Nu leh pa tamtak chuan fate phaiah lehkha zir turin an dah a, a thenin hnathawk turte pawhin an tirchhuak a. Amaherawhchu a tamzawk hi chuan an beisei ang thil hi an thlenpui lo fo thin.
Sum leh pai tam tak sengin an fate phaiah an dah a, sum leh pai mai ni lovin an fate thlengin engkim an hloh vek fo mai. An fate chhanchhuah nana sum leh pai tamtak sen huamte khan sum leh pai tamtakin an fate an tiboral thung lawi si.
Chutiang tehnuaih anih avang chuan i fa phaiah i thawnchhuak anih chuan heng ahnuaia thu tlem ka sawi tur hi lo ngaihtuah ve mai mai chhin teh.
1) A pawimawh hmasa ber chu hei hi a ni. Mizo thiltihnaah a tel duhloh thu leh Mizo hruaitute pawh a ei lemlohzia a fah fo thin che em?? Chutiang a lo nih chuan i fa khan Mizo zinga awm hreh chhan tak a nei tih ring nghal tawp mai rawh. 99% in a dik tih inhrilh nawn nghal ang che.
2) Zan dar 10 velah han be thin la, nidanga a tawngkam ang khan a awm em.? A tawng phelh deuh niaih nge, a tawng a inpawtmar tha hle, nge a mood a danglam thin hle. Hetiang hunlai(Dar 10) vel hi thianzahova zu/ruihtheihthil tihna hun bawr chho tak a ni tih theihnghilh hauh suh ang che.
3) Zan dar 2 velah han be thut thin teh le, a bikin weekend bawr chho velah. Rimawi thum dut dut i hre fo thin em, emaw mi tawng deuh nuai nuai i hre fo thin em? I fa chu party leh night club kal a ching ve hle tihna a ni mai. Night club kal hi thil tha lo ni hran lo mahsela, a hrisel lem lo tih hriat hi a tha. Tin, i fa chuan lam khawthawn vel paha mahni in refresh te a sawimawi fo chuan ngaiah nei hauh suh ang che.
A music ri thum dup dup chu enge tia i zawh changa, ka computer woofer anih chu a tih chuan dawt a hrilh che ah ngai la, i tifuh tam zawk ang. Vai inluaha awmte hian zanah bengchheng siam hi an phal lo tlangpui.
4) Engemaw changa a rawn haw chang hian a thawmhnaw hi lo en sak thin teh. A thawmhnaw hak duhzawk leh inchei duhzawng atang khan i fa danglamna chu i hmuthiam mai theiin ka ring. Han inkhawmpui mai theih tur thawmhnaw sawi tur a nei lo em?? A kal ngailohna hmun chu i hre mai ang chu.
5) English broken pui pui, entirnan- Don’t tell story, you buy me this, adt a hmang khoh khoh zel em? A thian kawp thinte anpai lengdang, changkang lem lo tak a ni tih hre nghal mai rawh. Thian kawm satliah mai hian an tawng kalphung hi kan la mai lo tih pawh hriat a tha.
6) I fa chu a rawn haw changin a thilneih leh thawmhnaw en la, i pawisa thawn/ a sum dehchhuah atanga a leiphak a ni em tih chik fo thin ang che.
7) Mizo chawhmeh a rawn ngaina ta lo riau em? Hnamdang chawhmeh a eiin a bar nasa ah ngai hmiah rawh. Chawhmeh hel deuh leh sa hel deuh deuh te pawh a ei thei viau anih chuan MIDUM ho nen chaw an kil tlang fo ah ngai mai la, a dik lo mawh viau.
8 ) Chawhma lama i fa chu a biak theihloh khawpa a mu fo anih a, zana hnathawk a ni bawk si lo anih chuan, ngaihtuahawm chu ni lo mahse ngaihthah ringawt chi ah ngai suh ang che.
9) I fa chu phone a biak i tum apiang deuh thaw hian a ring ral thak thak a, ahnu deuhah a hmuhloh thu emaw hmun pawimawha a awm avanga a pick-up theihloh thu leh aman a rawn biak thu a sawi fo em. Ngaih ti tha duh lem suh, nangmah be tur khan a environment leh amah kha in adjust a mamawh fo thinah ngai rawh.
