Misual.com nena kan inchukha na a la rei loh ngaihtuahin a tel lo chuan khua a har mai thin. Misual.com a ka luh tirh khan ka inthlahrung deuh a, mahse rin ang a lo ni lo. A lo awm tawhsa te kha an fel em em a, tha takin min lo kawm nghal bawrh bawrh te kha a ni a. Hmel thar lo lawm dan an thiam bawk a, rang takin ka tlangnel ve nghal mai anih kha. Misual.com tangkaina tam tak a awm ang a, tlem azawng ka han tarlang ve hrim hrim ang e.
1. Misual.com ah hian hmel a pawimawh ber lo:
Hmel hi kan lo thlir khawp mai a, hmeltha deuh chuan bawr laih laih tu an ngah thei hle. Hmel chhe lutuk te, ngaihnobei lo lutuk te hi mi hian min kawm tha vak peih lova, mahni tal talin kan tal liam ve mai mai thin. Mahse hei, misual.com a rawn piang chhuak ta hlauh mai a, hmel inhmu tawn miah lovin ka titi thei ta. Hmelchhe hmaiser do, sawi bei bui tan pawh inthlahrunna tur reng a awm ta lo anih hi. Miin tunge ka nih an hre lova, eng ang hmel pu nge ka nih an hre lova, ka thuziak chiah an chhiar thei. A va nuam em. A hma kha chuan hmeichhia nge ka nih mipa an hre thei lova, nula nge ka nih pa, patling nge ka nih nutling an hre thei lo. Ka thuziak erawh an chhiar thei. Nuam ve deuh asin….. Misual.com ah hian hmel a pawimawh ber lo, i thuziak, i tawngkam te kha a pawimawh ber zawk. Hmel hi pawimawh ber ta se chuan keini ang ak zat hnih hnuai lam, rawng lo lehnghal te lek lek chu kan tla pil vang vang ang chu.
2. Misual.com ah hian tu pawh kan leng vek:
Misual.com huang chhungah tihian kan titi a, kan inkawm a, ngaihdan kan sawi hova, a chang leh kan inhnial a. A changin fiamthu kan thawh a, keimahni tawkah kan hlim ve em em thin. Hmel hriat loh te nen lungrual taka ngaihdan thuhmuna kan titi ho theihna hmun chu misual.com ngei hi a lo ni. Hnama inthliarna a awm lova, international boundary in min thliar hrang lova, hmelchhia pawh, hmeltha pawh, hmeichhia pawh, mipa pawh, naupangte atanga putar thlengin helai hmunah hian kan leng vek.
3. Misual.com hi inkawm khawmna hmun a ni:
Khawvel hmun hrang hranga zo hnahthlak chengte lungrual taka inkawmkhawm theihna awlsam ber pakhat chu misual.com hi a ni a tih theih awm e. Tihian mahni hunawl neih hun ang apiangah han lut ila, thian kawm tur, titi pui tur an awm mai thin.
4. Misual.com hi thian siamtu a ni:
Misual.com avang hian thian ka neih phah nual ta a, Nitin zantina ka kawm thin te nen hi chuan a takah pawh a lo innel theih khawp mai. Khaw kar inhlat tak tak leh ram inhlat tak taka cheng te pawh thian ka nei ve ta. Tunah chuan hmel la inhmu ngai reng reng lo pawh kan lo innel ta hle anih hi.
5. Misual.com hi bengvarna hmun a ni:
Thuziak chi hrang hrang, beng tivar thei tur tam tak a rawn chhuak zut zut thin a. Heng zingah hian thu bengvarthlak tak tak a tam a, news thar ber ber chhiar tur a awm fo thin bawk. Misual.com avang hian thil thiam thar te pawh kan lo neih tak hial hi. Bengvar nih i duh chuan misual.com hi chhiar ve thin ta che; tichuan i khaw hawi te a lo zau dawn nia.
6. Misual.com ah hian eng lam hawi pawh a leng:
Misual.com ah hian thu chi hrang hrang chhiar tur a tam thin ngei mai. Computer atanga mobile lam hawi te, rimawi lam te, video en mai tur te, thu leh hla ngaihnawm tak tak te, business lampang te, Pathian thu atanga KS leh Zu lam thlengin a leng vek chu anih hi.
