Englo atanga beiseina nung neih!

November 11th, 2011 9:04 am by H.Vangchhia

Khawvelah hian sakhuana hrang hrang a awm a, rindan leh beiseina kan neih dan pawh a hrang ve zel bawk a. Chutiang sakhuanaah chuan Kristianna te, Islam sakhua te leh Juda sakhuana te hi invawnna khirh tak inzirtirte zing ami kan ni awm e.

Engpawh nise, kan sakhaw vawn theuha rinawm hi a tha a, chutih karah sakhaw dangte tawngpawng huat emaw sawichhiat kher hi tul lovah ka ngai thung. Mihring taksa hrang leh ngaihtuahna hrang nei kan nih angin sakhuana pawh a hrang hrang a awm a ni ve mai.

Kristian, Islam leh Juda sakhuaah te chuan nawhchizawrh te, hurna te leh mawngkawhurna te hi sual namen lova ngaih anni a. Kan lehkhabu thianghlimah te hming hmerha sawi anni chung hian sim te chu ngaihdam anni leh fo thin. Kristiannaah chuan Thlarau Thianghlim sawichhia-te chauh ngaihdam anni dawnlo tih kan hmu nghe nghe a ni.

Chutiang karah chuan nawhchizuar a eizawng, mipat hmeichhiatna hmanga eizawngte tamtak zingah hian an nun ning a sakhaw biakna lama lokir leh te pawh an awm nual mai. Nuam tawlna nipah si a pawisa tamtak huiluhna sal atanga tal chhuak leh a, Isua Krista lam rawn pan leh ta te hi an ngaihsanawm viauin ka hria. Tlem i han tarchhuak ila:

1. Pastor Melissa Scott:

Barbie Bridges tih hming hawh a porn movie chang thin Melissa Scott hi, pastor atan chuan a sexy hmel mah mah tih pawh a awl viau tur ania! Ani hi 80′s chho vela porn star lar tak thin niin, a pasal neih hnuin a nunphung thlakin, pastor pasalah a nei ta a. A pasal chu California lam a Televangelical Ministry hotu a ni. Kum 2005 a a thihsan hnu chuan an pa aiawh chho vin, Los Angeles a University Cathedral ah hotu ber niin tunah hian a sermon-te chu Chirstian list-ah best sellers anni hlawm.

Mihring zia a ni a, ani hlawhtling ta chu thiktu leh sawiseltu an awm nawk mai. Isua erawh chuan sualsim te a hnar ngai der silo!

https://www.marieclaire.com/world-reports/news/melissa-scott-porn-pastor

2. April Garris:

Ani hi porn industry atanga Pathian hmutu a ni leh a. Kum 2001 khan drugs vanga buaina a tawh hnu chuan tanpuina a zawnga, a hmu a ni. Tunah chuan porn star ho, porn industry atanga an chhuah theih dan tur buaipuitu pawl, Pink Cross Ministry-ah pastor atan ordained a ni tawh a ni. HIV leh AIDS te, zu ngawlveite leh thil danga talbuai ten an chhawr viau awm e.

The Porn Effect: Ten Myths Exposed by April Garris
https://517gp.com/index.php/GT/view/id-29342

3. Stephanie Gregory Clifford:

Ani hi porn industry tana hun reitak mi rinawm (stalwart) lo ni thin tawh a ni. Movie 120 chuang chang tawhin ‘Stormy Daniels’ ti a hriat lar a ni thin. Porn atanga chhuakin a pianna state Louisiana-ah chuan Senate atan a in candidate ta a. Mahse, vanduai thlak takin a political advisor car an bmob sak avangin a inhnukdawk leh ta a ni. Ama hming (kohdan) chawiin rock band, Motley Crue bassist, Nikki Sixx chuan a fanu hmingah “Storm” tih a sa nghe nghe a ni.

