Vawikhat chu, Pathian thuhriltu lar tak pakhat hi khawlaia thu a lo sawi lai hian, Cowboy inti Pa tawk tak mai hi Sakawr lian tawk tak chungah chuangin a rawn tlan thauh thauh mai a, inti Pa tawk tak mai leh Thuhriltupa ngaisanglo tih hriat tak mai hian, “Thuhriltupa, Hremhmun hi engtia hla nge min hrilh teh” tiin deuhsawh tak hian a rawn zawt thang thang a. Thuhriltupa chuan chhan ngaihna vak a hrelo a, a ngawihsan mai a.
Chu Cowboy chuan, “Hremhmun hlat zawng pawh hre silo hian Pathian thu ka sawi e te inti ve a” tiin a nuihsawh hle mai a. A Sakawr nen chuan a tlan leh ta a. Mahse a tlan tan deuh chauh tih chuan, thil ri deuh dup hi an hre ta a, an va enchian nak chuan kha Cowboy pa Sakawr kha nalah a tawlhthlu a lo ni a.
Cowboy pa chu an han bawihsawm chuan a tlakna lamah khan a Lu leivit zawnga tlain a ringruh a sawhtliak hi a lo ni a, chhan theih a lo ni tawh lo a, a ka pawh chhawn tur awm lovin a thi ta a ni. Chu Thuhriltupa chuan a awmna leh Chu Cowboy pa chetsualna lai chu a hlat zawng tehin a han pen thauh thauh mai a, pen 200 chiah a lo ni a. A thu ngaithlatute hnenah chuan,”Hremhmun hlat zawng chu pen 200 chauh a lo nih hi”. A ti ta a ni.
Mihring kan nih chhung hian, kan vanglai hun hi a nawm lai ber ani awm e. Tin, kan hmalam hun pawh a eng zawng hlir leh beiseina hlimawm lam hlir hian min hmuak ni hian a lang thin a. Vawikhat pian ve manah rual u te ti ti ngaihthlak atang te leh an nungchang thawven hmel tak leh engthawl hmel tak kan hmuh atang te, kan film en leh kan Thawnthu chhiar atang te hian thil tam tak kan suangtuah a, kan mangphan a, taksa a chak that lai a lo ni a, Tisa chakna a lo sosang hma a, Rual u zawk tunhmaa kan ngam ngailoh leh min tiduhdah thin tute kan han cho thar a, zu han nam phelh phawlh a, kan theihna leh chakna han lantir leh han intih Pa kan chak thin.
Hmeichhe lam pawh, an mawi hunlai ber alo ni a, Mipa mit an la tan a, Mipate mit la thei ang bera han intuaifai leh thawmhnaw te pawh inbel a, Dai ngailoh ram han dai kan chak hun lai a ni. Thi mai torah kan indah phal ngai lo a ni.
Zawi zawiin kan thil lo chak ruk te chu remchang a lo awm ta a, kan han tichhin dai dai a, a tirah chuan kan thla a ngam zan lova, kan inthiam lova, thinte emaw bialnu/bialpa te thlem leh nawrluih deuhte kan han ngai thin a. Vawikhat chuan vawihnih-vawithum a lo hring chho zel a, a lo a awm theihloh hun a lo thleng ta a, Kan nungchang mawi leh kan zahawmna hloh phah hial khawp a, kan chen hun a lo thleng ta thin a, Natna hlauhawm tak tak te pawh kan lo kai phah thei thin a ni.
Kan Bible chuan Thalai kan nih lai hian, Hlim taka kana wm hi a phal teh meuh mai a, Thuhriltu 11:9 kan en chuan:-
“Thalaite u, in thatlai chen ula, In la naupan viau lai hian hlim rawh u:,” a ti a ni. Amaherawhchu, a zawm leh chiah kan en chuan, “Amaherawhchu Pathianin in chungah Ro a rel dawn tih hre reng ang che u” a tih zawm zat a ni.
