Pu Leader leh OB te, Krista palai ang a in ngai te u, Khawmpui ilo khawvel intihsiak nikhua dawn in; in khawm tur a vawi khat pawh mi sawm ngai hleilo khan, tan la in in phe peih vei vat vat hle mai, lehkha te sem in, SMS te min thawn tlut tlut a… Sawhchiar te siamin eitur in buatsaih luih luih bawk a.. E taka, Kei pawh, Member tam in ngaipawimawh ni a ring in ka rawn tel ve khar kha. Mahse, Inkhawmpui a zo a min mianglo pelh leh ngawk ngawk ta mai. In thahnemngaihna leh inkhawmpui tiak a inrual ni ta ber in ka hria? Pathian tum thelh a rawngbawltu in an deuh roh avang in thu in kan bêng harh deuh che u ani e.
E khai… Kohhran Upa/ Hruaitu in ni a, nangni chu thlarau graduate nei in nih hmel e, kei ni ang mi mawlh chu khawi ilo a in tawh chang paw’n biak lumlam tlak ah min ngai ta lo ani maw? in ti vei tak a min pelh tak ngâk ngâk mai le. He ti khawp a din hmun sang chelh te’n in vawi khat biak avang a Kohhran a tlangnel phah thei te hi min han be ve chhin teh u. Vawi khat tal pawh ‘I dam maw’? min han ti ve teh u. Tha en a in en liam, tha silo tih in hriat reng te hian kan nun a Lal Isua a taka a lo lan hun hi kan nghakhlel ve vawng vawng thin a sin. Krista aiawh palai te in chêt a hun ta e.
Nuamsa tak a rawngbawl in tum em? Member hla te hnuk hnai tur a tha thawh peih tak tak si lovin, a awlsam zawng ngaihtuah in “Mi hla te hnuh hnaih nan ti in” Pathian hming pu meuh in Huau huau siam in Blanket sûk te leh Picnic te in huai hawt a. Lal Isuan mi hla te a hnuh hnaih dan a ni a ngem? Isua kha, a awlsam zawng a mipui hip khawm ching chu ni sela, kha ai a happening deuh chuan che thei ve ngei hian ka ring, kha ai a Thilmak tih tur pawh kha a la nei teuh ta ve ang. Chu ai a awlsam chu, Maurawkela khuang siam in, “Lunglei lam piangthar raw pip / Champhai lam piangthar raw pip” a ti miah miah mai ang a, a ram pum chu sawi loh khawvel hi mit khap kar lekah kan thar vûk mai dawn ani.
Inkhawm kim in ngaisanga a tha hle mai, nangmahni lah in in chawimawi thiam narawh. Thawhtan zan ah inkhawm chhiarna hun in hmang a. Nilai zan inkhawm in din tir a, kei chu ka thu ran mai, Inrinni zan inkhawm in din tir leh a, kei chu ka la thu zel, Chawlhni chawhnu inkhawm in din tir a, ka la thu cheu mai. Chawlhni chawhnu fellowship ho in din tir leh a, kei zawng din ve theih na reng ka nei ve lo. Zak tak in kei inkhawm ve ngai lo hi ka thu kimki a, ka ril ru in “Lalpa ka inkhawm chhun hi min hriat sak ve hram ang che aw” ka ti vawng vawng mai ani.
Nang ni chu in fel a kei chu ka sual si, In inkhawm peih a ka peih ve silo. In beisei ram Zu leh KS awm lohna, economy phu loh khawpa biak in tha neih a inkhawm kim thap, sawma pakhat pe vek, ni tin chhung inkhawm neih vek, mahni chhungkaw phu loh khawpa tam buhfai tham thawh thlap thlap turin min duh niin ka hria. Sakhaw lian taka mi fel lo langsar nih ai chuan, ka belh tawk sakhua ah ka pem tang e.
Similar Posts:
- Vawiinah hming ziak ang!
- Inkhâwm peih an dam rei (Pathianni pualin)
- Eiru Piangthar
- Camping leh crusade rau nge Thlarau thianghlim?
- Open letter to Rev Vanlalzuata by M. Lalmanzuala
November 26th, 2010 at 12:45 pm
Hming dah ngam lo bawk maw? hihihihihi
Report this comment
November 26th, 2010 at 12:48 pm
malsta27 nge i sawi awmzia?
Report this comment
November 26th, 2010 at 12:57 pm
rascal #31: “ila mu nange” in tih in tih chhungin kalo mut san daih che u nimaw
Report this comment
November 26th, 2010 at 12:58 pm
@littlerascal:Khitiang thu tha tak ni awm ( a that leh that loh phei chu ka hre law) soi ngam te chuan hming dik tak dah ngam awm ka lo ti deuh………..