7. Misual.com ah hian senior bik leh lal bik an awm lo:
Misual.com nawm em em na pakhat chu junior bik leh senior bik kan awm lo hi a ni. A senior ber Benjamin Rualthanzauva ai pawh hian ka pawr zawk ziah thin. Kha daih kha asiiin. Kan hotu (admin) te hi an zahawm hle rualin duh duha kan han kap pawp pawp mai te hi nuam ve deuh mai a nia. Hotupa Sandman-a han hnial ve mai mai te hi nuam dangdai deuh ania. Tupawh lo tel thar awm se, tha taka kan kawm tlangnel nghal mai thei thin te hi in va fakawm tak em.
8. Misual.com hi tanpui ngaite puitu a ni:
Misual.com ah miin tanpui a ngaih thu a rawn post fo thin a. A thei theiin an han tanpui liam liam thin te hi a va nuam tak em. Kei ngei pawhin harsatna ka rawn post fo tawh a, SMS chungchang te, Email chungchang ah te leh Computer monitor chungchang ah te an nih kha, nangni thian tha tak tak te zarah ka harsatna te rang taka nuai bovin a awm thin anih kha. A va ropui em, a va tangkai em.
9. Misual.com hi rethei chanhai te tan thian tha a ni:
Kum 2009 Krismas charity kha mirethei tanpui ngaite tanpuina lam hawia misual.com in ke a pen tanna rahbi pawimawh takah ka ngai a. Khami tuma hmala tu te kha an fakawm ka ti khawp mai. Kan hman liam tak krismas ah ngei pawh khan nasa taka hma lak nawn leh a ni a, mi tam takin hah taak leh harsa taka an thawh chhuah sa atangin ui miah lovin mirethei tan an chhung khawm a, kan sem ral leh ta anih kha. Kha ngei kha a ni mirethei hnen thleng phak chanchintha chu. In pawisa vawm khawm kha a thlawnin a luang ral lo va, in thilpek hlu tak tak te avang khan mirethei tam takin hlim takin krismas an hman ve theih phah asin.
10. Misual.com ah hian fimkhur a tha:
Tunah chuan thingtlang kilkhawr ber ber atang pawhin mobile phone GPRS kaltlangin internet an lut sup sup ta. Kan rin aia nasa hian misual.com hi an chhiar tawh a nia. Mizopa internet hmang tam zawk tan hi chuan mizo website ngei maia mizotawnga thuziak tha tak tak chhiar tur awm reng na hmun misual.com hi tlawh lovin awm a harsa ngawt ta ve ang. Chhiartu zinga 20% vel bak hi chu an in register ka ring meuh lo. Ka hriatah ngawt pawh, regular taka chhiar thin, mahse in register lem lo an tam khawp mai. Hei vang hian misual.com tlawhtu hi an tam hle turah ngaih tur a ni. Kan tawngkam hman te, kan thuziak te hi tun ai hian fimkhurin uluk lehzual ta ila. Post ai maha comment a ngaihnawm chang hi a tam hle thin. Hei vang hian mawihnai taka comment hi zir hram hram zel teh ang u. Mi rilru tina thei tur tawngkam dengkhawng tak tak te hi insum hram hram a va tha thin em. Thuziak leh comment sensitive deuh hlek te pawh a awm fo thin a. Thenkhatin kan nuih liampui mai mai hi, thenkhat tan chuan rilru ti na ngawih ngawih thei tu a ni fo thin. A lo dawngsawngtu kan inan loh miau avangin thenkhat kamliam puat kha thenkhat tan thinurna te, lungawi lohna te, mittui titlatu te a ni thei fo thin. Mi rilru tina tu nilovin mi hlimna thlentu ni hram hram thei turin tan i la thar ang u.
Ka post hmasa lama ka sawi hnu bawk hi ka’n sawi nawn leh teh ang: Tangrual tham kan awm a, intibuai tham kan awm bawk. Misual.com huang chhunga leng kan nih vangin “inchhan tlat hun leh tanrual tlat hun” pawh i hre thar leh fo thin ang u.
