Mizoram, zofaten he khawvela ka ram tih tur kan neih ve chhun hi mahni a ro inrel thin ram a ni. Mizo pasaltha te ram chhuahna thin ram ngaw dur tha pui pui chu British hoin thingpui huan siam nan an suat zawh zel avangin mizo pasalthate thin dam thei lo chuan thingpui huan a thawk ho an zuk run thin a.
Chu chuan a hun laia sorkar ropui ber mai Bristish sorkar ti thinurin kum 1895 khan Mizoram chu British thu hnuaia kun turin a awp bet fel ta. Kum 1947 a India, British lak atanga a indan dawnin British ho chuan Mizoram, politics ah pawh la naupang te, kal zir dawn tan ek ek chu India hnenah an han hnutchhiah tawp mai a.
Tichuan India ram chuan Mizoram chu fahrawn chhawma chhawmin Assam hnuaia district council pakhat ni turin kum 1952 khan a siam ta a ni. Fahrawn enkawl tih takah district council budget hmasa ber chu Rs 12000 chuang awrh ani. District council budget ah chuan a la tlem ber mai awm e. Mizoram mipui kumkhat chhung enkawl nana Assam state in heti zat chauh budget a siamsak nachhan hi India sorkarin fahrawn enkawla Mizoram a enkawl vang a tih loh theihloh a ni.
Hetiang taka dinhmun chhiaa enkawl anih mek laiin kum 1959-ah mautamin zoram chu a han nuai ta a le, tam a tla chu ani ta reng mai. India sorkar ropui tak chuan Silchar bula airport-ah thlawhna 10 vel lai chu Mizorama buhfai thlak turin a rawn dah ve bawk a. Thal lai chhung zawngin lohal khu avangin a thlawh theih loh an tia, fur a lo thleng a, chhum zing nasa avangin a thlawh theih loh ti lehin sorkar ropui tak mai thlawhna chuan buhfai thlak ngam hun reng reng a nei ta lo mai.
A hma atanga Sorkarin a enkawl dana lungawi tawh loh nen, Mautam kara sorkar chet dan han enin mizo mipui te lungawilo chuan Kum 1960 ah pawl thar Mizo National Famine Front a hring chhuak ta. Chumai chu la ni loin chu pawl vek chuan kum 1961 ah political pawl thar Mizo National Front hring chhuak lehin, an hotupa pu Laldenga hoin India sorkar ropui tak chu tawngka ni lovin Chengrang hmangin kum 1966 atangin an ko tran ta.
Fahrawn ten lungawihlohna an han ti lang ta chu le, India sorkar chuan a thawidam zawng ni loin,tha rum hmangin Zoram chu an nuai let ve ta thung. Tu sorkar mahin an tih duh ngai loh, India ramah pawh a vawi khat na ni turin Jet fighter nen meuh a thawk chhuakin Zoram chu bomb nen a ching ta. A sawp chu nasa tak a ni.
He rambuai a vang hian zoram chu hun thim, tah leh hathialna ah a lut a. Mipui thinlung chu hlauhnain a khat a. Sorkar sipai hlauh ngai bawk, ramhnuai lam sipai hlauh ngai bawk, Zoram tan hun a thim tak meuh meuh a ni. Patlingin vuak leh sawisak an tuar a, hmeichhe lamin pawngsual leh tih duhdah an tuar bawk. Hetih hunlaia zoram tawrhna hi sawifiah rual loh a ni.
India sorkar ropui tak chuan Mizo te chu tharum hmangin nuai bet mahse, mizote rilru a hmin thei lo tih a chiang ta. Tichuan le, kawngdang in a bei ta thung. Fahrawn chu fa tlum ah puangin UT ah an hlangkai sauh sauh a, tharum hmanga a awp beh theih loh zofa te chu Delhi atangin pawisa in a run ta thung a, hei zet chuan a thawh dan a dang ngei mai.
Zofate nun mawi tak chu sum leh pai hmanga eichhiatin a awm a. Zonunmawi, ‘sem sem dam dam’ ti thin nun chu chawh chhiat a awmin, eirukna leh mahni hmasialna nunin a luah lan zo ta. Hemi avang hian kum 1986 a Mizoram state a nih hnu leh tun thleng pawhin zofa te nun ah sum leh pai atchilh na te, duhamna te leh mahni hmasial na ten ro an rel ta a ni.
Vawii ni thlengin Zofate chu khawngkhawbaiin kan kal phah a, chawmhlawm state leh mahni a intodelh lo state niin, Delhi drip ringin kan nung che che chauh a ni ta .A tir a tang khan poilitics ah leh hmasawnna kalpui dan hrim hrimah khan kan phak ang tawk te te a hrual ni ta ila, hetiang hian zoram hi a tlusawp lo tur.
