Pathian kaihhruaina a zarah December thla chu kan lo chuangkai leh ta reng mai a. Kan hma lawkah Lal Isua piancham lawm turin mitin kan in buatsaih leh sauh sauh ngei ang le. He hunah hian mi tam takin thinlungah Lal Isua an pian nawn tir laiin tam tak chuan inthlahdah leh sual rawngbawl nan kan hmang leh ngei ang. September thla, beirual thla leh October leh November, camping leh crusade thla a piangthar tam zawk pawhin he December thla hi dak leh thla ah kan hmang leh ngeiin a rinawm.
A thuhrimah Mizo te hian pianthar kan awlsam ang bawk hian dak leh pawh kan awlsam ni te hian ka hmu a. Synod leh Makedonia chanchinbu a camping leh crusade a piangthar zat an rawn chhuah hi belhkhawm ta ila, kohhran dang tel miah loh pawn, kan Mizoram population hian a daihtawh lo hrim hrim. Kohhran hrang hranga camping leh crusade a piangthar zat nen belh phei chuan mi pakhat hi vawi 3/4 lai piangthar nawn angin a chhut theih ang.
Heti em em a kan dak awl leh chhan hi engatinge ni ang tia ka chhut neuh neuh hian kan pianthar dan system hi a diklo ni ta berin ka hria. Krista nei tak tak si lo in camping leh crusade boruakah kan piangthar a. Kohhran in ni se karkhat chhunga kan inkhawm zozai ring zo loin camping leh crusade kan buatsaih a. Chutah keimahni in ring zo lovin speaker khawia mi amaw kan han sawm ngei a. Counsellor kan hmelhriat ngai loh ten Pathianthu min hrilh bawk a. Ni 5 ni 6 vel lai pawnlam boruak dawng miah lo a kan in khung hnuah a tawp zan ah Speaker-in microphone a tangin a puam thei ang berin vau ti tih thlem titihin sawmna an siam ta mai thin a, Lal Isua nei tak tak si lo hian emotional vangin a ni ber ang chu kan piangthar ta hum hum ni berin ka hria.
A hrimhrim ah campinga kan counsellor tam zawk pawh hi han chhut chian chuan, sual ve tak tak, inchhungkhurah pawh tangkai lem lo, nu leh pa pawn tihngaihna an hriat loh, speaker zui se a ziaawm ber an tih hi an ni duh tlangpui leh nghal (an zavaiin an ni erawh ka ti hauh lo ania). A tam zawk hi chu speaker an zui loh thla hian an da zui ve leh duh viau bawk. Heng ho hian pathian thu min han hrilh ta thin ania. Kohhran lahin testimony a an sual lai chanchin sawi tur ngah a piang hi kan ngaisang emaw tih turin duhtawka an sual lai an han sawihnu ah ‘A khawngaihna a vanga chhandam’ anih thu an han sawi tawh hi chuan kan Hallelui hnan hep hep zel mai bawk nen. Nu ho phei chu mittui nen hnaptui nen an in sut hlep hlep zel tawh mai ani. Tette a tanga kristian, Lal Isua chanchina chawmlen, sunday school kal kim,Pathiang ring tlat mi te hi chu sual lai chanchin sawi vak tur an neih loh avang hian an nunin lantir mahse, kan hmu ‘rau’ tlat lo ni te hian a lang. Hetiang teh nuaih a kan pianthar thin a vang hian Thalrau thianghlim pawlna chang lovin, camping leh crusade rau pawlnna kan chang a dak leh pawh kan awlsam ni te hian ka hre mai mai thin.
Chuvangin Pianthar tak tak kan duh a, Lal Isua neih hi kan duh tak tak anih chuan he December thla Lal Isua piancham lo thleng tur ah hian tih tak zet in Krista hi au ila, a piancham ngeiah hian kan thinlungah lo piangnawn turin rilru leh tih takzet mahniin pathian hi au ila, camping leh crusade a piangthar kher lo hian Lal Isua hi kan thinlungah lo piang nawnin, Camping leh crusade rau ni lo, Thlarau thianghlimin vanram min hruaithleng ngeiin ka ring tlat nia kei misual hian.