I fa kha i rohlu a ni tih hrereng la, nangman i hmangaih loh chuan tumahin an hmangaih sak che ring suh ang che. Van i thlenpui theih tur i rohlu a ni tih hrereng la, pawr takin thlen suh ang che. Lalpa laka i rochan a ni tih hrerengin Lei leh Van Lalber rohlu i kawl chu uluk takin enkawl ang che.
Similar Posts:
- Airtel Mizo customer care
- In duat dan dik
- Fa enkawl
- Keipawn ka thei ve!
- Mizoram Sumdawngte leh Bangkok
TuaiSialA (333)
chemtat... (264)
H.Vangc... (202)
PKfanai (194)
Sãñgp... (175)
Asteric (172)
sheldon (148)
Soberboy (143)
ReMpY_S... (122)
lrpa (119)
December 23rd, 2011 at 12:25 am
In dah em?:)
December 23rd, 2011 at 12:31 am
Dah lo. Min dah..
#5 chu ka nui huk mai..
Chemte vanglaini ah chhuah rawh. An email i duh m. Keiph ka email top a an chhuah mai..
A THA TAWP..
December 23rd, 2011 at 12:31 am
Class kal that leh that loh + year a back leh back loh hriat dan:
Rinhlelhna i neih tan chuan i fa hriat miah lovin ticket la hmak la, an awmna khua i thlen pawhin amah be pawp miah lo la, hmu lawk bawk miah lo la. An college a lecture te va hmu pawp rawh.
Hetiang hian mi pakhat chu a pain chiang takin a manchhuak a, a haw hlen chiang khawp mai.
December 23rd, 2011 at 12:35 am
Mizoram chanchinbu lama chhuah atan a itawm hle mai. Kzp.
December 23rd, 2011 at 12:45 am
hehe…á¹ha hlawm viau maia. Mahse bar vela an awm laia zanreia chhungten an phone hi chuan an pic up duhlo ve tlat zel ania.
December 23rd, 2011 at 12:47 am
Laltatrawt, hei zet chu a va tha ve! hairejish! @4 lamji sawi ang hian mizoram chanchinbu a chhuah tir chi a nih hi. Ka laikh heavy he post hi 🙂
December 23rd, 2011 at 12:55 am
Nikum kum leh ah Delhi ah khan ka thian 3 (meitei, vai leh naga) te nen zan ah Priya cinema hall kawtah khan nula pakhat hi kan hmu a, ka thiante chuan chu nula chu “a va hmeltha reuh e, eng hnam nge a nih ang le?” an tia, kei chuan “mizo a niang, helai velah hi chuan mizo an tam a” ka tih rual chiah in Midum lian tawk, thau pui hian chu nula chu auto ah an luh pui keuh ah!, an luh pah khan a mawngtam an beng zui ngeiii a.. ka zak ve det! .. are yaar 😀
December 23rd, 2011 at 1:18 am
Hei zet chu..va tha kher ve le.. 🙂
December 23rd, 2011 at 1:19 am
dah tur pawh ka nei lo e. Neih pawn Mizo awmlohna ah dah hmiah ila a vel duak mai ang 😀 😀
Mihring puitling, sexually mature chin hi chu a in control tak tak theih lo e..duh duhin awm rawh se.. 😛
December 23rd, 2011 at 1:24 am
Khawi hmunah pawh a sual theih alawm! Zoram, Sap ram, vai ram etc. kan sual theihna level leh kan fel theihna level a in ang vek. Sual duh tan chuan Mizoram ah ngei pawh duhtawkin a sodom leh gomora theih tho!
December 23rd, 2011 at 1:33 am
He post chu a tha hle mai. Whistle blower nge nge… weekend chunchangah hi chuan once in a month ang te hi a awm ve theih avangin vawikhatna a decision siam a fuh berin ka ring lo. Engpawhnise, broad guidelines tha tak a ni e.