Khawvela yuikhawhthla sang Niagara Falls hi an sawi thin a, tui len lai leh vur tawlh lai te hian ramsa thi ruang hi tui hian a rawn len thla thin a. Chu chu mulukawlh te hian an hmuh chuan an va tum chat a, an tin sei takte chuan an han in ham tang nghet a, khawdang hawi lek lo hian an ei ta mial mial thin a.
Zawi zawiin tui luang chuan a len thla zel a, thenkhat fimkhur deuh an awm laiin, thenkhat erawh an thil ei lai ringawt ngaihtuah a, khawdang hawi lo leh ngaihtuah miahlo hi an awm thin a. Chungtiang ho chu lui luang chuan tuikhawhthla sang takah chuan a hnawl liam ta thin a, thih phah an awm nual thin an ti.
Thalai ten he khawvel kan chenna kawngah hian khawdang hawilo lek a kan chen mai chuan, kan hriatloh karin lengkir sang takah nawr liamin kan awm palh ang tih hi a hlauhawm em em a ni. Mihring te hian kan hmalam hunk an hre tak tak lovin, kan sawi lawk thei tak tak thin lo. Indonaa thi tam berte chu thalai an ni a, ruihtheih thil leh ralthuam avanga thi tamber chu thalaite an ni a, thlanmual a thlanlung ziak han chhiar ila, thalai an tam em em thin a ni.
He Kumtharah hian kan kawngte hi chhut ngunin en ngun ila, khawilam lamtluang nge kan zawh mek? Tih te hi i inenfiah thin ila, hlim taka kan khawsak ho dial dial lai hian a pawimawh ber hi kan lo ngaihthahin kan lo neilo palh hlauh ang e.
Vawikhat pawh, professor lar leh ropui tak mai pakhat hian luipui a kan dawn a. Vawkkuang lawng kan tih ang chi hmang hian a kai a ngai ta a. Chu Vawkkuang lawng khalhtu chu en reng reng hian a mawl hmel hle mai a, Ziak leh chhiar pawh thiamlo hi a ni a. Chu Professor pa chuan, “Lawng khalhtupa, Science hi i hre ngai em?” a han ti a. Chu Lawngkhalhtu chuan inngaitlawm tak hian, “Ka pu Sikulah ka kal ngai lova, Science chu enge anih ka hre hauh lo mai” tiin a chhang a.
Professor chuan hmusit tak hian “Science i hriat loh chuan, i nun hmun thum a thena hmun khat i hloh a nih chu” a ti a. Lawngpu-a chu a ngawi reng a. Professor bawk chuan, “Lawngkhalhtupa, Philosophy lam te hi i hre ve reng reng em?” tiin a han zawt leh a. Lawngpu chuan, “Ka Pu chutiang chu enge anih reng ka hrelo mai” tiin a chhang leh mai a. Professor chuan, “Philosophy i hriat loh chuan, i nun hmun thuma thena hmun khat dang i hloh anih chu” a ti leh a. Lawngpu chu a ngawi reng a. A vawithum nan Professor chuan History a hriat leh hriat loh a zawt leh a, a ngai ang bawkin chu Lawngpu chuan History lam reng reng a chhiar ngailoh thuin a chhang leh a. Professor chuan History a hriat miah loh chuan a nun hmun thuma thena hmun khat dang chu a hloh thu a sawi leh ta a. Lawngpu chuan sawitur reng a hre lo.
Chutah le, an chuanna lawng chu thingluang tawlh chuan a rawn su ta dawt mai a, a keh a, tui a rawn lut a, a pil dawn ta mai a. Lawngkhalhtu chuan, “Ka Pu, tuihleuh i thiam em?” tiin a han zawt a, Chu Professor chuan mangang takin, “Thiam hauh lo mai” a han tih chuan, Lawngpu chuan, “Ka Pu, chuti chu i nunna zawng zawng i hloh ta zu nia” a ti a, tuiah a zuangthla a, a hleuh kai san ta a ni.
Thil dang zawng zawng te hi thiamin hlawhting pur pur a inhriain, Sum leh pai lamah te hman sen loh nei mah ila, a pawimawh ber CHHANDAMNA Lal Isuan min lo buatsaih sak hi kan neih si loh chuan, he Professor pa ang hian, kan nun zawng zawng kan hloh vek dawn tho a ni.