Similar Posts:
- Bawngkawn YMA in Camp lut turin tilui
- Questions and answers
- PIANTHARNA
- Piantharna
- Puitlin lam pan ang aw (A thling baw hawkin)
December 12th, 2010 at 11:01 am
A khawi emaw zawk zawk a niang! :lol:
Report this comment
December 12th, 2010 at 11:34 am
“Piangthar,pianthar” awmzia hre lo, inti pathian thu hre tak2 tam lutuk hi a buaithlak lai ber a ni.Gospel camp a lut piangthar inti ho hian ‘pianthar’ awmzia an hre hlawl lo.Speaker leh councellor ho, an nun entawn tlak ka la hmulo bawk,a tlangpuiin an thatchhe em em a,patling hnathawk lo a,pathian thu ka sawi e ti a tei kual tei kual ta chuan thusawi tlawr te hi an thiam hrep leh nghal.Piantharna hi zawi2 a ,nitin nun uluk tak chung a krista lam a hmasawn zel na a ni.Camp a kar 1 vel va in chiah a,aw chher chhuai2 a zai vak2 a nilo.Piantharna awmzia hriat loh a vang hian a nia zoram pawh hian hmasawnna tak2 a neih theih miah loh! :? Camp a luh fo hi milem biakna chikhat a ni hial em aw ka ti mai2!” Mi then khat hian camp ai a tha thil dang/a thlakna kan la hre rih lo”an ti a
heng mi te tan hian Bible nitin chhiar chung a Pathian hnen a tawngtai ka rawn e.Mahni tha hnem ngaihna lo kal pui thui lutuk hi a tha ngai lo e.
Report this comment
December 12th, 2010 at 11:37 am
ka ngaihdan: Emotional vanga inhlan ve ta mai te, thiante zawng2 an inhlan tawh vanga inhlan ve ta mai te a tam zawk chu kan ni ngei ang!
Kan pianthar dan fuh/dik tawk loh vanga da leh hma thin chu ni tho mah ila, thlarau thianghlim pawlna changa, piantharna dik tak chang pawh tamtak an awm.
Piangthar tak2 emaw piangthar fuh/diklo emaw pawh nise kan dak leh hma em em nachhan ni a lang chu “insumtheihnate, taimaknate” kan tlakchham thin vang te pawh ani ang.
Tin, rawngbawl laia Pathian mi hman em em te pawh hi engvangin nge an dak leh thin kan tih chuan rawng an bawl loh (an chawlh) laiin an inthlahdah vang ani tlangpui.
Rawngbawl loh lai pawha Pathian hmantlaka awm reng hi rawngbawl leh hunah pawh an chak/hmantlak zual thin. Rawngbawl loh lai (chawlh lai) hi nun uluk hunlai ber ani.
Report this comment
December 12th, 2010 at 11:44 am
#3 hi keipawh ka ngaihdan chiah a ni.
Report this comment
December 12th, 2010 at 11:48 am
Uluk takin kan chhiar chhuak phawt ang e
Report this comment
December 12th, 2010 at 12:05 pm
Post tha tak a ni
Report this comment
December 12th, 2010 at 12:12 pm
Kan camping leh crusade te hi Pathianin mal a la sawm tih loh rual a ni lo, heta tanga piangthar tha tak tak an la chhuak zel a, Thlarau Thianghlim hnathawh a lang zel e.
Chutih rualin Thlarau Thianghlim ni lo thlarau dang chang te pawh kan awm thrin ngei chuan a lang.
Report this comment
December 12th, 2010 at 12:18 pm
Camping chhuak piangthar ni lo, Isua hmuhna leh chian na nun tak tak nei hi kohhran a mi rinawm tam zawk an nih ka va ring e.
Tunlaiah chuan camping hi trend a ni tlat tawh a lawm. Bial/kohhran camping pawh buatsaih thei lo chu ti zawng deuh te hian ngaihdan te hi kan nei palh ang tih a hlauhawm em em a ni.
Kan camping kalpui dan te pawh hi tih danglam a tha khawp mai. Sual a bul tan mai lo hian, ringtu nun intuaithar leh thang mek chawm nun dan te hi uar ta zawk ila.
Nia, “testimony a sualna sawi tur nei vak lo hi chu an testimony hi kan ngai hul riau lo maw.
…khrum
Report this comment
December 12th, 2010 at 12:43 pm
Chhandamna thu hi, naupan lai aṭanga Chhungkua leh Sunde Sikula uluk taka kan inzirtir phawt chuan, camping hi ṭul miah lo tur a ni. Intuai thar nana kan hmang anih erawh chuan a ṭha e.
