Ṭhangkhat lian chu a vei ve ta reng mai, hmanlai a chang mai dawn…..ka harsatna tawh chhe tê zing a ka theihnghilh ngai loh, ka rawlthar laia ka thil tawn, ka lung ti leng tu leh a hunlai aia Pathian thu ka hriat zawk tawh hnu thleng pawha ka rinna a min fuih ṭhin tu, (ka blog a ka ziah hi tihtawp ka tum sia) ka lo share ve mai mai ang che u….. Silchar chu sawi loh Aizawl ka vawikhat pelhna a ni a, train ka vawikhat hmuhna leh chuanna a ni.
Chumi ṭum chuan orissa aṭang mahni a haw leh turin ka inbuatsaiha, ka thiante chuan train station lam pan tur truck(407) hnunga ka chuang chu min vai liam a. Ka thianpa min ngaihtuahnaa a ṭawngkam chu ka la hre reng a, “Nangmaha i vawikhat haw na tur a ni si a ka ngaihtuah hle mai che a. Hindi i thiam bawk silo, i rel chuanna tur ila hre bawk silo, train exchange te lo ngai ta se i bo maiang tih ka hlau mang e aw” a tih chu ka rilru ah a cham reng a.
Chutia min tih lai chuan “Nie, Ṭhianpa, in telo lova haw hi ka thinlung takin ka châk lo a sin, i sawi ang zawng zawng te hi hlauh rukna ka nei ve tho a ni. Min ngaihtuah tih ka hria, mahse Pathian a awm alawm a kut ah in nghat ila min hruai thleng ve mai ang” ti a ka chhanna chu hmachhuanin mahni leh mahni in hnem nan ka hmang chawp ve zel bawk a.
Zan thim hnuaiah chuan Balugaon Station, tê ve tak leh reh tak mai chu kan va thleng a, truck atang chuan mi ṭhenkhat chuang ve te nen chuan min unload a. Engmah chinchang ka hriatloh avangin mi a tam thei ang ber biak ka rilruk sa rêng a. Ka chuan pui zing ah chuan ka haw kawng chanve thleng Train-a kalve tur sipai chawlh hmang tur(chhutri) hi alo awma, a nelawm vakloh nangin biak nel ka tum hram hram a. Tih dan leh kalphung ṭhenkhat chu chianglo takin min han hrilh ve bawk a, mahse a ni chuan Ticket confirm sa a neih avangin keia ticket confirm loh buaipui tur chuan ka beisei lemlo. A tih dan te ka han zawt a, min kawhhmuh ang chuan ka ti ve zel a.
Rel ah chuan seat ruak a awm tawhloh avangin Military compartment a ka inhnawh ve angaia, chutah chuan mutna pakhatmah a awmlo mai niloin thutna tur pawh a awmlo a, a seat pawh thingphel hlir a ni. Chumi a nih takah chuan min be tha vaklo mahse min tanpui thei tura ka ngaih sipai pa bulhnaia awm chu ka tum ta zawk a. Min biak thatnan tiin a bulah thu in Chips ka lei te chu ka han pe a, kan titi ve ta bawrh bawrh a. Zan alo reia min mangtha a, reilo te ah a hnar zui ta maia, light an off ta sap sap hlawma ka thutna pawh chu mi mutna tur anih avangin ka thawhsan ve alo ngaia.
Rel kawngkhar bulah chuan ka ding a, thli a thaw nuama, pawnlam tlir rengin ka zai ta rat rat a. Chutih lai chuan police form ha inti thu tak hian kawngkhar chu alo khar hmak a. Zan a reia ka mut a chhuak ve ta hle maia, din reng chu ke alo khama mi ke tawmna laiah chuan ka va thu ve ta tawp a, an rawn mar lehin ka thoa ke tawmna lai apiangah chuan ka thu kual ta zak zak maia.