Ngun takin mahni theuh i in en let theuh teh ang u.
Lalpan a thu malsawm rawh se. Amen
Similar Posts:
- Wanted: Cowboy, Dead OR Alive
- Kit Carson
- What is Courage?
- Zirlai leh Professor (Sunday Pual)
- I hmangaih ngawih ngawih tan
January 8th, 2012 at 10:15 pm
Amen
January 8th, 2012 at 10:21 pm
Amen… a ropui thin e. Phakar fanai … opps! Pk fanai nge2… lolzzz ★★★★☆ ka pe e. (Y)
January 8th, 2012 at 10:23 pm
Illustration a tha khawp mai… Kan tun hun zel hi a van pawimawh tak em! Pathian thua tui halna leh riltamna pawh hi kan nei tawh mang silo. Kan vanglai, that lai hun zel hi a pawimawh hle ani.
“mahse Krista hian a nghak reng dawnlo che a, i hun tha aliam thuai dawn”
January 8th, 2012 at 10:25 pm
5 star.. Kumthar hi tha lehzuala hman kan tum ange.Amen
January 8th, 2012 at 10:26 pm
Pu Pk, i post thupui khian thenkhat chu a tiphu zawk ania!! I ziak tha lehpek e. Kan hmalam hun minute 1 pawh hi kan hre silo a.
January 8th, 2012 at 10:27 pm
Good post! Ka chhiarchhuak thlap. A tha ka ti hle mai. I tehkhin thu hman ho khi a ngaihnawm piah lamah i thusawi tum an tifiah e. A tawp ber khi chu ka hre ve zãn tawh. 🙂
(Y) (Y) (Y)
January 8th, 2012 at 10:33 pm
Post (Y)
Fimkhur taka nun hi alo ngai ani e
January 8th, 2012 at 10:35 pm
Tehkhin thu khian chhiar a ti nuam
January 8th, 2012 at 10:36 pm
ka chhiar zo dap e avan tha teh lul em! Professor te inbiakna khi a that khi le poimoh ltk tlat (Y) (Y) (Y)
January 8th, 2012 at 10:37 pm
Illustration/Analogy ho khi Missionary-a ka kal hma(kum20 liam tawh anih chu)a ka chhiar hlawm kha an nia. Ka hrechiang lutuk tawh lova, Thuhriltupa pawh khi DL.Mody niin ka hria a, mahse ka chiang ngam tawh si lo. A hrechiang chuan intlahrung lovin rawn correct ula, a dik ziktluak zawk pawh rawn sawi rawh u. Ka lawm ngawt ang. (F)
January 8th, 2012 at 10:39 pm
Ka off-topic nghal ringawt ang tih chu ka hlau deuh a, mahse sawi tho ang. Midang hi in ni v vek em ka hre lo a, mahse kei chu thil ka tihsual deuh (ka fel lo hrim2 nachungin) hian a hremna awm tawk tur hi ka tawng nghal zat zat zel. Fel tum ve takin ka awm amaw ka tih pawn ka tihsual deuhah lungngaihna emaw harsatna ka tawk chat2 zel. Hei vang hian ka hringnun hi nuam ka ti ngai loa, diklohna a min hrem nghal zel anih chuan Pathian pawh hi dan kengkawhtu strict tak nen hian ka tehkhin fo lo theilo a, hei hi ‘min hmangaih takzet tu’ tih atan chuan pawm har ka ti thin. Pathian in mal min sawm nasat zia te ka hai lo, a lakah hian ka pangchang lutuk zawk nge pawh ka hrelo, mahse mihring a min siam angin mihring tana hlimna tur chi a siam ang te lak atang hian tinge min lakhran a tum leh em em si..etc etc rilru hi a hel ve leh bat2 thin, tichuan a tawpah engmah titheilo zawk kei mihring bawk chuan ka tuar leh ta thin.
January 8th, 2012 at 10:41 pm
Hmanni lawk khan Hremhmun hlat zawng hi Computer tha chi hmangin an chhut chhuak… han ti mai ila in lawm awm.
