“truk truk”
Kan tlangval awmpui Liana chu a meng tang hru a, a hmelah hlauhthawnna rawn langin a chiai nghal a., Ani lah taka, Excise ho an rawn kal hi chuan, inchung vawm rik hi thenawm te kan hriattir dan chi khat, hman atanga kan chin than anh avangin enge rawn thleng tih inzawh angailo..
Mobile phone a lar hnu hi chuan, hetiang a Excise hoin min rawn check hi chuan SMS kan in thawn in, miscall kan inpe fo a. Hemi ni pawh hian, kan inchung rangva an rawn vawm rual deuh thaw hian, kawmchhak Pu.Kawnga Miscall ka dawng nghal in, Pi.Rivungi sms ka dawng vat reng a..
Kan kawmthlang te in chu Liana chuan a vawm ve nghal a, Kei erawh chuan, zingkar lamah Excise a Sub inspector ka hmelhriat tha leh, a senchi a tan liau liau a ka chahsak thin ina kan venglam an rawn hrut dawn tih min hrilhlawk avangin lungmuang takin ka awm a, Zuzuar veng ti a Aizawl khawpui leh Mizoram ina min hriat lar ni mahse kan vengchhung mipui, eizawnna khat nei te kan in lungrual zia te ka ngaihtuah in mak ka ti a.
Mi ngaih ah chuan mi lawilo leh tihtlak loh awm khawm nimah ila, kan taimak leh thawhrim dan te ngaihtuah hian min sawisel tu tam tak te hian kan hna hi an peih rei ka ringlo.. Mi tamtakin min nuihsawh a, min deuin, mi pangngai hmuh in min hmulo tih ka hria , mahse kei chuan kan Ram hruaitu leh Officer tamtak mipui chanai eiru thin te ai chuan ka in dahsang in, mi pawi kan sawi vakna ka hrelo..
Mahse, mitin te hian kan nunah hian thu kan neilo in, kei ngei pawh hian eizawnna ah pawh mi nuihzat leh Zu zuar ti a an sawi nawmnah hi ka ni ang tih ka inhre lawk ngai hek lo..
Nia, mahni chanchin hi sawi a nuam lemlo a, mahse tuna ka dinhmun ah hian lungawi ve tho mah ila, hetiang anga ka chhuah dan leh ka hringnun lamtluang ah hi chuan ka lung a awi hauh thin silo.. Broken family an tamna zoram ah hian kei hmeithai ngei pawh hi, Sakawl in Sakawl a hring anlo tih angin, Nupa karlo atanga seilian tho kani a. Ka nu leh Pa te hi an innei loin, ka Nu ina harsa taka a enkawl seilen chhoh niin, Pasal pawh ka nei hma a, ka nei fulo ania nge, kum 22 ka nih chuan Pasal thenin mi ngaih ah chuan Hmeithai ka ni ta der a.
Fa pakhat pawm kei lehkha thiam lo tan chuan ka khawvel ah khan beisei a awmlo in, ka bei a dawng a. ka Nu hnen lamah han kir dawnin thingtlang lama ka fapa nausen nena han kir leh kha ka hreh bakah ka U in nupui anei tawhin mo hrawn chu ka hreh a, bakah an khawsak alo harsa ve tho nen, anih nih ka ni mai ang tiin Aizawl ah pemin veng tlabirh lampang ah mi inhnuai luahin ka han indang ve ta ren rawn a, eizawnna alo harin Bazar leh lammual velah kuhva hring leh baddam vel zuarin bul ka han tan chho a. nausen paw chunga nileng a thil zuara ka vah thin nite kha ka ngaihtuah letin ka inkhawngaih thin, Office ah te thil zuarin ka han lut a, Officer ho khan vawi tam min hau in tawngkam chhe tak tak ka tawng fo thin..
Tichuan ni leh thla te a liamin kum a ral chho a, kei leh ka fapa nausen ei khawp tur chu ka thawk chhuak ve in, harsa hle mah ila kan nufa chuan kan hlim ve thin. Bazar lama nitin a vak chhuak leh khawsa ta chu, hmelhriat te ka tawng chho ta zeuh zeuh in vawi khat chu ka hmelhriat pakhat hian krismass dawn hian, a thil zawrh ang zuar ve tur in min ti a, a hlawk zia leh Masi dawnah chuan help a that thute, pawisa khawlna awlsam tak a nih thu te min hrilh a.