https://en.wikipedia.org/wiki/Stormy_Daniels

4. Shelley Lubben:

Ani hi porn atang thova Pathian hnena chhandamna chang a ni. Poron industry-ah chuan “Roxy” ti a hriat niin a inhmang nasa viau thin a. Mahse, a nun chu ningin a chhuahsan ta a, Pathianah piantharna a chang ta a ni. Lubben hi vantlang hmaah, “Enge porn movies hi,” tih chu tlangau thupuiah hmangin a pasal Garret nen Pink Cross Foundation hnuaiah, sex workers te leh porn industry tinzawn-in hma an la mek a ni. Amah hi tunah ordained Chaplain a ni tawh nghe nghe.

https://en.wikipedia.org/wiki/Shelley_Lubben

Engtiang pawh a khawvel hlimhlawpna um thinin, hlimna vawrtawp zawng thin mah ila, Lal Isua Krista-a kirleh te tluka hlimna tak nei hi ka hmuh kala hre awm love!

42 Responses to “Englo atanga beiseina nung neih!”

1
lr hlonchhing Says:
November 11th, 2011 at 9:06 am
Eng nge ka an?
Report this comment
2
boihapa Says:
November 11th, 2011 at 9:15 am
Ka hman hunah ka la chhiar ang. HV-a post chu comment ve hrim hrim ila.
Report this comment
3
TuaiSialA Says:
November 11th, 2011 at 9:21 am
A bengvarthlak e. He’ng nawhchizuar piangthar ho hi Pathian mi hman tak an ni duh phian a, an pianthar pawhin Pathian tana mi rinawm leh tangkai an ni duh khawp mai. Ka ngaisang hlawm viau e.
Report this comment
4
cornilius Says:
November 11th, 2011 at 9:36 am
Beidawnna ruam atanga kirleh te tluka hlim hi an awm ngai dawnlo a nih hi…a bengvarthlak in a ropui hle mai…keini tha inti em em te hian kirna chang kan hrelo ang tih hi a hlauhawm zawk ta mah in ka hria…
Report this comment
5
jahauhruaia Says:
November 11th, 2011 at 9:37 am
A ngaihnawmin a bengvarthlak a, Pathian ropuina min hmuhtir e
Report this comment
6
Ruata Pachuau Says:
November 11th, 2011 at 9:38 am
Bengvar thlak hle mai
Report this comment
7
Sony Says:
November 11th, 2011 at 9:53 am
Nia.
Report this comment
8
James Bond Says:
November 11th, 2011 at 10:03 am
Stephanie Gregory Clifford [Stomry Daniels] khi Wikipedia a ziah dan chuan “if elected, she would likely retire from the adult industry” an ti lek mai a, update a ngaih hmel khawp mai.
Report this comment
9
shailendra Says:
November 11th, 2011 at 10:04 am
An va lawmpuiawm ve le.
Report this comment
10
PKfanai Says:
November 11th, 2011 at 10:10 am
Hetiang hunah hian Fapa tlanbo u rilru ang lo put mai hi awl deuh a nia aw. Hmangaihna dik tak a hmangaihtu, Zikpuii pa tawngkam takin, “Nawhchizuar hmel a Vantirhkoh hmel hmu tlat” an tawng fuh hi an vannei hle bawk mai. Misual hard core ho hi Porn Star hovin Vanram min luh khalh zo palh hlauh ang e, i in en let ve teh ang u.
Report this comment
11
Jacka Pi Says:
November 11th, 2011 at 10:23 am

Report this comment
12
Soberboy Says:
November 11th, 2011 at 10:23 am

Report this comment
13
H.Vangchhia Says:
November 11th, 2011 at 10:27 am
James Bond #8 bonus tur a pangaiah kalo dah palh anih kha. A thuhrimah a chanchin han enchiang turin hnaah ka awm a, hetiang hming ka Google ngam chiahlo…an monitor

A channa thar a awmlo em mai, a tawp hlenta a ni maithei.
Report this comment
14
century child Says:
November 11th, 2011 at 10:27 am
An vannei ngawt mai.
Report this comment
15
funny Says:
November 11th, 2011 at 10:35 am
Pu HV-a chu i englo a nung animaw. Porn lampang ho chu ilo hre ril hle mai.
Report this comment
16
H.Vangchhia Says:
November 11th, 2011 at 10:38 am
funny, nung e a
Report this comment
17
jesuslovesme Says:
November 11th, 2011 at 11:16 am
Post Ziaktupa, ka zah khawp mai che. Mahse, “Lal Isua chauh hi kawng leh thutak leh nunna ani” ti lo te chu Kristian an ni lo. Kristianna hi Sakhuana mai anga i ngai anih chuan in enfiah a ngai ang. “Engpawh nise, kan sakhaw vawn theuha rinawm hi a tha a” – tih hi ka sawi ni ta sela Judgement day ah Lal Isua hma ah ka insawi fihlim theiin ka ring lo.

