An inlar a, reilote hnuah a reh leh vang vang a, ram hrang hrangah inlarin an sulhnu leh pawi khawih fumfe tak hmuhtur erawh a awm chuang silo, mak ve tak chu a ni . Mizo in ‘ Thlengthlawkthei’ kan tih hi tunhnai mai pawh khan hmun hrang hrangah a inlar leh nasa hle a, news ah leh website hrang hrang ah kan hmu tawhin a rinawm.
Mi tamtak rindan leh ngaihdan ah chuan, UFO hi khawvel ram engemawberin a nei ru ang a, ramdang enthlaknan (spy) hmangin intelligent leh secret service lamin an thup tlat ni a ngai an awm a. Chutiang zinga rinhleh kai ber chu USA Military Base, Area 51(Southern portion of Nevada) hi a ni. A thenin USA Government leh Aliens kan tihte hi a ruka indawr tawn reng leh inbe pawp reng tawh annih an ring a, US hian khawvel hriatah thupin an venghim tlat a, tuma tlawhpawh theihlohna hmun, Area 51 ah a dah tlat ni a ring an awm a ni.
Area 51 rinhlelhna tizualtu pakhat chu, kum 1997 a Syndicate talk show host, Art Bella’n Area 51 a thawk tawh thin mipakhat hnen atanga phone call a dawn kha a ni awm e. An inbiak zawhhmain phone a reh a, chanchin dang erawh hriatzui tur a awm chuanglo. Hei hi a ni a makna chu, UFO chanchin hian vawilehkhatah min sawinghing dawt a, tumkhatah a reh leh duak a, ‘ dawt’ sawi ang hialin witness te pawh a siam lek lek thin.
Tun hnaia UFO inlarna hrang hrang han tarlang ila :
1) 1st January 2011 khan Nasca Lines, Southern Peru a thlawha te chi, Cesna Flight crew te chuan vansang chhumkara lolang flying object, UFO ni ngeia rin chu an hmu. Chu an thilhmuh video a an lak chu thiamna hmangin chiang lehzuala zirchian a ni a, UFO ni ngeiin an ngai a ni.
2) 28th January 2011 ah Dome of the rock temple mount, Jerusalemah UFO ni ngeia rin chu video chiang taka lak a ni.
3) 6th January 2011 khan Lake Elsinore, California chunga flying object dangdai tak, UFO ni ngeia rin thlawk lai chu chiang taka lak a ni .
4) 26th February leh 7th March 2011 khan hetiang flying object dangdai tak hi Russia ah hmuh a ni leh bawk.
Hmuhna dangte :
1) 7th July 2010 khan China Airport - Diamond shape flying object dangdai tak, UFO ni ngei a hriat chu hmuh a ni a, he thil avang hian hemitum hian airport a khaihlak phah hial a ni .
2) 5th June 2010 ah Sydney, Autralia- Van sanga spiral shape flying object dangdai tak, eng ( bright light) in a kual pap chu hmuh a ni .
3) September 2004 khan UFO hnuhma(physical) hnutchhiah ni ngeia rin, chiangkuang taka hmuh theih pakhat, phul(grass) dangdai tak, rinkual anga awm tamtak chu Guadalajara, Mexico bulah hmuh a ni . Mithiamte’n he thilthleng an zirchian bikna hrang hrang pawh hmuh tur a awm nual ang, kan sawi seng kher awm love. Kum 2010 January thla a Humble Telescope hmanga an thilhmuh, eng(light) danglam takte pawh kha mak ve tak chu a ni .
A chunga sawite bakah khian Unidentified Flying Object ( UFO ) chanchin tamtak video a capture hmuh tur a awm a, a then erawh siamchawp te pawh a awm maithei. Mahse, tamtak hi belhchiandawl tak tak anni hlawmin a hriat tawh a ni. He’ng thilthleng mit ngei hmu a, thla latute hi mi pahnih/khat chauh anni lova, hriatpuitu tamtak, a hunlaia thilthleng mit ngei a lohmu vete ( witness) an awm avangin ngaihthah theih ani tawhlo . Engpawhnise, he universe ah hian mihring nilo ‘thilengemaw’ chu a awm ngei a , enganginnge kan khawvel hian a hmachhawn dawn ? tih erawh hriat mai theih a nilo .
Kan technology lam pawh a changtlung chho zel a, telescope tha tak tak hmangin universe chanchin tamtak a hriat theih ta, engang dinhmun tak chu min thlen ang maw ? Rindan leh pawmdan inanglo a tam a, sakhuana nenna inkungkaiha ngai an awm a, ngailo an awm bawk a. Keimahni mihringte siamchawp, inbumna stliah a ngai an awm leh a, chutihlaiin khawvel mihring pung chak lutuk , he planet ( earth ) a kan lenglo mai tur hi he’ngho hian hretlangin min suat dawn, ni a ngai an awm ve leh bawk a ni. Chutiang rindan hrang hrang zingah chuan a dikber chu sawiloh, a awm ang ber tur tal pawh lakchhuah theih a ni chuang silo.