Ka ngaihtuah chuan Zu han zawrh chu ka hreh hle a, a lehlamah Masi chhung chauh anih chuan Pawisa khawlna remchang alo niin, mama tan Silai mawi leh nakin lawka a sikul luhna tur khawlna remchang ani mai tiin chumi kum Masi chuan funte chu tiffin chhung ah te dahin New Market vel ah chuan ka standing chho ta a. Mihring ina kan duhzawng anih chuan hmuhna tur kan hriat theih zia hi mak ka ti thin, ka hriat ngai miahlo te hian thimhlim Bazar lun aia ka ding te hi min rawn kheuh zeuh in, kar lovah hmelhriat leh dawrtu pawh ka nei chho ta viau a, ka hlep ka hmuh chuan ka lawm ve thin ..
Chumi kum Masi a zawh meuh chuan ka chefuh deuh nen, kum chanve vel hah taka ka vah kual a ka hlawh thin aia tam mah chu Masi dawn thla khat ah chuan ka hmu thei a.. Tun tum Masi bak ti khan, fun 4/5 lek te chu tiin fun tlemte hi chu in lamah ka kawl zui ta reng a..
Tichuan hun alo kal chho in kan vengah Zu zuar hlun anlo awm lo nen dawr tu ka ngah tual tual in Mumal tak in eizawna ah ka hriat loh laiin kalo hmang chho ani ta reng mai a.. Mi chanchin sawi peih hnam Mizo kalo ni nen, ka chanchin pawh chu tlang sawi alo ni chho in YMA leh VC te zilhna awka te ka dawng chho ta zeuh zeuh a..
Kei Hmeithai akara Zu zuar lehnghal chu min zah lemlo bawk nen tawngkam na tak tak a ankhum leh vau ka tawng zing ta malh malh in, Vengchhung hruaitu min duhsaktu tak thurawn angin min hnawhchhuah mualpho hma chuan veng dang ah ka pemin Mizoram a Zu Zuar dang ang bawkin ka eizawnna ka kalsan phallo nen, Tlanchhe nun chu ka zawh ve ta in veng hrang hrang ah ka Pem kualin a tawpah tuna kan awmna khua/Veng ah hian ka in bengbel ve ta a. He khua hi mi tamtak tan chuan nuihna leh hmuhsitawm ni mahse ka tan chuan ka nihna anga min pawmtu anih angin a hlu a, ka thlamuanpui thin.
Mi tamtakin Zu Zawrh hi eizawna nuam leh hlawk leh awlsam niin an ngaiin, Zu zuar te pawh hi thatchhiat vang leh eizawnna dang hahthlak thawh peihloh avanga he eizawnna kawng hi zawh a min ngai thin hi ka nuih a za thin.. zepthu chenglo, kuthnathawktu dang te ai chuan kan nuamsain sum pawh kanlo lalut hnem ani thei, mahse he hna hi a hahthlakzia leh hautakzia chu hetiang hmanga eizawng twe bawk hian hria..
Tin, thluak a ngai in Mizoram ah chuan eizawnna avanga thluak hmang nasa pawl kan ni ti ila ka sawi sual ka ringlo. Kei hi lehkha zirsang nilo mah ila, mahni infak thu lohah chuan mi fing ve tawk tak leh pianpui BA nei chi ka niin hetiang lam kawng ka zawh pawh hi ka kalna kawng awmtak ani hian ka hre thin..
Aizawl veng hrang hrang a ka awmkual lai pawh khan, ka zu zawrh hre mahse ka awmna veng hruaitu te khan a takin ka Zu an man ngai meuhlo, khawsak nuam zawka, a sen chi zuara mifel awm taka awm ten hnawk min tih avanga hruaitu te atanga vau ka tawh a awm nual bawk.. Zu zuar ah chuan an man hleih theihloh ka ni ve tlat, ani taka ka kawta Mautlawn ro, sei lian tak te kha a chhung ka thel vekin, kha mau tlawn ah kha Zu fun 27 a leng tihte,thleng silna hmuna tui kan dahna beipui hunna hnuai kha a kuain cement in ka zut vek tihte leh kha khur ah khan fu 32 a leng tihte kha tuman an hre ve silo.. Jackie Chan a iangin ka tan chuan ka chhehvel a thil awm te hi ka hman thiam a ngai tlat..
