Keia kara Chepahakhata, khawilai foreign Airport vela kan tum thu ka ziah ring suh. “Rih dil tlawh thu” tia dah ka tum zet a, Mizoram dil lian leh hmingthang man chawia Burma rama en a ngaih tlat si avang zawka, “Hei le foreign” tia dah mai ka ni.
Mahni sum seng miah lova “Ram fan thu” ka ziak a nih lem loh chuan, a pawi lo; la na vak duh suh. Chubakah, foreign a ni ve tho alawm, MLTP Act an hre ve tlat lova. Ka zawt chuang lo nain, a nih ka ring thla ngawt.
Kan Bus a len deuh leh kawng a chhiat deuh avangin, kawng hnai zawk lamah kan kal thei lova. Seling lam atangin Champhai kan pan thla a, kan bul tanna atang chuan; km 400 vel a ni ang. Tlungvel Quary vel kan tlan lai ka hre reng, kan motor kha Bus nge, Truck nge ni a; mau rap in tih hriat hran har khawpin vaivut in min bawh. Khu tiap tiap tak a ni
Vanduai a siamin, ka thiannu thutpui a rui hlauh pek a. Ka kekawrah a bun ta mai bawk nen, a dang ka keng si lo; buaithlak tak a ni. Zan hnih chauh riak tur kan nih avangin, hak lai bak ka keng lova; kawr erawh ka keng lawi a. Ka kekawr ka phelh a, ka tleuh thuak thuak a. Hak nawn leh theih pawh va ni suh, underpant nen ka thu ta tau mai. Underpant nen chauhva Champhai thleng hmasa ber ka ni mahna.
Jacket ka ha a, underpant ka ha bawk a; converse ka bun thung a. Hmel in hmeh vak loh nak a laiin, inhmeh a har ngiang mai. Zan dar 8:30 ah Champhai Tourist Lodge kan thleng thla a, chaw kan ei nghal a. Chaw ei laiin, Towel ka veng lawp lawp a; rin aiin zei a har.
A tuk chaw ei khamah Rih dil lam panin kan tlan leh ta a. Zokhawtharah Bus kan dah a, an lal lo kal lai a nih avangin; motor dang luh an phal tlat lova. Gate pahnihah Burma sipai ten min dang a, mi pakhat zelah Rs. 10 kan chawi a. Naupang ho hruai kan nih avangin, kan chawi nual.
Ke ngatin Rih dil lam kan pan ta a. Rihkhawdar thleng chho ngawt a ni a, a hahthlak ang reng e. Rihkhawdar atang chuan Rih dil a lang ut tawh a, minute sawm vel kan kal a; kan thleng chu a ni mai. Tlawhtu an tam, an lo ri hlut hlawm a.
Rih pal an ti mai a, thing sang lo te hian a lo hual chhuak vek a.
Thing te chu thi ro vek angin an lang a, an nung vek tho si a. Rih dil hi lan dan chi thum in a lang tak tak a, love sign, pariat ang leh sâwl putin. Rih dil tui lak hran hian, dil tui a nut chang chuan a lo nu ve vek thin an tih erawh; a dik chiah lo niawm tak a ni.
A kal tawhte tan chuan, a ho inti mai thei a. Kal lo tan erawh, kal ve ngei chi a ni. A mawiin, a lian tha khawp mai a. Thla ka la char char a, ka thlalakna ken kha Handycam mai mai a nih avangin, mita hmuh anga mawíin a lak theih chiah lem lova. Mahse, a mawi hranpa ve hrim hrim piah lamah, a hlu ve tho e.
Kan tlawh ve ni ber kher kha chuan, kan tam khawp mai a. Kan thleng sup sup a ni ber. Zu dawr pakhat a awm a, an inchhawp fer fur a. Nu ho te lam, an whisky hlawm a. An lam suau suau, chakawm ve tak a ni. Keini leh naupang ho erawh kan fihlim a, a lawmawm khawp e.
Boat te reuhte pakhat a awm a, mi pakhat tan Rs. 40 zel a ni a. Kan naupangte nen chuan kan chawi nual a, mahse, a hlimawmin Rih dil kan kal chhan a ni tho bawk.
Tlai lamah erawh Bus kan la lut thei ta hlauhva, ke ngata let leh a huphurhawm si a, vanneihthlak khawp mai. An motor number chu, ka sawi thiam dan chuan; Nihawi chi a inziak ang chiah a ni. An signboard chhiar thiam kan awm lo kha, a mak hranpa love. Nihawi chi an tihna ah kan ngai hmin hmak mai.