Tak tak ah hremhmun hi pen 200 aiin a lo hnai daih alawm.
January 8th, 2012 at 10:49 pm
I thupui aá¹ang khian i tarlan tur ka lo rin hriat thei ruak mai. Rev. Vanlalnghaka sermon ‘Zanlai dar’ tih a mi kha niin ka hria. Kha sermon kha ka ngaithla leh duh khawp mai, i nei mial lo maw.
Pu Nghaka chuan thuhriltupa pawh hi ‘Pastor’niin a sawi.
A sawi dan tak phei chuan, ” Hmai zangthal hehaw, zahna nei lek lo hian ‘Pastor, hremhmun hi engtia hla nge’ “a ti nghe nghe.
January 8th, 2012 at 10:54 pm
‘Lawmthu sawi tur kan ni’ tih Post te nen a tha tlang thuai thuai e. Zan dang aiin tiang lam Post 2 awm hi ka chhiar serious. (Y)
January 8th, 2012 at 10:57 pm
(Y)
January 8th, 2012 at 10:58 pm
OT deuh reuh lok hetiang SUNDAY pual ang chi hi Zing lamah hian chhuak hman thin se tha ngawt ang a 😀 hei tun ami pawh hi Sunday lo ah a chhuak tep zawk alawm le 😛
January 8th, 2012 at 11:05 pm
Hremhmun awm ringlo tan chuan a helh awm duh awm… Keini mizo zingah pawh hremhmun awm ringlo kanlo awm leh zel mai! Hremhmun tello vanram…
#10. I lo fakawm hle mai.
January 8th, 2012 at 11:10 pm
@11.Rempy sawi khi mak ka ti hle mai. A chhan pawh Pathian mihriat dik tak (Sawn ni lo, fa tak) te chung chauh a thleng thin leh, sim a ngaihdam an dil loh phei chuan an chunga thununna thleng ngei ngei tur a ka ngaih a ni. Current kan nei lo va, nangman Hebrai 12:5-8 kha lo chhiar teh. A theih phei chuan Hla thu ang a ziah kha han type la han post teh a.
January 8th, 2012 at 11:17 pm
Pk, ka’n chhiar nghal.. Nitin mai hian tih thinrim ka hlauh em em Pathian lakah hian doubt hi ka ngah telh telh ni berin ka hria
January 8th, 2012 at 11:20 pm
@13. Chhana. Ka Pianthar tirh vel lai khan Gospel music cassette leh lehkhabu bakah Sermon pawh ka hmuh theih ang ang ka collect chiam mai a. Rev.Vanlalnghaka Sermön pawh ka hmuh theih ang ang ka collect a, ka la nei nual mai. Zanlai dar pawh kha ka neíin ka hria. Naktukah haichhuah ka lo tum ang.
January 8th, 2012 at 11:28 pm
Tun dinhmun ah chuan ka tan hia hremhmun hi ka ban phak lekah a la awm.. (N)
January 8th, 2012 at 11:31 pm
Lawngkhalhtu in “Ka Pu, chuti chu i nunna zawng zawng i hloh ta zu nia” a tih hi ka LAIKH 😀
Soberboy sawi ang deuh khian sunday zawh dawn tawh lama chhuak ani bawk a ka chhiar ‘Sunday Pual’ vak thei lo, nuihna tur ka rawn zawng kual vel mai mai 😀
January 8th, 2012 at 11:36 pm
anih na tak ah chuan Hremhmun leh Vanram hi kan banphak lek ah lawm le a awm ve ve le Pen 200 em em pawh a ngai lo 😀
January 8th, 2012 at 11:39 pm
Englai pawha thi thei kan nih avang hian vanram leh hremhmun hi keimahni ah a awm ve ve, ti ila?
January 8th, 2012 at 11:42 pm
Mizo Bible ka dahna ka hriat mailoh chu, 🙂 english hi ka chhiar mah zawk a…
Hebrews 12:5-11
(New King James)
5 And you have forgotten the exhortation
which speaks to you as to sons:
“ My son, do not despise the chastening of the LORD,
Nor be discouraged when you are rebuked by Him;
6 For whom the LORD loves He chastens,
And scourges every son whom He
receives.”
