Hman deuh kan naupan lai (han ti ve khanglang ila) kha chuan kan toys neih ve chhun kha chu G.I. Joe te, Barbie te, He-Man te, Hot Wheels etc te kha a ni mai a. Tleirawl, awmthei fa deuh chuan BMX kha an nei leh a. Tleirawl/Rawlthar tam zawk kha chuan buk te kan sa a, sipai lui leh sawrkar huan lamah sikul chawlh chang chuan tui cheng turin kan liam thla sung sung thin a nih kha. Luikal anih loh pawhin marble hmanga in thap te, rubber band hmanga infiam te, in rubber miss te, ciggarates kawr ruak hmanga in mawr te kan hratin kan hlim thei hle a nih kha.
Tunlai khawvelah zawng, kan infiamna a changkang tawh a. Luikal, buk sak etc aichuan computer leh internet hmangin kan intihlim tawh a. naupangte te in Warcraft, Call of Duty, Counter Strike, Fifa etc te khelin mahni ina khel peih lo pawhin a huhovin Cyber Café leh Gaming parlour te an pan luih luih thin. BMX khalh thin ang rual te khan nu leh pa te hnenah Bike an ngen ta a. Matric Pass lawm nan/HSSLC Pass lawm nana Bike in leisak te kan uar ta hle mai.
Rawlthar thaza rualin Bike a han nei ta chu tul lova tlankual leh han lim vel te, Stunt Rider ho tidan ang deuha a hma chawi leh Side Burn te, Drift leh in Free Turn te chu nuam tak a ni nuam tak. Bike engine 150cc – 225cc inkar te chu bike chak pangngai tak an nih avangin tleirawl thaza rualin an khalh chuan tlanchak chu tihmakmawhah an ngai mai thin. Bike-a intlansiak a kawng kual lai a corner awn fe a han lak vel te lah chu, min hmu apiangin min ngaisang dawn emaw tih a awl a. Tul mang lovah accelerator han raise vak vak te kha rilruah miin min ngaisang viau dawn emaw tihna a awm ve tlat thin vang a ni
Adolescent stage (tleirawl lai)ah hian mi tam zawk chuan mi ngaihven (point of attraction) hlawh duhna rilru kan nei thin a, ngaihsan neih uar lai(idol worshiping) hun a ni bawk. Mi ngaihsan leh ngaihven duh rilruk avang han alawm rawlthar tha za rual Bike chak thawkhat tak khalh te an leu vak vak thin a, bike nei lem lo a hmei a pa rual pawh maksak tak taka inchei an uar thin.
Tunhnaiah bike accident avangin kei ngei pawhin ka thiante ka chan ta nual mai. Vul lai hun an hmang tan dawn chauh a mual min liamsan ta hi ka lainat a, ngaihtuahna a ti thui hle thin. Chutiang bawkin kei ngei pawh tunhma lam chuan intlansiak leh chak tak taka tlan ching tak mai ka ni a, accident pawh ka tawk ngun ve khawp mai. Mahse ka accident tawh atangin zirlai (lesson) ka chhar thar a, tunah chuan ‘zawite te in ka kal dem dem tawh ang’ tih chu ka thupui a ni ta.
Enge ka lesson chhar chu?:
Bike a intlansiak hian hlawkna min pe lo: Bike a kan intlansiak hian chhungrila kan phurna leh kan chakna phuhruk leh in race-a min chotu te kan hneh changa uanna min pek bak thildang hlawkna min pe lo. Risk a sang a, second hnih khat lek chhunga bike chhiat vek theihna leh mahni nun chan leh ramtui lei lova awm theihna a ni. Chubakah kawngsira ke a kal leh midang tan chhiatna kan thlen thei bawk. In race-naah chuan chak pawh ni ila in melh rum zui leh a chaklo tan chhuanlam siam bak tih tur a awm lo.
