mi(sual).com

Tin, Isuan uain thur chu a lo in zawh chuan  “A kin ta,” a ti a. Tin, a lu a kun a, a thlarau a thlah ta a. ( Johana 19 : 30 ).  Vawiin Lal Isua Krista in kan tana a tuarna vawr tawp, nang leh kei,  Pa, Pathian hma a tling zo tawh lo, mi bawlhhlawh, tenawm chhe lai let derin,  Pathian fa a vuaha kan awm leh theihna tura a tuarna champha kan lo thleng leh ta reng mai.

Eden sualna : Tin, Adama hnenah chuan, “ I nupui thu i zawm a, thing pakhat, ‘A rah i ei tur a ni lo’ tia thu ka pek che kha, a rah i ei avangin lei hi nangmah a vangin anchhe dawngin a awm ta a ni; ( Genesis 3:17). Eden bawh chhiatna, theirah ei loh tur eina a vang chuan lei hi anchhe dawngin  a awm a. Tichuan nang leh kei chu Pathian anchhe dawng, Pathian ram luah tlak lo, misual, mi bawlhhlawh kan lo ni ta. Khaw lohna a din, suala pai, hringfa dinhmun  chu nang leh kei a din hmun a ni a. I tan leh ka tan hian Pa Pathian rorelna hma ah chuan thiam channa reng a awm lo, dan i zawm famkim thei anih si loh chuan.

Thusawm pek chu :  Thusawm pek kan hria. A bul a tanga sawi dawn chuan a sei lutuk, kan sawi vek seng lo ang. Keimah lo chu Pathian dang be suh..ru suh,  ui re suh, tuat that suh..Awt suh…. Etc .. Chu dan khirh lutuk chu nang leh kei, suala piang, khawlohna a din tan hian zawh famkim theih rual ani lo. Thuthlung hlui hunah chuan chu dan chu i zawm famkim si loh chuah Pathian ram i chang thei dawn lo reng reng. Sual bawiha tang, khawlohna a din nang leh kei hi kan nih miau avangin kawng dang a awm lo em ni tiin Pa, Pathian meuh pawhin hmangaihna a vangin nang leh keiin A mah kan hnaih leh theihna tur kawng min zawn sak hram hram a ni.

Fapa a rawn in lar ta : Pathianin a duh taka a siam, a hmangaih em em mihringte  chu suala kan tluk tak avangin kan inzawmna zawng zawng chu chhut chahin a awm a. Nang leh kei chu Pa Pathian hmaah chuan mi bawlhhlawh, mi tenawm kan ni ta. Chu din hmuna kan awm mek lai chuan, sual a vanga kan boral hlen tur chu phal lovin fapa pekin kan awm ta( Isaia 9: 6). Nang leh keia din hmun ching fel tur hian,i thawh ve, ka thawh ve ngai hauh lovin, chhandam kan nih theih na tura van mite rorelna hi i ngaihtuah ve ngai em? . Sualna reng reng nei lo Krista ngei chuan, nang leh keiin Pa rorelna hma a thiam kan chan ve theihna turin ‘ Ka pa, an bawlhhlawhna leh an sualna zawng zawng khu ka phur anga, an tan tuarin ka nun ka hlan ang..an mahni en lovin keimah min en ang che’ tiin nang leh kei atan tuar tur in a rawn in pe ta. Philippi 2: 8 ah chuan  ‘  Mihringte anga lo piangin, bawih angah a in siam a, amah leh amah a in ti tlawm ta zawk a. Tin, mihring anga lo awmin, a inngaitlawm a, thi khawp hiala thuzawmin a lo awm ta a, kraws-a thihna ngei chu ‘.. Hetah chiah hian ani Pa lung a awi tak ni. Nang leh keia sualna leh bawlhhlawh zawng zawng chu Isua Krista ah vawm beh a awmin , Pa chu kan kan zawm leh thei ta.

Nang leh kei atana Isua Krista inpekna hi a va ropui em ti ro. Mi bawlhhlawh leh tawmkai lo, khawlohna a din, nang leh  keiin,  Pa, Pathian hmaa thiam kan chan leh theih nan, nang leh keia sualna zawng zawng chu phura, nang leh keia hremna tuar turin, Kraws  ah khenbehin a awm ta.

A kin ta : Tichuan nang leh keia sualna, khawlohna chu phurin, hreawmna leh cheksawlhna tin reng chu a phur a. Nang leh keimah a vangin kraws lerah khai kanin a awm ta. Eng vangin nge Kraws lerah a thih kher  i ti ani thei. Hman lai chuan Kraws hi misual berte hremna, leiah pawh thi tlak lo, van ah pawh thi tlak lo te an hremna ani. Ti chuan nang leh kei, mi sual, mi tenawm berte sualna zawng zawng chu phurin, i tan leh ka tan kraws ah chuan khai kanin a awm ta ani.

Fapa Isua Krista, sualna reng reng nei lo chu, nang leh keimahin Pa rorelna hma ah thiam kan chan theihna turin, kraws lerah ngei chuan khai kan a awmin, he thu ropui tak ‘ A kin ta ‘ tia auvin nang leh kei a tan a nun a hlan ta.

Eng vangin nge thil dang sawi lo va, ‘ a kin ta’ ti a a thlarau a thlah. Nang leh keimah a vanga a tuarna hi a hre chiang a, a tih tur ( a duty) a hre chiang a. Tichuan, kan sualna zawng zawng phura, kan tana thi tura a in pekna chu ti hlawhtling in, nang leh kei, suala piang, sualin a thuhnuaia  a dahna atang chuan, tih thianghlim a awmin, sualin nang leh keia chunga thu a neihna chu tih tawpa awmin, Pa, Pathian nena kan  in daidanna zawng zawng chu chhut chaha awmin, Pa Pathian nena kan inkara awm thin sual hnathawh chu , “ A kin ta” tiin a au chhuak  ta ani. Hei hi  Pa , Pathian ngei chuan rimtui ah lo pawm in, kan in kara daidanna bang awm thin puan zar chu tih thlerin a awm ta. ( Mathaia 27 : 51 )

He Good Friday ni ropui takah hian, Misual member zawng zawng te, kan awm hmun a tang theuhin  Pathian tan i in hlan thar leh ang u.

Similar Posts:

• Kraws Thu
• Rorelna hrang hrang 5 (panga) te.
• THAWHLEHNAA TIHNUN KA LO NI TA
• Sualfaina (Sunday Pual)
• Hlum Bêl chhûnga Ro

Recent Posts:

• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.
• MIN PHATSAN SI!
• Misual Apps
• MNF LEH CHAKMA POLITICS; TU NGE A KAIKUANG CHHUI A NGAI E !!!
• Android Games

This entry was posted on Friday, April 6th, 2012 at 10:00 am and is filed under Religion. You can follow any responses to this entry through the RSS 2.0 feed. You can leave a response, or trackback from your own site.