Kan nun hlui

May 24th, 2012 5:00 pm by Awmtea Khiangte

He hla hi November ni 18, 2007 College kan kal laia kan ṭhianho hla tur liau liaua ka phuah a ni a. A mawi emaw mawi lo emaw, a ṭha emaw ṭha lo emaw pawh ni se, ka tân chuan a hlu a, kan ṭhianho tân phei chuan a hlu lehzual ngei ang. A thlûk pawh ka siam a, kan sa ve ngei ṭhin alawm! Ṭhian ṭha hlutzia leh ngaihawmzia hi ka la hre chho dâwn chauh a ni awm e. Tûnah chuan tlâng leh mual hrang hrangah kan awm darh ta a, kan inhmu khâwm hlei thei tawh lo. Nun hi chu heti mai mai hi a lo ni. Nimahsela, College kan kal laia kan ṭhianho lo inhmangaihzia leh inthlâkhlelhzia ka ngaihtuah hian a ropui ka ti. Tûn thleng pawhin ṭanpui kan ngaih a, manganna kan tawhin kan au aw min chhâng hmasa bertute an la ni thei zel a. Khati ang rêng rênga ṭhian rinawm kha ka tawng leh tawh lo maithei e. Neighbor of Frenz tiin kan ṭhianho hming pawh kan phuah ve nghe nghe kha maw le. Ngaiin ka’n au vawng vawng mai teh ang…

1.Aw, kan nun hluite,
Ka dâwn kîr châng ni hian;
Suihlung a lêng mang e,
Aw, a lêng mang e.

(Chorus)
Zamualpui liamin,
Kum tam vei mah se;
Nun hlui ka dâwn chângin,
Aw, ka ngai ṭhin mang e.

2.Tudang ngai lo va,
Tual kan châina zawngte;
Rauthlain ka lêng a,
Aw, ka lêng vêl e.

3.Losûl haw zawngte,
Hahna thawi dam tur a’n;
Losûl Therengin awi e,
Riakmaw-in lo chhâwn.

4.Chhawrthlapui lâwmin,
Lânu leh vâl rualte;
Hlimte’n lêng dial dialin,
An lêng dial dial e.

Pic: Neighbor of Frenz (2008)

NB: Kan thianho hian Pathian malsawmna kan dawng nasa hle a. A then zirna sang zawk beiin Ph.D an ti mek a, a then B.Ed. an train a, a then College Asst. Professor an ni a, a then SSA zirtirtu an ni a, a then Sawrkar Office hrang hrangah an thawk a. Kei ngei pawh hi Sawrkar office-ah hna chhe te ka thawk ve bawk. Mahni tawka inchawm zo vek kan ni thei a, chu tak chu kan lawmna a ni.

20 Responses to “Kan nun hlui”

1
lrpa Says:
May 24th, 2012 at 5:24 pm
Good! 2007 te hman lai in ti mai mai a haha
Report this comment
2
sisen Says:
May 24th, 2012 at 5:25 pm

first lo chiah chiah
Report this comment
3
lrpa Says:
May 24th, 2012 at 5:30 pm
haha..sisen khi!! chawh ve..
Report this comment
4
Sangpuiipa™ Says:
May 24th, 2012 at 5:32 pm
First em aw?
Report this comment
5
Charice_mizo Says:
May 24th, 2012 at 5:41 pm
Rilru a khawih hle mai, in chhuanawm tlang a nih chu. Thlalak khi ka ena, khawi ber khi nge nangmah niang le, ka ti mai maia..
Report this comment
6
Dr Mahminga Sailo Says:
May 24th, 2012 at 5:45 pm