Kan kawngte hi intlansiak nana siam a ni lo: TV-ah MotoGP te kan en a, Computer Games lamah Need for Speed, Superbike etc kan khel bawk thin a, chung chuan a taka tih ve a intlansiak chakna min siam thin. TV a kan hmuh thin an intlansiakna Racing Circuit te hi intlansiak nan liau liaua duan a ni a, chetsual a tlem bakah proffesionals hlir an ni a an fimkhur hle. Chutiang khawpa kan inthlauh laia kan kawngpui kumkhat pawh daih mang lova kan mithiam ten an siam, bawk leh khuar thleh thluah tam tak, motor dang lo tlan ve sek lai leh speed limit 30 kmph tih inziah kuau na laia 90 km/h vela lo phit ve vak vak hi a risk a sanga, a atthlak bakah a MAWL thlak a ni
Bike a chak tak taka tlan hian tuman min ngaisang lo:
Bike Accelerator han raise chiam a chak mangkhenga han tlan phit tuarh hian Riders tam tak chuan kan tlansan tak kawngsira tleirawl chhelo tak tak leh kan rawlthar pui, mi dawr kawta lo thu te khan min ngaihsan viau kan ring mai thei. Hnai love. Chung mite chuan ‘A va hmanhmawh awm ve, khatianga hmanhmawh chu tun aia hma deuhah khan kal tawh awm!’ tiin nuihza siam nan min lo hmanga anchhia min lawh bawrh bawrh thin. Chung an tawngkam te chu chak mangkhenga kan phit bo san tawh avangin kan hre pha tawh lova, min ngaisang emaw kan lo ti mai mai thin lek a lo ni.
Bike a tlan chak –Hekna hlir hekna hlir:
‘Nuam kan tia kan tlanchak a ni mai, Ka bike ania ka thu thu’ inlo ti a nih pawhin a awm thove. Mahse ka sawiduh chu Bike a tlanchak hi a RISK a SANG em em a ni tih hi a ni. Ngaihtuah mang lova kawng lo kan thut, kawngsira motor ding lai tlan chhuak thut, kan hmaa motor tlan lai ding thut, Lung chil, Ui leh Ar kawng kan thut chil palh, naupang sut, balance hloh palh etc a awm thei. Hengah hian 2wheeler a nih miau avang leh brake eng ang mah ila a tleng tho avangin chil emaw sut emaw tluk emaw chu i hmabak a ni mai. I bike khan ABS pawh hmang mahse i speed a san chuan i him chuang lo ang. Chutiang thil a thlen a i thih phah lo anih pawhin i bike a chhia anga, a siam nan cheng tamtak i seng anga, i hliam enkawl chhung nen chubakah mi motor i hliam palh chuan a siamman i chawi bawk anga, i nuam tihzawng tak chu i hek phah thei hle a ni.
Helmet khum hi kan himna: Hairstyle mawi duh avangin tam takin helmet kan khum peih lo fo. Traffic Police te man hlauh vang chauhva helmet hi khum tur a ni lo. Kan him nan leh accident kan tawh palh a ka lu bawr, sensitive tak mai hi kan sawhchhiat loh nana min vengtu ani a, mahni hma ngai a helmet kan khum hram hram hi a pawimawh hle a ni
Ngenna: Kum tlingloa bike leh scooty khalh hmuh tur an awm fo mai. MVI lam hian Driving Licence pek chhuah lamah hian tun ai hian khauh sela, test hrang hrang paltlang ngai te pawh paltlang tir ngei ni thin se. Kan Traffic Police polite leh fel tak tak te pawhin tun aia nasa in mobile hi nei sela, dan lo anga lirthei khalh te kan himtlan zawk nan hanman hmak hmak teh se.