Rihkhawdar paltlangin, Rih dil kan pan a. Rihlipui Hotelah chawlin, Rihthlipui chanchinbu Champhaiah kan chhiar a. A nuam ve mai mai e. I la kal lo a nih chuan, kal ve ngei tum rawh.
Add: U-a-ma a lo hnai ta e. Urlawk zanah, a nei ten Ar sa an kan lai a; a nei loten Mai kan a hnai e.
U-a-ma vohbik CHIBAI ka buk vek a che u.
Similar Posts:
- Ramar nupa
- Champhai ah kan misual
- Dan kenkawh duh vang nge sum tuak hnatlang?
- Ka zin ve a…
- Che hlek a Rihdil ti reng mai…
Ka first khat...
December 8th, 2011 at 11:40 pm
Rih Dil hi i sawi atang hian ka kal chak ve deuh, a hma chuan mi kalna turah ka dah ngawt a, vawikhat a vawikhat chu ka hmu chak ve ta hle mai.
Good post
Report this comment
December 8th, 2011 at 11:41 pm
Ngaihnawm an tih ang type chi tho kha ni te hian ka hria a
Report this comment
December 8th, 2011 at 11:42 pm
zan 2 riak tur.kekawr spare kenloh chuh.
Report this comment
December 8th, 2011 at 11:46 pm
Kan naupan lai deuhin ka pa in saidawium khat a rawn hawn a, hnim, hnah sin te te, Rihdil chhunga to a rawn khung tel bawk a, a tui a nu thin an tih kha a nu miah lo..
Tui rawng in thlak hi algae vang ani awm e..
Report this comment
December 8th, 2011 at 11:49 pm
A ngaihnawm e…keini inrinni hian kal ve kan tum a. Chu Ramfangzauva ni reng che a..(fiamthu)..:-D
Report this comment
December 8th, 2011 at 11:52 pm
Burma sorkarin awke 100 leh Rih dil inthleng a phal
Report this comment
December 8th, 2011 at 11:57 pm
Burma ramah chuan awke an ngaisang lutuk a, an National Animal chu Awke a nia, an National Bird poh awke tho a ni
tak2in, a ngaihnawmm e
Report this comment
December 8th, 2011 at 11:58 pm
@reMpy : kan sawrkar min va hmusit deuh ve a… are yaaarr
Report this comment
December 9th, 2011 at 12:01 am
@chhangteval, facebook kan soi lo, lo lang suh.
Report this comment
December 9th, 2011 at 12:11 am
@ReMpY : ka ngai tawh che lawm. .. true story
Report this comment
December 9th, 2011 at 12:12 am
Ka Rih Dil tui kawl hi a la nu ta reng reng lo.
Tum hnih lai chu ka kal ve ta e.
I ziak ngaihnawm thiam bawk e.
Masi chbai le.
Report this comment
December 9th, 2011 at 12:18 am
@chhangteval, in hospital ah laptop nen a duty an phal mi? i 24 hours ve thei siaa… e.g baibing, purun var leh protein tamna chi chaw thra te.
misual.com tun kar post zong2 k chhiar zo tam, mu kok teh ag
Report this comment
December 9th, 2011 at 12:21 am
Awke
Report this comment
December 9th, 2011 at 12:27 am
A ngaihnawm mang e aw.. Nihawichi lai vel khi hit tawp! Kal pawh la kal hma hma a.
ReMpY: Mangtha aw…hehe.
Report this comment
December 9th, 2011 at 12:27 am
OK
Report this comment
December 9th, 2011 at 12:28 am
Foreign, hairehai:
https://i39.tinypic.com/i5dhmb.jpg
Report this comment
December 9th, 2011 at 12:28 am
zanina ka rilru chu comment #13 hi a comment tu rawn luh rualin a lang ang tih a nia, a lo dik chiah chiah anih hi
Report this comment
December 9th, 2011 at 12:46 am
A ngaihnawm khawp mai. Rihdil sawi apianga ka rilrua lo lang hmasa ber fo chu “Lal hlau lo ṭhi” thawn thu kha ni. Ka chhiar lai khan Rihdil bawr vel hian ka lung zuk ti leng tlata. A thawn thu ah lah khan Rihdil kamah ramhuai te an hmu a, mahse ka lung a ti leng tho
ngaihnawm ka ti
Report this comment
December 9th, 2011 at 12:56 am
Asteric #17 matlab?