Khua alo var a ka thianpa pawh chu alo harh ve ta hlawla, ka chaua ka mut a chhuak ve ngawih ngawih a ni. Rs 1000 chiah ka neia, ka kalna tur chinchang ka hriatloh avangin ka hmanloh theih chhung chu hmanloh ka tum tlata, thil ei ka insum bawk a. Guwahati atanga Aizawl kalnan Rs 500 bak ah chaw ei na ka mamawh dawn tih ka hriaa ka theih chin chin ka tuar ve hrih kha a ṭha in ka hriaa.
Chhun Dar 10 alo rik chuan kan chuanna chu a ding a, kawngdang a zawh tawh dawn avangin ka chhuk angaia, ka ṭhianpa sawi ang ngeiin Rel dang ka chan leh chu a ngai ta a ni. Thil chinchang hriatloh nen mutchhuak nen chuan engmah tih kha a phurawm tawhloh hle a.
Khawchhak hmelpu ni awm ka zawng ta ringawt maia, an vang em em maia. Ka hmuh chhun chu Nepali (sipai) a ni a, English kei aiin a thiamlo leh chhawng a, Hindi ka thiam bawk siloa kan inbe hleitheilo a. Train lam hna thawktu te niawma ka hriat khawlum lai pawha Coat dum ha reng ho chu ka pan a, “Ghy train khawiah nge alo kal ang?” tiin ka zawt ta a, Ghy train a awmloa Ghy pan tur chu a awm thu min hrilh a, “Platform No.11 ah kal rawh” min ti tawp maia. Platform no.11….!! midang zawt chawpin ka va pan ve leh maia, mahse train reng reng a awmloa ka Hindi thiamloh nen tumah biak theih reng reng an awmlo.
Ka mut a chhuak bawk si a ‘Ka bo dawn anih ber hi’ ka ti tawh a, ka bag chu leiah nghatin ka thu ve ta tawp maia. Ka rilru chu a mangang ve ta hle maia, “Engtinnge ka tih ang, chhungte min lam turin PCO ka zawng mai dawn amawnle?” tiin k awmna ber pawh chu a hming ka vawikhat hriatna a ni si a.
Nakin lawkah chuan ka piahah hian khawchhak hmelpu sipai pakhat leh vai mutria hi anlo inhnial ka hmu taa, chupa chuan khawchhak hmel a put ve avangin tanpui dil tawp mai teh ang tiin ka va pan hnaia. An inhau ti dawn ila inhau hmel an pu chiahlo niin ka hmu a. An titi chu hre lem hleilo in an kiangah chuan ka ding ve ta reng a, khawchhak hmelpu pa zawk chu a confusing hmel hle maia.
Ka lam a rawn hawi chuan hmel in ang khat nanana chu min chibai pah chuan vai tawngin khawi atanga lokal nge ka nih min han zawt a, Orissa ka ti a, Vai tawng bawkin “khawiah nge i kal dawn?” a han ti leh a, ka la thiam ve zel a “Guwahati” tiin ka chhang leh a. Vai tawngin sei takin min han biaa, vaipa chu a han kawk bawk a, chhan ngaihna ka hriatlohah chuan “I don’t know Hindi” ka ti ta a, a ngawi vang vang a Mizo tawng ngeiin “Mizo i ni em?” min han ti ta a!…chhan ngaihna pawh ka hre lawk lo, rei vak lo chu ka han ngawi vang vanga “Nie” ka ti a, “Mak iva ti awm ve Ghy i pan dawn avang khan i nih ka ring ve deuh hleka, kei pawh ka haw dawn a” a ti a.
A rilru alo buaina chu ‘Ghy train tlai dar 3 a chhuak tur chan nge, station dang kan awmna atanga hnai ber darkar khat ral hmaa nanghman chiah tura chhuah’ alo ni a. Keichu min han rawn zui ve taa, keichuan tlai dar 3 a mi chu chan mai ka duh thu ka hrilh chuan vai mutria pawh chu a kal tir taa.
Kei pawisa nei mumal lo, zan pawh mu lo chu Sainik rest house ah chuan Rail kan nghah chhung chawl turin min kalpuia, chaw kan ei a, ka inbuala, khum nuam takah ka mu a, ka ei in zawng zawng leh ka mutna te chu a card hmang chuan tlawmte in a pe vek a, a chungah ka lawm em em a ni.