Two wheeler hi kum 10 chuang ka lo khalh ve tawh a, chung atanga ka expirience thenkhat atangin he thu hi ka ziak ngam chauh a ni. Nunna hi a hlu a, chak tak taka tlan hian kan himna bakah midangte himna a tichhe thei a ni. BIKE A CHAK TAKA TLAN HIAN HLAWKNA ENGMAH A NEI LO tih hi thangthar lo awmzel tur te pawh in zirtir a, Zawi te tea tlan delh delh kan uar hi thil tul tak a ni tawh a ni. Bike vangin kan thalai te kan chan hnem tawh lua e. A la dam te hian kan thian kal hmasa te atang hian in zir thar ila, zawite tein i tlan tawh ang u. Accident hmanga i in tawn harh ve hma hian fimkhur taka bike khalh turin ka ngen a che
Similar Posts:
- Bike accident ah mi pakhat boral
- Traffic police-in zana bike-a intlansiak thinte an veh dawn
- Bike intlansiak man
- Tunge mawhphur ang!!!
- Ka bike ve kha…
October 8th, 2011 at 9:05 pm
yes! dik!
Report this comment
October 8th, 2011 at 9:11 pm
nia.
Report this comment
October 8th, 2011 at 9:15 pm
Va tha ve
Bike nei ho chhiar luih tir chi anih hi a.
Bike accident tam zawk hi chuan ‘an cho a…an at man an tel ani mai’..An chawh ka ti mai
Report this comment
October 8th, 2011 at 9:19 pm
Print ila, kan naute chhiar tir tur anih hi..
Report this comment
October 8th, 2011 at 9:20 pm
dik overlai ltk
Report this comment
October 8th, 2011 at 9:21 pm
120 kmph vel te hi chuan ka lo tlan ve fo tawh thin, a hlawkna a awm lo. TLan chak vang a ruh tliak rem rum leh nunna hial chan te pawh ka lo buaipui ve nual tawh thin. “A tul hunah tlanchak thiam tur” tih hi ka thupui a ni deuh mai.
…Khrum
Report this comment
October 8th, 2011 at 9:22 pm
nia..a post tupa hi ka hre reng mai ah..he2…post tha tak ani
Report this comment
October 8th, 2011 at 9:26 pm
Bike khalh hi fimkhur a pawimawh khawp mai.
Kei ngei pawh Helmet ka khum vang a accident dam chhuak ka ni e, chuvang in Misual bike/scooter khalh thin ho pawh Helmet hi ngai pawimawh tur che u in, ka rawn ngen a che u.
Report this comment
October 8th, 2011 at 9:26 pm
@he pa, tunge i nih ka hre ta chiah mai! I bike khalh ṭhin dan atangin!
Report this comment
October 8th, 2011 at 9:27 pm
A dik, a tha hle mai…Mahse, kan tlan ve thin lai pawh khan, “kan confi tlat”..
Report this comment
October 8th, 2011 at 9:28 pm
A pic khi ka rap lutuk. A va han tha ve aw. Veng hrang hrang YMA chanchinbu velah leh remchang apiangah chhuah chi a nih hi a. Like mawlh mawlh e.
Report this comment
October 8th, 2011 at 9:29 pm
Heihi post tha
Thih leh dam thu kengtu ni awm fahran a chakin motor dang karah an han leu a..midang fimkhur eng ang mahse tlanchak ho vang hian accident a thleng tam lutuk.
Report this comment
October 8th, 2011 at 9:29 pm
A pic khi ka rap lutuk.
A va han tha ve aw. Veng hrang hrang YMA chanchinbu velah leh remchang apiangah chhuah chi a nih hi a. Like mawlh mawlh e.
Report this comment
October 8th, 2011 at 9:46 pm
ka chhiar thuak a,ka chhiar nawn leh a (Y)pawp pawp mai.
kum2008 kum khan lungleiah bike in tlansiak pakhatin raipuar a suhlum a,rilru chu a na ve duh asin aww!