Vawiin ni ah zofate hi khawngkhawbaiin kal mah ila, nun tharin bul i tan tha leh ang u. He ram, khawvela mizo ten ka ram tia sawi tur kan neih ve chhun hi tlu hlen atan kan phal thei dawn ami? Hawh u tuna thangthar te hian i dinthar leh ang u. Thawhrimna leh dikna hmachhuanin ke pen leh ila, Kan ram innghah chhanah Isua Krista hi a taka hmangin Zoram thar i siam ang u. Tuna a chhung a cheng ten kan ram hi kan siam that loh chuan hnam dangin min siam that dawn si lo.
Kan thlah lo la awm leh zel tur ten, ‘Mizo ka ni a, Mizoram hi ka ram a ni’ ti a, chhuang taka he ram an la rawn luah leh zel nan, a chhe lai siam tha a, zoram tun din leh hi vawiina mi te hian kan tih tur mai nilovin a bat a kan bat a ni. ZORAM tho la ding ta che.
Similar Posts:
- ADC pathumin President hnenah MP seat 1 dil tum
- Hmeichhia-te tan Municipal Council
- Health leh Agriculture a hmasawn Mizoram.
- Direct Finance Order Mizoram Governor in a tidanglam
- Burma Ram Vanglai leh Mizo te
April 12th, 2011 at 1:04 am
Het la 100 loh chu a.
…khrum
Report this comment
April 12th, 2011 at 1:05 am
Lolz Pu HV a centenary vuak chhuah dan chu aw. let mawi hle mai a. a hahaha
Report this comment
April 12th, 2011 at 1:05 am
@ doc_lib
ka lo zawng ang e. Indian historiam tam tak thuziakin mite a provoke a, british mi huatna a siam a, chu chuan kristianna thlengin nghawng a nei. A pawi khawp mai.
Zoram din chhuah nan chuan Isua Krista zuitu rinawm, huaisen nih a pawimawh hmasaber ang. Chu Lal Isua zuitu rinawm leh huaisen nihna chuan ze thalo, nun dan thalo tinreng paihin, nun dan tha leh ze tha tinreng a paw chhuak a, chu chu kan ram DAMNA awm chhun a ni.
Report this comment
April 12th, 2011 at 1:10 am
@doc _lib…zan dar 1 a pel tawh tang viau pawh ni mah ila useless.
@ krum…khrum tui le
@ HV….Inshaallah
Report this comment
April 12th, 2011 at 1:12 am
@ Zualbonez ….eh Mu daih ang. naktukah kan tan tha leh ang. I thatchhiat leh chuan bhaga ah kan thawn thla tawh ang che. Muttui veks u misual te u
Report this comment
April 12th, 2011 at 1:15 am
baga thlang lam karimganj ah min thawn daih tawh.. thatchhe khua ah
Report this comment
April 12th, 2011 at 2:01 am
hei hi i chhiar theuh teh ang u.. a tha reuh riau mai, kan topic nen poh a in mil khop mai https://vanneihtluanga.blogspot.....e-vek.html
Report this comment
April 12th, 2011 at 1:15 pm
@benny#77… min bomb tute kha an la thi a nia aw!!
Report this comment
April 12th, 2011 at 1:34 pm
Bihar awm lai nen chuan in ang lo ta ve
Report this comment
April 12th, 2011 at 2:46 pm
@Fonz
Bihar atang pawh khan ka theih ang angin ka lo au tawh thin a sin. Kei zawng Zoram tan hian ka au zel dawn ka phak tawkin. Ka hring nun hun chhung hian Zoram thar hi hmu hman lo mah ila, chhuan thar lo awm leh tur te tal hmuh hman turin vawiin a mi te hian kawng i sah kuak sak ang u
Report this comment
April 12th, 2011 at 2:51 pm
het, kn type sual chhu le
@benny#77… min bomb tute kha an la thi lo a nia aw!!
Report this comment
April 12th, 2011 at 2:51 pm
doc_lib, lo la auh lauh lauh zel rawh
Report this comment
April 12th, 2011 at 5:01 pm
E khai a kalo chhiar miah lo a, a tha hle mai a. Hetiang ang rilru puakchhuak thei thalai tamtak awm ila ava tha dawn em.
Comment pawh a ngaihnawm hle mai a … I vei dan vel pawh i sawifiah tha e,lawmawm hle mai.
Pu Thangzama khan ‘Tho la ding ta che’ tih hla a phuahchhuah chhan mipui hma a asawi dawn apiangin sawi chhuak thei lo in a tap chhunzawm ziah e an ti a. Mi tam tak rin danah chuan Zoramin tihduhna kan tuar avanga he hla hi phuah ni turah ngai mah se a mesage ber chu i thuziak ang hian Zoram hmsawn zel tura duhna a ni ber a ni.
Post tha tak a ni.
Report this comment
April 12th, 2011 at 6:04 pm
@Krista
Ni e, dikna leh rinawmna leh tumruhna nen kan ram hi ding chhuak leh turin vawiin atang ngei hian thalaite hian kan bei dawn lawm ni. Hawh u i dinthar leh ang u
Report this comment