Report this comment
November 26th, 2010 at 2:18 pm
@Lersia- I thil post hian Hruaitu zawng zawng a huamlo tih nangmah pawhin i hriat ka ring. PATHIAN hi kan hmu duh a nih chuan nasa takin keimahni ngeiin kan zawn hi a ngai. PATHIAN ina a rawn zawnchhuah tamtak te erawh hi chu tuarnain a rawn zawng chhuak thin. Chumi ah chuan enge kan duh zawk le ? A hrim hrim in khawvela i thilduh leh mamawhte pawh i theihtawk bakah i thiante punin i zawng a, i neih zawng zawng bakah puk chawp pawhin i lei ngam a, engatinge i nunna tur atan mi sawm kher i nghah ang ? Mahniin, midangten min tlankhalh ang tih hlauva a hmasa bera kal tur kan ni zawk lovem ni ? Kan chhandamna thuah hian tumah mawhpuh theih kannei lo, mahni tana chakaikhawrh kan ni si a, kan PATHIAN hian a tihtur a ti zo tawh a, a bak chu keimahni kuta innghat a ni e.
Report this comment
November 26th, 2010 at 2:21 pm
Kohhran leh Pathian Ram chu a inti neitu apiangin neitu chan an chang thin. Midangte phut ran leh mite teh chunga a sira hel hel ho hi chuan Hremhmun bak an hel chhuak chuang lo!
@Lersia post hi dikna chen a awm. Hruaitu chan changte tan inenfiahna tur a awm nual ang. Amaherawhchu, hruaitu tumah duhthusama tha leh fel famkim he khawvelah an awm lo. Mi fel lo, misual chhandam ve mai an ni e! Chuvangin, mihring en lovin ISUA en ila, kohhran ropuina hi a memberte-ah a innghat lo tih hi hrethiam bawk ila, phunnawina tur leh vuina tur a tlem sawt ang.
Pathian leh a kohhran hi sawisela sawt sawttute hian a aia tha duhthlan tur an nei chuang lo!
Report this comment
November 26th, 2010 at 2:45 pm
@to all
In ti lawmawm hle mai thian te u.
Nia, A chatuan ro luah tum tu te hi, famkim lohna khawvel a leng kan la ni miau sia, tihngaihna tehchiam a la awm lo a nih hi. Thahnemngaihna aw ka hi a vin duh chawk a nia.
@lalropuia pachuau #19, Nie, tiraw, mahni a thiam tak tak neilo hi chuan midang tawngkam hawh zawk zawk te hi a ngai ve a nia…
Report this comment
November 26th, 2010 at 2:55 pm
Kristian 100 a 100 ti a kan chhal thin na ram ah hian. mahni a in haikaw thei tawhlo te hi an kuh ve ten tun thova, Kartin, in awkhlum leh pawngsual thawm in kan ram chan chin bu te a ran del dul ta mai anih hi maw :!: , Tikhawp a in khawm tam, Pathianthu hria in ti ram ah hian eng vang a tiang hi lo awm ta mai nge anih le… Zurui in Upa zah a tum tawh lova(hmanlai ang lovin)Uire in Pasttor a ngaisang tawh bik hek lo… Tuna kan Zoram Sakhuana kal phung hian Khawizu leh hnute tui luan na ram chu min thlen zo tak tak ang maw ka ti thin a ni…
Report this comment
November 26th, 2010 at 3:09 pm
Mi tin mai hi mahni a vanramkawng in haikaw thei ni tehreng i la aw… Kan hma a mihuaisen kal ta tam tak te khan “I hna tul ber thlaraubo chhandam” ti chung in, In lum, nupui fanau leh chawtuihmel kal san meuhin an thisen an luan tir lo tur…
Mahse maw, Kan tunlai Mizoram sakhuana kalphung hi chuan tiang hi a hawi tawh mawlh silo ani… Mi tha tam tak la awm ve bawk mahse
Lâr kan khel a, Ropui kan chak a.
Hhmingthan na kan buan tang tang a,lansarh kan tum tlata.
Chatuan nun na bu a kan hming chuan ngaihsak hman lek lovin, Kumtir hun ruat a kan hming tel leh tel loh kan la buaipui zawk a.
Report this comment
November 26th, 2010 at 3:17 pm
#59 & 59 Lersia: A dik a ni!
Zoram hi khawvela Pathian hming lam nasat berna ram kan ni a, kan inkhawm tam ber a, kan inti-kris ber bawk. Chutihrualin, A hming thianghlim tibawrhbangtu nasa ber kan ni tlat thung!
Chuvangin, Pathian hian min la rawn thianfai ngei ngei dawn a ni tih hi ka ring a, chu chu THIM CHHAH TAK, Zoram buai 1966 aia rapthlak zawk daih a ni ang tih pawh ka ring. Chu hun chu ka lo nghak ve tawp mai a ni! Chumi zawhah chuan Zoramah hian khua a var tawh ang a, LALPA min dah a tumna hmun chu kan luah thei tawh ang.
Chu chu ka lo vei ve a ni e!