7 If you endure chastening, God deals with you as with sons; for what son is there whom a father does not chasten?
8 But if you are without chastening, of which all have become partakers, then you are
illegitimate and not sons.
__________
a tha lutuk, ka lawm lutuk e.
________
site ah hian in pm mai na tur awm ve se, comments a inbiak vek ngai hi a hahthlak.
January 8th, 2012 at 11:47 pm
Nia, Soberboy leh chhangteval sawi ang deuh khian, Sunday Pual hi chu Sunday zing dar 7 emaw dar 10 ah emaw anih loh vek pawhin a tlai berah zan dar 6 ah tal ni thei se a tha khawp mai. Hei tunah Monday ani ruai tawh mai si a.
Tin, ka submit dawn pawh hian Scheduled sa leh pending te ka en a, ka chhut thlap zel a nia. He Post pawh hi Vawiin chhun dar 10 ah a chhuak chiah dawn a maw ka tia, Post thar 5 ngawtin a rawn tlakkhalh ta a, a fuh ta chiah lo deuh a nih hi.
Engpawhnise, a awm reng dawn tho a, Pathianin a hman duh chuan, Chhiartute thinlungah chuan a thawk tho ang chu. Ka Post pakhat zawk pawh khi Naktuk chun dar 9 or 10 ah chhuak tura ka ruahman deuh a nia. 😉
January 8th, 2012 at 11:51 pm
5-8 zawk, 5-11 niloin.
January 8th, 2012 at 11:53 pm
@25.Rempy. A tha lutuk e. Heta rawn ziah ai khan, Nangmah ngeiin i chhiar kha ka duh deuh a. Piangthar inti si, thilsual tih thulh chuang miah silo, an hriselna emaw, an fate nungchangah emaw, an nupa nun emaw, an thil neih(Rohlu) lama lang mah silo hi chu, PATHIAN AN HRE VE RINGAWT ANGA, PATHIANIN A HRE VELO anih ka ring zawk thin a sin.
January 8th, 2012 at 11:58 pm
Pathian mi hriat nih hi a pawimawh khawp ang le!!!!
January 8th, 2012 at 11:58 pm
#28 (Y)
a chang chuan Pathian thu hi kan chunga a lo thlen dan ang ang hian pawm mai tur kan ni nge, mahni ngaihtuahna hmang in kan analyse ang a kan lo test/ fiah ve vak vak hi a thiang tho em tih te hi ka buai thin. Chutiangin, zawhna tam tak hi ka rikru ah a awm a, muangchangin kan la inzawt chho dawn nia. Public deuha helam sawi vak hi chu ka zak deuh thin a..heheh..
Goodnight phots..
January 9th, 2012 at 12:00 am
Current kan nei leh ta bawk a, ka han typechhuak ve thung ang e.
“Ka fa, Lalpa thununna chu ngainep suh la,
A zilhhava i awmin inthlahdah hek suh;
Lalpa chuan a hmangaih chu a thunun thin a,
Fa a lawm apiang chu a va tin asin ni,” tih hi.
In tuar hi nangmahni thunun nan ani; fate chunga tih angin Pathianin in chungah a ti a nih hi; Pa thunun loh fa tunge awm ngai le? Fa zawng zawng hlawh thin thununna chu hlawh lova in awm erawh chuan fa tak ni lovin Sawn in ni ang asin. Hebrai 12:5-8
January 9th, 2012 at 12:06 am
PK, Sunday atan sermon tha tak min rawn chhawp chhuak sak leh tak avangin a lawmawm e…
January 9th, 2012 at 12:07 am
mu te’ng in vaiin Gudnyte 😉
January 9th, 2012 at 12:15 am
Keipawh ka mu dawn e. He Post avang hian ka mengrei ta erh a. Goodnight all.
January 9th, 2012 at 12:15 am
Dik tak chuan Kristian nih hi hahthlak tih chang ka nei á¹hin. Pathian hian thlei bik a nei em ni aw tih chang pawh ka nei rum rum fo mai.
