(Hmanni chanchinbu-a ka pek, Zozam Times chauhin an ti chhuakin ka hria)
Idol thlanah Mizo zia a lang:
Thil zialo tak a ni. Zonet Cable TV Provider buatsaih Mizo Idol thlannaah Mizo mipui thuneihna pek kan ni a, thuneihna kan kuta awm chu kan hmang thiamlo hle tih news media atangin kan hre thei a, a vanduaithlak hle mai.
Mizote hi khawvela kan awm ve na ala reilo tih hi dikna chen a awm a. “Mizo” anga kan lan chhuahna atanga chhut chuan kum 60 liam ala ni lo. “Mizo” tih hming lo pianna hi 1954-a District Council kan neih khan Mizo District Council tih a ni a, khami atang chauh khan official chuan “Mizo” tih hi a piang a. Hemi atanga chhut chuan Mizo hi hnam naupang tak kan ni. A lehlamah chuan hnam bil hrang hrang anga kan awmna chu a rei ve thawkhat hle ang, kan history kan chhui thui theilo mai pawh a. Thenkhat sawi dan te hi a dik a nih a Israel hnam 10 bo zinga mi kan nih phei chuan hnam upa berte zing ami kan ni thei ve awm ve. Engpawhnise, kan hnam hi a upa emaw, a naupang emaw, kan rilru hi ala naupang hle mai.
Thliarkar rilru kan tih fo hi kan paih theilo chu a ni ber a. Rilru zau hekhawk hi hnam ang emaw, mimal ang emaw pawhin pu kan tam lo hle tih a chiang a. Hetiang rilru zim rawn lanchhuahna hi thil chi hrang hrangah kan hmu thin a; tunah pawh Mizo Idol sms vote hmanga thlannaah kan hmu leh ta a nih hi.
SMS-a Mizo Idol thlan chungchangah hian titi lengvak a tam hle a. Thenkhat chu thudik a nih laiin thenkhat chu dawtte pawh niin a lang. Zozam Times ni 7 November chhuak phek 8-naah chuan Chief Minister nupui Pi Riliani’n a tan zawng tlin theih nan sim card a lei khawm teuh anga thuthang a awm thute hmuh tur a awm a. Idol thlanna lehzel pawh lo politicize duh kan awm tih hei hian a tilang chiang hle a, rilru kawi tak kan put zia te pawh a hailing awm e.
He chanchinbu vekin a sawi danin he chanchinbu a thawk chuan nu pakhat sim card a hlawma lei tum a lei chhan a zawh chuan, “Tan a na alawm, Lal……a kha lo vote r’u aw,” tia a sawi thu ziahlan a ni bawk. Heng piahlamah hian Idol judge-te thleng thlenga lo vau duh tawk kan lo awm bawk a, a zialo mai ni lovin a zahthlak ngawih ngawih a ni.
Kan veng, kan khua, kan district tihah hian kan la buai em em a, hei hian kan rilru zau loh zia a tichiang a. Mizo Idol chungchangah pawh hian an zaithiam emaw, an zaithiam lo emaw pawh mi tam tak chuan kan sawi lo niin a lang. Kan veng mi, kan khaw mi, kan district ami emaw an nih chuan thih ngama tangin vote tlin kan tum hrim hrim ringawt mai niin alang. Heti zawng hian ngaihtuahna han seng ta ila – Mizo Idol-te hi National Level-a kan state aiawh tur lo ni ta se, kan veng a nih vang emaw, kan khaw mi a nih vang emaw, kan district a cheng a nih vang emaw ringawta kan thlang tling a nih a, zai thiam ve satliah chauh a nih si chuan State dang zaithiamte a tluk dawn lo hle a, Mizote min ti mualphotu a ni zawk thei a ni.
Icon emaw, Idol emaw ni tur chu an nungchangah kan duh fir hle a. Tlema hminghliauna an neih chuan a buatsaihtute’n paih leh mai an hnial hauh lo, paih pawh an nei tawh nghe nghe. Mahse an nungchang chauh hi em ni kan en dawn? Idol/Icon ni tlaka an zaithaim leh zaithiam loh te hi kan en dawn law’m ni? “Chumi chu zaithiam chu ka ti zawk a, mahse kan veng/khua/district mi hi ka tan em a, ka vote lo thei lo,” tih te hi kan rilru put dan a ni tlat mai. Kei tak ngial, thaibawih ve tak pawh hi ka nupuiin min influence a tum khawp mai a. “Kha kha a khawngaihthlak em mai, vote rawh,” mi ti a. Kei chuan, “Zaithiam ka tih ka vote ang chu; zaithiam ka tih loh pui khawngaih vanga vote pek ngawt ka tum lo,” ka ti a, ka ngaihdan ka kaltlang pui ve hrak mai. Vuak ka tawk em lo, mahse a ti tau deuh bar barin ka hria.