MVI lam an lo strict vak lo a nih pawhin nu leh pa te hi fimkhur hram ila,kum tlinglo a lirthei khalh pawizia inzirtir ni zawk se a tha ang mawle. nu leh pain an phalloh miau chuan fate’n a tih luih thu awm hek lo! tin
tin, hsslc tih vela pass vanga bike inleisak tih vel hi ka support lo ve chiang ngawt mai, ka sawi phak a ni em chu ka hre chiah lo naa, an awh zawng zawng zawng kan pek vang te, an duh tih mai avangte, kan in duat luat avanga fate rilru sukthlek kan tichhiat nasat zia hi!
Report this comment
October 8th, 2011 at 9:56 pm
Zuruiin ka unaupa duh tak (cousin)a su hlum tawh a, rui chunga motor khalh te, uchuak tak leh hun lo lutuka khalh chakte hi ka ter thei der lo. Post ṭha khawp mai
Report this comment
October 8th, 2011 at 9:57 pm
I NGENNA hi a tha khawp mai, hmanni deuh lawk khan kan office a kan officer pakhat chuan a fapa driving lisence buaipui sak turin a driver a tir a, a signature pad ah ngenna a ziak a. Driver chuan awlsam takin a neitu tur tello in a rawn la thei ve mai, kan pu fapa chu kum 16 chiah!!!
Report this comment
October 8th, 2011 at 9:59 pm
Bike a kawng zal nuam tawka han leu hi chu a nuam ve bawk a ni. Vawikhat Sairang road a car a kan tlan thla, tleirawl rual 5 hian bike min um a, min tlan pel, an ding a, min chhaih tih hriat fahranin min tlan pel leh thin a. Ka thianpa ning ta deuhin mai mai chuan a tia, engine oil bur 2 kawngah an leih baw teh reng mai a..vawi 2 vel han tlu ri deuh thak thak kha kan hria a, muang chang in kan tlan zel chung pawh pawh khan min rawn leh pel tu kan tawng ta lo va
Report this comment
October 8th, 2011 at 10:12 pm
Han tlan chak deuh nuam tih chang ka la nei
Report this comment
October 8th, 2011 at 10:16 pm
doclib chu haha chimawm ve pangbal maw?
Report this comment
October 8th, 2011 at 10:22 pm
Kum 1983 khan zurui pakhatin bike-in kawng sira ka pa kal lai chu ramtuileilo hial khawpin a su nghek mai a, tun thleng hian tul vang pawh ni hlei loa speed tawngpawng tisang ho hi chu ka la haw deuh tlat a ni. Anmahni tana a hlauhawm bakah midang tan a him loin a hlauhawm hrim hrim tih hi hriain, bike khalhtute hian speed him leh zahawm zawkin khalh thin se a duhawm ngawt mai.
Report this comment
October 8th, 2011 at 10:36 pm
Tak takin Bike a chak deuh deuh a tlan ho hi chu engine oil emaw hi lo khi lai ila, a tih chi viau ania..A nih loh chuan lungte thil leh balu emaw in chawhpawlh tin khat vel lo theh darh niai hian a him china tangin lo thlir ila, a hmuh nawm duh lutuk an ti
Report this comment
October 8th, 2011 at 10:36 pm
ot lawk. he post commentator ho hi in thinrimna lam[ang in rawn sawi ain avatar lah hi a khi thu hlawm bawk sia, ka rilruin in thinrim lai a mithtla hleithei lo
Report this comment
October 8th, 2011 at 10:38 pm
20.boihapa, ka pa kum 70 chuang ni tawh pawh, biakin sak hnatlang an nei a, bazarah rawng lei a a kal chu workshop a thawk mechanic pahnih; an scooter siam test driving neiin hnunglam atangin an su thlu a. A chawn ruh a keh a, a nakruh 5 a tliak a. Ka nuin min phone a min rawn hrilh chu sa mai mai tak ka ni. Ka nau damdawiinah thih ngama a awm lai a ni a, kei hetah. An vannei khawp mai. Dan pangaiin an in ngaidam lo thei si lo. Awm ila chu ka piai hlek lovang tih sawi a har khawp mai. Mizoram kawngah chuan 60 km/hr aia chak chu a hlauhawm ka ti khawp mai.