Kan pahnih chuan kan chuana tur lam pan chuan kan chhuaka, Rel chu kan hmu a thlamuang takin ka chuang ve ta a. Guwahati kan thlenga, ei leh in a sum indaihloh ka hlauh em em te kha min pek sak zel a, engmah ka buaipui hah ngailo in Aizawl chu tluang takin ka haw thleng ta.
In ka thlen chuan ka inbual faia ka room tur an tih ah chuan ka han lut a, bang ah chuan Banner hlui deuh tawh, bal ve tak, têreuhte pakhat hi alo in tar va va maia, ka han en chianga, “LALPA, nangmah ngei hi a ni, mahni chauh pawha him taka mi awmtir thin hi ni.” (Sam 4:8) tih hi alo inziak a. Ka zinkawng ka ngaihtuaha, mihring tihrualloh Lalpan ka chunga a tih chu ka dawn kir a ka mittui ka sum zo ta lo a. He Bible changin min lo hmuah dan te ka ngaihtuah hian Pathianin min lo hruai reng a ni tih min hriat tir na ah ka ngai ta tlat a ni.
Hemi ni a ka chunga thil thleng zawng zawng te, engmah la hrelo vai ram vawikhat kalnaa mahnia thlaphang taka ka awm a, rilru hah tak chunga ka chauhna zawng zawng te kha ziak leh ka a sawi fiah mai ka thiam tawklo, amaherawh chu Ka nun hian Pathian phatsanin, sual khur daiin lo tlu palh pawh ni sela, khami huna min hruaitu kha ṭawngṭaia ka auh PATHIAN ngei hi a ni ka la ti fan in ka ring. Mi ṭhenkhat chuan heng hi vannei na ah an ruat ṭhin; Ani, keini tan chuan “A hmel mawi min hmuh tir tu.”
:)
Similar Posts:
- Mizo Youths eager to learn Hindi
- Ka hming an hriat chhuah changin an lung a leng ve ngei ang!!
- Indian!
- Kan mawhphurhna a ni em?
- Khawpui zin thu-III
January 11th, 2012 at 7:13 pm
1st ila chhiar ang
January 11th, 2012 at 7:18 pm
Va ngaihnawm ve aw…
January 11th, 2012 at 7:18 pm
Lamea25 hi!! I chhiar lo reng reng,a fair lo!! Aste, a va ngaihnawm ve, kan Pathian hi kan rin ngam chin zelah hian a rinawmna hi hmuh tur a awm zel a ni ti raw..
January 11th, 2012 at 7:21 pm
a ngaihnawm dap dap hle mai! keipoh REL hi ka vawi khat chuan naah chuan ka tih tawp mawle haha! voi khat pawh Howrah ah ka buai nek tawh 😛
January 11th, 2012 at 7:26 pm
Chhiar tlak fu mai. (Y) I mangang hmel hmuh chakawm hle mai 🙂 I la naupang ve dawn ropui si a.
Pawisa duhtawk zat nei lo a hmun dang a awm chu a confi loh theih ngawt ang.
A ropui chu Pathian i hmu thiam khi ani e.
January 11th, 2012 at 7:27 pm
A hunlai chuan i la naupang ve awm sia, i lainatawm reuh e. Rilru a khawih hle mai, Pathian thatzia chhiar fo tur ka mamawh tlat tunlai chu, post tha tak a ni.
January 11th, 2012 at 7:40 pm
JackaPi, ka chhiar zo e.. ka first khal che ni maw.. ha hai.. keipawh Train ah tho tiang hi ka tawng tawh a, rilru hah duh khawp mai..
Ka la tawn mak ber chu Gwti to Aizawl ah,a lai ah ka thu a, zan a ka mu chu ka lu hi min rawn nek a, ka harh a, kan hawilet chu mawng(without cover) kan hmu chu ka phu zawk.. kan hnunga thu te khan Biology an lo zir nih chuh.. an rui bawk sia.. hmu hnai vet vet.. a hnungah 4 an thu ania.. chak awm rem2.. an thutpui 2 sipai rui te lah khan anlo thlek vauh vauh ringawt..