Kan sitting room leh bedroom pindan tu kan plywood bang te kha ain thuah tih leh, kha kar awl ah khan fimkhur takin zu fun 100 chuang ka rem khat tlat thin tihte kha kan VDP hruaitu nupui te ngamlo leh fate thunun thei silo a, mi fate denrite hnim vaw hrep hrep thin te khan an man pha silo..
Min manloh nana ka thluak ka sen thin ang hi kan veng hruaitu kan VC te khanin hmang se chuan kan veng hi a changkan zual deuh deuh ka ring thin.. kan VDP hruaitu, ka hrelo emaw tia an inhnuai tlangval zu lo laktir thin leh a hnua inlo awmtaka ka in an check a phur taka ka inchhung dap thin Pu.Sawia te khan ka hriatloh nana ka zu a inhnuaipa rawn laktir thin leh a ruka in thin khan, tel tin a ka khung hnu a kan vawk inhnuai vawk ek zinga ka phum hnan hnu a in fo tihte kha hria se chuan phur takin ka in a dap thin ka ringlo.
Thuak angai asin, ka In a bathroom 2 awma pakhat zawk kha kan hmang ngailo tih leh a commode kha a laksawn theihin a hnuai kua ah fun 48 a leng tih te kha chu thluak hmang lova pawr tak taka vengchhung siamthat nana engemaw hleka mi fate mana vaw thin VDP/JAC ho te khan an ngaihtuah pha hauh silo.
Keimaha ka awma ka ngaihtuah chang hi chuan mi tamtak tana harsatna thlentu Zu ka zawrh hi ka inthiam biklo, mahse duhtu an awm chhung chuan zuartu an awm a ngai si.. Tangkaina neilo leh Ram hmangaihlo min ti maw, Mizo mipui dang te aiin ka Ram ka hmangaih lo bik anilo, chuvang tak chuan ka theihna kawngah tiin zu a van ber lai pawh in hlep tam duh vangin ka tito uchuak ngailo a, tin zu thalo ka zuar ve ngailo bawk.. Hlawk zawk nana spirit pawlh emaw damdawi hman te hi ka ti ngai heklo..
Tin, thil tha zuar nilo mah ila Kan ram Officer leh Politician eiru trun trun thin ai hian ka sualna ka hre bawk heklo.. Anni chuan rethei te chanai eiru in an mahni an insiam nuamsa a , keini erawh chuan kan mizo pui zu tel lova awm thei lote tan in tur kan siam sakin harsa chung chung leh hlauhawm chung chung in kan zuar hram hram anih hi, tamtak te hi chun sum kan ngah tawk tawh, mahse in tur tha in neihloh hi kan hlau ani..
Zu hi hmasang atangin thillo awm tawh ani a, keinin kohhran thenkhat hlauh avanga kanlo khap chi anilo, ram ropui US pawhin an khap theilo ani si a. Hlawkna ngawr ngawr um ila No.4 leh damdawi kan zuar tel ang chu, mahse zu zuar te hian damdawi hi hnam chhiatna bul ani tih hriain kan haw em em asin, ngaihtuah mah teh, Zu leh damdawi zuar kawp I hre tlem viau ang. Tin, Mizo diktak zu zuar zing ah hian kan zu zawrh a damdawi, spirit etc telh ching an awm mang lo, hetiang ching hi chu Berma mi anni duh chawk bawk..
Zu khap hi a thalo ka ti ani ngawr ngawr lo, mahse tuna kan kalphung ah hi chuan a rethei ate hi a tuartu ber anni lo maw, nge sawrkar hian kohhran a hlau a hlip ngamlo zawk, nia kan Church govt te thu lo a, MLTP an hlih chuan an sawrkar kha election lehah an tla ang tih an hai silo ..
Mi hausa leh Officer Zu in tan chuan zu in tur hi a harsa mawlh lo, kei ngei pawh hi hei kan khawsak a zia tawh in, mahni in lama in tur kawl kha ka bansan in, a siam lam leh kan taxi hmanga sem kual ka ti chho ta a,tin hlawk em em lo mahse hmelhriat siam nan a senchi( a tha chi ) ka kawl chho in, Officer tamtak hnenah kartin ka sem kual thin asin..
Kan ram ah hian thil engkimah a tuartu chu mi rethei te anni tih ka chianna em em chu, harsa taka chawhmeh ka zawrh thin laia Office a chawhmeh,sarep zuara ka kal thin a min hautu leh min vautu Officer te khan an in tur a senchi pe a kartin an office room nuam taka ka kal hian min hau ngai miah lo..