December 23rd, 2011 at 1:38 am
Tak tak chuan (meaning seriously), Chemtatrawta te ngaihdan hi a dik ve tho a, mahse Mizo-na atang bak chuan a dik chuang lo!. An sawi kan hre fo a, sapramah chuan mahni fate ngei pawh a vuak ngawt theih loh..Mi fate phei chuh!!Mi tlemte kan nih vang ngawt a pawngpaw ‘inta chei’ ringawt hi a dik dawn em ni? Mi fate ‘nun dik lo’ ti diktu/ti dik theitu kan ni chiah em ni?
sawi zel ang u..
December 23rd, 2011 at 1:40 am
#9,10 rawn ziah khi kei pawh ka pawm zawk tak ni..
Bakah awm na hmun han thlak thut hian boruak hip sual hi thil awl tak ania.Mi puitling tur an nih chuan han ti sual deuh rap rap se an in hmu chhuak vat mai ang,tlai hma in. Tawng pawng lo hluah ve vak kha thil tha ber a ni kher lo,mahse fimkhur tluk awm lo an thian kawm duh zawng te hriatpui thei ila tha khawp ang engmi pawh mizo,sap vai etc!!..
December 23rd, 2011 at 1:43 am
Tunlai chu nau piangthar chibai buk tur a inpuahchahna a nasa deuh nge ni, ka misual tha hman lova. Mahse he post chu kan KZP hram hram teh ang. (Y)
tren tren.
December 23rd, 2011 at 1:49 am
http://www.youtube.com/watch?feature=endscreen&NR=1&v=87GUT10LVcw
lo ngai thla ula..in peih chuan..a hlauhawm lo 😛
December 23rd, 2011 at 1:57 am
Speaker Faktea style takin,” Keimah a keimah”, a tih ang deuh khan anmahni an inhriat chian a, Pathian lamah rilru pek a, rilru puitling put angai. Anihloh chuan,tlangval nula la mutpui ngailo, ruihtheih thil pawh ti ngailo,chhungkaw background pangngai tak,lehkhathiam bawksi te an in awhhlumna khawvelah hian, chutin mihring hi a in zilh fin ngawt theihloh.Sawrkar dan chu thu hran nise, mihring hi inkhuahkhirhna nasa tak hnuaiah pawh tha chhuak thei chuanglo an tam ania. Post hi a tha lutuk a, mahse nu leh pa ten warning angin pawm thiam se a tha ang. Justify tawp ringawt chu a dik berlo mai thei.
December 23rd, 2011 at 3:14 am
Post tha tak a va ni em! Fanu/fapa phaia awm rual neite tan chuan thurawn hlu tak a va ni em aw! Hriat reng tur a nih hi.
December 23rd, 2011 at 3:18 am
Ka muthilh thei loh aiah kan comment ve a nge. POSuHatak a ni. (muthilh tum leh nghal char char )
December 23rd, 2011 at 3:56 am
First point hi ka comment leh chak tlat….”Mizo thiltihnaah a tel duhloh thu leh Mizo hruaitute pawh a ei lemlohzia a fah fo thin che em?? ”
2009 kum kha ania, kan zirlai hruaitupa ber chuan ka thiannu hi a star tlat mai a, a buaithlak khawp mai. Kei ka inhmang ve thin tho bawk sia. Ani ala naupang si a, Delhi a awm vawikhatna tur ani a, a u te bulah kan zirlai hruaitupa te vengah a thleng a, alo zuam deuh ni ngei tur ani. Bialnu a neih reng avangin, Lobo hla “How can I tell her?” tih te kha ngaithla turin alo hrilh vel. Khata tang khan ka thiannu hian DMZP hruaitute chu an lerh em mai ati ta phawng phawng mai a. Kei tak ngial pawhin, a DMZP ang zawnga hawlo turin ka ti thin. Mahse, khami kuma kan hruaitupa ber chet dan kha chu ka ten khawp mai! Chuvang chuan Zirlai hruaitute pawh hi kan fimkhur angai ve tho ania. A chang chuan a zirlai pawl ang zawng nilova, a MIZO ang zawng chauha inhman hi ka duh thin.
December 23rd, 2011 at 6:44 am
Good post kei chuan ka ti..
ka fate phaia dah tumna ka nei rihlo…
Lehkha zirsang satliah ai chuan kut hnathawk, an mahni inchawm zo tawka chherchhuak tura min tanpui turin chunglam ka dil thin..