Rawtna mawlmang: Pawisa lak luh nana advertisement siam:
Kei dai kil kar atanga mahni tawka tuang tichhah ve mai leh in zara thaw lian satliah ve mai mai hian rawtna ka han siam ve hluai teh ang. Misual.com tlawhtu an pung zel a, hetiang anih chhoh zel dawn te chuan advertisement banner te hi awm ve nual tawh sela a tha l’awng maw? Misual.com webite host nana pawisa senso a lo phuhruk ve ngawt pawh hi hlu deuh tur a nia. Kan admins te hi an hah theiin an buai thei si a. An hunawl neih chhun chhun ah te post lo lut check nan an hmang a, comment uchuak deuh a awm em an check reng bawk a. Post edit that ngai a awm leh an edit tha a. An hah em em thin. An hah man an hmuh ve hi a tul ka ti riau mai. Advertisement banner lian vak lo hi awm nual sela, pay per click ang te anih phei chuan kan in click chhawk zut zut anga a ni mai alawm. Revenue tling khawm ang ang te chu website host nana an hman bak chu an insem ve tawh mai ang a, an hah man an hmuh ve hi a hun tawh tlata hriatna ka nei. Kan admin fel leh duhawm tak tak te hian advertisement hi inthlahrung hauh lovin siam teh se tiin rawtna mawlmang tak ka han thehlut e. He rawtna hi a mawl ang anga hnawl a lo nih paw’n ka pawi ti chuang lo. Enge in ngaih ve dan, Unau te u?
Similar Posts:
- Misual.com hi
- Misual.com kaihhnawih ka vei leh rawtna
- Chanchinbua chhuah hi
- MISUAL dot com a THUZIAK TE HI!
- Kan hre vek!
January 31st, 2011 at 10:02 pm
ka thlawp e!
Report this comment
January 31st, 2011 at 10:11 pm
misual.com hi chuan pawisa a nei ve tan thin asin ..eh hihihih… nei tawh lo te anih chuan lol …
Report this comment
January 31st, 2011 at 10:15 pm
#1 ang khian
Report this comment
January 31st, 2011 at 10:17 pm
a tha khawp mai, misual dik tak i ni
Report this comment
January 31st, 2011 at 10:20 pm
@ 1-4
Report this comment
January 31st, 2011 at 10:30 pm
Ka pawm vek e.
Report this comment
January 31st, 2011 at 10:30 pm
Ni e, kan admin te hi an felin an nelawm lutuk a, ka fiam sual ang a, nel dan tawk ka thiam lo ang tih ka hlau thin. Admin nula ho nise, kan chhiah luai2 a, Mipa ho lah zawlpui fiam takin kan fiam bawrh2 a, kan va tlangnel hlawm tak em! A nuam teh e! Mahni hna theuha an buai ve zia te, hunawl/hahchawlhna hun an mamawh ve tur zia te ka chhut a, keini post leh comment ho te2 vilin, hlawkna pawh tel miah loin he site hi an enkawl a ni a, fak an va phu tehlul em!
Report this comment
January 31st, 2011 at 10:30 pm
Ak zat hnih hnuailam,rawnglo lehnghal ni mah la..ti vel..
I ziak tha hle mai caribou..thil awmze nei tak, tihawm tak a ni..thlawp bon top
Report this comment
January 31st, 2011 at 10:39 pm
Ka thlawp vek e
Report this comment
January 31st, 2011 at 10:42 pm
Report this comment
January 31st, 2011 at 10:45 pm
A ṭha khawp mai
misual.com hi a awm lovang tih ka hlau khawp mai
Report this comment
January 31st, 2011 at 10:45 pm
mahse Misual.com hi charitable organisation ani lo …… ti ve traawt ang …hihihhi
….. pawisa pawh misual.com hian a neih ve ka ring 
Report this comment
January 31st, 2011 at 10:54 pm
misual.com hi thian siamtu a ni.
A dik! Hman thiam loh chuan, ralkhata hmelma leh min hawtu siamtu pawh a ni thei.
Inthliarna a awm lo… ti a, thenkhatin rilru zau tak an put laiin, mi puitling tak anga lang, mi thliar ching – rilru zim tak lo pu tawk pawh an awm thei tho.
Engpawh nise, misual.com avang hian ni leh zan hlimawm ka hmang tam ta! Thiantha tamtak ka chhar phah bawk a, ka lawm em2 ringawt mai a ni ber e.