Zu hi tun dinhmun ah chuan zalen se chuan , tun generation a thalai te chuan an in nasa ang, mahse hun a ral anga, a duh in an ina, an duhlo in an inloh hun alo la thleng ang. Chu hun chu kei chuan ka thlahlel asin, Dan hnuaiah in thiam lohna neilo in ka eizawnna duh ber ka ti thei dawn tlat.
Similar Posts:
- Zu zawrh nge corruption do ngai zawk?
- Zu zuar hlawhtling
- Dan bawhchhiatna khawpui – Aizawl
- Pawl leh Thuneihna
- I ngaihtuah ngai em?
Ni e, Mahming, Pathian...
January 7th, 2012 at 9:39 am
Hman zek zawk a chhiarah khek ang.
tren tren.
January 7th, 2012 at 9:45 am
Last paragraph khi ka thlawp e.. :-[
January 7th, 2012 at 9:54 am
ka chhiar zo tam! a van ngaihnawm em em mahse ka nuih a za tlat dah thuhrukna i van nei hnem Vawk ek hnuaia dah kher kher chu a 😀 tin Pu Sawia pawh chu va thing ve 😛
January 7th, 2012 at 10:06 am
Hman veleh chhiar ila tha ang
January 7th, 2012 at 10:10 am
duh aiin a suak hma deuh,
fiction ania aw.heh.
January 7th, 2012 at 10:12 am
miezial zuk khap hi alar ta mah mah zawk lo maw le….
January 7th, 2012 at 10:12 am
A khai a, kan tactic zawng zawng min phawrh mualpho sak vek a lawm le. Tactic dang ngaihtuah leh char char teh ang. Hehe.
January 7th, 2012 at 10:16 am
#5 ka awih lo 😛 a tak tak aniang a Fiction ang deuh a tih ruk i tum 😀
January 7th, 2012 at 10:18 am
Ka ni lo, ha hai.. Funny a leh kawlhawk an apply an tum hrim2..hairehai
January 7th, 2012 at 10:23 am
Vawk ek a dahthat kher khi HIT lo e 😛 i ta chu lei chi dawn loh a nih hi 😀 😛
January 7th, 2012 at 10:34 am
Ziak tha lutuk.. (Y)
Wine dawm pahin ka chhiar chhuak e.
Last para khi ring tawkin ka Amen…
January 7th, 2012 at 10:39 am
Amen.. Sawi ring suh, An phuar ang che. Hairehai
January 7th, 2012 at 10:52 am
A ngaihnawm hle mai (Y)
January 7th, 2012 at 11:06 am
Ngaihnawm zek a.
January 7th, 2012 at 11:17 am
U sheldoni, i va reh ve..ngai che.ka post a i hming ka hmuhloh chuan ka khua a har tlat
January 7th, 2012 at 11:23 am
Ziak thiam thei khawp mai (Y)
Mizo te tana eizawnna a tlem lutuk hi chu aww…. huiham.. kan hnam ala naupang em atin ni, hun leh ni te han ral se, maktaduai tam nih ve tawh a chakawm thin.
January 7th, 2012 at 11:26 am
1. Pasal then hi hmeithai ni lovin nuthlawi, hmeithai chu pasal sûn tawh sawina.
2. Zu i lo zuar tawh thin a nih loh chuan a dap thin zingah i tel ngei ang, a nih loh pawhin a dawrtu-ah.
3. Thluak senna tha lo tak a ni, zu thuhrukna tur ngaihtuaha thluak sen hi.
4. Spelling mistake a awm nual mai. ‘Hlep’ tih tura ‘help’ tih te hi awmze dang daih a nia!
5. Zu zuarte i tichêp sauh ang a, a daptute i tihah sauh ang, he thuziak avang hian.
6. A ngaihnawm hle.
January 7th, 2012 at 11:29 am
7. Ngatinge zu zuar lova anhnah te a zawrh mai loh?
January 7th, 2012 at 11:32 am
#18 Ts, a market a tha zawk aniang 😀
January 7th, 2012 at 11:32 am
@Lame, ka buai anih hi. Vawin pawh ka office pek a, ka buai rups. Hman hunah sei tawkin komen ang.
January 7th, 2012 at 11:34 am
#17.. Nia,ka edit hnu ah pawh alo awm tho,keini ang hunawl a ziah tur hrelo, buai laia ziah tur rawn lan chuai2 avanga ziak chuk2 thin tan chuan mistake alo awm zel.ka edit uluk lo thin bawk a.. Thanks.chuks chuks..
