Archive for October, 2011

Major R.K.Hranga

Sunday, October 30th, 2011

Major R.K.Hranga hi kum 1914 August ni 15 a Tarpho khuaa piang Kaphranga Renthlei hi, mi tumruh leh mahni inthununna kawnga mi chuan awm tawp a ni a. Harsatna hrang hrang a paltlang hnuah inhlawhfa chawpin Shillongah lehkha a zir a, Mahni inthununna dan 24 a insiam a, a zawm tha hle a ni. 24 zingah hian 10 chauh ka hria a, a dang lo hria in awm chuan han sawi teh u. Tin, a dan siam ho hi kan zawm ve thei hlawm awm em? In en bawk i la. Shillong-a kum 6 lehkha a zir chhung zawng khan, damlohna avanga Class kal thulh a nei miah lo a ni awm e.

Major R.K.Hranga hi mi tumruh leh mahni in thunun tha em em anih vang te pawh a niang, Kum 1942 may ni 2 a King’s Commission a hmuh a, 2nd Lieutenant a lo nih khan, Assam tlang mite zinga King’s Officer pahnihna a ni a, Zofate zingah phei chuan a hmasa ber a ni.

(more…)

Hmuak…

Sunday, October 30th, 2011

null

LPS Comedian search 2011 pahnihna T.Vanlalmalsawmpeka, Kawlchaw ‘W’ an lo hmuak ve ngei a ni. An ni tawng a zir thiam vanga pahnihna ni phak a ni si a….. ha ha ha…..

(Vawiin post a thutak ren run ti te kan lo awm palhin a kar awl hnawh khat ang aw :P Tin, hei aia size lian deuh neih chuan rawn dah belh bawk se…- VaiVa )

Thutak Eng hmaah chuan

Sunday, October 30th, 2011

Mizote hi Pathian thu duh tak kan ni awm e. Mahse, Pathian thuin a tum erawh chu kan man fuh lo fo thin a ni. Chuvangin, do loh tur pawh kan do fo bawk a ni. Pathian Thutak chuan mihringte kan nihna leh dinhmun dik tak hi a puang chhuak a ni. Mihring suala tlukna thuah Bum an nihna te, Chhelailetder kan nih zia te, mahni a in chhandam thei lo, chhandam ngai kan nih zia te, Dan avanga Pathian hmaah thiam chang zo tawh lo, chhandamna ah hian kan tih ve a tel loh zia te, etc…a tam lutuk a ni..Pathian Thutak eng hmaah chuan kan nihna leh dinhmun hi a lang fiah em em a ni.. Chanchin Tha Thutak hi kan hnam min dinchhuah tirtu a ni a.. Chhandamnaah chauh pawh ni lo, kan engkim a engkim a nih zia hi kan hai ang tih a hlauhawm hle mai.

In en fiah kan ngai e

Sunday, October 30th, 2011

Pathian rawngbawltu inti si, fate enkawla hmangaih nia in sawi thin hian a eng lai berah hian nge kan tih dik loh thin? Engvangin nge nu leh pa nih chu kan tlin loh a, heti taka mualphona in chhungkua min luhkhung \hin? Kan fate hi \anpui an ngaih lai tak, an tleirawl chhoh lai tak hian an lakah kan tihtur kan hlen thin em? Kan tih tur theuh hlen ni ila tuna buaina kan pai ang i kan paipawn reng dawn em ni?

Kan fate hian nu leh pa mitdel, anmahni kaihruai thei lotu an nei a. Nu leh pa, Lalpa laka tlan bo chuan a kalna kawngah ngei a fate chu a hruai thin a. Tichuan, kan bona kawng atanga kan kir leh theih na atan Lalpa chuan zirtirna thar min pek a duh a. A laka hel ang chiahin kan fate pawh chu kan lakah an lo hel ta thin a lo ni.

Pathian chuan kan fate hmangin zirtirna pawimawh ber min zirtir thin. Mihringin kan thlakhlelh thin khawvela hamthatna, ropuina leh hmingthanna te hi a rèi dawn loh zia min hmuhtir a.Heng zawng zawng hi khua a thim a, zan thim hnuaia kan mut a, zing khua a lo var a,thimna zawng zawng chu a lo kiang ta ang hian rei loteah an la ral dawn tih te kan ngaihtuah theih phah thin. Tichuan, mihringin kan tih tur chu simna thinlung ne’na a hnen pan a, Pathian hmangaihnaa thanlen hi a pawimawh ber a ni tih hi kan hmuhchhuah thar a ngai a ni. Mihringin nitina kan hun kan khawh ralna, kan inhambuaina te hi chu ral leh vek tur a ni a, hlimna kan tih te pawh hi rei lo te atana hlimna chauh a ni.