Report this comment
January 31st, 2011 at 11:05 pm
a va thra chung chuang ngai em he post chu
Report this comment
January 31st, 2011 at 11:13 pm
I va han ngaihtuah kim thiam teh lul em.tanpui ngai te tanpui tu,chanhai riangvai te pui tu,thian siam tu,PENPAL zawn lai te pawh min ti ngai e,THILTHA hi a va chuak hnem teh lul em,MISUAL COM dam reng rawh se,nakum chu theih tawkin tang ve teng HASHEM in min veng se,CHARITY ka vei thar riau mai.(Y)
Report this comment
January 31st, 2011 at 11:13 pm
Min sawi tel ve tho in ka hria…
Ziak tha khawp mai 
Nia, keipawh hi kum 2 leh a chanve ai tam mah ka gmail account ah hian misual articles hi ka subscribe a, post 5 aia tam ka download a, ka chhiar nghek thin 
Report this comment
January 31st, 2011 at 11:25 pm
G. Reader atangin topic ka chhiar peih ho ka chhiar….
Report this comment
January 31st, 2011 at 11:25 pm
Kei tehlul hi a sin he site zawm atanga chhawr em em mai chu. Ka comment loh pawhin ka chhiar hram thin.
a takah chuan mi zahawm hlir inni tih ka hria. Thinrim loa han inhnial hi a nuam ka ti ve riaua, kan inhnial bap2 hian tran chhan tur zawngin kan in keu zau ve a, engemaw ti kawngzawng tak chuan a tha ka ti phian. Thinrim erawh ka tum ngai lo. 
Junior te e tilo chuan ka ngam vek che u a
Report this comment
January 31st, 2011 at 11:33 pm
Paws tupa rawtna hi tha ka ti e. Nia, misual nih hi a va rapthlak em!!!
Report this comment
January 31st, 2011 at 11:46 pm
2007 kum atangin zankhat pawh hi ka la awl lo mawle,lut loin ka awm thei lo, Sabbath zan tih loh,Misual com zun hian min phuar a ni ber, ka lo ngaihtuah ka sawichhuah thiam si loh hlir i rawn sawi a,min hlawk nan an hman lain kan admins te chu aw .. advertisement rawn siam chur chur mai teh u. ziak tha bawk a he rose par hi aw pu caribou.(F)
,
Report this comment
January 31st, 2011 at 11:46 pm
Report this comment
January 31st, 2011 at 11:47 pm
A VA SORY THEI CHIANG
Report this comment
January 31st, 2011 at 11:52 pm
A nuam eeee… IN fel hlawm bawk sia, khawnge thla ka’n lak sak ringawt teh ang che u .. ready .. 1.. 2.. 3…
In za vaiin..
muaahhh.. !!!!! 
Report this comment
January 31st, 2011 at 11:59 pm
hmmm..hawl kim fu mai a.
Report this comment
February 1st, 2011 at 12:03 am
A tha ka ti vek!
Comment 1-23 ka pawm vek bawk.
Report this comment
February 1st, 2011 at 12:14 am
admin te thu thu
Caribou chu hmelchhe deuh em ni, hmelchhia va sawi nasa ve
Report this comment
February 1st, 2011 at 12:18 am
Ka hman loh laiin alo chhuah chu le. Ka chhiar chhuak tho e. Tha hle mai. Keipaw’n misual.com a tel chhan tam tak ka nei. Nakinah zawi muang in la sawi ve dawn ila…
A ziaktu hi mak ka ti khawp mai. Hetiangin thu ziak lam a thiam ang tih ka suangtuah ngai lo. MI leh hma sak berah solo tura in sawm ka duh tlat bawk a ni inti sual lo ang.
Report this comment
February 1st, 2011 at 12:25 am
Ka thlawp e….
Report this comment
February 1st, 2011 at 12:30 am
Hmel hi kan lo thlir khawp mai a, hmeltha deuh chuan bawr laih laih tu an ngah thei hle
bawrtu ka hmu tlatlo! 
Hmel chhe lutuk te, ngaihnobei lo lutuk te hi mi hian min kawm tha vak peih lova, mahni tal talin kan tal liam ve mai mai thin. ……… dik bawk si!
Report this comment
February 1st, 2011 at 12:45 am
Saitawk hi zantlaiah thlan hluam chunga rawn comment ching tlat
Report this comment
February 1st, 2011 at 12:48 am
Report this comment
February 1st, 2011 at 12:57 am
@drake mai mai chu!!! :biru: lolssssssssssss
Report this comment
February 1st, 2011 at 1:07 am
“Leng zawng te kim na ber, RUNMAWI’ tih kha min ngaihtuah tir tlat mai.