Report this comment
December 12th, 2010 at 12:49 pm
Post tha tak ani e. Hnathawk peih silo, Pathian thusawia vakkual vel kan ngah lutuk hi ka vei ve khawp mai. Chutih lai chuan Evangelist thenkhat taima tak leh entawntlak tak chu an awm tho bawk a. Camping kan buatsaih dawn reng reng hian a lut tur kan han sawmkual vel chiam thin hi tul ka tilo khawp mai. Puangzar ila, Pathian mamawh tak tak leh Pianthar duhna neite chu an rawn lut mai anga, an lo piangthar anih pawhin an daihrei ngeiin ka ring. Camp lut tur chu tawngtaiin dil ila Pathian hnathawh kha ngah ka duh kei chu.
Report this comment
December 12th, 2010 at 1:07 pm
@awmawmpuia, #10: Full Support
Report this comment
December 12th, 2010 at 1:12 pm
#10: KHRUM
…khrum
Report this comment
December 12th, 2010 at 1:14 pm
Thlem pian thar a awm thei lo, vauthaih pian thar a awm thei lo. Speaker-te hi pian thar chiantir phawt an ngai tawh zawk. PIAN THAR tih term hi a dik lo, HRIN NAWN tih zawk tur a ni. A ngialngan tak tur ang phei chuan “CHUNG LAM ATANGA HRIN NAWN (born from above)” tih tur a ni — kan tawngkam bungraw hman PIANG THAR tih atang hi chuan a bangbo riau!
Report this comment
December 12th, 2010 at 1:59 pm
Ava han tha ve o. . Tam tak hi chu Camping boruak vanga piangthar anga awm ve mai mai an tam khop mai. .
OT:Coldplay hla Christmas Lights hi a va nalh tak emmmm
Report this comment
December 12th, 2010 at 2:00 pm
camping luh chhan chu chi hrang2 om thei ang,intuaithar duh vang te, miin a NUNHLUI NING insiam that duh vang te pawhin,thenkhat erawh chhungte tirh vang mahni a tumna nei lo(heng mite erawh chu an tlo kher lo mai thei)lawm taka lo chhuak tha hlen ta pawh tam tak an awm,chutih laiin, daih rei lo ve tak2 pawh an tam anmahni a zir niin ka hria,camping hrim2 sawisel erawh a fuh ber lo mai thei :wink: :wink:
Report this comment
December 12th, 2010 at 2:57 pm
Vawi sawm piangthar tawh chu piangthar ngailo ai chuan an tha hrim hrim ang, mi pianthar dan ah buai lo ila mahni theuh in ching fel ang u.
Report this comment
December 12th, 2010 at 3:01 pm
Thaiboy hi ka thlawp e.
Report this comment
December 12th, 2010 at 3:05 pm
Vawikhat pianthar dam chhung a tan atawk mai lo mi ka ti……
Keichu vawi 1 ka pianthar tawh…chuan dak leh chang leh ro deuh chang te chu nei mahila siamtharna nei turin Pathian hnenah ka kal thin….
Chuan camping boruak i rawn sawi khi chu ka ngaihdan ka lo sawi ve fo tawh thin a ni…..Emotional emaw invau titih emaw in sawithaih a inhlan tir na hian rei a daih lo tlangpui in ka lo hmu thin….
Report this comment
December 12th, 2010 at 3:17 pm
Mahni Bible te chhiar a tawngtai khi kan tihreng tur chu a ni. Mahse camping dem tur chuan i thu a la nawi deuh.
An camping dan thin i sawi khi a hmanlai bawk.
Chuan thusawitu chu an thatchhia emaw thatchhelo emaw a ngaithla tu khan i zawm em tih lai kha a pawimawh ber fo.
Chianglo chhuak hian midang hi chianglo ve vek turah an ngaiduh.
Ringtu te hi da leh thei tur a siam alawm kan nih. Ringtu tha chu a tlu hlen ngailo thung. Nitin indona hmunah Setana nen kan indo thin, Kei Lal Sipai rinawm ka ni. Setanan min ngam lovang.
Report this comment
December 12th, 2010 at 8:40 pm
Ṭawngṭaia Amah kan auh hi a pawimawh. A ri emaw, ri lo emaw, meng reng chung pawh hian ṭawngṭai nun a neih theih. Chu chu rilru chhung ril aṭanga Pathian nêna kan inzawmna pui ber a ni fo.