January 11th, 2012 at 7:43 pm
#7 lolzz!!! i en reng lo maw 😛 😛
January 11th, 2012 at 7:48 pm
A va tha em. Sermon ropui tak zu ni reuh a! (Y)
January 11th, 2012 at 7:50 pm
#8 ka maimichhing char2..lol.. a bula thu khan a hnu ah, ka sawi leh duhlo.. a hmeltha raps lehnghal..
January 11th, 2012 at 7:53 pm
Vawikhat Silchar atangin Gauhati zan rel ah kan chuan kha min ti hrechhuak!. Thutna a awm si lo a, ding deuh hlirin Gauhati kan thleng.. Kan hmai balh zia chu Hairehai!!!
Aste chu i experience ropui khawp mai. Pathian awmpui na leh venhimna a ni tih i hrechiang hi a ropui.. (Y)
January 11th, 2012 at 7:53 pm
A ngaihnawm kher mai. Ka va khawngaih reuh che em. Hrehawmna leh manganna atanga a hmel mawi i hmu ta zawk hi ka lawmpui che. Rail(Train) a i chuandan khi ka lainat lutuk che.
January 11th, 2012 at 8:03 pm
Chhiar a nuam ka ti. Chhiarchhuak hmasa lo ila chu ka first thei mawle 🙂 Khitia vairama thlamuanglo zet a i awmdan tur khi ka va hrethiam tak che, ka tawn tawh hnu.
Hetiang hunah hian alawm kan Pathian kan nei hi a thlamuanthlak bikna chu ni. Pathian in a hringhranin a rawn tanpui che anih ber chu. A ropui hle mai.
January 11th, 2012 at 8:04 pm
September khan train ticket humvang chungin Allahabab a train thlak a, ka ticket wt 2 confirm tura ka ngaih kha lo confirm awzawng lo, pawisa min dil a, 100 chiah ka ak si ala duhlo a, Ka Atm card ka hmuh ringawt a, thirim tak ani, chhuktir min tum a, ek in velah kan biru zak zak kha chu ka va mangang tak, Pathian zarah vai pa in min pui hlauh a
January 11th, 2012 at 8:06 pm
Lamea@ 7 hmu hnai rem rem veee 😛
January 11th, 2012 at 8:10 pm
Lame-a chu i va hmu hnai tak ve aw. Khatih laia i rilru kha i rawn ziak tel lovaa… 😀
January 11th, 2012 at 8:16 pm
Train chuan hi hrehawm ka tihna chhan ber chu TUAI(KUTBENG) ho an lo kal chhen a an hlauhawm ve deuh sia(Pa lian deuh deuh chu) 😛
January 11th, 2012 at 8:19 pm
heh.. tum 2 mawle, zingkar ah nen..
heh. intihfel lam nilo in, a chuang mipa 8 ah khan ruilo 2 kan awm a, kanlo ngaithla kar vek aninag..lol.. an zawh hnu ah an rawn fiam luai2 a, an bawl a, kan chhuah dawn khan kan tawngtailo an tia, Sumo a ding a, an tawngtai tir zui.. Chunglam lakah inthlahrunawm tak ani.. Keilah pek chuan kan hau ta hram pek a.. mahse, a hmeltha lutuk (la ti hram )
January 11th, 2012 at 8:20 pm
Ngaihnawm khawp mai. Amah ringtute chuan engkimah A hmel an hmu thiam thin.
January 11th, 2012 at 8:23 pm
@lamea25, i thil tawn chu, tuna mi ang vela sei hian han ziak ve law law teh a 😀 …. Asteric ziah ai hi chuan comment a hmu tam zawk hrim hrim ang 🙂
January 11th, 2012 at 8:25 pm
@lamea25 hi chuan ka awmtawhna hi chu nuam a ti thei a nia, duhtawka in phawrh ruahna hmun pawh ka kian zau hle a ni 😀
January 11th, 2012 at 8:27 pm
#18 LMAO Hit thei ve haha
January 11th, 2012 at 8:30 pm
in phur emai,,, ka soi tawh lo ang, aste an min hau ang.. Pasal neilai ala ni zui (ti hram ) 😛 :-$
January 11th, 2012 at 8:33 pm
@lamea25, huizzzz. Hei hi alawm, nupui hmeltha neih hi chu…. rilru hi a hah reng mai. A hmeltha ber ka lo thlang hi chu ka inchhir ta deuh. Hang deuh te kha lo nei ila, ngaihngam takin bial ka fansan ngam tur… lolzz
January 11th, 2012 at 8:34 pm
lolz #23 a hranin post teh a 😛
January 11th, 2012 at 8:45 pm
Sober, i phur ltk…24, inla neitha triah2.