Zu ka zuar ngailo a,ka in ngailo a,a check na ah kala tello tlat 🙂
January 7th, 2012 at 11:39 am
Sawi ve lawk, ka ngaihtheihloh em em chu, zu heh ve á¹hin tak tak hmanni lawka piangthar ten ka á¹ha ta ber emaw ti a zu ka check e eke bale an ti hi ka ngai thei lo. Piangthar hleka mi te vei nghal em em hi chu a Pharisai ka ti deuh tlat kei local heh hian.
January 7th, 2012 at 11:42 am
Chhiar tham a awm, hman hunah.. Hnial tur ka rawn zawng bawk ang… :evillaugh:
January 7th, 2012 at 11:45 am
Ku Tuaia,
Anhnah kumtam ka zawrh hnu ah, a hlawk zawk leh customer eg.fonz,kawlhawk,funny,Dolly,rempy te ang an tam leh min duhsak avanga insawn ka ni e..
I tan chauh.
Pi.lamea
January 7th, 2012 at 11:46 am
lolz Tuaitea sawi zinga #3 khi LIKE e
January 7th, 2012 at 11:50 am
Rempy,.. Ka spelling mistake leh punctuation i rawn sawi hun ka nghak e..i sawiselna awka pawh ngaihthlak a nuam si, han ti mai ila,Aste an a aia thuiin a rawn sawisel awm sia
January 7th, 2012 at 11:50 am
zu khap chu nilo se, a pawng takin i zuar thei ngawt dawn a mawn le.
January 7th, 2012 at 11:56 am
Kuhva hring leh badam vel a zuar a, anhnah a zuar tlat lo alawm. Anhnah zawrh a hlawk zawk awm si a.
Zu thuhruk vel dan khi, i ngaihtuah chhuak thiam ka ti thlawt.
Thawnthu phuahchawp a ni na vang vangin, thil awm thei leh thleng thei a ni a, khitiang chiah khi mi tam tak nunah a thlen tawh ka ring.
Mi tu pawh hian nawmsak kan thlahlel a, a umin kan um takzet. Sum ngaina lo hi kan tam lo ngawt ang.
Khi nu pawh khian a thil zawrh atangin nghei lohna tur tawk a thawkchhuak tho si a, sum tam zawk umin zu a zuar mai a ni; a khawsak hautak deuh deuh chu chhuanlam.
Nawmsak kan uma sum kan ngaina a nih pawhin kan chhia leh tha hriatna fim hi hliahtir lovang u.
He post hi tha ka ti tlat. Sawi zau theih a tam.
January 7th, 2012 at 11:59 am
A Zu hi a ropui ani
January 7th, 2012 at 12:00 pm
Tuaite, MLTP enge i ngaihdan.a para tawp khi ka ngaihdan ania
January 7th, 2012 at 12:00 pm
@La-me, nangmah leh i thuziak ka sawisel lo a nia aw..! A thawnthua a changtute chungchang a ni ka sawi daih ni.
January 7th, 2012 at 12:04 pm
Ka hrethiam alawm, MLTP hi hlih a hun ka ti tawh..a duh tan a senchi a tam ltk..rethei zu in bawk hi ani, a tuartu
January 7th, 2012 at 12:05 pm
Ka’n sawi zel ang a.
Last para ka chhiar a. Zu zawrh hi tuma eizawnna duhber a nih ka ring lo! Sawrkar tha leh khauh a rawn chhuah hunah chu chu a chiang ang. Diktak chuan, hmelhriat nei tha mah se hlau leh ralti reng rengin hun a hmang reng ang, thil tha lo leh dik lo a ti a ni. Ralmuang taka thilsual ti an awm ka ring lo.
MLTP Act hi hlip loh ka duh. I last para bold khi ka rindan ve tho chu a ni.
January 7th, 2012 at 12:10 pm
“Zu hi tun dinhmun ah chuan zalen se chuan , tun generation a thalai te chuan an in nasa ang, mahse hun a ral anga, a duh in an ina, an duhlo in an inloh hun alo la thleng ang.”
A va han tha tiap2 ve. Halleluiah pek thuai a va chakawm ve.
January 7th, 2012 at 12:16 pm
Keichu a thei ten an duh duh an ina, a rethei ten chak chung chunga zu thalo an in hi ka lainat..