Report this comment
December 9th, 2011 at 1:10 am
#19 matlab, jab tum vapas aa jao mujhe ummid hai ki aap AWKE ka naam kahoge
Report this comment
December 9th, 2011 at 1:24 am
Zokhawthar atanga ke a kal chu(h)…ava hahthlak duh awm ve…kawng sira kawl tawnga board eng a thil ziak an tar chhoh thliai2 ho kha….
‘Kawng tluanin Isua nen.’
‘Hmanhmawh suh,I tlai ange.’ tihna te an ni…..a ti kan u/thianpa pakhat in…
Report this comment
December 9th, 2011 at 2:51 am
I foreign kalna-ah hian ka kal ve chak. ka la kal hauh lo
Good Post
Report this comment
December 9th, 2011 at 7:23 am
Lr-a chu foreign i lo han kal bik ani maw. Rihdil khi keipawh hmanah tawh ka hmu ve teuh lutuk
Champhai kan kal a, Rihdil tlawh nghal kan tum a, mahse, tlawh duhlo pawl kha an chak ta zawk a, kan kal ta lo.
I thuziak chhiar a nuam. Ziak zel teh, ‘foreign’ te ‘reign’ lo te pawh.
Report this comment
December 9th, 2011 at 8:12 am
Rihdil leh Zokhawthar hi Foreign angin ngai duh miah suh u. Mizoramah ngai lui tlat rawh u. Thenawmpain kan ram a rawn hung tel rih mai mai anih hi.
Report this comment
December 9th, 2011 at 9:36 am
@lr hlonchhing, min hriattir loh in engvangin nge Rih Dil i lo han fan reng reng. A reng reng thuah engvanginnge ka hriat loh a Champhai i lo kal. Thenzawl MI a i nula kuah lai thla hi ka pho chhuak ut mai dawn emaw ni le
Report this comment
December 9th, 2011 at 9:54 am
#25, hrilh che ka tum a. Tihngaihna vak ka hre lo alawm le. Zan hnih kan riak nghe nghe asin.
Report this comment
December 9th, 2011 at 10:15 am
#26, Pawi ve aw. Hria ila chuan chawthing tal ka lo bar pui tur che u a ni a. TuaiSialA hnen atangin ka number i dil lo a nih chu maw le…
Report this comment
December 9th, 2011 at 10:23 am
Ngaihnawm ang reng…beer 1 tal te chu i tauh hawng ve lo alawm le
. Chuan an motor number plate a in ziak chu ‘mah-yah’ tih a nia chuan number in a zui. Chin state bik ah.(MZ01-xxxx) ti ang deuh khan 
Report this comment
December 9th, 2011 at 11:11 am
I ropui bik hle mai a, kei chu Foreign hi ka hmu tawh a, ka la kal miah lo….Guwahati a tang hawn hian kawng lakh hian khu khu Bangladesh ram chin a nih hi an ti a….Tin, ka thlawh khum tawh bawk.hahahha
Report this comment
December 9th, 2011 at 12:00 pm
Kal ve a chakawm hle mai, i ziak thiam bawk a…
Luakkhum theih hial khawp nula hnaih a i thu bik hi, keini ai chuan i dinhmun a tha fe zawk
Report this comment
December 9th, 2011 at 12:04 pm
Kal ve ngei2 na chi a ni. kal ve hun remchang awm veleh.
Report this comment
December 9th, 2011 at 11:46 pm
Ziak thiam ngei mai, hmanni lawk khan ka kal ve tho a tiangin ka phuah chhuak thiam ve miah lo mile. Hringlang tlang a kal hmasa in rih dil kan thlir hmasa te2 a, kha ta tang khan a HIT chho tan vek… Kal ve hlawm ru a nuam latuk.
Report this comment
December 10th, 2011 at 12:01 am
Dadex hi a kua thalo char2 lehnghal, nuam a ti lutuk a
Report this comment
December 11th, 2011 at 2:35 pm
Foreign ah chuan Bangladesh ah chiah ka la kal. A hmuh chu ka hmu teuh tawh.
TV atang in!
Kan u 1 pawh in a fate hnenah ‘ Korea ah in kal duh em a ti a, aw an ti a,TV ah Korean serial a en tir a, ti khan Korea ah in kal a ni mai a ti.
Report this comment