December 23rd, 2011 at 6:47 am
Ku zualbonez a chhuahsan tak state ah i fate chu dah rawh,bar leh pub vel chu a vang lutuk!! Garba(an navratri festival) ah bak a lamlo ang, chu pawha lamdan step a thiam chuan! Ku Zualboneza,a khawpuia awm ber pawn a chhuahsan tak hi,…… 🙂 😛
thingtlanga awmho phei chu fb leh misual bak hi tihtur awmlo. :kiss:
December 23rd, 2011 at 7:23 am
Point 7 khi, lolz
December 23rd, 2011 at 7:30 am
kan sorkar hian world class education min tiam a,commission pawh sum tamtak seng in kan din a.Engtik ah tak a tak in chantir ang maw ?
December 23rd, 2011 at 7:34 am
#21 khi thra ltk tlat. Khawi lai nge soi mai thei m?
December 23rd, 2011 at 8:17 am
10, m- pautu khi ka thlawp e
Engemaw chenah chuan vai ram a kan nula te awm khawlo kan ngaiipawi mawh viau a, a hmun Mizoram ngei a, zan boruak vel an sawi leh hmeichhia naupang tete in zuar tam zia an sawi chang hian, kan vei tur ber hi kan kan daih thin ni te hian a hriat.
December 23rd, 2011 at 8:32 am
#24…….welcome 2 gujarat. Bar leh pub,zu vel hi khauh taka khap a ni e. Mahse khawihmunah pawh sual leh khawlo tur hi chu an khawlo tho a nia. Sum a awm chuan……
December 23rd, 2011 at 9:15 am
Post tha tak a nih hi. Tleirawl/Rawlthar tan chhoh vel a han dai pelh deuh phat phat hi chu a awm ve a nia. Kohhran leh Zirlai pawl/Mizo welfare te belh a him ber ang. Mahni inrintawkna neih leh thian thalo kawp loh a him bawk.
December 23rd, 2011 at 9:18 am
Post tha tak a ni. Comment hmasa a an sawi angin, Mizoram chanchinbu a chhuah atan a tha hle in ka hria
# 26.. ‘Khawihmunah pawh sual leh khawlo tur hi chu an khawlo tho a nia. Sum a awm chuan…’ A dik lutuk.
Mizoram ah mifel an awm laiin, misual fe fe an tam; chutiang bawkin phai a Mizo awm pawh, mifel tak tak an awm laiin, misual tak an awm bawk. Sual hi kan do in kan hneh thei. Amerawhchu, a pan lui tlat tan erawh chuan hneh a hnekin a sal a tan a awl hle thung si.
December 23rd, 2011 at 9:32 am
Nu leh pa te hian kan fate hi kan hmuhphaka an awm hian rilru kan inpawh ber. Inhmuh loh fo emaw, inhmuh loh chhung a rei emaw chuan,kan kum tam tawh vanga thil tam tak kan lo experience ve tawh (thiam nei sanglo mah ila), thil tha leh thalo kan thurawn pek an bengah a lut tlang vel mai mai tawh thin. Kan ngaihthat nan an “aw” liam mai mai a, keinin an senlai atanga an thihai kan thihsak huam ang hmangaihna keimahni tan pawh an nei heklo.
fact
December 23rd, 2011 at 9:50 am
Misual sipisial report ka va nghakhlel tawh em!
December 23rd, 2011 at 10:10 am
a va han nuam mai mai mizoram chu. kan OT thawr mai aw trawtte. Mahni ram ngei ah kan han haw leh thei hi chu a nuam em ani
😆
December 23rd, 2011 at 10:12 am
Misual nula ho kha in address han sawi sap sap teh u..ka rawn rim kual dawn che u..Trawtte a post ah hian kan sapatal teh ang. Ngamtlak man ah 😆
December 23rd, 2011 at 10:18 am
@ Pu PKfanai,khawngaih takin mhlawnchhing@gmail.com ah hian min lo mail lawk thei em aw? Biak duhna riau che ka neia…..
December 23rd, 2011 at 10:34 am
Doc-lib hi ka haw thei dawn lo i ti reng si 🙂
December 23rd, 2011 at 10:41 am
@33. Sihal, ka rawn mail kha. fanaidingtea7@gmail.com ah min be thei ang.