January 7th, 2012 at 12:19 pm
Chu chu alawm sawrkar khauh, dan leh hrai kengkawh zo theh thawh rawn ding se ka tihna em em.
January 7th, 2012 at 12:23 pm
Zu zalen hi a tha ka tihna anilo. Zeploh ah chuan kan tetlai a khawlai a zurui hmuh tur ang kha an tlem phah.mahse, tunhnu,nikum chho atang khan zu hi a zalen ta deuh, Bike nei talo chu, zan reia ke a ka leng ka haw a tam a, zurui hmuh tur an awm nual.
MI KAN FING TAWH A,TUNHMA ANGA KHAWLAIA RUIH BUR2 KHA A ZAHTHLAK TIH AN HRE TAWH.
Sawrkar hian KOHRAN A HLAUH VANGAINA HLIP NGAMLO NI HIAN KAHRE THIN KA NGAIHDAN HI A DIK ANIH CHUAN ALA PAWI ANG
January 7th, 2012 at 12:28 pm
Ka awmna bulah hian field a awm a,a bulah zu dawr 2,arsa fry dawr 8 vel.
Tlai alo nih chuan vaiho tam tak hi field sirah thu khawm in zu an in a, tumah anti buailo in, mi tan hnawksak in an awmlo.keipawh tlai hnih chu ka lungleng field ah ear phne ngaithla chungin ka va thu reng tawh. Tuman min tibuailo.
A lehlamah, zu in theuh2, midang tibuailo a,nilenga an hna an thawh hnu a thiante nena thlamuang taka an in kha, a hmuh a nuam tlat.
ZU IN KA THLAWP TIHNA ANILO
January 7th, 2012 at 12:37 pm
Khawlaia zuruih bung bung ching ho ringawt kha zu kan khap chhanber a ni lo.
January 7th, 2012 at 12:38 pm
Chawhmeh zawrh ai chuan zu zawrh hi a hlawk zawk,hahthlak deuh mahse. A hlawk zawnga kan sawi dawn chuan. Mi hi kan hmuhsit or kan endawng hma in a chhan leh a vang enchian hmasak hi a tha fo a sin.Keipawh chhungkua a zu zuar, khawtlang in an endawng deuh hi ka tawng tawh a. An pa ber in hna hram a thawh theih loh vang a zu zuar mai an niin, ka belhchian chuan an fel zia leh an dinhmun an inhriat zia ka hriat chuan ka khawngaih khawp sin. An venga kohhran upa te chhungkua ai a Pathian an tih loh na ka hre lo reng reng.
January 7th, 2012 at 12:43 pm
#38 Khatiang chi kha kan ni miau lo alawm. Zu in hova ruih hnua insual leh bung bung hi an tam em mai. MLTP Act hi hlîp pawh ni se, chu kan nihna chu a bo chuang lovang.
January 7th, 2012 at 12:46 pm
A ngaihnawm phian mai.. 😉
January 7th, 2012 at 12:51 pm
#40 ka thlawp e.. #39, anni lo ang, Zu ina chhungkua a tihbuai dan chu ka mitin ka hmu fo, kan chhungte leh thenrual tha ah pawh an awm nual.chuvang a Zu hi in duhlo ka ni, ka in chhin tawh,ka hrawkah phei chuan a thlum dapin,a tui ka ti
Mahse,
1.an khap reng thei angem..
2.kan ram hruaitu politician leh officer tamtak in a ina,an duh2 a an hmuh theih laia,nitin inhlawh chawp ten fun khat 80/100(chu pawh Zu thalo tak) an lei thim hi a fu ber em
3.Kan Kohhran te hi Sawrkar policy ah an inrawlh tam mah2 lo maw.Roman Catholic darh chhan bulpui ber “they have authority and Power above the King/Queen” ang kha an tawng ang tih a hlauhawm lo maw (Catholic ka ni a,ka kohhran dikloh na kha thup ka tumlo)
4.Khap si enga tinge Rangvamual,Phunchawng,Sipai hnen atanga lei tur a awm reng
5.a check tu Excise ho hi an fihlim chiah em
January 7th, 2012 at 12:54 pm
#41, tuaite anih hun ka nghakhlel.anlo khap tingtang kha a pawi ani,khaplo se chu tunah chuan kan normal tawh ka ring.