January 9th, 2012 at 12:21 am
mu tak2 dawn 😀
January 9th, 2012 at 12:40 am
@ 11 na, kei pawh i sawi ang hi ka buaina a ni fo thin ka dam loh chang te hian kha mi ka tih sual vang kha a ni anga ka ti thin.
January 9th, 2012 at 12:48 am
@Rempy, thil tam tak i ngaihtuah a i buai anih kha. Nangmah leh Pathian inkar kha fel phawt sela, a dang chu a kal ve zawt mai ang.
January 9th, 2012 at 1:04 am
35
bbney@ I lo ni ve bawk maw? Keipawh ka ti á¹hin. Mahse, a duhsak bik nia ka hriatte zingah hian ka lo tel reng nia.
January 9th, 2012 at 1:39 am
Rilru hah a ka awm a, Pathian ka la hre thin hi ka lawm thin. Hman lawk khan ka thianpa a boral a, A rilru hah lutuk, kal ngaihna hre lo in,a nunna ala ta mai kha ka rilru tina tu ani..
Kei pawh hi Ka nundan a thatloh chuan min vawlet vat thin.
Pu.PK a leh Rempy inbiakna chu ka hlawkpui e.. Ka lawm e.. Mangtha u..
January 9th, 2012 at 1:42 am
Kum hmasa lam khan Friday a pianga ka kalna thin, TGI Fridays-ah ka kal leh a. Motor hunna a Harley pakhat a helmet chu a inziak rang deuh riai a. Kal pah chuan ka chhiar a… “If you want to know how far hell is, touch my bike” tih alo inziak. 😉
Meidil hi kan nundan, kan awmna, leh vanduai vang hian kan hnaihin kan hlat anih mai hmel hairehai 😛 Kan hnar hnuai, kan hmelma zau tak, kan kareh pawh hian min hnaihtir thei khawp ania. Mel emaw KM emaw a teh chi a nilo 😉
Isua phatsan la, meidil chu i hmaah a inchhawp a ni der.
Bonus pic: huat awih lovah 😛
http://i43.tinypic.com/23jizwy.jpg
January 9th, 2012 at 2:14 am
Nei mak ve
January 9th, 2012 at 3:05 am
A thupui ka chhiar khian ka lo tlangnel ve tawp a, khawiah emaw ka lo hriat tawh a nia. kan chhiar thla zel a, ka la hriat ngai loh pawh khi ka hriat tawh ang maiin ka chhiar tluan thak mai. A fiah tha kek kawk hle mai. (Y)
Lawngpu khi ka tan latukk..
Ku hva chu(h), nei mak ve aww…
tren tren.
January 9th, 2012 at 6:57 am
(Y)
January 9th, 2012 at 7:18 am
@41. Ku Hva nge nge, hre mak thei e. “If you want to know how far hell is, touch my girl” han tih mai chu Pa fu ni. I pic chu Tom hanks a te ho Ghost buster kaihlek ani maw? An ngeiawm thiam thin e. Khasi pa tereuh te pawh hian, a Jacket hnungah, “Life is short, don’t make it shorter”. Tih a ziak ve ngat.
January 9th, 2012 at 7:29 am
Ziak tha dep2 hle mai
January 9th, 2012 at 7:54 am
A tha hle mai… (Y) In titi a ngaihnawm bawk.
January 9th, 2012 at 8:03 am
@30 Rempy, fanaidingtea@yahoo.com or fanaidingtea7@gmail.com or Fanai Dingtea (fb) 919436896274 ah biakpawh theih ka ni ang.
January 9th, 2012 at 8:23 am
Vawiinah Sam 73 na kha lo chhiar chhin teh u.
Nimahsela kei zawngin ka rap pelh thelh thelh a;
Ka ke pente hi a tleu lek lek a ni.
Mi Suaksualte vanneihzia ka hmuhin,mi uangthuangte chu ka awt si a………………
……………………..
Ngai teh, nangmah hlata awmte chu an boral dawn si a;
A uiresantu apiang che chu i tiboral ta a.
Kei atan erawh zawng Pathian hnaih hi a tha a ni.