(more…)

HMUH THEIH LOHVA A HMU (Sunday pual)

Sunday, October 30th, 2011

“Rinnain Mosia chuan a lo puitlin hnu khan Pharoa fanua fapaa vuah a duh lo va; rei lo tea tan sual nawmna hlimpui ai chuan Pathian mite nena tihduhdah tuar a thlang ta zawk a; …. Lal thinurna chu hlau lovin Aigupta ram a kalsan a, HMUH THEIH LOHVA CHU A HMUH AVANGIN A TUAR TAN TAN A NI” (Hebrai 11:24-27)

Hebrai bung 11 thu hi a lunglen thlakin, a mawi hlawm ngawt mai. Rinna hi sawifiah tawk theih tak tak nilo mahse, afiah thei ang bera sawifiah a ni a; chumi tifiah tur chuan, Hranghlui Rinna lama fakhlawhte a rawn tarchhuak hlawm a ni. ‘Rinna Pa’ tia vuah Abrahama te nupa chanchinte hi a ropui ngawt mai. Ropui leh mawi ka tih ber mai pakhat chu Mosia chanchin hi a ni.

Rinnain Mosia chu a lo puitlin khan, Pharoa fanua fapaa vuah a duh lo va; rei lo tea tan sual nawmna hlimpui ai chuan Pathian mite nena tihduhdah tuar a thlang zawk thei tlat mai a. Engvangin nge Mosia hian Hmuhtheihlohva hi a hmuh phak bik tlat mai le? Pharoa fanua fapa ni tura chawm seilen khan engtinnge Aigupta ho pathiante ngaisang zawk lova Pathian nung mihringte mita hmuh theihlohva chu a lo hmuh theih bik tlat? Chhan a awm ngei ang! (more…)

Pu Newton-a Lehkhabu

Sunday, October 30th, 2011

Ni 26 atang khan Royal Society hian an journal archive hlui ho hi free a access theihin an siam a, he an archive ah hian modern science an develop vanglai vel documents eng eng emaw hmuh ve hrim hrim chakawm deuh deuh a awm teuhin ka ring.  Hetiang lam tui pui deuh te in awm takin ka rawn post ve mai mai, ka post khat ve bawknen. Heta awm lar zual te chu, Newton-a scientific paper publish hmasak ber te, Charles Darwin-a geological work te, Benjamin Franklin-a lehkhachaih experiment te anni hlawm (Pu Bena lehkhachaih hi primary/middle ah english subject ah kan zir tawh in ka hria).

Chuan keipawhin ka browse kual vel na lamah Newton-a lehkhabu lar deuh, “one of the most important works in the history of science.”an tih, “Philosophiæ Naturalis Principia Mathematica” kha english a an leh hmasak ber ka hai chhuak nawlh mai a in en ve duh takin. Newton’s law hi zirlo kan awm awmlo e, he lehkhabu hi Newton’s law te, law of gravitation te leh planetary motion a rawn tlang au puina lehkhabu kha ania. Latin tawngin a ziak a, tawng hrang hrangin an letling nasa hle.

Heihi a link. An english pawh tlemin tunlai aichuan a dang deuh.

volume1:
https://books.google.com/books?id=Tm0FAAAAQAAJ&pg=PA1#v=onepage&q&f=false
(more…)

Ngaihtuahna Tumbailek

Saturday, October 29th, 2011

Mihring tu te pawh mai hian kan naupan lai kan ngai theuh mai. Rilru thianghlim leh lungkham nei lem lova, nu leh pa thlazar hnuai a kan awm lai a ni a, a ngaihawm viau reng a ni. Naupang te kan nih lai pawhin Sikul a kan hotu te leh Sunday sikul a hotute pawh in kan vanneih zia min fah duam zel anih kha. Kei te reuh hi thil ho deuh deuh ngaihtuah neuh neuh hi ka hrat angreng a, khatia naupang kan nih lai, mihring nuna hun hlimawm ber a ni tia min hrilh thin lai te khan keimahin ka lo ngaihtuah ve charh charh a, “ Tuna ka hun hman mek hi Ka dam chhunga hun hlimawm ber lai a nih chuan Nun(Life) hi a va han lungchhiat thlak dawnin a va han ho dawn em ve le aw”, ka ti vawng vawng thin.

Tichuan, thing delh loh lung delh loh ta chu kan han thanglian chho ve zel a, nun hi a ziaawm chho ta meuh lo, buaina leh harsatna hrang hrang kan han paltlang chhova, a chang in kan hlim a, a chang in kan tap bawk a, thim leh eng chu a a in thlak chho ta zut mai a nih hi. Rinna lamah pawh Pathian hi a awm tak tak a ngem tih te in ka ngaihtuahna te ka seng ve bawk a, helamin Pathian awm ngei zia thiam takin an sawi a, saw lam in a awm loh dan ve thung an han rawt tui vel karah ka lo thle vel mai mai a. Pathian kan tih ber hi awm lo ta pawh nise Thiltitheitu a erawh a awm tih chu mit meng tan chuan hairual va nih suh. Pathian hi ka ring lo phal lova, ka ring lo ngam bawk hek lo. Chutih rualin Pathian Engkim Titheitu hian engkim a duan sa vek erawh ka ring chuang lo.