Keini aia technology sang turah kan ngai a, min biakpawh tuma lokal ni mahse kan thiamna a inthlauh em avangin mihring leh fanghmir inbiakpawh tum ang vel tluka theihloh hial ni a ngai an awm leh bawk. Mit ngeia kan hmuh nisi, nasa taka chhuizui zingah chuan engmah thuchiang leh rindan mumal nei thei lova min siamtu pakhat chu UFO hi a ni chiang ngei mai . Babel In sang kan sak mek hi kan zawh huna ( tawng thuhmun hmanga khawvel kan inbiakpawh leh theih hun ) buaina leh indona ( Armageddon ) rawn thlentute nithei hiala rindan neitute suangtuahna hi a thleng dik a nih chuan a rei tawhlo viau a ni. Tunah khawvel hmun thuma thena hmunhnih hi tawng thuhmun ( English) hmangin kan inbe fumfe thei hial tawh a, sciencetist lutuklo tan pawh a awm ang chu a chhut theih hial tawhin a rinawm. Engpawhnise, UFO nihna kimchang kan hriatchian theih hun tur hi kum tam a ni tawhlo niin a lang .
Engang chiahin nge in ngaih ve ? UFO leh khawvel inlaichinna hi inngaihtuah ve ngai em ?
(Ka thiam angin ka ziak ve leh thuai a, hrezau deuhte sawi ka ngaihthlak chak vang pakhat a ni e. Duh chuan thildang deuh pawh a sawi theih vek a nia)
Similar Posts:
- UFO in Bangalore airspace!
- Zirchianna mak..!
- Human history siam danglam a ngai em ?
- From Penis Pump to a Bomb
- Chhungkaw khat a tawng chi hnih hmang!!
tren tren
August 22nd, 2011 at 1:02 am
Enge a awmzia chu ka hre lo tawp a, mahse hmuh chu an nei thin anih hmel!
Report this comment
August 22nd, 2011 at 1:07 am
Identified objects pawh hi ka buaipui pha meuh hlawmlo, Unident phei chu kahase….
Report this comment
August 22nd, 2011 at 3:17 am
Ka thawhve leh ka chhiar ang..
Report this comment
August 22nd, 2011 at 4:31 am
Ka subject a ni ve tlat, mut hma in a bat a bat, ka rawn lut zuai. I taimakna ah ka fak a che, ka tih peihloh a nia,data,facts & figures lakkhawm a han compile vel hi. Ka ngaihdan chu Aliens I & II ka lo post ve tawh a, chipchiar chuan ka sawi nawn lo mai ang e. He universe ah hian keini chauh hi life form chu kan nih ka ringlo hulhual a, mahse tuna i data lakkhawmte hi chu theos, van hmun a thlarau sual ho te, bumna hnathawh vek annih ka ring thung e. A rah ah en ila, tunlai YZ generation zing ah chuan church of Satan leh Atheist ho aiin church of Aliens leh Aliens believers ho rinna hian kriatiante a hruaibo nasa zawk a, a hlauawm tial tial zawk bawk ang.X generation ten heihi kan counter thiamloh vaih chuan kan future chu another gospel from (fallen)angels in heaven, Paula hlauhlawk kha a ni dawn chiang.
Report this comment
August 22nd, 2011 at 5:06 am
Reiek tlangah pawh an hmuh awm tak kha
Report this comment
August 22nd, 2011 at 7:35 am
Khai a, UFO chu an lova inlar nasa chuai chuai ve, Aizawl chung zawn tak maiah hian rawn inlar ve ta thut mai se, mak ti tak tak kan tam ngawtin ka ring. Se, mizoram lam hi an kal chak vak lo a ni ang..te ka tia.
Report this comment
August 22nd, 2011 at 7:36 am
Kan Universe a nunna nei dang awmve te hi,
An thi ve thei angem, an thih hnu ah Vanram leh Meidil an kal ve angem, Vaivut atanga siam an ni ve angem, hmeichhia leh mipa an awm ve angem? tih te mai mai kan ngaihtuah a…
Report this comment
August 22nd, 2011 at 7:41 am
No Comment.
Report this comment
August 22nd, 2011 at 7:41 am
Pu ZOHO chu va ron la pathian thu ruih ruih ve mawleee …
‘van hmun a thlarau sual ho te, bumna hnathawh vek annih ka ring thung e’ Atmospheric phenomenon poh ani thei ve nual lo maww … Thlarau sual ho hnathoh atan chuan a nep ka ti .