Report this comment
October 8th, 2011 at 10:48 pm
Bike chhe te te, nuai khat man pawh tling lo an khalh ve a, khawvel ka ta emaw ti ve ngawt ho hi a..petrol man pawh thawk chhuak hawt silo ho hi ania che sual khut khut..ka ui lo khawp mai
Report this comment
October 8th, 2011 at 11:00 pm
thanks for the comments.. he thil hi ka vei bawk a… misual lamah ka reh rei ta bawk a, rawn comeback nan ka rawn chhawp chhuak a nih hi…
or we can say
‘THE RETURN OF HE PA’
Report this comment
October 8th, 2011 at 11:10 pm
Report this comment
October 8th, 2011 at 11:12 pm
Kawngkama awm, tleirawl bike a proton vuah ho tih sim nana tha tak pakhat leh chu, thirzai sin hman thiam hi. Thut hmun duhtawk a nuamah han rem ula, In han en vang vang khan mi pangngai chin chu in hrethiam ve tho anga, tleirawl hawk lak, rawn tlan vung deuh, proton vuah a, accelarator rawn pump vak vak an rawn tlan chuan, kawng sir leh lama in thirzai thlun kha han pawt mar thut mai ula, an tla thum tawk mai ang..’ E i na em vala, i khalh chak mah mah anih kha tih pahin zu pui ula, inthlahrung duk, zak bawk si in an tho zi talh talh anga, thla khat chhung vel chu an rawn ti nawn tawh lo reng reng ang
Report this comment
October 8th, 2011 at 11:25 pm
bike khalh ai chuan nula khalh a nuam jokes
Report this comment
October 8th, 2011 at 11:31 pm
A hmasain..Lunglei pa i ni chiang alawm..
Report this comment
October 8th, 2011 at 11:33 pm
A tha khawp mai.
‘Speed thrills, but kills’ an tih kha maw.
Report this comment
October 8th, 2011 at 11:35 pm
@chemtatrawta, ni chiang eeeee
Report this comment
October 8th, 2011 at 11:38 pm
Doc mak thei em mai.
Report this comment
October 9th, 2011 at 12:30 am
A mawl thlak tih i hre ve chauh alaw
Misuala lut chin tawh hi chu hrilh ngai ah pawh ka lo ngai hleinem. Keini vengah chuan tlangval dukdaklo lo hlir tihawm tawkah kan ngaihna rei tawh. Kohhran leh khawtlanga mi pawimawh hi an nih kan beiseilo hrim hrim. Khalh thiam deuh2 chu kan nei, workshop te an dina chhiatpuilo in a tui ta law law a, tullo ah a race vak vak ngai chuang.
Report this comment
October 9th, 2011 at 12:35 am
dukdaklo ho*
ngai chuang lo*
Report this comment
October 9th, 2011 at 12:48 am
renthlei i nih duh hmel post tupa hi
Report this comment
October 9th, 2011 at 1:35 am
Aizawl Thunders ho khan an bike park na tura tleirawl bike chei lo park kha..’Mama,i bike hi dah sawn rawh..a rai ange.’ an ti ami kha(h)??
Tin,tleirawl,thiante bike hnunga bei va thei reng mai ho hi Backstreet Boys nilo in ‘Backseat Boys’ an ti. 
Ka thianpa accident hlim ban tliak RV ah parapat thlawn hlawk ka sut pui zawh ah ko ah ka tlak pui tawh.a tukah khumah hnahthel alo tla nuaih 
..under 40kmph hi alo him ber mai. Hehe! Gud post. 
