Kum 2007 kha a ni ta in ka hria, ka train chuan pui pa (Mizo) in Kolkatta-a an inluah a thleng tur a nasa taka min sawm avang leh Mizoram House khumfa (bed bugs) tamna hmun a ka thlen peih lo lutuk avangin, ka thianpa (ka train chuanpui pa) te inluah ah chuan zan khat ngawt mai riak tur in ka thleng a, a felin, min duat khawp mai, ka rin aiin nuam ka ti a, ka tlangnel hma khawp lehnghal.
Zan dar 11 velah kan mu a, mut pah chuan Mizoram sumdawng ho (thawmhnaw zuar ho) Kolkatta a thawmhnaw an lak vel dan te, an hlep hnem theihziate leh Bangkok kal ni awm taka in sawi in Kolkatta-ah rei tak tak chamin thawmhnaw an lak thin zia thu te chu min hrilh a, ka rin aiin a hre chiang khawp mai lehnghal a, mak ka ti khawp mai. An mahni inluahah ngei pawh Bangkok a thawmhnaw la ang a insawi thin, an thlen ve thin thu te leh Kolkatta-a a bazarpui thin thu te chu min hrilh a, a sawi ngaihnawm thiam bawk a, mu ang phuau mengkar si in ka ngaithla ni ber in ka in hria.
Nikum ka puja chawlh hmang zo, Mizoram atangin ka lehkha zirna hmun lam panin thlawhna in ka kal a, Kolkatta-ah thil tih zawk tur ka neih a vangin zanhnih lai riah ka ngai si a, Mizoram House khumfa tamna hmun pan ai chuan tiin, Kolkatta Airport atang chuan New Market bul vela Hotel lam pan a ka kal dawn thu Prepaid taxi counterah chuan ka hrilh a, chutih lai mek chuan Mizo sumdawng nu pakhat leh nula pakhat hian ka kalna lama kal tur an nih thu te min rawn hrilh a, tichuan taxi pakhat ah chuan kan chuang/kal ho ta a, hotelah te chuan kan thleng ho ta zel a, rin aiin kan in nel a, kan in kawm ngeih ang reng hle bawk .
Kolkata ka chhuahsan hma zan chuan rei tak kan titi nghe nghe a, chumi zan chuan remchangah la in Kolkatta-a thawmhnaw la si, Bangkok a thawmhnaw la anga in sawi (a thu chauh a Bangkok a kal a, thawmhnaw la anih ber chu) an awm thin leh awm thin loh thu ka zawt a. Rin aiin an sawi huai daih mai.
Anmahni pawh chutiang chiah chu an nih thu te, a nutling zawk chu Bangkok a thawmhnaw han la anga kal anih thu leh a nula zawk chu Hong Kong a kal an nih thu te min han hrilh ta zel a, ka nuih chu a za ru ang reng khawp mai. Chutah Mizo ho in Bangkok leh Hong Kong thil an ngaihsan zia te, an thawmhnaw lak hralh a kal bik zia te leh hlep an hmuh thrat thin zia te chu min hrilh mawlh mawlh mai a.Ka rilru te te chuan Mizo Bengali thluak nei ka ti rilru deuh a, han hriat belh zel tlaka ka ngaih loh avang leh zingah train man hman ka ngaih avang in ka mut san ta a.
Hmani khan hetiang thil hi ka rilruah a awm thut avangin, ka thiannu Millennium Center a dawr nei ka han bia a, thil chi hrang hrang ka zawt a, Bangkok leh China (Hong Kong etc) vel ami thawmhnaw an lak thin thu min hrilh a. Keilah ta pek chuan fiamthu titak deuhin, ‘Tu nge Bangkok, China tih velah chuan kal thin che u a? Kolkatta-a mi hi in zuk la anga, hralh thrat duh vang leh a man tih to duh vang ngawt hian Bangkok etc ami la angin in Customer te hnenah insawi in, in zuar ve thin te hi a ni lo maw, ti a ka zawhna chu kan in chhanglo chiang khawp mai. Ka hriat ve a tullo a niang chu, ‘I hriat ve chi a ni lo, ka buai tlatz, bye bye photz’.. tih pahin a phone chu a dah ta daih a.