Report this comment
August 22nd, 2011 at 8:02 am
UFO hriat chian duh chuan Mr. Bean or MIB ho zoh chi fu ang
Report this comment
August 22nd, 2011 at 8:06 am
Ka chunga mi rindan khi ka tawmpui e….alien part I & II te pawh kan chhiar tawh kha le….
Report this comment
August 22nd, 2011 at 8:25 am
tha khop mai,hetiag lamthu jiak reg2 chu ka download gei2 thin,ka nopan lai atanga ka ngaihven jogtak anive hrim2 a, lehkahabu dorah te kalin atlantic tuipui bermuda triangle a an chetdan jog2 nena lo tuipui thin ka ni a,a bu kanei thina, kadahna kanhre chhuak mai tohlo a,hmuh hunah kala ron post ang,
Report this comment
August 22nd, 2011 at 8:31 am
middle school leh high school ka kal laia ka chhiar bak kha UFO chanchin hi ka la chhiar leh ta reng reng lo mai…ka buai ve ta deuh a ni ang..haihiu
Report this comment
August 22nd, 2011 at 8:47 am
UFO hi an ngeiawm ve hrim hrim alawm, chiang kelhkawlha an thla lak sak tur leh kawm tura an inlar rei tha duh lo lutuk hrim hrim pawh hi ka ngei ngawih ngawih tawh.
e taka!! hei UFO sightings pics, 1960,70,80,90-a an thla laksak niawm tak, fiah vak siloho ka kawl nual mai.
Report this comment
August 22nd, 2011 at 8:48 am
Chhawihfa an nih chu.
Report this comment
August 22nd, 2011 at 9:05 am
ngaihnawm ka tih zawng tak a ni
An lo va in lar nasa sup sup ve . . a tak ah ka hmu ve chak ngawt mai .
Report this comment
August 22nd, 2011 at 9:13 am
Pa ber zu rui thinrim pawhin, inchhungah thleng-thlawk-thei leh bel-thlawk-thei te an siam ve fo a nia. Thildang pawh sawi theih ti bawk a..
Report this comment
August 22nd, 2011 at 9:39 am
A bengvar thlak e. Ka tuipui zawng tak chu a ni chiah lo na-in ‘Doomsday Conspiracy’ (Sidney Sheldon) kha chu ngaihnawm ka va ti teh lul em.
Report this comment
August 22nd, 2011 at 9:59 am
I believe in the existence of UFO.
Report this comment
August 22nd, 2011 at 10:02 am
UFO chungchang ziahna hrim hrim hi ngaihnawm ka ti. Keimahni-ah engmah thil tha lo thlen a nei lem lo bawk a, ngaihnawm ti deuhvin i lo chhiar zel teh ang. Post tha tak a ni.
Report this comment
August 22nd, 2011 at 10:41 am
adik lutuk, tuaisiala ngaihdan hi ka tawmpui e
Report this comment
August 22nd, 2011 at 11:59 am
#4, i post kha ka chhiar ve ve tawh a, a ngaihnawm ka tiin a rinawm pawl tak zinga pakhat a niin ka hria ….
Sawi leh mai mai ila, hetiang UFO/allien kan tihte hi tunhnai, kan hriatphak chin a inlar thar pawh an nilo niin an sawi. Chhuizau mite chuan Pyramid technology dangdai tak hi he’ng ho puihna a an sak a nih an ring , khatiang hunlaia lemziak ker pakhat an hmuhchhuah ah chuan mihring ruangam dangdai tak, space suit nena inthuam lai lem hmuh tur a awm a ni .
Zir mite sawi lehdan pakhat chu, engemaw chhiatna, planet dang insut vangte, arsi tla vangte..etc, kan awmna planet in a hmachhawn dawn hian min biakpawh tumin an bei a,mahse a theih rih miauloh avangin min hriattir tur talin an lo inlar nasa lehzual thin niin an sawi , kan tana fel leh tha niin, min tanpui duhtute ni ah an ngai ve thung.
Report this comment
August 22nd, 2011 at 2:42 pm
The TRUTH is out there… Mulder
Report this comment
August 22nd, 2011 at 3:33 pm
UFO hi ka hmu ve chak ngawt mai,mahse inlar duhna bik hi an nei aniang,Mizoram lamah hian an rawn kal ve duh lo emai
Report this comment
August 22nd, 2011 at 7:51 pm
an identify chian hnu ah ka la ring ve ang. tunah chu ring lo bur.a hming atang khian a chiang lo nghal. UFO rock band te erawh hi chu duh tak ka ni, vinnie moore tel na video te kha aw, hmuhnawm rap..
Report this comment