Report this comment
February 1st, 2011 at 2:49 am
he post chu post awm tak a nih hi. misual.com hi chu ka lehkhabu pakhat angah ka ngai. Ka hriat loh tam tak ka hriat phahna. Admin te hi an va chhuanawm tak em, ngalfimin dam reng ang che u.
Report this comment
February 1st, 2011 at 5:05 am
Ni e, misual ah hian ngaihdan a inrual lo ve thin khawp mai!! Kan han inhnial leh bawrh bawrh thin chang te pawh a tam, inhuat phah nana hman chi anilo, misual comments chhiar ti nuam tu tak a ni ve pakhat tlat!!
Report this comment
February 1st, 2011 at 6:25 am
Good morning vek ule. Nizan ka chhingmit kawpza in a tlin ngang loh vangin ka meng rei ve thei lova. Comment a lo awm tam hman hle mai. Chhangchhepa thuziak hi chua phuailuai a, tuaihnum sak pawh ka mamawh viau in ka ring. Ziak sual palh te, spelling sual palh te a awm anih chuan Pu Kawlhawka hi lo puh hmiah mai teh u.
Report this comment
February 1st, 2011 at 8:43 am
Caribou, i ziak tha hle mai! misual.com hian live in hmu hlawm che sela chu, bawr luih luih tur chi chu i ni khawp mai!
I thil rawt advertisement chu a that viau rualin, a feasible lo mai thei ani! 
Report this comment
February 1st, 2011 at 9:33 am
He article hi ka duh BON top.
Report this comment
February 1st, 2011 at 10:03 am
Report this comment
February 1st, 2011 at 10:22 am
caribou chuziak tha hle mai, misual.com tan hian ngaihtuahna pawh i seng tam tih a hriat reng, i chhawl te pawh a lo hal tawh a nge kha thingpui
Report this comment
February 1st, 2011 at 10:38 am
@triplestar: Tui a lo haw a, ka che buai kher mai. Ka chhawl a hal ta e. Thingpui chu ka lo in ang e.
Report this comment
February 1st, 2011 at 12:08 pm
Ngaihnawm hle mai,tin i rawtna pawh hi a nih ang ang hian ka tlawp vah e.Mahse kei chu tangka sum han sih chhuah mai tur hi kan nu in min pai ve thlap te a nih loh chuan ka nei ve mai thin lova,a nei nei khan han puitlin teh un,in zar ka lo zo ve talh ange.
Report this comment
February 1st, 2011 at 1:38 pm
Tha khawp mai, nia kan admin te hi an ahn fel lulai khawp a,, an comment ve pon ,admin ani tih poh kan hre ngailo.. Kei phei chuan Fonz a hi emaw admin kalo ti char2 asin ..
Report this comment
February 1st, 2011 at 3:01 pm
A tha lutuk…. Advertisement ti duh an tam ang chu awww!!! Septic Tank khat atanga Samsiamna thlengin. tih chi dawn riau mai a, pu caribuo i rilru i seng tih a hriat hle mai. hetiang zozai ziak chhuak tur hian i hun engemaw ti chhung tal chu i ngaihtuah veng veng ve in ka ring a ni! anyway KUDOS
Report this comment
February 1st, 2011 at 3:04 pm
englo.. he post hi Middle School kan zir laia Zawlbuk Tangkaina te tih kan zir thin kha a ng reuh hle mai..
Report this comment
February 1st, 2011 at 3:13 pm
sei hle mai, ka chhiarchhuah dap chu le
nia admin te mawlh mai hi an fakawm
42 fonz a chu substitute admin a niang
a
Report this comment
February 1st, 2011 at 3:31 pm
keipoh misual.com k hriat hma chuan Youtube comments ah kan titi/inhnial vak2 thrin, nuam thei khp mai..
misual.com a post chhiar chiang mang lo a comment risk pap2 ang deuh hian youtube ah poh video en mang loin comment v pap2 thrin. mse peih toh lo..hehe 
Report this comment
February 1st, 2011 at 6:55 pm
Thlawp ve teh ang.
Report this comment
November 16th, 2013 at 1:03 pm
In thlawp vek sia. Han thlawp ve pawp i la ni mai lawm….
Report this comment
November 23rd, 2013 at 11:53 pm
He post chuan lung a ti leng mang e aw…………
Report this comment