January 11th, 2012 at 8:50 pm
@lamea25….i duhtawkin rak rawh, Admin tihloh ah chuan post ah hian ka thu ber alawm 😀
January 11th, 2012 at 8:56 pm
A ropui hle mai. Pathian min hruai dan hi hriatthiam loh chang a awm ṭhin rêng a ni. Harsatna leh buaina chi hrang hrang i tawh lai pawhin Amah i rinna a nghet sauh sauh tawh zawk ngei ang. Thlamuang lo taka vaiho kara i chettlat lai vela i rilru puthmang tur pawh ka hrethiam e. Good Post.
January 11th, 2012 at 8:56 pm
Min hruainaah chuan ka kal ang, tih hla zinga a khawi ber hi nge i phuah kha?? 😀
January 11th, 2012 at 8:57 pm
A ngaihnawm hle mai. Mahni experience ngei atang hian sawi duh ta vek ila chuan, Pathian hruaina ropui tak hi kan chang hlawm vek tawhin ka ring a ni. Harsat laia tanpui vartu hnai reng Pathian kan nei hi a ropui e.
January 11th, 2012 at 8:58 pm
Thil engkim, a chhia a tha miin a tawh laia Pathian hnena lawmthu sawi thei zel te hi mi vannei an ni. Post Tha (Y)
January 11th, 2012 at 9:01 pm
Ka rawn inhmakhua leh lawks!
January 11th, 2012 at 9:12 pm
Ava ngaihnawm em aw… Ka thianpa Delhi kal min hriat chhuah tr alawm le 😀 .Ni e, kan tih theih bak chu kan pathian,engkimtithei in amah nghet taka ring chungin min tih sak zel ang.
January 11th, 2012 at 9:14 pm
Post chhiar pah hian,”Min Hruainaah chuan ka kal ang, Ka tan kawng dik a ni si a” Laldinkimi sak kha ka ngaithla pah a, a va inhmeh em. (Y)
January 11th, 2012 at 9:17 pm
Kan sawi ve lawk. Lehkha kan zir laiin, ṭhiante aiin ka exam zo hmâ a. Ṭhiante exam laiin ka haw bik a, ka haw dawn tlai te chuan a nuam ve duh khawp mai. Chuan train ticket kha ka lo lâk tlai deuh avang leh, Chennai-a ka u te tlawh ka duh vangin Chennai-ah ni 3 ka châm a.
Final year kan nih lai a nih avangin campus placement-ah company pakhat-ah hian ka tling a, zir zawha join turin. Chennai-a ka awm laiin ka ṭhianpa (classmate) in min lo phone a, company-ah khan background check eng engemaw tih fel ngai a awm a, form fill up tur leh signature ngai a awm nual a, ni 10 ral hmaa submit tur a nia, mahse lungngai suh, ka lo tihsak vek ang che a tia. Ka kum zat, permanent address tih vel ka hrilh a, a tuk tukleh maiah Mizoram pana ka haw tawh dawn avangin chumi zan pawh chuan thlamuang takin ka mu a ni.
Ka chuanna tur rel hi zing dar 7 a chhuak tur a nih avangin dar 5 ah alarm ka set a, ka u te pawhin an set ve bawk a. Mahse zing ka han tho chu, dar 6 a lo pel duai tawh mai. Ka alarm set kha a lo tlawlh a nih chu. Ka u te room ka hawng dawn a, chhunglamah a inkalh tlat. Hmanhmawh lutukin ka insiam a, auto ka la a, station ka thlen chuan dar 7 a ni der. (minute 20 vel ka tlân). An delay palh tak hlauhin tiin ka train dinna platform lamah ka tlan phei a, ka va thlen chuan rel mawng ka thlir liam hman ṭawk a ni.