Hindu te, Muslim te leh sakhua reng reng te hian an siamtu Pathian nilo thil dang an bia ani. Anmahni kan hmangaih tur ani. An kawng diklo te chu zawldawhna nen kan phak ang tawkin hriattir a, ‘kawng leh thutak leh nunna’ chu kawhhmuh kan tum zawk tur ani.
Report this comment
18
H.Vangchhia Says:
November 11th, 2011 at 11:34 am
jesuslovesYOU #17 i rawn quote khi?!!! ka ziakte i chhiar chianglo nge i hmuh thelh lui?

A inzah loh thlak viau zawkin ka hria!
Report this comment
19
Alejendro Says:
November 11th, 2011 at 11:49 am
Read the whole interview of Corina Taylor, and I would really like for you to read this message she gives for all the male porn viewer.

SL: What message would you give to men viewing porn?

V: That women are NOT objects and we don’t want to have our insides pounded out and we don’t want to be degraded and that we are real people with real hearts and real personalities. It’s sick that porn viewers want to watch women being violated. The people I know who are obsessed with sex and porn and orgies are Lawyers Doctors Dentists and Judges, the people in position who society thinks so much of while they secretly get off to violent and degrading porn. These are the people who need to seek treatment and the ones that society are programmed to think so highly of. I know a dentist who has a porn collection and him and his wife take their office staff to Mexico and they have orgies. They tried to brand me a prostitute because I made porn when they are the hypocrites with the sexual addiction and even bully their office staff into sexual acts because of their sexual and porn addiction. This is the kind of thing that happens in the real world. Porn addiction is real and it damages lives.

Report this comment
20
hlimthla Says:
November 11th, 2011 at 11:59 am
Tlukloh rim an va nam hmel ve…ka hnim chak
Report this comment
21
hovaks2 Says:
November 11th, 2011 at 12:15 pm
17 ka tan che
Report this comment
22
funny Says:
November 11th, 2011 at 12:17 pm
Inlo in zah vaklo animaw. Han inhnial hot teh u.
Report this comment
23
H.Vangchhia Says:
November 11th, 2011 at 12:26 pm
#22
Report this comment
24
jesuslovesme Says:
November 11th, 2011 at 12:30 pm
@18.
I post pum pui thil tum pawh a tha e. I thil rawn thurchhuah te pawh ka chhiar ve veka. I rinna anih loh pawhin 2nd paragraph a i thil sawi khi chhut chiang leh deuh rawh.

“Engpawh nise, kan sakhaw vawn theuha rinawm hi a tha a, chutih karah sakhaw dangte tawngpawng huat emaw sawichhiat kher hi tul lovah ka ngai thung. Mihring taksa hrang leh ngaihtuahna hrang nei kan nih angin sakhuana pawh a hrang hrang a awm a ni ve mai.”