Rilru zim, thliarkar rilru Pu H.C. Vanlalruata’n a tih hi duh aiin kan pu rei ta em tih hi ka ngaihtuah fo thin. Mizo hmeichhia te’n hnamdang an neih chungchangah pawh hian kan rilru hi a zim deuh em aw tih chang ka ngah mai.
Culture mai ni lo, ei leh in dan ringawtah pawh inanlohna tam tak nei chunga kan hmeichhiate’n hnamdang an han nei te hi a lehlamah an fakawm ka ti a. Mizo hmeichhia chauh ni lovin eng hnam pawh nise mahni hnam pawna mi pasal an nei hi an huaisenin hmangaihna an dah lian hle niin ka hria. Culture leh tradition inanglo tak nupaa in siam hi thil namai a nih loh avangin hnamdang pasala nei leh nupuia nei hi Mizo zingah kan tam lo hle. Min sawi thaih tum pawl chuan tam hle angin sawi thin mahse a percentage in han la ila, .0 (point zero) something emaw lek a ni ang. Pawl lian tan phei chuan enghelh leh thu tak khuka khukpui vak hi a zahthlak hial zawk lo maw ka ti thin. Kan Mizo hmeichhia te zinga za zela 99 te hi chu hnamdang neih luih tir tum ta ila an duh hauhin ka ring lo. Rokhawlhna vang leh harsatna vanga lo nei ta hlauh an awm hi a pawilo tihna ni lovin hriatthiam chin kan neih sak te hi chu kan tih tur ni awm zawk tak a ni. Kristian nihna nen pawh a inmil zawk awm a sin.
Tunlai hian Mizo nationalism te kan sawi lar leh ta hle. Mizo anga nation a awm te hi kan suangtuahnaah a lian chho zel a nih chuan nationalism vawrh lar ringawt te hi a tawk lo. Hnampui rilru pu tura kan inzirtirte hi a tul ngawih ngawih a, rilru zim tak pu chungin engtikawng mahin nation kan ni thei lovang. History hian zirtir tam tak min pe a. entirna pakhat chauh han tarlang ila. Hitlera chuan an hnam, German hnam chu khawvela hnam changkang ber nia hriain hnam hnuaihnung nia a hriat, a bik takin Israel hnam, Juda sakhua biate leh Gypsy an tihte chu a ngaihmawh em em a, a suat chiam mai a nih kha. Midang ngaihtheihlohna kha rilru zim putna a ni a, a rilru a zim em avangin Hitlera nun kha a rawng em em a, German ho hi a hnam angin an mualpho phah a ni. Hetiang deuh hian Mizo pawhin awmlo leh huatthlala em em a kan hriat Taliban ho chu kan dem a. An mahni mi leh sa ngei ngei, a bikin an hmeichhiate zalenna nasa takin an rapbet a, an sakhua leh an hnam tih dan fir tak leh fawr taka an kalpui avang khan Mizote ngei pawh hian thalo kan ti a nih kha.
Midang thil tih thalo hria a hmu thei viau si Mizote hian kan thil thalo tih hi hnam hmangaihna ang zawnga hmathehin kan hmu thei miah lova. Zawngin a ngun khak a hmulo tih zawng zawng hi kan chang vek tih kan hriat chian lehzual te pawh a ngai a ni. Idol/Icon thlan chungchangte, hnamdang nupui/pasala neih chungchangte, sual nia kan hriat kan theihna zawng zawnga kan tawng te hi “rilru zim” tih hian a hrilhfiah hle a. Khaw hawizau lo lutuka Mizo Idol mipuiin kan thlan dan hian rilru zimte kan put zia a rawn tilang leh nia ka hriat avangin a chunga thute hi ka rawn ziak a ni.
Tam takin ka thuziak hi min pawmpui rualin tam takin in helh ang tih chu a chiang sa a. Chumi atang ringawt pawh chuan rilru zau kan put leh put loh chu a hriat mai awm e. Kan hnam hi hnampui ni thei tura buatsaih kan tum a nih chuan insiamthat ngaihna laite kan nei tih hi kan pawm phawt a tul awm e.