TUNAH CHUAN HLIP TA SE, TUN GENERATION (A bikin 90’s hnu lama piang) tamtak hi an boral dawn si..engtin tak kan kal chho dawn ni maw ;-(
January 7th, 2012 at 1:19 pm
Zu a chhia, a to tireng chunga induh reng ho, sim tum miahlo ho hian ka nuih an ti zaaa. Mahni thil thar ti to em em ringawt zel ho hian, zu khapna dan hi hlip pawh ni ila, a that, a tlawm phah vak pawh ka ring lo. Burma atanga zu chhia, anthur tuilum ni awm tak sen ve rum ho ang khi a tam ngawt ang.
Tuna kan dinhmunah hi chuan minazawng tan zungawl a vei theih loh. Mihausa zungawlvei ho hi rethei ho hian thik ve kherlo ila a ni mai. Zungawl vei tur chuan pawisa sen a ngai tam e mai.
January 7th, 2012 at 1:32 pm
#45.. Mahni thil thar tito lo thei dinhmunah an ding hleinem, 6th pay hman hnu a thil to zia i hria a,chumi mila an thil man san a ngai asin.. Antam 1000
man thar harsat zia i hrelo aniange.. Mi tupawh hi chumi khami nghei rawh tih ngawt lohtur.
Kei cigarate nghei theilo hian, tumah hi Zu,drugs nghei rawh kati ngam lo..
January 7th, 2012 at 1:49 pm
Tuikual asenchi han lam mai theih hun lai khan, thianzaho in kan in laih laih a. JAC ho hran lai kha a ni bawk a. Kan lenluhna nu kha a thluak chu a chak ve ngawt in ka hria.Kawtkaiah JAC lo kal thawm a hria a, kan no a seng sawk sawk a, chawthleng hi a rawn chhawp sawk sawk a, JAC an rawn luh lai chuan chaw a khawrh kual ta dan dan mai a. Muangchang deuh hian chawhmeh suah an tum leh a, JAC ho chu an hawi kual thuak thuak a, an chhuak leh ta mai a. An chhuah fel chuan chawthleng chu a seng rang nangial mai. Keini lo riltam deuh tawh khan chaw thleng kha kan lo hmu tai ti tih tawh bawk si. 😀
January 7th, 2012 at 2:01 pm
Chhiarchhuak dap a, ka rilrua awm zawng zawng i rawn chhawpchhuak em mawni dawn ni.. Tha tak hi a ni ringawt. Mihausa leh mirethei inkar zau lutuk te hi vei tham a va tling ta em.!!
January 7th, 2012 at 2:03 pm
Ziak ngaihnawm thiam khawp mai.
January 7th, 2012 at 2:05 pm
Chemte, chu2 alawm..hai re hai..
January 7th, 2012 at 2:16 pm
Vairengte leh Lengpui chu an ham sitirik loh hleih thei lutuk an tih te pawh hi..
January 7th, 2012 at 2:30 pm
A ngaihnawmin a bengvarthlak hle mai. Ka rilruah ka lo vawng reng ange.
January 7th, 2012 at 2:31 pm
Sawi luai luai ang u
January 7th, 2012 at 2:39 pm
#53 Tang tiah tiah!
January 7th, 2012 at 2:42 pm
#53 Tang tiah tiah!
January 7th, 2012 at 2:44 pm
Kei chu zawrh aiin in nuam ka ti!
January 7th, 2012 at 4:26 pm
RV lam ani maw? Tlanpelh mai pawh hian a nam vung vung in ka hria..
January 7th, 2012 at 4:43 pm
A kipkawi diak diakin alawm i hriat le. I zuar thin tak tak a ni ngei ngei ang.
January 7th, 2012 at 5:46 pm
Hai-re in the very high haa, kan chhiar chhuah tak chu… Z*magic* lam chanchin hi chu weekend a chhiar hrim2 hi ka duhlo asin le, temptation a ni., mse kid La-me nge2, thu i thiam anih hi.
January 7th, 2012 at 5:47 pm
kid La-me nge2, thu i thiam anih hi.
ka chan ava chau ve
January 7th, 2012 at 6:01 pm
LOLZZ tap suh tap suh
#60
January 7th, 2012 at 8:04 pm
Ngaihnawm tluk tluk hle mai.
Zu zawrh i ti chakawm thei mai dawn a lawm le. 
Mahse thuhrukna tur zawng zawng i rawn puang zo vek a. 
tren tren.