Report this comment
November 26th, 2010 at 3:24 pm
@Zoram_Genesis ka rin dan chuan tunatang a kum 20 aliam leh meuh chuan He Khristian Ram ti a kan chhal ah hian kan fa ten Khrismas ai in Vai Puza an nghakhlel tawh zawk a nga, kan Tûmkau ni te ai hian Ramjan vel hi kan la urhsun tawh zawk ang…
Report this comment
November 26th, 2010 at 3:26 pm
Z_G, i thil vei hi ka hre ve thiam lo. ZNP party in ‘Ni’ chhuak tur an sawi ang deuh a nih hmel.
Report this comment
November 26th, 2010 at 3:35 pm
@lalropuia pachuau #19, Lersia hi Pu Vanneihtluanga a ni reng lo maw :?: :!: :!: …. He tia i tih ve ngawt ngawt..
Thu leh hla te chu a fawmkhawm thiam thiam hi thu thiam an ni mai a lawm… Mi tawngkam leh thuziak a tang a kan lak chhawn vek anih hi…
Report this comment
November 26th, 2010 at 3:42 pm
Kohhran Upa kan ngah tawlh tawlh a, Kohhran erawh in kan hlawk pui teh hluai lem lo.
Biakin kan nei changkang tawlh tawlh a, Inkhawm kan tlem tawlh tawlh thung si.
Kohhranin Intihsiak na leh Thawhlawm kan ngaipawimawh em em lai hian, Pachhia, Rethei,Hmeithai te leh Damlo te kan hlamchhiah telh telh bawk si…
Report this comment
November 26th, 2010 at 3:42 pm
@62 sillyBoy: Zoram Khawvar hunah chuan Lal Isua rilrem rorelna a kal tawh ang, Party siam ram ni lo vin, Pathian thutiam ram a ni kan thlen dawn ni!
Zoram Thuthlung ah Party-in hmun an chang lo vang, Pathian hmangaihna ram lo thleng tur a ni si a!
Report this comment
November 26th, 2010 at 3:45 pm
#61 Lersia: Kei chu, chu ai chuan ka ring hnai daih a sin! A chhan chu, hai rual loh vin, ka taksa nghawng khawpin 2008 kum laihawl vel khan tum thum(3) chiang takin ka thinlung thu A sawi tlat a ni! A hnuai a mi hi:
__________________________________________________________
*ZORAM HIAN KUTZUNGTANG ELHA CHHIAR THAM LEK KUM IN NEI TA!*
__________________________________________________________
- started from the Mid-2008
Report this comment
November 26th, 2010 at 5:57 pm
Lersia kohhran leh pawllian belh a,lansarh chak viau mi ni mah la,i in khawmngai loh hmel em a . I langsar lo ang, i tum dan Lalpa in a hnawl che a nih kha. kohhran bel a Pathian bel leh si lo chu an vui zel a nia.
Report this comment
November 26th, 2010 at 6:11 pm
Lersia thusawi chuan ngaihtuahna a va ti thui ve aw! “Hawh teh u i ngaihtuah tlang dawn teh ang u le” tih hla ka rilru ah a rawn lang!
Ni e, Kohhran thenkhat ah hi chuan Politics hi a in rawlh a ang ka lo ti va mai mai thin. ZG thu tlangaupui pawh hi kan vaia in enfiah nan i hmang teh ang u..
Khamrang chu a va sawi tha ve!
Report this comment
November 26th, 2010 at 6:30 pm
Hei hi mahni in enfiah nan hmang ṭheuh ila ṭhain ka hira. Kohhranah hi chuan a inti tatu apiang chan a ṭha mai.
Report this comment
November 26th, 2010 at 6:52 pm
@Lersia rilru dik lo pu chungin thu dik fu fu i sawi niin ka hria. I chhuanlam siamho avanga Kristian sakhua i kalsan a nih chuan Pathian hmaah Kristian i nih loh chhan i sawi anga, “an va ti dik love” tih pahin meidilah thlak ta tho che sela…? I vei ang vei ve tho Kohhran chhunga rinawm taka awm kan la tam e. Come, let’s do something!!!!
Report this comment
November 26th, 2010 at 7:39 pm
@hltm, i bei fuh ltk. . . Politik kan khel ve juai mai mai ani e. . . Kei tak cuan pem tak tak poh ka tum lemlo. A pem tak tak tehi ka ui lutuk a. .
Report this comment
November 26th, 2010 at 11:21 pm
Nizan dar 2:00am vel a ka comment ve kha engatinge a awm miah lo???? Ka mutchhuak lutuk ka off nghal a, ka submit ve ngei in ka hria asin mawle….shala…
He hla hi lo ngaithla ve teh u….a nalh ka ti lutuk HW Longfellow-a phuah, a nupui kangmei ah a thi a, a fapa indona ah a thi bawk a, lusunna atanga no more war, no more suffering, peace on earth ngaih vawng vawng na atanga lo piang ani e….
https://www.youtube.com/watch?v=bK8xB1opuQ8
Report this comment
November 27th, 2010 at 1:10 pm
#63 i ti dik. ka submit rual chiaha ka rilru a ni. Tunlaia a subject tui ber alawm.
Report this comment
May 8th, 2012 at 4:23 am
Nia, vei i ngai anih kha.
Report this comment