Mizo tawng hi kan ziak ngun ta malh malh viau va, a chungchâng han tihchhuah zauh lah hian inhnialna titamtu a ni ting mai a. Chutih rualin a pawimawh a, kan ngaipawimawh tlâng niin a hriat a, a lâwmawm tak zet. Tûnah pawh hian ka thiam vâng ni miah lovin ka rawn ti leh dék dêk a ni.
1. Mizo tawng hi a hausa lo tih chu kan sawi chà mchà a, a dik rêng a. Hnamdangte’n kan tawng har an tihna chhan pawh a ni. Entîr nan, Aw, Ch, Ng-te hi keini tân chuan hawrawp pakhat a ni a, hnam dang tân chuan a ni miah lo. An lamrîk dik hleih theih lohna chhan pawh hawrawp hnih lama an lam vâng a ni. Chuti a nih chuan tih dân a awm em? E le, ‘aw’ aiah ‘w’ kan hmang ang a, ‘ch’ aiah ‘c’ kan hmang ang a, ‘ng’ aiah ‘g’ kan hmang mai ang. (‘g’ hi kan nei sa naa, hmanna tur kan hre meuh lo chu a ni e).
2. A pachhiat tawh nâk a laiin, thenkhat chuan kan la tipachhe deuh deuh va! SMS hawrawp-te kan hmang vêl mai mai. Entîr nan, ‘mai mai’ tih tura ‘mei mei’ tih te, ‘daih’ tih tura ‘deih’ tih te hi SMS atanga lo chhuak niin a lang. BÃ nsan ang u. Tin, thuziaknaah tawng lêr (entirna:- bon top, ropui râpthlâk! etc.) te hi hman loh hrâm hrâm a tha; thuziak a tizahawm lo. Thawnthua a changtu tawng lêr kan hmantîr a nih ngawt loh chuan.
3. Pu Kawlhawk te, Pu VaiVa leh mi dangte khân min lo hrethiam ula! English thumal, a lamrîk ang anga ziah a ni thîn hi ka ngaimawh ngawt mai! Hei hi Pu L. Keivom rawn tihchhuah niin ka’n hria a. English chu tawng hausa a ni a, an thumal zawng zawng hi Mizo tawng chuan kan nei vek lo vang tih chu hriat sa. ‘English paw’n hnam dang tawng an tawngah an senglût a, an tawng tihausatu atan an hmang tho’ kan ti a nih chuan thuhran. Mahse, a Mizo tawng ngei ngeia kan neihah pawh chutianga ziak ka hmu leh thîn. Entîr nan, ‘Politic’ tih hi Mizo tawngin kan nei lo, kan lamrîk zin pâwl chu a ni. ‘Pawlitik’ kan ti mai. Kei chuan ‘pawlitik’ ti lova a nihna ngai ngai hman ka duh a, ka hmang rêng bawk a.
(Tûn hnaiah ZOPPEN Club lampangin English thumal, Mizo tawnga kan neih loh chu an lakhâwm a, 1000 vêl lai an lakhâwm tawh a ni à wm e. Chu chu Mizo tawnga dah turin an bei mêk a ni. A lâwmawm khawp mai.)
A theih hrâm chuan Mizo tawnga a thumal kan neihah chuan hnam dang tawng i hmang lo ang u.
4. Ka’n ti leh ang e! Mizote hi kan tawng muang a, kan thuziakah pawh thlûkna dah a ngaih tam phah. Thlûkna dahna tur tam tak a awm a, dah sên a ni lo. Hriatpawlh theih tur ang chî-ah erawh chuan thlûkna dah hrâm hrâm a tha. (Entîrna:- ‘Dal’ hi thlûkna dah a nih chuan ‘dâl (dang/do)’ a ni. Thlûkna dah loh erawh chuan ‘dal’ (hâng lo/tak lo) sawina a ni daih. Ka’n ti leh pek thîn teh ang, thuziak thenkhatah thlûkna dahna tur ni miah lova thlûkna dah ka hmu fo. Hawrawp sáng leh hniam chhinchhiah nan an hmang a, hei hi sim chî niin ka hria. (Entîrna:- Kà n lo kál) Thlûkna chu thlûkna a nih ang ngeiin thlûknaah chauh hman tur a ni.
Tin, thlûkna hi vowel awm zâwnnaah dah a ngai lo ka ti. (Entîrna:- ‘Diak’ hi a inthlûk deuh va. ‘Dîâk/dîak/diâk’ tih a ngai lo, ‘diak’ tih khân a chiang êm êm a ni)
Thlûkna dah dân kan hre duh a nih chuan HEI HI click mai ni se.
5. Mizo tawngah hian a awmze inang tak tak a tam khawp mai a. Hei hian keini ang inzir chho mêk chu min tibuai pha khawp mai! Entîrna ni pah fâwmin tlém ka’n ziak tel ang a. A hria chuan a awmze dik tak, a hmanna tur nen entîrna pe thlapin min hrilh dâwn a nia.
i) Mawi leh nalh.
ii) Hrât leh chîng.
iii) Vat leh thuai.
iv) Ani leh amah.
v) Dîl leh ngên.
vi) Thui leh sei.
vii) Thi leh boral.
viii) Ngun leh zing.
ix) Fo leh thîn.
x) Ngai leh tûl (trûl).