Report this comment
October 9th, 2011 at 2:04 am
commmen nen ka zo dap e..a mak ngawt mai….kan nu(?) pa sawika hre reng thin…(kan nu hi sap ngat
phiamthu) anmahni vanga kan spped a lakloh dan te, kan hnung lam leh sir lam kan hawi zuk zuk reng te hi an hre der si lo a ti thin. Spped kills but thrills an ti alawm ti niawm fahranin an leu a…thatlai hun chen hman ve lo tam tak, zamual min liamsa tate..a biktakin ka thian Lra…ka va lainat hlawm tak em…nu leh pa te u …i harh ang u… I eiruk hlawha i bike leisak avanga i fapa nunna chan hmel i hmuh hun chuan…’A tlai zo ta’ tih bak sawi tur a vang duh khawp ang….
Report this comment
October 9th, 2011 at 2:31 am
Post tha lutuk
Report this comment
October 9th, 2011 at 4:13 am
a tha hle mai…ka
e…tlan fua fua hi chu engmah a ni lo…Hmanniah vai pakhat auto hma lama tanga rawn chhuak thut hi ka su thal tawp mai a…ka tlanchak lo hlauh a,a na lutuk lem lo hlauh..ka hlauh hmanzia chu…tha a khur thei mai a lawm le…
Report this comment
October 9th, 2011 at 8:30 am
Kei chu bike ka nei ve miah lo.
Report this comment
October 9th, 2011 at 8:46 am
vrrrruuuuuuunnnnnnnn………………………………………………………………………………………………………………………………………………………………………………………………………………….. “mama, i ke tan a ngai a nih hi”
Report this comment
October 9th, 2011 at 9:13 am
Post tha tak a ni. Vanglaini velah pawh thawn la a that ka ring. Chuan facebook lamah te pawh thehdarh rawh. Chak deuh deuh a tlan thin hi an la tam ania.
Report this comment
October 9th, 2011 at 12:59 pm
Thil dang zawng ai chuan i sim thei hi a lawmawm e.. Tawngthu chhe lovah, kan chan palh mai ang che tih ka lo hlau rilru thin a, i uihawm dawn em a. Tiraw? Rose?
Report this comment
October 9th, 2011 at 2:00 pm
Ke pahnih neiah hi chuan a handle bar ka vawn ve tawh chuan a lek nghal hu hu zel..buaithlak tak a ni..
Sawrkar huan te pawh hi sangha dilah an hmang vek tawh em ni kha?..posttupa
Report this comment
October 9th, 2011 at 2:27 pm
tlan chak chu hlok na tam vak lo khop mai… petrol a hek duh si… brake pad a hek bawk.. nula chhelo deuh kawngkal kan hmuhhmaih duh bawk.. an tia lawm
chu chu kum 15 lek a ka khalh ve toh chhung a ka soi theih a ni..
Report this comment
October 9th, 2011 at 3:29 pm
Tha khawp mai. Kum 15 chuang zên zâwn chu 2 wheeler hi ka lo khalh ve tawh a. Tlan chak deuh hi chu nawm chu a nuam chiang a lawm. Tun thleng pawhin kawng clear tha takah chuan 30-40Km/h aia chak deuh a tlan chu nuam ka la ti tho. Amaherawhchu, ka bike khalh tirh ve hunlai ai chuan ‘fimkhur’ tak chu ka ni.
U Hruaia min zilhna hi ka hre reng thin. “I lirthei khalh leh nangma ‘caliber’ aia chakin tlan suh ang che” tih hi. Mizoram kawng-ah,khalh thiam eng ang pawhin khalh sela, eng bike pawh hian 40 Km/h aia ‘caliber’ sang a nei lo tih pawm tlang ila….
Report this comment
October 9th, 2011 at 8:05 pm
fb a i group telna zawng zawngah va post hmiah teh. A chhiar tur ber te chu sawlamah sawn an tam zawk ka ring.
Report this comment
October 9th, 2011 at 8:06 pm
#47
Report this comment