Dinhmunin a zir loh tak tak hi chuan thleng theilo hi a awm lo tak a sin. Vanduainain min chim lai tak tak chuan, ruaithehna a sa buhchiar hmeh pawhin a sa hi hmaah a awm ve thei lo reng reng an tia lawm.
January 7th, 2012 at 8:39 pm
#62, kan zuar zuai dawn ami..heh
January 7th, 2012 at 10:29 pm
A ngaihnawm hle mai.
January 7th, 2012 at 10:55 pm
Ka rawn miscall che maw?
January 7th, 2012 at 11:26 pm
I zu an man bika i thin a rim ani maw?
January 7th, 2012 at 11:39 pm
@Lame-a, i va ziak sei em em! Ka chhiarchhuak ve chiah. I thuziak hi – full support.
January 7th, 2012 at 11:58 pm
Sei vak ami, yesi.. I hming kalo chang char2 a, heh.. Rempy aiin ka sitar tawh ang che, Bakcheh i zetzawt chu a sual tlat..ha hai
January 8th, 2012 at 12:28 am
Khaih khaih Lame!! I post khi sawi ka duh. Chhungkaw 1, ka mit ngeia ka hmuh, fapa 2 an nei a, an boral ve ve a. Nu leh pa tar tawh, an tan eizawnna dang a awmlo. Chhang te an han zuar ve thin, eitur an neilo a zu an zuar leh thin.
Khawtlangin an entleu a, an zu an man sak a, eizawnna dang an ngaihtuah sak silo.
Zu hi zalen rawh se. Kristian ram kan ni, tinge inrintawkna kan neih miah loh? Khap chunga nghei tum ai chuan zalen taka intur awm chunga nghei dan inzirtir hi he hnam hian a ngam tawh tur ani. An khap a, an ti hlu mai mai.
January 8th, 2012 at 7:11 am
Hetah chuan alcohol tlem a luh tawh hi chuan motor khalh hi ka duh ngai lo. phal chin baka ( alcohol a tam chuan) tiket hmuh hi hlauhawm tak a ni.
January 8th, 2012 at 8:01 am
Kei chu MLTP act hi hlih loh ka support ve e. A chhan chu Bible hian khawi laiah mah hian zu hi a support lo nia! Chuvang chuan zu hi keima mimal ngaihdan mai mai atang chuan ka palzam theilo.
Tin, last para ami khi ka chhiar a. Thil dik awm tak ni pawhin alang thei. Mahse han ngaihtuahve mah teh u, tun generation a thalaite hian an in nasa ang tih chu kan hre tlang a. Chu consequence tak mai tuar tur chuan kan unau te, kan chhungkhat laina te hi kan phal angem? He hun (an in thiam hun pawh lo thleng dawn mahse), an in thiam hma a mihring nunna kan hloh tur leh nun chhe tak mai tam tur zia hi…
January 8th, 2012 at 10:54 am
#69 u sheldie, khi ka suport e.. 71, Bible in a suport loh zawng zawng hi khap tur tihna em ni. Chu ai chuan 69 ang khian, kan rilru in hawn lai hian kan in zirtir a ngai tawhlo maw.. Zu thatloh zia te hi in zirtir nasa ila.. Keipawh hi Zu thatloh zia hmutu ka ni a, a tha ka tihna ni lo..
Tin,kan khap reng thei dawnlo bawk..
Bible in a khap,chuti khati tih hi i sim ang u.. Chuai chuan kan kristianna hi i ring tawk ila,tihchak i tum bawk ang u.
TIN, A MANTU EXCISE HO HIAN INTUR AN TLACHHAM NGAIIN KA RINGLO..
A rethei chiahin an tuar ani, a to bawk, zu a chhe bok, hriselna in a tuar bok
January 8th, 2012 at 11:54 am
Kan ram a zu intur tha awm lo hi chu mangan thlak ka ti khawp mai keichu. Zu intur awmchhun lah khi a uih bawk si, a rim khian lunglai a fan lo hi ka ti lutuk a keichu. Total prohibition hi chu tha ka ti tho a, mahse zu in tur tha hi chu available ve se chu ka ti khawp mai. kan tlangval fel tak2 te an rim a thur uih lutuk khi chu buaithlak ka ti e mai..Zu tha intur hi awm ta se. tun a a man ang vel tho khian leitur awm ta se te ka ti mai2 thin..kan khawsak dan leh nunphung thlir hi chuan total prohibition hlih hi chu a ngamawm hrih bawk silo a…