(more…)

Zawng lai te tan, chhas bem dan thuruk (method).

Saturday, October 29th, 2011

Mihringte hi kan inang vek lo. Chhas be huai leh huai lo deuh, zei khat tlat leh bam deuh hlek. Tumtawk leng zawng vai bik lo, tumtawk aia sang deuh melh tlat vanga – hming bula “Pi U pu” la dah ve hlei theilo tepawh kan kat nawk. Bul han tan dantur hlawl hre lo te pawh an dem awm hran love. Khawnge tlangval velai method apply thin tlem azawng han phawrh ve hrim hrim teh ang…….

1. Bihruk san Method :

> Puipun nikhua ah i mit la chat tu leh, i lung phu in thumrawn tir dip dip tu i tawng fuh ta tlat mai. I mit ila sawn thei lo, i thlir zui diuh diuh. Chutih lai tak chuan .. i lam alo hawi mit leh mit intawng chat, rang lutukin a mit ala sawn nghal, nang pawh ilum pup. Khatin uipui tuilian thlir zui doh doh tawh suh (a hlau mai ang che). A mah i hmuh chian theih ber natur ah thut hmun han rem fel teh le (Remlo euh ouh posi lai tawka awm dwuh iuh ngaiah awm suh- i lang thing uih top mai ang). Bul itan thei ta e, i lungphu ti danglamtu lam chu han mit sir leh zeuh thin la, cool leh ngaihtuah ding hmel tawk in awm deuh ngaih rawh (scoring phian). Vawi li vawi nga i mit sir zeuh zeuh lai a, ani pawn ilam alo mit sir ve leh zeuh thin a i hriat chuan. Hmanhmawh tawkin i awmna sawn thut rawh (i insawn lai ahmu tur che ani lo). Amah chiang deuhva i hmuh theihna, a hmuh ve theih miah lohna turah che aw niang. Uluk tawka thlir pahin a chezia chik rawh le (Hisap kual vak vak lam chu insum hrih rawh). I thutna hlui lam melh ruk zeuh zeuh pah a, zawn nei ni awm taka, a hawi ruk deuh ruai ruai chuan. In mit leh mit a intawn siah lai khan,  in chhungril lam power alo alh dun phat hman, a thinlung ilo luah fel der ….. ”BAWHZUI CHI” iti sual lovang.

2. Thil theihnghilh method :
(more…)

Chhêmdam

Saturday, October 29th, 2011

Fiamthu post leh ringawt mai ang.

1. Zu duh rual inkawm khawm pawh khan kawng an zawh ve a.
An hotupa – Kan khawtlanga zu zuartu hi…
Mipui – Veng laili deuhvah awm rawh se!

2. Tlangval – Thianpa, i farnu hi min tihpui teh a.. Tha ka ti riau mai.
A thianpa – Mâwla, mahni paw’n ti phal lova duat taka enkawl diak diak lai a..

3. Tlangau maksak:
“Khaih…khaih…khaih.. Tun maiah khan tlangval pakhat chu motor-in a suhlum a, a hrechiang duh chuan phone no. 95555*-ah min rawn zawt dawn nia..”

4. Tlangval pakhat pawh a hmelchhe lutuk a, a hmaiah tattoo hmeltha deuh lem a chhuttir tawp.

(more…)

Delhi ah Metallica an “Nothing Else Matters” dawn ta lo

Saturday, October 29th, 2011

Nimin zan khan Metallica in an concert vawiina an postpone a ngaih thu an puang a, fans thinrim zual bik te stage ah an lawn kai a,  instrument leh stage arrangement an vuak chhiat sak a mahse Metallica ho guitar leh instrument pawimawh zual chu an dah bo hman a . Hemi vang hian Metallica in Delhi a an concert tur chu an thrulh hlen ta a, Pathianni hian Bangalore ah an rawn zai ang! India ram a rock and roll khawpui Bangalore min tluk lo deuh a ni Delhi ho chuan.

Official Metallica statement:

We arrived in Delhi on Friday very excited and ready to play our first show ever in India at the F1 Rocks concert. However, immediately at the end of our afternoon press conference at a hotel near the venue, we were notified that there was a serious question as to whether the show could proceed with regard to the safety of the concert audience. And our first and foremost concern is always for the safety of you, the fans.

Once we, along with DNA, the promoters of the show, determined that there was a failure of a security barricade in front of the stage that could not be adequately repaired, the promoter reluctantly announced the postponement of the show until Saturday. Unfortunately, on such short notice the promoters were unable to secure a permit for a show on Saturday. Therefore, DNA announced that we would not be able to play in Delhi.

Stage a fan mawl fal bik ho chet dan hian thin a ti rim khawp mai!