Ka lâwm êm êm e.
Similar Posts:
- Mizotawng chungchâng bawk!!
- Mizo tawng vs English
- Saptawng a thuziak
- Kan zain i bei ang u
- Mizotawng chungchâng bawk!!!
September 11th, 2010 at 10:04 pm
@Lalmi5ualpa: I mail check lawk rawh aw..
[Report abuse]
September 11th, 2010 at 10:09 pm
@54, sisen: Clap, clap, clap
[Report abuse]
September 11th, 2010 at 10:11 pm
Chhunzawmna….
No. 5 sub no. dang khi chu an sawi tam tawh a, a chuang tawh,
i) Mawi leh nalh hi mawi nunna nei/nung lai ah hman thrin tur s ni. Hman pawlh kan tam hle. Nalh Nunna nei lo ah hman bik tur a ni.
iv) Ani leh amah: sawifiahna atan sentence siam ta ila:
Amah in a kal… Dik. Ani in a kal… Dik lo.
A hman hun te te a awm ngai….. bauh lo……
[Report abuse]
September 11th, 2010 at 10:12 pm
@53 sisen, hrethiam e a. Mahse i post ve hunah ka OT ve dawn.
:bauh:
[Report abuse]
September 11th, 2010 at 10:20 pm
@55 Lalthansanga
WELCOME TO MISUAL.COM
:bauh:
[Report abuse]
September 11th, 2010 at 10:20 pm
Admin online an awm em aw…?
[Report abuse]
September 11th, 2010 at 10:22 pm
Tin, thlûkna hi vowel awm zâwnnaah dah a ngai lo ka ti. (Entîrna:- ‘Diak’ hi a inthlûk deuh va. ‘Dîâk/dîak/diâk’ tih a ngai lo, ‘diak’ tih khân a chiang êm êm a ni)
Ka lo ngaihtuah ngai miah lova, hei hi ka support e
Mr.TSA, i OT âwt âwt dawn nia :lol: :lol:
[Report abuse]
September 11th, 2010 at 10:26 pm
Admin te online kan awm em aw!!
Mi username/nick name leh avatar hmang a comment kan awm tlat mai a. Hei hi thill pawi tak a ni thei a nia… A hmang khan khawngaihin hmang tawh lo hram se. A fin loh thlak em mai.
[Report abuse]
September 11th, 2010 at 10:29 pm
@62 lalmi5ualpa, thanks
Midang pawh khan adminte hi minlo auh puive teh u. Ka buai anih hi
:bauh:
[Report abuse]
September 11th, 2010 at 10:32 pm
A AW B her danglam hi a tul lo khawp mai..SMS a hawrawp type duhdah te hian sim thei se a duhawm hle..
Mizo tawng kan tih ber duhlian tawng hi hausa ka ti ve tlat..Tribal tawng tamtak ai chuan,, A AW B hmang ve tho Duhlian tawng hmang si lo te tawng ai chuan tuna ‘mizo tawng’ kan tihtak hi chu hausa vet vet tak ani..Mizo hnahthlak hnam tamtak hi T(tri) te R te pawh hi hmanna tur an nei phak lo..kan chenna angahte hi chuan Mizo(duhlian)tawng hi nalh/mawi anti thei vet vet ania..Hla an translate dawnte hian an tawng in a daih lo fo si a,an buai thei nak nak ania..Mizo tawng te chu a hausa alawm,kanhan tih sak ngei,nuam ve mai mai…
a hauhsak lohna lam ngawt in thlir a,in thlir lohna tlang lam atang in kan thlir ve ani e.
[Report abuse]
September 11th, 2010 at 10:35 pm
@64, i dupli lutuuuuuk. I nick ah a kilik ve theih leuh..
Admin tumah duty an awmlo aniang e
:bauh:
[Report abuse]
September 11th, 2010 at 10:41 pm
Ava mak nuaih nuaih ve, mi nick hmanga comment hi a fel dawn lo tawp. Admin te khan solve dan han zawng vat teh u :ngenngawl:
[Report abuse]
September 11th, 2010 at 10:50 pm
Mr.TSA…mi nick a hman theih ka van ring lo ve aw…computer in tawm, log out theihnghilh nih loh chuan
[Report abuse]
September 11th, 2010 at 10:53 pm
Ṭangá¹ial, Ṭingá¹ang…. Ṭhuama…
[Report abuse]
September 11th, 2010 at 10:59 pm
@Mr. TSA: I nick hi kan lo enfiah mek e! A rawn ti tu pawh khan khawngaihin lo ti tawh lo la. Chuti lo zawng, kan in block palh ang e
[Report abuse]
September 11th, 2010 at 11:06 pm
Admin Note: Mi(sual) member thenkhat ten, comment hnuah edit lehin mi nick hmangin commnet in awm a, enfiah mek a ni a. A rawn ti leh in awm chuan block in ni ang. Kan hria che u tih kha hria u la!