1.’Kan sakhaw vawn theuh’ titu chuan Kristianna awmze hre chianglo a kawk a.
2. Hindu/Muslim ho hi an sakhua a an rinawm lungawipui mai kha Kristian chuan a remti theilo hrim hrim a.
3. Kristian dik chuan Hindu/Muslim te hi a tawngpawng huat theilova, a huat loh kha a tullo mai nilovin, a hmangaih zawk kha Isua lak atanga a bat dik tak ani.
4. I sentence hnuhnung ber khian ka point hmasa ber a ngaihdan khi a nemnghet a, “Lal Isua lo hi kawng dang a awm a, Buddha te, Mahavir a te, leh Vai pathian chi hrang hrang pawh hi an ni ve e” tih a sawi ani.
Report this comment
25
boihapa Says:
November 11th, 2011 at 12:33 pm
Kan ngaihdan a ni hlawm em tih chu ka hre law. Kristian hi chu ‘Sakhua’ tia sawi ve loh tur an tih tlat pek chu. Sakhua chu mihringin a thlamuanna tura Pathian a zawnna hi a ni a, entir nan- Islam, Hindu, sikh, Budha sakhua adt. Heti ang ho hi a ni ‘Sakua’ tia an lo sawi deuh bik thin chu. Kristianna hi chu Pathianin a Fapa hmanga min rawn zawn chhuahna a ni a, ‘Sakhua tia sawi ve loh tur’ an ti. Kristianna-ah chuan mihring a che hmasa ngai lo a, Pathian a che hmasa zat zat thin. Chumi lo ringtu chu ‘Kristian’ tih an ni thin.

Kei misual dum ber nia lo inchhal ve thin ngei pawh hian porn star pastor hi ka thinlung takin pawm harsa ka ti deuh a ni awm e. Hmeichhe pastor hrim hrim hi ka la pawm thiam vak lo a ni pakhat ang. Engpawh nise i post avang hian Pathian hnenah ngaihdam dil tur ka neih phah chiang hle mai. He thilah hi chuan PK-a sawi ang khian fapa tlanbo hawng leh lawma an zik hut hut laia a u dinhmun kha ka dinhmun chu a ni chiang bang. He thu hi thahnemngai engphiarin ka lo sermon ve tawh thin leh nghal a! Inhmuhchhuahna tur min siam sak a ni ringawt e. Ngaidam ve duh lo chhiahhlawhpa ang chauh ka nih loh nan nasa zawka tawngtai ka mamawh tih min hriattir avangin he post hi ka
Report this comment
26
PKfanai Says:
November 11th, 2011 at 12:34 pm
19. If they don’t want to be treated as objects, they should stop selling their bodies as objects. If they don’t want to have their inside pounded out and degraded, it’s up to them. They should not degrade themselves.
Report this comment
27
H.Vangchhia Says:
November 11th, 2011 at 12:35 pm
#25 i thuhlawm 2na hi
JesuslovesYou, Isua hming hi hawrawppuiin ziah han ching tan phawt la, i muk tun lo deuh maithei
Ka last sentence chu, ” Engtiang pawh a khawvel hlimhlawpna um thinin, hlimna vawrtawp zawng thin mah ila, Lal Isua Krista-a kirleh te tluka hlimna tak nei hi ka hmuh kala hre awm love!” a nih khi.
Report this comment
28
H.Vangchhia Says:
November 11th, 2011 at 12:48 pm
#24

1.’Kan sakhaw vawn theuh’ titu chuan Kristianna awmze hre chianglo a kawk a.
2. Hindu/Muslim ho hi an sakhua a an rinawm lungawipui mai kha Kristian chuan a remti theilo hrim hrim a.
3. Kristian dik chuan Hindu/Muslim te hi a tawngpawng huat theilova, a huat loh kha a tullo mai nilovin, a hmangaih zawk kha Isua lak atanga a bat dik tak ani.
4. I sentence hnuhnung ber khian ka point hmasa ber a ngaihdan khi a nemnghet a, “Lal Isua lo hi kawng dang a awm a, Buddha te, Mahavir a te, leh Vai pathian chi hrang hrang pawh hi an ni ve e” tih a sawi ani.

1. Mahni sakhaw vawna rinawmlo chu thil dang engah nge a rinawm tehlul ang le?

2. Ka lungawi pui thu reng ka ziak love. Ka rinna ang an rin ve loh avangin ka sawichhiat sak ve kherlo thung. Ka ngawi mai thin tlangpui.
3. Chu tak chu ka sawi khi a ni reng a ni.

4. Mihring taksa hrang leh ngaihtuahna hrang nei kan nih vang reng alawm sakhaw hrang2 a awm reng ni, anilo em ni? Kristianah pawh denomination hrang tam zia hi!