Mizote kan pianthar zinna êm êm nia lang chu ‘Thuhriltute’ mawhah kei chu ka dah deuh. An rawngbawlnaa in hlankher lo hi chu ‘piangthar lo’ ang deuh thaw hian an chhuah thiam si a. Principle mumal tak nei lem lo tân chuan a ni leh ta lo emaw tiin an piangthar leh ṭhin niin a lang.
Report this comment
December 12th, 2010 at 8:49 pm
Krismas dawn velah hian Gospel camping siam an hmang thin. A chhan ni bera ka hriat chu Krismas lai vela zu rui, drugs rui an tlem nan a nih ka ring.
Camping (gospel), crusade etc atanga piangthar te hi a tam zawk chu piangthar tluan/tlang lo, a huhang vel a awm laia tha ve viau an ni chawk.
Mahse, zu ngawlvei emaw, eiruk hmang emaw, drug ngawlvei emaw, hlepruk ching etc tam tak ten, Isua hmuh theihna hun nei turin an nunna tlem tal chuan zuah sak an awm phah nual thin ka ring. Camping boruak velah an insum thinna avang khan engemaw chen chu ruih hmangte taksa chhe zual tur a chawl hrih thei ngei ang. Eiru te pawh khami chhung tal kha chuan …. mahse, an tih dan tur etc ngaihtuahna hun an nei lek pawh a ni thei tho mai hairehai
Report this comment
December 12th, 2010 at 8:53 pm
Camping naa ngawlvei, chiri thin te hi ka khawngaih thei khawp mai. physically in a hrehawm dawn em a ni.
…khrum
Report this comment
December 12th, 2010 at 9:47 pm
Tharpiang ti daih ilang an daih ri zawk duh mai lawng maw. :lol:
Report this comment
December 12th, 2010 at 11:35 pm
Ka vei deuh mai in rawn sawi e. Hmanlai chuan Pathian thuawih an ti a, tunlai chuan Piangthar kan in ti. Camping/Harhna lo thlen tirh lai vel atanga lo chhuak a ni ngei ang(?). Chuan, lam, hallelui, Amen ti thei chu ‘Thlarau Mi’ = ‘Mi Piangthar’ tha an lo ni ta, a hma a Pathian Thuawih thin mahse Thlarau Mi tih dan a ti ve thei lo te chu ‘Da/Piangthar Lo’ kan ti ni berin ka hre mai. Sapho hi an da ve ngai em? Ka belchiang lo a ka hre lo. Kristian kan nih a, Isua Krista’n ka’n tan a tuar a ni, chu tuarna chu kei Misual Vanram kai nan hian a tawk tih ka rina, a duh zawng ang a ka awm chuan Piangthar in ti lo mahse Vanram chu ka’n kai tho lo’m ni?? Camping a pianthar hi a tha lutuk..mahse camping lova Pianthar tluk a awm ka ring lo. Emotion hian nasa takin min khalh kawi thei sia…
Report this comment
December 12th, 2010 at 11:57 pm
Tha ve……..an mahni duhthlanna ngei leh an zawn chhuah ngei hian piantharna hi awm ta ang se a that duh hmel ka lo ti mai2……….camping/crusade a tha love tihna nilovin…………
Report this comment
December 13th, 2010 at 12:33 am
Biak inah pawh inkhawmlo, chhung inkhawm pawh ning ru tlat, tam tak phei chu tel duhlo; tawngtai ngailo leh bible chhiara Pathian zawng chuanglo hi tam tak an awm a. Heng mitena nun thar an neih duhsaka a bika Pathianthua chiaha, Pathian pawlna hun bik siam a hlawkna hmuh kan a awl ta hle mai a ni maw?
Tuna pastor, upa leh rawngbawltu tam tak hi camping leh crusade rah chhuah an ni a sin. A da leh tam tak chauh i hmu a nih awm hi a!
Report this comment
December 13th, 2010 at 12:40 am
Pianthar tih ah chuan Pu.Chawnghilha comment khi ka pawmzawng tak ani. Thil sual enge tih thin tih tak loh mai avang hian Pathianah chuan kan piangthar lo nasa..
Mizorama pianthar, camp a lut tam zawk hi mihring tangkaina nei lemlo an ni tlangpui ang! Chhungte chawmhlawm, nu leh pa hmangaihna zara khawvel chen ve mai mai an ni tlangpui..
Pianthar na hi a nghei a ngei lam a ni lo e..Pathian hriatna zawk a ni e. Hei vang hian daih rei a har deuh niin a lang.
Report this comment