaya-ah Rs 5,56,956 te a nei a; a fapain SBI-ah Rs 96,991.52 leh MRB-ah Rs 1,92,684 te a nei a; a fanu in SBI-ah Rs 97,124.42 leh MRB-ah Rs 1,92,720 te a nei a; a pawisa neih zat chu Rs 16,78,119.40 a ni a. Chaltlang-ah Rs 20,00,000 man in neiin hmun 4 dangah ram- Sihphir Ram – Rs 3,00,000 te, Chaltlang – Rs 5,00,000 te, Maumual – Rs 1,50,000 leh Ramhlun – Rs 5,50,000 te a nei a; a nupuiin Durtlangah ram Rs 1,50,000 man neiin thi Rs 11,840 man te, zungbun Rs 6,103 man leh ngun Rs 72,000 man te a nei a. A thilneih hlut zawng chu Rs 54,18,062.42 + Baleno Car + Gypsy a ni a. Assembly Secretariat-ah loan Rs 4,80,600 a ba a ni.
Inthlan dawna a affidavit-a a lan danin pawisa fai Rs 3,50,000 neiin Bank-ah Rs 1,55,664.64 + Rs 1,509.31 a nei a, a nupuiin Rs 1,20,000 neiin Bank-ah Rs 5,135.52 + Rs 2,860.99 a nei a, a faten Bank-ah Rs 3,39,239.06 + Rs 27,097 + Rs 165.52 + Rs 61,031.22 + Rs 1,77,138 an nei a, a pawisa neih zat chu Rs 20,47,876.23 a ni a. Gypsy leh Grand Vitara a nei a, a nupuiin tlereuh Rs 25,000 + Rs 12,000 + 95,000 a nei a. Chaltlangah Rs 50,00,000 man In neiin Sihphirah Rs 4,00,000 man leh Rs 2,00,000 man ram te, Chaltlang Rs 8,00,000 te, Maumual Rs 1,00,000 te, Champhai Rs 2,50,000 man te a nei a; a nupuiin Ramhlun Venglaiah Rs 40,00,000 man In neiin Nghalchawmah Rs 1,00,000 man te, Durtlangah Rs 2,00,000 man leh Ramhlun Venglaiah Rs 10,00,000 man te ram a nei a; a fapain Champhaiah Rs 3,80,000 man ram a nei bawk a. A thilneih hlut zawng chu Rs 146,09,876.23 + Gypsy + Grand Vitara a ni a. Assembly Secretariatah Rs 5,50,943 a ba a ni.
Kum 2003 inthlan aiin Rs 91,91,813.81 in a hausa a, Rs 70,343 in a leibat pawh a pung a. Mahni hlawh phu lova hausa leh thuneihna hman sual avanga PIL case nei lai a ni a. Greater Aizawl Water Supply Scheme Phase II contractor hnen atangin Rs 500,00,000 laa puh a ni a. A department enkawl Industry atangin M/s Mizoram Venus Bamboo Product Ltd. hnenah Baffacos sum Rs 250,00,000 leh M/s Zonun Mat Ply hnenah Rs 200,00,000 pek a ni. Vawi tam tak mipui hmaa thu diklo sawitu a ni a. Hel hnenah a discreationary fund a pe thin tih amah ngeiin a sawi.
Report this comment
September 17th, 2010 at 6:37 pm
Dawtsawi phut eih neilo kha ania; a in sawi fihlim leh mai ang, Pu Hawla Jailah chaw a thlak kep tir lai vel kha a ngaive ngawt ang.
Report this comment
September 17th, 2010 at 6:40 pm
Lolzzzzzzzzzz
Report this comment
September 17th, 2010 at 8:18 pm
Corruption a zung nen lama pawt phawia phoro tur chuan a tul.
Mahse hmalak na kan hmuh te erawh MNF side tu leh rulling party mi leh sa lo te chungah chauh niin a lang.
Kau Tlabung case ang te kha eng vanga Deparmental enquiry CM khan tawk ti mai nge a nih tih hi ka buaina.Thilhre tak pakhat ina min hrilh danin CM Hawla fapa (RIP) telna thiltam tak a awm vangin case a nep theih nan ACB ten criminal case a an ngaih kha,CM berin a ngai ho lui a ni e, ti in min hrilh. Enge in ngaih ve dan le???
Report this comment
September 17th, 2010 at 8:27 pm
Pu Hawla leh Pu Zoramthanga hi insual ta se tunge chak zawk ang le? LOL
Pu Zorama hian posi ala rang thet thet viau ang, chuan Pu Hawla posi tur chu a dak hu ang, hnar-kaw lang phuau in
Report this comment
September 17th, 2010 at 8:29 pm
pu hawla vs pu zorama = austin powers vs mini me
Report this comment
September 20th, 2010 at 11:43 am
Prism nge nge an lo tha ber e. He case hi a tira PUCL buaipui, eng vang emawa an inhnuhsan leh kha a ni a. Mi pakhat khan ACB-ah FIR thehlutin a inhnuhdawn san leh a, car thar kha a nei a. MUP khan an han chai lai lai a, FIR te thehlutin an office chunglam an han sak chhoh leh uaih mai kha chuan an PIL file tum kha an thulh leh a. Prism erawh hei an lo dingtlang anih hi. An president hi a a viau a ni ang e. Midangin an hlawkpui hi engatinge he mihring hmel changkang vak bik lo hian hlawkpui nachang a hriat hlek loh. Ram a hmangaih vang nge a mawl vang ni ang aw… te ka ti
Report this comment