I thaw thelh… English in, “you breath wrong” hairehai

3.
Report this comment
29
Alfred.ralte Says:
November 11th, 2011 at 12:53 pm
Post tha tak a ni e, Rilru a khwih riau a nia, tuna hmuhsit hmel tak leh thamlo taka kan thlir rui kawi vel mai2 te hian vanram minla luh khalh vek tur a nia.
Report this comment
30
H.Vangchhia Says:
November 11th, 2011 at 12:58 pm
Alfred.ralte #29, #10 nen khian ka ziak chhan in sawi e
Report this comment
31
khirha Says:
November 11th, 2011 at 1:14 pm
Stormy Daniels hi ka hre ve tlat.. hrat deuhvah chuan min lo ngai lo ula! haha..
Heng piangthar-ho hi an rawngbawlna a tla tha duh, chapo thei anni lo tih an inhriatchian vangin.
Postupa, an tun tunna chi a nih loh hi aw!!!!haha…
Report this comment
32
H.Vangchhia Says:
November 11th, 2011 at 1:18 pm
khirha #31 nui hui chunga ang tun tun an awm ngai em ni hairehai

An tun hnu nun hi awhawm tak a niin ka hre tlat pek…Krista ah!
Report this comment
33
Lamji Says:
November 11th, 2011 at 1:31 pm
Torrie Black pianthar ve hunah kan rim ang. A bengvar thlak hle mai.
Report this comment
34
sheldon170 Says:
November 11th, 2011 at 1:57 pm
A bengvarthlak leh ta. Sakhua hi chu, ni e, i sawi ang khian kan va zawm ve duhlo anih pawn sawisel or do tur kan ni lo tawp, sakhaw zalenna ram ani si (tolerance to all religion).

Porn-star to pastor, a ropui e.
Report this comment
35
H.Vangchhia Says:
November 11th, 2011 at 3:40 pm
#34 i ngaihtuahna a fing thin e

Lamji, #33 ani berkher
Report this comment
36
bk Says:
November 11th, 2011 at 3:50 pm
A lo ni maw…..
Report this comment
37
H.Vangchhia Says:
November 11th, 2011 at 4:51 pm
bk
Report this comment
38
ma-a Says:
November 11th, 2011 at 10:20 pm
‘An ti’tih vel mai mai a niang! hairehai PU HV a thlalak hi ka hmu zeuh2 tawh!A palian buangthengthung,pu shai a,pu kawlhawka..an hmel a that hlawm lam ai mahin ,an sa a tha ka ti ve mai2! A ban thlanglam pang a tan an it awm ngawt mai!(noi)hairehai!
Report this comment
39
Saitawk Says:
November 11th, 2011 at 10:41 pm
I Post a tha khawp mai, chuan ka’n hnial nghal teh ang che.
“Engpawh nise, kan sakhaw vawn theuha rinawm hi a tha a, chutih karah sakhaw dangte tawngpawng huat emaw sawichhiat kher hi tul lovah ka ngai thung.
A bung leh chang ka sawi mai theilo na in “Ka lama tanglo chuan min do a ni, min lakkhawmpui lo chuan a tidarh a ni”
A bak chu kan hrethiam!
Report this comment
40
Asteric Says:
November 11th, 2011 at 10:54 pm
Hosea chanchin te pawh min ti hre chhuak rum rum alawm le…..
Report this comment
41
chhana Says:
November 12th, 2011 at 12:36 am
A bengvarthlak e.
Report this comment
42
upsilon Says:
November 14th, 2011 at 9:07 am
“Engpawh nise, kan sakhaw vawn theuha rinawm hi a tha a, chutih karah sakhaw dangte tawngpawng huat emaw sawichhiat kher hi tul lovah ka ngai thung”

A dik. Kristian-naah kan rinawm hmasak phawt loh chuan ke pen chhuaka rinawm taka rawngbawl chu khawi lamah. Midang sakhua va tawngpawng huat ringot hian thenawmte hmangaihna a kawk lo deuh.

Post a tha e
Tlai khaw hnuah ka chhiar ve chauh a.
Report this comment