mi(sual).com

Paws a chat lak deuh laiin he thu ṭha ka tih deuh hi ka rawn paste mai mai ang e….

Ka tih ṭhin dan pangngaia University of Nevada, Las Vegas (UNLV)-ah ṭhawhṭanni zing dar 8-a class ka ṭan veleh hlim takin kan zirlaite chu chawlhkar tawp chawlh engtin nge an hman hlawm tih ka han zawt a. An zinga pakhat chuan a hapui a phawitir avangin a hman nawm loh thuin min chhang a. Chu zirlai chu a rawn ding chhuaka, hlim hmel ka put reng theih chhan min zawt ta a. Chu zirlai hnenah chuan, “I zawhna min zawh chuan thu pakhat ka chhiar tawh min ti hrechhuak zawk mai ka ti. Chu thu chu, ‘Zing i thawh phat aṭangin chumi ni i hman dan tur duh thlan tur i nei nghal,’ tih a ni a; kei chuan hlim taka hmangturin duh ka thlang ziah alawm. Ka han hrilhfiah teh ang che,” ka ti a.

Class-a zirlai 68-te chuan an ti ti chawlhsanin chu zirlai nen kan inbiakna lamah chuan an beng an rawn chhita ṭhup a. Chu zirlai chhan pahin zirlai zawng zawng hriattheih turin hetiang hian ka sawi ta a: “He lai hmuna zirtir hna ka thawh bakah hian ka chenna aṭanga mel 17 laia hla Henderson hmuna college-ah zirtir hna ka thawk bawk a.Chawlhkar eng emaw zat liam ta kha ni khat chu Henderson panin ka inkhalh a, kawngpui aṭanga ka thawhna college peng ka thleng chiah tihin ka car chu a thi ta hmuk mai a, tihnun tumin beih pa ekin ka bei a; mahse a nung thei reng reng lo mai a.

Peng aṭang chuan college thleng tur chuan km. chanve lai kein kal a la ngai ta pek a. Tichuan ka lehkhabu ka la chhuak a, ka car chu ka kalh a, college chu kein ka pan phei ta a ni.“Henderson ka thlen veleh chu lam enkawltu pisa ka pan nghal a, ka car hnuh sawn a ṭul thu leh chutiang khawl chu an tir thei ang em tih ka va zawt a, an pis akhualchhawn nula chuan eng thil nge thleng ta tih min zawh chuan kei chuan vawiin hi ka tan ni ṭha tak a nih thuin ka lo chhang a.

Khualchhawn nula chuan a ngaihna hriat loh hmel zet hian, ‘I car a chhia a, chuti chung chuan i tan ni ṭhaah i la ngai thei a maw?’ tiin min zawt he haw a.“Kei chuan, ‘Heta ṭanga mel 17 laia hlaa cheng hi ka ni a. He lai hmun ka rawn panna khawi laiah pawh ka car kha chhe thei a ni.

Amaherawhchu ka car kha achhiatna tur hmun takah a chhia a ni. He lai hmun thlengturin a hla lutuk lo va, ka car chhiatna hmun aṭangin he lai hmun hi ke pawhin hahdam takin a thlen theih a, class ka lak tur pawh ṭhulh phah em a ngai hlei nem. Tun aia hmun hla zawkah ka car hi chhia nise ka chhe der ang chu,’ tiin ka chhang a. Ka chhanna a hriat chuan pisa khual chhawn nula chu a meng zau kawk kawk mai a, a tawpah chuan anui ta var var a.

Kei pawhin ka lo nuih let ve a; tichuan class hi ka rawn pan ta a ni,” tiin ka sawi ta a.Thu ka sawi lai chuan zirlaiho chu chik takin ka han en a, ning hmel emaw, mut chhuak hmel emaw pu awm reng reng ka hmu lo va, ka thusawi chuan an thinlung leh ngaihtuahna a luah khat hlein ka hria. Hmanah, mi fing tu emaw chuan, “Tun dinhmuna i din theih chhan i sawi hian thil dang i sawi aiin mahni chanchin i sawi hian mi thinlung a hneh zawk,” tiin a lo sawi tawh a, a dik khatin ka ring.

— Lee Ryan Miller

Similar Posts:

• Ka nunna I ni
• Help!! Email source tracing
• Corruption (Tu vang maw?)
• Three Amigos: The flop show (Part II)
• Nula Rim Thu

Recent Posts:

• Skin cell atangin lungphu!
• Kan nun hlui
• Ti fuh lemlo angreng!!
• India ramah Kakuk tih ngona an zuar
• A Funeral and a Journey by Anup Kutty

This entry was posted on Tuesday, November 8th, 2011 at 2:00 am and is filed under Copy Paste. You can follow any responses to this entry through the RSS 2.0 feed. You can leave a response, or trackback from your own site.