Similar Posts:
- Hnamdang ka neih chuan ka hnam ka phatsan
- Mizo Idol leh bawk
- Mizo Idol kha
- Mizo Idol show hi a ropui em?
- Youth Idol 2008 update thei kan awm em?
Zanreia...
November 14th, 2011 at 6:28 am
1st
Report this comment
November 14th, 2011 at 6:53 am
I tan a tlinglo a ni maw? Lolz
Sim card chu nga ti nge sem kher lovin an mahni hand set a vuah theng a, an duh zawng an vote mai loh? Sem chhung aiin thlak kual chhung a rei lo zawk si a.
Hnam dang hi duh tawkin kan chheh velah hian rawn khawsa ta se, 99% lek lo deuh hian hnam dang nupui/pasal kan neih ngei ka ring. Kawng siam ho camp atang hian a hriat, mizo hmeichia pahnih khat tal an awm ve ziah mawle.
Hnam dang nupui/pasal neih sawi mawina emaw pawisa lo zawnga thu ziak reng hi ka thlawp lo.
tren tren.
Report this comment
November 14th, 2011 at 7:05 am
Idol kha final zan kha ka en ve tak a sin maw le.
Miten eng rilru puin nge an thlan chu ka hre lo a, mahse district zawng chuan a kal vak lo a ni mai thei. Idon atan thlan khan a awmna district thlirin vote a hmu hnem riau mai tiin awm hmunah ka lo ngaihtuah ve mai mai ringawt a sin
Report this comment
November 14th, 2011 at 7:07 am
nikhua ka hriat ve hma atang tawh khan he thu thliarkar rilru hi pu siamkima, kc lalvunga, l.keivawm adt. Khan an lo buaipui nasa tawh a, nikhua ka hriat ve hnu deuhvah pu saiawia, VNT, PL a. adt. ten min kaih harh tumin theihtawp an chhuah bawk a. Kei ngei pawh hian tunhma deuh khan thliarkar rilru tih hi vawi tam ka sawiin ka ziak ve thin.. Post tupa, kan la harh ve mai ang chu.
Report this comment
November 14th, 2011 at 7:13 am
Kei chuan dmt thu ziak hi 100% in ka pawmpui. Tun hma atang rengin media lama ka ‘hero’ ani. Tunah pawh a dik lutuk.
Report this comment
November 14th, 2011 at 7:26 am
Mi pakhat sim card sem avang leh tute emaw mawl falin judge te an vo avangin, Mizo hi kan thliarkar rilru kan ti a nih ngai chuan; a dikhlel deuh lo maw?
Mi pakhat hnih tang ulh deuhte an thliarkar rilru zawk a ni e.
“Mizo kan ni, kan hmel a tha. Kan tum a sang bawk si”
Report this comment
November 14th, 2011 at 7:37 am
A tha viauin ka hria.
Report this comment
November 14th, 2011 at 7:55 am
K’u Kawlhawka post nen a inhlat loh hi a.
Idol chungchang a ni bawk a, chhiar chhuah vek hnuah – KZP
Taka, Vanglaini leh The Aizawl Post-te chuan an chhuah duh reng nang!
Report this comment
November 14th, 2011 at 8:04 am
Indian Idol thlanah pawh NE zawng te pawhin an beih tho kha, thliarkar rilru kan tihsak ve em? A chhia hlir hi i inbel bik suh ang u.
Hnam tlem, derthawng zawk leh humhalh ngai kan ni tih kan inhriat avangin fimkhur turin kan inchah thin zawk a nih hi. Kan chhehvel hnam te atangin zir tur a tam mai.
Kan mithiam te pawh hi an zau viau vang aiin tribal quota vanga an dinhmun hi thleng an nih ka ring.
Report this comment
November 14th, 2011 at 8:32 am
Ka rilru a awm thin ka sawichhuah thiam si loh i lo post a alawmawm khawp mai….Hmanni Mamit a kan hnampui mizo ngei vai pasal neih vang mai a a thawmhnaw thehchhuah sak te kha kan thliarkar rilru alan chian zia ti ching tu niin ka hria.. hnam kan vei dawn anih chuan a in teite lo zawngin vei ila a him ber….. GOOD POST
Report this comment
November 14th, 2011 at 8:58 am
kan district(serchhip) a tangin Final lut an awm a..mahse ka vote lo…chhim lam ami pawh kha lo vote ve rawh tiin a vote dan tur zawng zawng min rawn hrilh a..ka vote chuang lo….an zaithiam leh thiam loh ka hre tlat lova…i heard people saying…feeding an unknown bird is fool…mahse..a tling ber leh a phu ber chauh hian lawmman hi la zel rawh se…a na em mai..