He thu tlem fahrah te hi ka mi(sual)pui te tan ka rawn chhawp chhuak ve e. Enge kan ngaihdan ni ve chiah le, i han sawi tlang dawn teh ang u khai.
Similar Posts:
- Bangkok?
- India Universities in World rankings
- Khawvela Awm Nan leh Hnathawh Nana Ṭha Ber Ram 10 (2012)
- Mizo Mipa Vs Hmeichhia
- NE’s first toy train in Arunachal
Ngaihtuah tithui tak Post a ni. In...
April 27th, 2010 at 10:39 pm
@Chimchema chu mi chimawm tak i nih dawn hi. Mahni hlawkna awm hlei lova, misumdawnna lo sawichhiah vel hi a mawl thlak ka ti, i thiannu i zawhna tawngkam te hi atthlak ka ti zawng tak. Hetiang ang zawhna atthlak hi vunngo ho phei chuan an huat zawng tak a ni. kei chu min han zawt ve chiah la chuan, i hnar atang thi a baw thla nghal hawk ang.
I thu ziah dan atang hian thawmhnaw zuar ho chu Kolkatta a indawr vek a ngaihna i nei hi a fuh lo a ni hi. Kolkatta indawr thin tlemte i hmuh vang khan midang zawng zawng an ni vek kher lo tih hi hriat tel tur a nia.
April 27th, 2010 at 10:51 pm
Aizawl-ah chuan thawmhnaw mantlawm hi hralh a kal lova, hralh theih duh chuan tih to a ngai a lawm. Aizawl ka awm lai a, offices dang dang lut chhuaka thil ka zawrh lai pawn, Thailand T-shirt Burma sumdawng haw duh hoin Rs-50 lek min zawrh tir a, offices-a ka va zawrh hian en epawh an en peih lo. Chuanin, zanah plastic bag-ah ka pocket tha a, a tukah Rs-500-in ka zuar an an lei zo vat mai. Mizoram ang chuan thawmhnaw hi a quality leh man tlawm lam pawh a ni lo, an ngaihsan zawng leh an uar zawng hriat a ngai. e.g. Fakatea lar lai khan Faktea thawmhnaw hak ang than, a pheikhawk ang, adt.. ang kha zuar ila hralh a kal.
April 27th, 2010 at 11:26 pm
winning, ka hrelo che emaw i ti a ni maw …
masuta beshan
April 28th, 2010 at 12:06 am
china ram a kan lak china siam “made in japan or made in England” ti a in ziak kha hralh a van nuam ve thei chiang…..
April 28th, 2010 at 1:57 am
HV ; masuta beshan..ha ha..achhan ka ngaihtuaha ka hrechhuak zo tlat lo. I thiannu nen inthlenna hotelah pawh ka lo kal ve ngei kha, tichuan min hrechhuak thei em?
April 28th, 2010 at 3:21 am
kal an awm laiin kal lo pawh an awm ang, hrut rual vek theih an ni lo ang.