January 9th, 2012 at 8:56 am
A ngaihnawm hle mai, nimin inkhawm hman lo tan pawh chhiar manhla tak a nih ngei dawn hi.
Pathian thu ka hriat te hian thil diklo ni a ka hriat ka tih dawn apiangin chawpchilh in inthlahrunna min siam a, mahse tih châkna lian takin min nawr luih hian Pathian hi rilru chhe taka puh let hlauh a awl khawp mai. Chu chu ReMpY-i harsatna rawn sawi nen pawh khian in ang viau in ka hria. Amaherawh chu Pathian hi a rilru a chhe reng reng lova, kan duh phawt chuan kan duhzawng ti thei tur hian phalna min pe thuk em em a ni. Chu chu Pathian hre ngailo tu ten a nun duhtawka an chen a phal nasat zia leh harsatna an tawh phah loh zia ah hian alang chiang em em a ni. Amah hre tu leh a chhinchhiah tawh te erawh hi chu chân hi a ui ve êm a chuvangin sual hriatna leh sual tih inthiamlohna hian a hual ve tlat á¹hin a ni.
Thuhriltu 11:9 hi kan sawi uar em em a, mahse kan interpret dan hi dik zân lo hian ka hre á¹hin. He lehkhabu pum pui hi sawr zim ta ila, a ziaktu rilru chu pesimist em em a ni kan tih vek ka ring. Thil engkim mai hi Engmahlo vek ah a ngai a ni. Khawvela kan nih châk leh kan hope zawng zawng pawh hi Engmahlo ah a ngai vek a ni.
Solomona chanchin chu kan hria anga, Finna leh Hausakna tinrenga thuam, a hunlaia a aia chungnung mihring ah awm tawhlo tluk a ni. Amaherawh chu, amah aia fing lo zawk a pa Davida aia a mawl na chu lian tak a ni, Pathian a zah tawk lova, a huat ber milem pathian te a din ruah mai. Chuveleh Pathianin a nun a kalsan, thil engkim ala neia ala fing bawk, Pathian chiah a neilo. A rilru a khawhar ta tak taka, Pathian hlau si khan a bel ngam chiah tawh si lo, Pathian tellova hlimna a zawng char char a…hlim ni a kan inhriat na zawng zawng pawh hi a dai vek a, mahse “Engmah nilo” a ti zel a ni. A tawp ah a pawimawh ber chu Pathian neih phawt hi a ni, “Pathian á¹ih la, a thupêkte zâwm rawh, chu chu mihring siam chhan a ni.” a rawn ti ta a ni.
Keini in a kan chhiar dan ah chuan nun kan chen hnu a Pathian in rawlh tur ang chauhin kan chhiar ni hian ka hre á¹hin. Amaherawh chu Pathianin in chungah ro ala rel dawn tih hre reng rawh u tih hi hlimna kan neih zawh hnu a Pathian rorelna in á¹an tur ang hian kan thlir ni hian ka hre á¹hin. Pathian tel lova hlimna a awmloh zia a hma zawng zawng zawnga a ziah kur duah hi kan va hriatthiam pui lo hian ka hre á¹hin.
(leh duah maia…comment khât man nih kha) 😉
Tin, meidil hi Pathianin mihringte hremna tura a siam a nilo tih kan hriat a á¹ha bawk in ka hria. Kan bawh chhiat hmaa thlarau sual ho hremna tura alo buatsaih zawk a ni a, chumi te chu kan va zawm mai chauh zawk a ni. Pathian hi mihring te chunga rilru chhia leh kan tana meidil siam ah hian kan ngai fo á¹hin.
January 9th, 2012 at 9:13 am
@50.
January 9th, 2012 at 12:45 pm
Good Post.
January 9th, 2012 at 8:30 pm
#50, Asteric,
January 9th, 2012 at 8:43 pm
#53@ReMpY… WC… nizan ah Karaoke ah kan kala, mahni hla duh duh thlan a, track with lyrics an play a chuan a thlangtu khan mipui hmaa dinga sak zel tur a nia. Angels kan saa ka rawn hrechhuak che a