Report this comment
November 14th, 2011 at 8:59 am
Ngawi teh Kei tunlai X factor ka en nasa..US leh UK…an ni-ah pawh mahni khaw tan chu tina tak an ni…Poster nen School leh Kohhran hial te pawhin Vote tura thu chhuah an siam nasa nia…Tan ana ni ve mai lawm le…hehe
Report this comment
November 14th, 2011 at 9:16 am
Idol chungchangah hi chuan tuna kan thlan dan bak a awm chuanglo.. Kan veng mi ka hmelhriat tha tak a telve a ka tan ve reuh zia chuu.. Thliarkar rilru tih hi hmanah Vanglaini ah ka chhiar tawh a rei tawh tehreng nen ka la hre fiah khawp mai.. Kan rilru chep lutuk hi chu kan siamthat a ngai a ni.
Report this comment
November 14th, 2011 at 9:17 am
Ngawi teh, post tupa..tan zawng tih nat..campaign chungchang ah chuan kan entawn europe leh Eu Es of A lama reality show-ah te hian an bei nasa khawp mai. A district, a tlangdung tih ang zawng zawng hi chuan an in vote vek bik lo a nia. Idol thlan hmasak lam ai kha chuan kawng tam takah hma kan sawn in kei chuan ka hria. Tin, ti ti leng vak vel, an ti… tih vel zawng zawng hi chu mi hian awih chin kan nei thiam tawh khop in ka hria.
Report this comment
November 14th, 2011 at 9:49 am
Idol bawk chu maw ni leh dawn?
Ka nau, vengmi, khawmi tih vel hi chu e… Mizo chauh kan ni bik lo e.. khawvel dan ve reng a ni. Mizoram leh Ramdang in el se, Ramdang zawk kha thiam ti zawk ta la. A chak zawk i thlan tur ni ta se, Mizoram tho i thlang lo ang maw? Khawvel dan a ni e..
A reng rengah Idol an tih ve ziah hi a HO. A thupui fun lo e mai. Mizoram angah Recording siam har em em pawh va ni suh. Zaithiam tak tak a lar duh hrim hrim chuan thil har pawh va ni suh. A nep sazu, ka kham. Nge Hlawh ang zawngin em ni an tih? Nuaihkhat em pawh an hlawh tling tir emawni le? Engteh ual an nih pui hmel loh e mai, keini Zoram zim te, mipui uihum lek kan kat ve nawk nawk a. Thutak chawtak a paw chhuak lo e. A nep.
A engah nge maw IDOL ah bawk chuan kan comment leh pek ni kei a pawh chu.
Report this comment
November 14th, 2011 at 10:07 am
Pakhatnain nuai khat chu a sum faiin a hlawh kha mawle.. Pahnihnain sing thum…haha. Inthlau mai mai asin aw..
Report this comment
November 14th, 2011 at 10:17 am
Kan fate tan idol/icon tur ah zai thiam ngawr ngawr maw an nih reng dawn ? Idol/icon tur dang an tam tehreng nen.Hnam dang pasal neih chung chang ah mi tupawh in Vai,English,French,German,Negroes etc neih a thiang vek.. mahse an pasalte hnam an tawm tur ani mai.Vai pasal nei a an fate Mizo hming puttir hram a tribal nihtir tum tlat leh an pasalten an nupuite hming a dawr siam tum tlat hi a diklo.
Report this comment
November 14th, 2011 at 10:37 am
2 @Chhuaklinga
Idol chungchangah chuan ka insum rih ang. Hnamdang neih pawlh chungchang erawh hi chu Mizo ka nihna leh Kristian ka nihna atanga ngaihtuahna hmang chungin, ka comment ngai lo ang. Hnamdang nena inneih pawlh hi zirtir kan mamawh loh ber pawl a ni hial awm e. Kan thawnthu pakhata Vai lalpa neih chakawm taka an lo phuah mah kha kei ka hua. Hnamdang neih pawlh miah lo mahila kan hnam rilru put zia hi a zau thei a, a zahawm thei bawk.