Ka u te inah ka let leh a, min lo nuih ringawt a. Chhun lamah te chuan train station-ah tiket man hmuhlêt leh tumin kan vir buai zak zak a. Travel agent-ah kalin tiket thar ka book leh a, ka duh ang train ticket hmâ ber chu ni 4 hnu velah a la ni chauh zui. Lung chu a awi chiah lo khawp mai.
Train ka miss zan hian ka ṭhianpa bawkin min rawn phone leh a. Background check tur khan Passport size photo tih angreng, thumb print tih vel a lo ngai chu niin. Lo lêt leh mai rawh, inpuih theih loh chin a awm tlat mai a rawn ti ta a, phûr lutuk lo, mahse lawm angreng takin kan lehkha zirna lam chu ka pan leh ta a ni. Government bus ṭha vak loah darkar 14 ka chuang nghe nghe.
Train kha miss lo ta ila, ka ṭhianpa min rawn phone khan Guwahati ka thleng ṭhelh tawh emaw a ni ang a. Tunlai angin national roaming te a awm si lo a, Docomo kha a la lâr lo ropui mai si a, biak pawh min be tlang thei kher lo ang. In ka thlen hnuah ka hre chauh emaw a ni ang a, a buaithlak hle zawk dawn a lo ni. Hemi hnu hi chuan ka duh loh ang deuhin thil thleng mahse, Pathian remruat a ni e tia pawm thiam hram hram ka tum ṭhin.
A sei ta hle mai. Post neitupa hian min hrethiam em ang chu maw..ka luangliam ve tlat mai.
January 11th, 2012 at 9:30 pm
#35 LOLZ nangchu a nuihzatthlak chi 😛 😀
January 11th, 2012 at 9:34 pm
😀
January 11th, 2012 at 9:35 pm
Kum 2012-ah a vawi khatna atan ka han luh leh hlawl chu… Min lo hruai reng chu a lo nih dawn hi 🙂
January 11th, 2012 at 9:45 pm
A ngaihnawm khawp mai. (Y)
January 11th, 2012 at 10:03 pm
Zin lam sawi takah chuan..ti ve zel teh ang..Hmanni ka delhi kal kha..9:15 a thawk chhuak tur kha in report ka tum a, a theih tawh loh, i tlai lutuk an lo ti ta mai, ka phone ka en khan hei a dik reng ka ti hlur a, an sana ka en chu ..Haha (ka phone ka siam tir, a hun kha alo in thlak chu niin, ka sana lah ka kheuh chhe bawk si a!).
Ka va vawmdarh teuh em ka phone kha, ticket man atang khan rs. 2000 vel chu ka hmu let leh awm e. A tuk ah ticket thar nen ka va kal leh a, an lo cancel leh a..Mizoram House ah a in thla hrun awm duh ngei mai..vawihnih ka check out a, luh leh zel angai a..a vawithumnaah ka haw thei hram.. 😀
January 11th, 2012 at 10:08 pm
Haha! Han share zel teh u.
Tuaia hi, a luh theih loh chhunga a comment ai a lo ‘inhmakhua’ a ni maw …. :-$
January 11th, 2012 at 10:11 pm
Khawngemaw a post tupa pawh chu le (H)
January 11th, 2012 at 10:11 pm
#40: haha…a hunlai chuan a thinrimthlak duh dawn a nih chu. Mahse ka nuih a za lo thei lo. I phone sana leh an sana a inmil lo tih i hriatchhuah chiaha i hrilhhai lutuk tur hiiiii 😀
January 11th, 2012 at 10:22 pm
Chhiar ava nuam ve… Mangan tak tak chuan Mizo hi kan lo inring thei khawp mai. Ṭawngkhat hmang na na na chu alo zia deuh ṭhin.. 🙂
January 11th, 2012 at 11:04 pm
😀
January 11th, 2012 at 11:08 pm
Ka hnar a ping lutuka engmah ka ti theilo 😀
January 11th, 2012 at 11:10 pm
Nangmah puitu che khi lawmthu hrilh te, a tan a tawngtai sak zel nachang te i hriat ka beisei.. 🙂
January 11th, 2012 at 11:11 pm
Ka hnar a ping lutuka engmah ka ti theilo 😀
In comment ho hi ka chhiara ngaihnawm, ka nui ver ver mai 😉
January 11th, 2012 at 11:13 pm
va ngaihnawm ve aw, ka duh aiin a tawi mah mah a ni….