‘Kan nunhlui’ tih tak hian “Aw tawnmang mawlah pawh, suihlung ka rualpui si lo; thaval dang nen nui hiauva lengin, parte ka tawng thin che tih kha mi tihrechhuak nia!…
Report this comment
7
Awmtea Khiangte Says:
May 24th, 2012 at 6:29 pm
#5 Charice a hmaa thu zinga lukhum hmathlawk khum va, inhmeh em2 leh, langsar vah khi… haha
Report this comment
8
PKfanai Says:
May 24th, 2012 at 6:55 pm
College kallaia phuahah chuan a tha hle mai. I chhunzawm talo em ni? “Awmkhawmna inhlui” tih Hrawva phuah pawh hian ka lung a tileng thei thin ngawt mai. Hnahthiala Kan Primary Sikul ka ngai vawng vawng thin.An thiat ta daih lehnghal a, a hmunhma ka hmuh hian ka mitthlaah a building hlui kha chiang takin a lang vek thin a, ka lungril a khawih che pha ziah thin.
Report this comment
9
Charice_mizo Says:
May 24th, 2012 at 7:15 pm
@Awmtea ekhai anih khi mawle, ilo model zaih zaih hle mai, ka rin ang rengin
Report this comment
10
vakul Says:
May 24th, 2012 at 7:17 pm
thian hi an ngaihawm thin a, mahse rei vak lovah thian hluite an lo ni a, fate han neih fir fer tawh hi chuan ngai hle mahila kawngah pawh tawk ila inbe hman mang lovin kan inau liam mai mai tawh a, amah C.Thuamluaia thukhawchangin’ ka chhut ka chhut a, pawi ta bera ka hriat chu kan nun khuarei an chang tur hi a ni’.

tha khawp mai.
Report this comment
11
sheldon Says:
May 24th, 2012 at 8:50 pm
Nun hlui in in ti hluai tak a, a la rei loh bakah i la naupan hmel phian sia
Report this comment
12
CFL Says:
May 24th, 2012 at 9:33 pm
Good post. Linglen ka sim thei lo tur hi chu thil pawi a nih leh nih loh ka chhut pha thiam love. Nangni thianho pawh chu in inngaihna khua a sei ve dawn hle mai.
Report this comment
13
thlanrawkpa Says:
May 24th, 2012 at 9:46 pm
Khawge Rempy hi a awm?if u see this comment..u better check your facebook messages
Report this comment
14
Awmtea Khiangte Says:
May 24th, 2012 at 10:13 pm
#8 PKfanai chhunzawm e. Nikum khan MA ka zo ve chiah. Lungleng chi tih takah ka’n luangliam leh bawrh2 thin alawm le. Thian hlui ngaih hi “khua hmuna leng mahin intawn ni an nghakhlel thin” tih zawng2 ai pawhin a run thlak zawk hial awm e a! te ka tia…
Report this comment
15
PayableOnDeath(Zrma_C) Says:
May 24th, 2012 at 11:35 pm
Ka lo sa lar ang i hla hi demand channel ah kan dah nghal bawk anga….. Music video pawh ka siam nalh ngawt ang. I phal em?????

Sak lar man chu inbiakrem dan ani mai
Report this comment
16
Awmtea Khiangte Says:
May 25th, 2012 at 5:46 am
Haha.. i sa tak2 dawn mawn le…
Report this comment
17
Sangpuiipa™ Says:
May 25th, 2012 at 6:52 am
Kei pawh hla hi vawi khat chu ka phuah ve ngial tawh. Ka til then na zawng anilo khawp in ka hria.
Report this comment
18
Chhuaklinga Says:
May 25th, 2012 at 7:18 am
Thiante leh nunhluite hi an ngaihawm thin ngawt tak a sin. Thlalak hlui han en chang te hian thenkhat mual an lo liam tawh nen, tul lo deuh deuh ngaihtuah kual vak mai hi a awl thin.

@10
tren tren
Report this comment
19
chhingdailova Says:
May 25th, 2012 at 11:52 am
E khai Awmtea chu kum 2007 a college in a la kal chuan mi u a ngai a nih chu mawle…..
Report this comment
20
Awmtea Khiangte Says:
May 25th, 2012 at 12:29 pm
A nih chuan “ka U” @chhingdailova
Report this comment