Report this comment
November 14th, 2011 at 10:38 am
Icon/Idol i sawi tha ka ti. Mahse, hnamdang Nupui/Pasal neih erawh ka ngaihdan a ni miah lo, hetiang khawp hian hma la nasa lo sela, engtin zel ni ang maw? Kan zoram riang te hi…
Report this comment
November 14th, 2011 at 10:52 am
hetiang chungchang POST hi a tam tawh e
Report this comment
November 14th, 2011 at 11:21 am
2013 ah phei chuan tun tum aiin a la ‘hot’ viau ka ring.
Report this comment
November 14th, 2011 at 11:34 am
#2 ka full support e
Report this comment
November 14th, 2011 at 12:05 pm
Idol zunzam hian min la fan hneh hlawm hle mai maw? A liam leh thuai anga, rial ang a dai leh tep tawh a ni e.
Report this comment
November 14th, 2011 at 1:21 pm
mahni district khua mi te chu tanin lo campaign pui lawp lawp ang hmiang a ho ltk… kan entawn american idol ah te pawh hei hi chu an ti ve vek tho
Report this comment
November 14th, 2011 at 1:21 pm
Report this comment
November 14th, 2011 at 2:04 pm
Kei hi Mizo zing ah pawh hnam pui deuh ka ni nge ni, hetiang in huat deuh deuh Mizo rilru in sawi ang ho tam tak hi ka lo pai ve ngailo reng reng
Report this comment
November 14th, 2011 at 2:13 pm
A bul ber chu i sawi ang khian rilru zim leh tê, la hawi zau lutuk lo kan tih hian heng rilru hi kan pu nasa a. Thingtlang in party feeling an la run lutuk angin khawpui chuan an la run tawh lo te pawh hi a tehna pakhat a ni ve bawk ang a. Veng tê leh khaw tê deuh chuan mahni Kohhran pawl ṭha ber a ngaia Kohhran dang an en dan ang te pawh hi a huam awm e. He rilru hi chu changkang leh changkanglo, khua/veng lang thei ah pawh hian hmuh tur a awm fo a lawm Idol ah lo pawh.
Tin, Mizoram hi tlangram anih avang hian unau te kan inpawh har angreng a, phai nise in hmu phak reng tur pawh ral lehlam ah an awm daih a. Hei hian kan hnam rilru a ti naupang rei lutuk, in chhut ve ngai emaw communication leh developement ah chuan tlangram hi a ṭhang chak thei meuhlo a ni (a cheng te rilru lamah pawh)
Report this comment
November 14th, 2011 at 2:40 pm
Kan hnam tlemzia ngaihtuah chuan Hnamdang nupui/pasal a nei hi an tam deuh lo maw thianpa..ka helh tlat mai,ka rilru a zaulo aniang..Hnampui tih ang nih a chimral ai chuan rilru zim nih ka thlang e..a neiduh chuan neise a hreawm leh an tuar ani mai..A thatloh zia, kei erawh zawngin ka campaign pui zel dawn, rilru zim takin te ka tia
Report this comment
November 14th, 2011 at 2:41 pm
‘Chumi khami chu a zai a, an veng mipuiten big screenin an lo en’…’chumi khami veng chuan an veng nula/tlangval idol/icon a tel an lo hmuak’ adt a tam viau thin tak kha mawle, thliarkar rilru pu an tih awm pawh ka hre lem hlei lo va !
Report this comment
November 14th, 2011 at 3:03 pm
good post
Report this comment
November 14th, 2011 at 4:03 pm
Engti kawngzawng paw’n ka thlawp che post tupa.
Report this comment
November 14th, 2011 at 4:07 pm
A hahthlak anih hi.
Report this comment
November 14th, 2011 at 4:35 pm
Tam takin ka thuziak hi min pawmpui rualin tam takin in helh ang tih chu a chiang sa a. Chumi atang ringawt pawh chuan rilru zau kan put leh put loh chu a hriat mai awm e.
Report this comment
November 14th, 2011 at 5:03 pm
Hmanni a LPS in eng tihemawni an buatsaih ah vote hmu sangber pathumna pawh a tling lo an tia mi? A fuh lo daih zawk lo maw? Miin sum sengin an vote ve tliar tliar si a. Kan en ve ngai lova ka hre tlem viau na in mipui an vote tir chuan an vote chhuah chuan lawmman dawn mai awm ka va ti deuh e. Mizo Idol an ti ve bawk si nen.