Hmeichhe thawmhnaw bikah chuan Bangkok leh China a han kal ngei ho thil rawn hawn leh Kolkatta atanga an rawn lak chu in ang lo tak a ni, Kolkatta a vai sumdawng, Mizo sumdawng in an zuk lak chhawn leh na thin te leh Bangkok a han zin thin te mit a in ang lo lutuk, Mizo nalh tihzawng thawmhnaw an in lak nalh theih hleih lutuk, Vai chuan an la vai chhing chheng thin, khami zuk la chhawng tu kha chuan Aizawl ah pawh rawn zuar se, “Bangkok thawmhnaw” tiin rawn zuar sela, enga anga to pawh ni se chuti vakin an hralh theih ka ring lo, thil tha lei duh tu te hi chuti mai in an bum theih ka ring lo tlat. Hei vang hi a nia “Dap” leh “Ori” tih tawngkam pawh hi a lar viau nachhan. Mahse Bangkok atanga an rawn hawn pawh hi Designer ho Dap tho a la ni, Thai ho Dap a ni ber ang chu. D&G, Moschino, Versace, Christian Dior, CK etc siam Thai ho in an entawn a an hralh leh chhawn a ni tlang pui. Incheina thil a Thai ho danglam bik zia chu Lammual a Asia expo ah khan a lan mai kha. Vai ho Jewellery leh Thai ho Jewellery design in nalh hleih zia kha (Mizo mitah)
Mipa thawmhnaw ka hmuh danah ah chuan, Branded showroom hian tunhma Bangkok atanga mipa thawmhnaw lak thin market an rawn ti danglam vek, Reebok, Adidas, Levis, Pepe, converse etc te hi Bangkok a bungraw han la thin te hian rawn lak enah an en tawh lo ni berin a ngaih theih. Mahse market ah hian heng showroom a awm lo mipa thawmhnaw Caterpillar,North Face, Dr marten etc te hi hmuh tur a la awm, mahse heng ho pawh hi Thai ho “dap” tho a la ni. Aizawl a North Face Jacket anga an zawrh, Rs 1500 – 2000 man vel hi a man dik tak chu hei lem
https://www.thenorthface.com/ca.....2424502418
1997 bawr vela Nike ho Trekking boots acg (All condition Gear) showroom vela awm ang kha, Thailand in a ang chiah, dah kawp chauh a hriat hran theih thla 6 vel chiah daih an siam thiam nia mawle! Nike acg kha chuan kum 5-8 vel chu a daih a ni
April 28th, 2010 at 4:15 am
Kan sawi ve.
A Hmasa berin,
Bangkok leh China chhuak thawmhnaw hi kan chhungkua hian kan ngaina lo hrim hrim. Cotton materials lo chu kan lei vak pawh ka hre lo. Chulah India cotton a tha kan ti zawk bawk si. Kei phei chuan India product lo ka hak chu second hand kekawrlum leh polar kawr hi a ni mai awm e a.
Bangkok..
Sumdawnna ah chuan, miin an lei duh phahna leh rilru lam satisfaction a neih phahna tur a nih te chuan Bangkok Singapore ami te pawh ti ang hmiang. Kan lei ngam loh khawpa to thawmhnaw kan lei ngai hleinem. Singapore chhuak a nih vanga thil inang rengah sum kan seng thlawn ngam a nih chuan Sumdawng hlawkna a ni mai lawm. Thudik a nihna ang kilh kelha kan hmui kan chelek fo chuan eng sumdawnna ah mah kan daih rei lo ang. Kan kohhran upa min pakhat sawi ka hre thin, “Sumdawngin a man ngai chiaha kan hralh kan tih hian, tlem kan la hlep”.
Tlipna,
Kan phak tawk anga kan ngaih pawimawh zawnga, (thenkhat tan in leh lo, thenkhat tan Thawmhnaw, thenkhat tan Pathian Ram, thenkhat tan Zirna, thenkhat tan Insuarance,) sum kan sen hi in sawisel sak theih ngawt a ni lo. Thil inang reng, Bangkok chhuak a ni an tih vanga Kolkata chhuak man let inseng huam chuan a inhuam a ni mai. Sawi theih kan nei leu.
April 28th, 2010 at 10:58 am
Bangkok thuamhnaw a that bikna chhan nia lang chu an ngaihsan hrim hrimna hi ni maiin ka hria…..
April 28th, 2010 at 1:04 pm
I buaina hi a ho ltk, kal poh an awm a kallo poh an awm a, a kallo te pohin bangkok thawmhnaw tho kolkatta mi an la a, chu zawng te chu a ni mai, a leituten an lei duh chhung chuan an ti zel ang
April 28th, 2010 at 3:42 pm
winning #48 ka hre reng che alawm mawle aw
ka antenna hi tha ve deuh mai ania. o genki desu ka? 
“shikusu nine/ainame” te kha a nuam mawle hahahha