January 11th, 2012 at 11:20 pm
Zorem…nang deuh hian a sin mamawh, min zui tawp rawh Pathian rindan ka lo zirtir ang che, retheih pawhin hausak pawhin kan hlim dun ver ver mai ang 😉
@dingtea, i ti lawmawm e. A chhunzawmna chu comment ah pawh hian a ṭha hlawm khawp mai 🙂
January 11th, 2012 at 11:35 pm
@ReMpY…Amah hi tunah enge chanchin ka hre tawhlo. A hunlai kha chuan ka tlawh ve ṭhin alawm, kan in hnuai te monu cousin a lo ni bawk a. I called him as the Angel of God sent to me
January 11th, 2012 at 11:59 pm
Ka va reh e. Tha khawp mai i article chu, Aste.
January 12th, 2012 at 12:01 am
@vakul…i ti lawmawm e. Nie i reh khawp mai, i thuziak Hmeichhia tih pawh kha ka la kawl reng a nia
January 12th, 2012 at 12:02 am
vakul hi thlawk bo hla thei riau.
January 12th, 2012 at 12:26 am
A ngaihnawm bang lo ve; hei leh chen min hruaina avang ringawt pawh hian lawm ngawih ngawih tur a va ni em!
Isua danglamzia hi a changtute an hre fo a ni……
January 12th, 2012 at 1:33 am
LALPA, nangmah ngei hi a ni, mahni chauh pawha him taka mi awmtir thin hi ni.” (Sam 4:8)
a va tha em.
January 12th, 2012 at 1:41 am
@Asteric: I thuziak hi ngaihnawm ka ti takzet. Ka rilru pawh a hneh hle mai. I huaisen a, puih leh malsawm tlakin i awm a, a rah i seng mek a nih hi tiraw.. Ni e, i ziah ang khian kan hlawhtlinnate hi vanneih vangah kan puh liam mai thin; mahse, Pathian malsawmna liau liau a lo ni zawk si a. A malsawmna kan hmuha kan hriatfiah theih hunah chuan kan thlarau mit hi tihvarin a awm tawh ang.
January 12th, 2012 at 1:44 am
A ngaihnawmin chhiar a nuam hrep mai a!
January 12th, 2012 at 8:55 am
Tlangval a pumpa hi, saptawng takin ka emotional khawp mai. I thuziak chuan min vel titih der mai, a ropuiin, nun a chawm…
Mi ṭhenkhat chuan heng hi vannei na ah an ruat ṭhin; Ani, keini tan chuan “A hmel mawi min hmuh tir tu.” A va’n dik em…
January 12th, 2012 at 6:21 pm
a ropui ka ti ltk tlat……….soi leh chuan tur thlawt ka hre lo
January 12th, 2012 at 6:52 pm
kan college kal lai a Gitanjali exprss, Bombay (Mumbai) to Howrah inkar reservation nei miah lova ka chuan haw kha a hrehawm ber mai awm e, Toilet bulah kutdawh ho nen ni 2 leh zan 1 thutna tur kan in chuh a, chep si, lum si, uih bawk si, hmai phih na tur tak ngial poh tui awm bawk si lo, muthilh theih bawk si loh
hreawm ve tak chu a ni. Kolkata thlen meuh chuan a dum vek theih, thawmhnaw pawh suk tlak a ni lo, a ung vek thei. Theihnghilh chu har ve tak a ni.
January 12th, 2012 at 8:30 pm
a ngaihnawm hle mai a ropui e