Report this comment
November 14th, 2011 at 5:46 pm
Kan Idol tehi kan Idolize tak tak nge kan phur pui hluai ringawt nge kan media ten min bawl phur hlut ringawt nge pawh ka hrethiam velo e a keichuan, ka en ve ngai bawksilo.
Report this comment
November 14th, 2011 at 7:57 pm
ram changkang zawk ah te pawh boruak asan theih em hi maw.mizo chauh kan ni bik hlei nem,i tan zawk achaklo ani lo maw?
Report this comment
November 14th, 2011 at 8:13 pm
Report this comment
November 14th, 2011 at 9:27 pm
History kaihnhawih thil kan ziak dawn a nih chuan chhui chian hmasak deuh a ziah thin hi a finthlak mang e. 1954 vel chauh a “official” a MIZO tih lo piang chauh anga i sawi hi a felhlel deuh lo maw a post-tupa?
Mizo tawnga lehkhabu chhuak hmasa ber, kum 1895 a mi chu “Mizo Zir Tir Bu” tih a ni a. Chanchinbu chhuak hmasa ber, kum 1898-a mi kha “Mizo Chanchin Laisuih” tih a ni bawk a. Chu bakah, kum 1903 daih tawh khan Pu Zosapthara (Edwin Rowlands) chuan Mizote fuihna hla a phuah a. Chutah chuan, “Mizo kan nih lawm ilangin… Mizo lawm teh u!” tiin a lo auchhuahpui tawh.
Kum 1954 a district council kan neih atanga Mizo official ta chauh anga i ziak khi i source min hrilh thei em? Eng vanga official ta chauh a chhal thei nge i nih? Hei thil hi ka mamawh dawn avangin mi rawn chhang vat ang che.
Report this comment
November 14th, 2011 at 10:09 pm
TBC zai dan kha ka mil chi.
Report this comment
November 14th, 2011 at 10:23 pm
@Saitawk, TBC kha chu a thiam ve naran ka ti. Idol competition kha a stage a sang tulh tulh a, TBC kha a zaithiam tehreng nen khan a nawi chho ta tlat a, a uihawm khawp mai.
Kan idol thlanchhuah dan kha, mipui idol ti zawng khan a buatsaihtute khan an han ti rawk na a a mipuite khan kan la zo awkawng lo. Kei ka ngaihdan chuan zaithiam thlantur anih chuan zai lama expert ten endik se, thlangchhuak mai rawh se. Mass participation a tul ka ti lo. Mipui an chawkphur/inrawlh tir duh anih paw’n duhleh 100 a 25 vel pe se.
Top 10 chin ang vel chu kan han idol chei nghal rup rup hlawm mai ania. Thilpek an dawn te erawh ka lawmpui a, kan sawngbawl dan erawh chuan an nun a thalo zawngin a hruai ang tih ka hlau.
Report this comment
November 15th, 2011 at 2:04 am
hnamdang nupui/pasal neih thlawpna lam thu hi chu kei chuan ka kalh tlat ani, kan hnam tlemte hi chimbo an phal dawn anih chuan nei rawhse, mahse kei chuan ka thih thleng in ka phal ngai lo ang, ka chhung leh khatte, ka thisen pui te thleng in a tul anih chuan, thi leh thau seng pawh in ka hnam pil bo tur hi ka sual zawk mai ang…ka ti ve tlat.
Report this comment
November 17th, 2011 at 7:02 pm
@LiveNletLive “Official-in” ka tihna chhan chu a hma zawng chuan sipaia tang reng rengkha “Lushai” tiin an surname an pe vek. Lushai Hills kan ni thin. District Council alo pian khan “Mizo” tih hi sorkar chuan a pawm chauh a ni. Tunhmaa an hman leh hman loh lam ka sawi loh i. Official ka ti a, i chik lo deuh a ni ang
Report this comment
November 17th, 2011 at 7:11 pm
@maddafizzuker Hnamdang nupui pasala neih ka sawi mawi pawh ka lo hre hlei nem. An dinhmun a khawngaih thlak ka ti mai a, “kan hmeichhiate’n hnamdang an han nei te hi a lehlamah an fakawm ka ti a” ka tih hi an huaisen ka tihna a ni a, an entawntlak ka ti miah lo.
“Rokhawlhna vang leh harsatna vanga lo nei ta hlauh an awm hi a pawilo tihna ni lovin hriatthiam chin kan neih sak te hi chu kan tih tur ni awm zawk tak a ni. Kristian nihna nen pawh a inmil zawk awm a sin” tia ka ziah hi maw le
Report this comment