[Report abuse]
September 11th, 2010 at 11:10 pm
Thanks, Admins
[Report abuse]
September 11th, 2010 at 11:13 pm
thra khup mai, ka la hmang ve thiam lo …. :lol:
[Report abuse]
September 11th, 2010 at 11:14 pm
Finna duhin misualah kan kal khawm thin; mawl zir nan hman tum phet i awm thin hi sim teh u.
[Report abuse]
September 11th, 2010 at 11:20 pm
@72:van in ti thu ve
[Report abuse]
September 12th, 2010 at 12:10 am
In rawn comment avangin ka lawm e…Mr. TSA’n a ti!
Ka hriat lohte ka hriat phah a, ka hlawkpui khawp mai. 1-na khi kan pawm lo tlang nii a hriat a, kan pawm loh avangin ti leh lo mai ila!
Thenkhat chuan lamrik ang anga ziah mai an ching thin. Entirna:- ‘A ngem’ :arrow: ‘ang em’ tih tur. ‘ami’ :arrow: ’em ni’ tih tur. Hetiang chi hi a tam khawp mai. A sawi chuan a la ngaihdam theih a, ziah hian ngaihdam a harsa ka ti.
Ka lawm em em e.
[Report abuse]
September 12th, 2010 at 12:26 am
Thil dang vangin ka comment hman lo. Chhiar pawh ka chhiar zo chiangkuang lo.Mr TSA, min lo hrethiam mai.
I rawn sawi angin a nihna ngai ngaiin saptawng hi ka lo hmang tawh dawn nia.
[Report abuse]
September 12th, 2010 at 12:33 am
Tihian ka rawn chhuak ngam tawh ang chu maw..! Nakin zelah ka nick leh avatar hmanga lo comment zel hi an awm ang tih ka hlau ngawt mai. A hriathran theih der si lo va.
@Pu VaiVa: Ka lawm e.
Comment-tu zawng zawng chungah ka lawm tak meuh meuh e. Mizotawng hi a tichhetu ni lovin, a tihlutu leh tihausatu nih i tum zel ang u.
Ka lawm em em e.
[Report abuse]
September 12th, 2010 at 12:37 am
Leh lawk.. Pu VaiVa: He post-ah hian vawikhatmah ka bauh lo a nia! Post dangah pawh.
Ka lawm em em e.
[Report abuse]
September 12th, 2010 at 12:06 pm
Mi Nick leh Avatar hman ching an awm avangin he post hi a hit tur angin a hit loh phah niin ka hria. Ram hnuk khawih thei thilah te hi chuan tih loh atan a tha khawp mai.
[Report abuse]
September 12th, 2010 at 12:18 pm
*1. Ka pawm lo!
*2. SMS kan hman hma pawh khan “bawlhhlawh ka peih… Ka lawm hle mei… A titau ania’ng, ka kal deih… etc… ti a, hmang sual tawk chu an awm reng. An hriat loh vang a ni ber.
*3. Ka kal laklawh, ka kal zel dawn!
*4.Thlúkna hi hman hram tur. Chhiar a tih nawm mai bakah, kan tawng/ thu ziak zahawmna a ni. Chutih rualin, tul loa thlúkna hman ùar lutuk erawhin mit a tikham thei.
*5. Mawi leh Nalh : Saw nula saw, nun a mawi a, a pian pawh a nalh.
Ani leh Amah : Ani zawng mithiam a nia, kan kawm phak rual a ni lo. Amah chu Mr.TSA.
Dil leh Ngen : Ka dilna hi min hlawhtlin tir ngei turin ka ngen a che.
(ka peih tawh lo, zanah chhunzawm ang)
[Report abuse]
September 13th, 2010 at 2:31 pm
Comment-tu zawng zawng chungah ka lawm e. In comment ka hlawkpui tak zet. Chutih rualin midang nick leh avatar hmanga comment-te pawhin avatar an han thlak sap sap a, an nihna a lang ta uar uar mai.
Ka lawm em em e.
[Report abuse]
September 16th, 2010 at 9:22 am
[…] Mizotawng chungchâng bawk! lamah khân tlém azâwng chu ka ziak tawh a. Ka vei leh ngaihmawh, tlém azâwng (sei phian si) bawk ka’n ziak leh ang e. […]
[Report abuse]
February 11th, 2011 at 10:43 pm
1. @muantea,ka chapawt e…kan tawng h keimahni buaipui tur ani e..
2. @thaiboy,a tha khaws mai…upat tulh2 a,fin tulh2 tur.
3. Hnam RAL tur kan ni,UNO hial in min ti a,kan tawng in khawvel changkang zel a umphak lo zia te ngaihtuah chuan dik theihna chen a awm mai thei…a SOLUTION(!) tha tak kan mamawh e..
KAN TAWNG HMAN KAN BANSAN HUN HI MIZO HNAM RAL HUN TUR CHU ANI MAI!!
Ngaihtuah a ngai e…
[Report abuse]