Heti mai leh heti lek hi kan ni a, Mizoram chu. Engpawh ti ila mi hnam tihdan entawn kan ngai lo theilo a. Zonet in tum 2 Mizo Idol thlanna a lo buatsaih tawh a, tun hi a vawi 3-na. Tichuan, Mizoram, a bikin Aizawlah engemawti lai atang khan kan Cable Network ten Reality Show an buatsaih ta sek mai a, mit leh beng a tlai hle. Mizo Idol, Mizo Icon, Comedian Search, Manhunt, leh a dang tam tak. Dik tak chuan kawng engkima kan standard en in Reality Show hi kan ngah lutuk deuh lo maw aw ka ti thin. Heng show hrang hrang atang hian Celebrity engemaw zat an lo chhuak thar ngei mai a!! Thenkhat chu chhungkaw tana phurrit mai ah te pawh an chang thei awm e.
Ka incheina leh ka hmel emaw, ka intihchangkanna te hmang hian mi ten min teh tawh lo. Eng mizia nge ka put, chhungte chawmhlawma in penparh mai nge ka nih a, mi rinawm, theihtawka hnathawk mi, ka nitin nunah ka Kristian nihna a lang em? Hengte hi kan tehfung ani tan tawh ania aw. Kan celebrity ho lah hian ‘Fans’ hi an han ngah nghal em em mai zel bawk a. Eng mi pawh ni ila, theihtawka chhungkua, khawtlang leh kohhran a rawngbawltu nih tum theuh ila. Mi thenkhat fel tak tak karah hian buaithlak deuh zawng an awm lo theilo. Mi te hmelhriat nih ve dek dek vanga in lak ‘high’ thut te pawh bansan a tul e. Mizo te hi chu Benazir Bhutto emaw Aung San Suu Kyi te maw aia Lady Diana ngaisang zawk hnam kha kan ni tlat mai a!!
Kan Idol thlan mek ah ngaihdan tlem – Zaithiam kan thlangchhuak dawn anih chuan zai lam a mithiamte’n full judgement pe ngei se ka ti. Mipui idol kan ti fo a, a dik theilo. Mipui nawlpui hian zaithiam thlang turin thiamna kan neilo. Mipui vote thlak dan ki chu – laina, hmelhriat, vengchhung mi, hmeltha tih vang, etc. vel vang a vote kan ni tlangpui. Sms vote hian 50 percent point a keng anih chuan Professional judgement a lang thei ngai lovang. Mipui te min telh ve kha a tul an ti anih pawn 25 percent point chauh keng tal se. Kan Judge te’n ki hrang hrang atanga an lo endik kha zaithiam thlanchhuah dan tur dik ber ani lo maw?
Similar Posts:
- Mizo Idol show hi a ropui em?
- Mizo Idol nih tu nge duh?
- American Idol:Vote for the worst!
- Mizo Idol/Icon etc ka hmuh ve dan
- UK Pop Idol Zawnna X-Factor-ah Mizo Nula 3
September 29th, 2011 at 2:17 pm
Sheldon, chuti e le…a hmar ang zawngin an tang nasa tih hi an hre lo emaw ni le aw?..post angin ka ziak dawn mi aw ka tia…hmar ho nen pawh kan inhnial hrep tawh…mahse, a rilru chhiat thlak ka ti deuh sia,, i post hi ka lo hmang tangkai ve tawp..chu pawh, midang comment awm vak tawh loh hnu lamah..
MIZO IDOL KAN THLANG DAWN ANIH CHUAN MIZO NIHNA AIA HMAR NIHNA DAH HMASA CHU KAN TI TLA NGAM TURAH KA NGAI.
Report this comment
September 29th, 2011 at 2:20 pm
@Ignatia, ni e tiraw. Technical lam miin technical leh facts post se, keinin current events leh hringnun chungchangah ngaihdan lo sawi ve ila. Misual ah kan han sawiho hnu chuan keini post te pawh a complete ve thlup zel alawm.
Report this comment
September 29th, 2011 at 2:24 pm
Sheldie: Thums up.
Chemte:
Report this comment
September 29th, 2011 at 2:30 pm
@chtrawt, no problem. I post ang deuhin duh duh sawi theih. India ram khawi hmun atang pawn sms vote a lut thei si a, sms hmu tam tam an tling dawn a ang tlat. Pawi khawp ani.
Report this comment
September 29th, 2011 at 3:03 pm
SHeldon, hmar ho zawng zawng hi an population te min hrilh hrep hlawm lah tak a.. Mi nuai 3/4 bawr vel an awm a..mi nuai khat pawn vote se, MIzo Idol-ah Hmar nula kan nei ang…
Mizorama dil lian ber chu Rih dil a ni a, Burma ramah a awm… Mizo Idol chu Hmar nula a ni.. A va inhlat lo em!!!
Report this comment
September 29th, 2011 at 4:24 pm
ti mah2 deuh lo maw..hmar a nih avanga mizo a nih lohna a awm hleinem.mizo hnam peng pakhat a ni ve tho a.eng hnam nge mizo ni bik chuang a.mahse hnam bil ang zawnga a kal a,a inti mizo duh loa hmar hnam bil ang zawnga a inlahrang nih chuan a demawm tho.a nih lem loh a a inti mizo anih chuan mizo a nih loh bikna a awm chuang hleinem.
Report this comment
September 29th, 2011 at 5:02 pm
Nguntang…i rawn sawi condition anga a awm thin avangin alawm tikhian ka rawn sawi reng ni..
Report this comment
September 29th, 2011 at 5:52 pm
Ka hne top icon/idol thlan hi. Ka ti leh pek thin ang ka hne. Chutah school zirlai /hoteller te emaw ni enturin an la sawm zui thin.. an la ti em tun tumah hian..Mizo thalai te hi zai lama tlan duai duai lo in, kan chheh vela hnamdang khing phak a, he thluak in dona khawvelah ah hian an survive theih nana chher hi kan mamawh tawh..Mizo icon/idol sangkhat aiin IAS pakhatin Zoram tan thil a ti thei zawk..Huiha ka ram ka ngaihtuah changin ka rilru a hah thin si..Ngaihtuah loh dawn a ngaihtuah loh theih si loh
Report this comment
September 29th, 2011 at 6:37 pm
@doc, insum rawh insum rawh. I BP te kha…! Idol/icon hi keini pawn kan hne, kan thu awm silo nih hi.
Report this comment
September 29th, 2011 at 8:35 pm
mizoram intohdelhna ber chu zaithiam ngah lamah chauh a ni e.kan ram mamawh buhfai 25% chauh kan thawh chhuah laiin zaithiam chu kan mamawh aia tam kan thar chhuak tawhin ka hria.milar nih thiam dan kan inzirtir a ngai a ni.
Report this comment
September 30th, 2011 at 10:34 am
post tha tak a ni e…
Report this comment
September 30th, 2011 at 8:54 pm
@chtrawt, Sinate nichin mai khan a zai zo chiah. A zai chak(strong) viau in ka hre mai a kei chuan. Thiam leh thiamloh ka hrethiam lo kei chu
Report this comment
September 30th, 2011 at 10:41 pm
Mizoram dinchhuahna tur chu solfa leh kungfu an tih kha maw misual pakhat chuan
Engpawhnise, sheldon, good post
Report this comment