December 23rd, 2011 at 11:12 am
Ka post chu an va tichhuak zing ve aw.. Chhuah in duh chuan lo chhuah thawr rawh u, ka phal lutuk e. Mahse,keimah hi chuan ka buaipui hmanlo em atin nih hi.
Mitdel sai awmdan sawi ang mai kha nu leh pa tamtak hi chu kan la nih avangin sai thlalak han in entir a, sai nel luatah thih pawh a awlsamzia han inhrilhhriat hi chu sai hrechiangtute tihtur pakhat ve a ni fahmiang ka ti ta mai.
December 23rd, 2011 at 1:03 pm
post tha tak a ni e.A dik tlangpui ka ring bawk.Chanchinbu lama chhuah chi tak a ni.
December 23rd, 2011 at 1:26 pm
Vandamme, lo va thehlut rawh..fact tamzawk belhkhawm ila..;-)
December 23rd, 2011 at 1:58 pm
nu leh pa tam zawk hi kan hlawh chham tawh em ani,kan thlah te chuan min chhun cho hlawm zel dawn alawm,
December 23rd, 2011 at 2:16 pm
Foxtrot hi ham strict thei e, kan party ang a, kan lam ve bawk ang chuu 😀 😀
December 23rd, 2011 at 2:29 pm
Rempuut, night club ah lo pawh a party in a lam theih tho ang chu.. Jerusalem chauhah Pathian an be tawh hleinem.. 😀 😀
December 23rd, 2011 at 2:40 pm
Africa hausakna ei hek a, mizoram tana senglut tute hi economics lama thlir chuan ram leh hnam sipai ka tia, ka lo ngaisang viau mai sin, trot. 😀 he sipai lakna a ka tling zo ve thrinlo eroh hi chu a pawi hi ka ti thrin, trot. 😀
December 23rd, 2011 at 3:04 pm
Rempy, i tling lo pawh hi a hriatthiam awm reng a lawm..TIh ve deuh hiam te hi angai ania.. Africa hausakna sawk hlawih hlawihtu pakhat pawh hian a ti alawm, a first zawh hnuah chuan kei nuthlawi fa pakhat nei tawh pawh chawhtawlhah tuivawt ka thli sauh sauh a, engmah ha lovin ka thu vawng vawng mai e a tih tak kha.. Khatiang kha i huam ve ngawt dawn em ni? 😀
December 23rd, 2011 at 3:10 pm
I fa phaiah i dah em? Dah lo, Fa ka la nei lo!hairehai! 😆
December 23rd, 2011 at 3:53 pm
Post tha tak a ni.
lrpa link dah kian min hneh ngai ngai khawp mai.
December 23rd, 2011 at 4:40 pm
Excellent post. A van tha tak em. Chanchinbu lamah chhuah chuai chuai chi anih hi.
December 23rd, 2011 at 4:44 pm
Ka comment a lut miah lo. Kan ti nawn leh mai teh ang.. Post tha tak a ni e, an sawi tawh angin Vanglaini vela tih chhuahah a tha hle mai. Nu leh pa nih hi a har ngang a niang e. Thenkhat inla strict over,an faten an bum reng si te, thenkhat inla rilru zau tum lutuk, an fate awmdan apiang tunlai mi te awmdan tur emaw ti tawk te..ka huiham piap e 🙁
December 23rd, 2011 at 4:51 pm
caribou, jacka pi..belh ula..lo chhuah mai rawh u…ka post te chu duh duha tih ka phal ka tih kha..ka hriat tho te chuan
December 23rd, 2011 at 8:53 pm
‘Post of the year’ atan ka puang ve pawp e. Hei zet chu hnam hnuk a tling.
December 23rd, 2011 at 10:07 pm
half century lawk ang. 😀
December 23rd, 2011 at 10:23 pm
Phek thar kai lawk ang… LRp a te ramah hi chuan “Mind your own business” tih hi an uar khawp a!!…
December 23rd, 2011 at 10:38 pm
ee…mamboihi..in ram tawng anih hi!! in uar zawk.. :kiss: