Pakistan hi India aiin nikhat a upa niin kum 1947 August ni 14 khan Kumpinu hnen atangin a indang a. Kum 65 vel lai mahnia ro in rel a nih chhung hian kum 33 dawn emaw lai chu sipai rorelna hnuaiah kun in a hun a hmang a ni. Sipai awpna hnuai atang mipui rorelna a han neih hnu pawh hian harsatna leh buaina namen lo a tawk chho ta zel a. Hel pawl leh sakhuana lama firfiak pawl ten an tihbuai chhenna karah a ram leh Afganistan rama hel beitu US an mikhual a, US dodalna leh harsatna neuh neuh a awm reng bawk a. Heng bakah hian dan theih loh leilung chhiatna tui lian leh lirnghing ten a ti buai ve reng bawk nen. Chutiang boruak leng vel karah tun hnai hian politics lamah harsatna neiin mipui sorkar te hial sawi nghin in a awm a. Sipai in thuneihna an la leh mai dawn emaw tih tur in a awm a. An buai dan chipchiar chu ziah ngai lovah dah ila. An lo buai tawh dan leh a behbawm lam hi in thlir thuak thuk teh ang.
A bilh a tho lo : Pakistan hi India in zalenna a sual laia Muslim hruaitu thenkhat ten a hran a hraia Muslim ho awmna tur an lo nawr avanga lo piang chhuak a ni. Kum 1930 atang khan Muslim te inrelbawlna hranna tur hi an sawi ri tan a, kum 1940 a nih phei chuan ‘Pakistan Resolution’ tih te hian an lo siam ta a ni. Chutianga buai leh harsatna tam tak paltlanga din chhoh chu a ni reng a. Zalenna an hmuh phat atang hian Kashmir chuh in India nen an indo nghal pang a, India nen hian vawi li indo tawh in vawiin ni thleng hian India nen harsatna an nei chho ta reng a ni. An ram kal pui tum danah pawh atir atang renga sakhua bil tana bei an nih avang tak hian sakhua zalenna ram tiin Mohammed Jinnah ten au pui teh mahse Muslim kulmuk ram a ni lo thei lo. A ram hian hel pawl leh sakhuana la run pawl te an chawk buai reng in mipui te an rum tak meuh a, an rumna ti zual turin sorkar tha lo leh nghet lo leh sipai ten thuneihna an la ta fo bawk a. A tir tanga reng a buaina nen ruahman a ni a, buaina in bul an tan a, buaina hrang hrang in a um zui chho ta zel a ni.
Sipai rorelna lam an sulhnu : Pakistan hian tum thum lai mai kum 1958–1971 ah te, kum 1977 – 1988 chhung te leh kum 1999 – 2008 chhung te hian sipai rorelna hnuaiah hun a lo hmang tawh a. Heng bakah hian vawi duai lo sorkar paihthlak tumna pawh a awm tawh a ni. Sipai rorelna hmasa ber hi kum 1958-ah thleng in, Pakistan President Maj. Gen. Iskander Mirza chuan Pakistan ram rorelna sang ber National Assembly leh Prime Minister Feroz Khan Noon sorkarna chu thiatin sipai Commander-in-Chief Gen. Ayub Khan chu Chief martial Law Administrator atan a ruat a. Gen. Ayub Khan hian Mirza hi ni 13 hnua hian paihthla ve leh in amah hian rorelna a chang chhunzawm ta a ni.
Sipai rorelna atang hian mipui rorelna tun din an ni leh a. Mahse, hei pawh hian rei a daih thei lo. Kum 1977 July ni 4 khan Army chief Gen. Zia Ul Haq chuan Prime Minister Z. A Bhutto leh a minister te chu man tirin sorkarna chu paih thlak a ni leh ta a. Zia-ul-Haq hian National Assembly leh Provincial assemblies te thiat vekin Constitution pawh a ti tawp lailawk (suspend) nghal a ni.
Zia-ul-Haq hnuah hian mipui sorkarna tun din a ni leh a, pangai taka in a kal chho emaw tih laiin kum 1999 October thla khan kha tih laia Prime Minster, Nawaz Sharif khan Army chief Gen. Parvez Musharraf chu ban tur thu a pe a, Mahse, Musharraf a hi a lo duai awkawng lo mai a. A bantu chu bei lei in ‘a vawtu in ek a cheh’ tih zawng zawng nei zovin Nawaz Sharrif chu man niin Musharraf chuan thuneihna chang a, a vawi thumna atan Pakistan chu sipai thuhnuaiah a awm leh ta a ni. Kum 2008 theng Musharraf hian awp in kum 2008 khan mipui rorelna hnenah sorkarna hi a hlan let leh ta chauh a ni.
Heng bakah hian kum 1949 khan Rawalpindi Conspiracy’ tiin Maj. Gen. Akbar Khan chuan Pakistan Prime Minister hmasa ber Liaquat Ali khan kha paih thlak a lo tum tawh a. Kum 1980 khan Maj. Gen. Tajammul Hussain Malik khan Zia-ul-Haq kha Pakistan Day (March 23) thah a lo tum tawh ni awm tak a ni a. Tin, kum 1995 khan kha tih lai a Benazir Bhutto sorkar kha Maj. Gen. Zahirul Islam Abbasi hovin Islam ruhpawl te tanpuina in an paihtla thelh tawh bawk a ni awm e. Pakistan tun hma lan hun hman dan hi heti hi a nih avang hian tun hnai a mipui sorkarna lungphum a nghing deuh pawh hi khawvel hian mak a ti lo reng a ni.
Khawvel buaipui Pakistan chu: Kum 65 chhung hian Pakistan hian ram chhung buaina leh ram pawn a mi te nen a harsatna neuh neuh an nei awl lova. Nuclear ralthuam neih tumin a theih tawkin tan a la a, Z.A. Bhutto phei chuan “nuclear ralthuam kan neih dawn phawt chuan a tul chuan hnim pawh kan ei mai ta law’ng” ti hial a ni. Nuclear ralthuam an han nei ve ta cheng a, khawvel a mualpho tawp thang, ralthuam siam dan ti put ru (proliferation) case lian leh hming thang ber an A.Q Khan Network (an scientist Dr. A.Q. Khan an ralthuam siam dan thuruk ram dang a lo rawlhrukna) an han nei leh a, khawvel hmaah Pakistan hi a hmai a va bal tak em.
Afghanistan-a hel ten US mit note an khawih avangin US in Afghanistan a run a. A thian tha hlui Pakistan behchhan deuh roh in a beih a. Mahse, a behchhan ber Pakistan pawh chuan a ram chhung ah harsatna namen lo a tawk a. A ram hmar thlang lamah chuan kum 2004 atang khan kum 7 chuang lai indona a kal mek a, US puihna in a bei let a. Ram pum puiah US duhlohna leh dodalna hrang hrang a awm reng a. Islam firfiak ten harsatna siam in a ram pum buai in an buai a. US lo mikhual a lo buaipui nen, a ram chhunga awm tha duh lo buaipui nen a khat tawk in bomb puak leh harsatna hrang hrang a awm reng a ni.
US in a mi zawn, Osama bin Laden pawh Pakistan hian a kawl reng niin an hriat laiin Pakistan hian a zep tlat a. US chu bum kual tumin mi dawihzep dawp ang in dawt sawi kualin US a ti kual vel mai mai a. US hian ringhleh deuh roh reng in a Osama chu a zawng ru reng a, nikum khan Osama bin Laden chu Pakistan hmun laili takah US Navy Seals ten an han luh chhuah mai chu Pakistan zak lutuk tihngaihn hre lo chuan a thu lova a ram chhungah sipai lam hmang ang in a puh vel.
Pakistan hi sipai lam leh politics lam chauh a buai a ni satliah mai lo. Kum 2009 khan a ram chhunga Sri Lanka Cricket player te hel pawl ten an bei avang hian an ramah tumah inkhel tur in an kal ngam lova. Test match pawh mi ramah an khel ringawt. An cricket player te lah hi an hmingchhe thei em em mai lehnghal a, tun hnai mai khan thamna lakna ‘Spot fixing’ ah pawh an hming chhe em em a nih kha.
Politics dinhmun nghet lo leh ram pawn lama tihbuai bakah an mahni ram chhungah pawh hian buaina chinfel mai theih loh a awm ve reng a. Kum 2010 chho phei kha chuan sorkar kha a tlu tawh mai dawn emaw tih turin a awm a. Islam firfiak te an che nasa em em a, nunna pawh a hek malh malh khawp mai. Swat Valley lamah Taliban te an duh dan in ro an lo rel a, an duh zawng an that a, an duh leh sikul te an bomb thul. Pakistan ah hian mipui te an chep tak zet zet a ni. Chubakah ram chhungah leilunga chhiatna dan rual loh tui lian te a lo awm ve bawk a. Heti chung hian India tibuai tur hel te hi a kum tel hian a la thar chhuak thei reng mai bawk nen. Mangang thlak ve tak chu a ni.
Ram thenawm te, ram dang leh khawvel tibuai in an hun tam tak an hmang a, mahse a ram ngei pawh hi buaina hian a kian san bik lo. Ram dang tan a hnawk sak taka a awm thin vang emaw ni an tualchhung buaina hian a kian san lo mai ni lo hian zual lam a pan telh telh a, tunah phei hi chuan hei mipui sorkarna lungphun nen lam a nghing ta lawi mai. He buaina hian eng tak nghawng chhuak leh in, engtiang takin he buaina hi ching fel ang maw tih hi khawvel in a thlir mek a ni.
Similar Posts:
- India Vs Pakistan
- Taliban zingah ‘ Israel hnam bo’ an awm em ni?
- Ram buai lai min hriat chhuah tir
- Bang Rawh Se
- Cricket WC Semi Final : India vs Pakistan
January 17th, 2012 at 3:04 pm
Tukina Vanglaini mi kha ni maw!
ka chhiar tawh hei hi chu! 
Report this comment
January 17th, 2012 at 3:09 pm
Pu Chhinga ziah tho a mi aw Vanglaini a mi chu?
Report this comment
January 17th, 2012 at 3:11 pm
Pu Sandman, hlauthawng suh, ama ziah aniang hetiang lam hi a zir in a zir alawm. hehe
Chhingeka ka nilo na in kalo chhan sak mai che.
Report this comment
January 17th, 2012 at 3:12 pm
Tunlai chu an hot leh tawh khawp mai Pakistan hi. Buai viau mahse India hi chuan pawi a ti lo maithei – a manganpui vak ka ring lo
Good post.
Report this comment
January 17th, 2012 at 3:12 pm
ok
Report this comment
January 17th, 2012 at 3:12 pm
#2 Sandman C.Lalengkima a ni e a ziaktu chu!
Report this comment
January 17th, 2012 at 3:14 pm
chhingdailova pawh hi a hming tak chu C.Lalengzima ania.
Report this comment
January 17th, 2012 at 3:18 pm
Pakistan hi chu keini aiin an te ema ala zia deuh, China ber mai hi ania nakinah super power an rawn nih chhoh pheichuan a… Tun atang mahin min rawn nek nasa tawh ania.
Report this comment
January 17th, 2012 at 3:18 pm
Mangan pui awm!!!
Report this comment
January 17th, 2012 at 3:20 pm
lolz FUNNY hairehai
Report this comment
January 17th, 2012 at 3:20 pm
OT lawks. @Sir Sandman: Nizana ka sms i hmu lovem ni????
Report this comment
January 17th, 2012 at 3:21 pm
“Pakistan hi India in zalenna a sual laia Muslim hruaitu thenkhat ten a hran a hraia Muslim ho awmna tur an lo nawr avanga lo piang chhuak a ni. Kum 1930 atang khan Muslim te inrelbawlna hranna tur hi an sawi ri tan a”
Morley-Minto Reforms (Indian Councils Act 1909) atang chiah khan ani zawk lo maw
Report this comment
January 17th, 2012 at 3:26 pm
Sir TS – eng SMS? Hard disk kha maw? Khati lam chu ka hre vak lova, hna a ka buai lai tak a nih avangin ka rawn reply hman ta lo a nih kha. Sorry.
Report this comment
January 17th, 2012 at 3:33 pm
Failed state nihna dinhmun a chuh thei tepin a lang. Anih loh vek chuan Banana republic tal.
Report this comment
January 17th, 2012 at 3:34 pm
@Sir Sandman: Hard disk lam a ni lo! I no. i thlak zawk em ni? Ka rawn send nawn leh a nia, a ngai ngaiin.
Report this comment
January 17th, 2012 at 3:39 pm
http://www.bbc.co.uk/news/world-asia-16572531
Nimin a ka chhiar, Pakistan hi Nuclear bomb nei, natural resource pawh nei tha em em ani. An khawngaihthlak ve leh chhawng khawp mai.
Muslim ram ho hi engtizia nge mawni an buai em em reng mai le
Iran lah hi!! Israel hian a bomb phut mai ang tih a hlauhawm ania. Obama hian duhangin sanction ah further action a la loin an puh deuh. French leh UK lam hian Iran uranium enrichment hi an ngaipawimawh khawp mai. An refine dan hi energy a tana hman tur nilo nuclear weapon atana hman tur chi ani an ti. Iran nuclear scientist lah miin an lo that ve leh zel nen..indopui hi a thlengphut mai tih naia ka hlauh.
Report this comment
January 17th, 2012 at 3:47 pm
India lah hi Pakistan nena an inthohna hlek hi chu, a sawi vawng vul chuk a, China nena an buaina erawh hi chu, a thup tlat lawi a. Engvang nge mawni dawn ni? Ngam zawng leh ngamloh zawng te hi a nei a maw ni?
Report this comment
January 17th, 2012 at 3:51 pm
Tukin zingah Vanglaini Internet lamah chhiar tur a awm lo vei a nih kha….Tunge hming lem hman lai a, hming tak lo tar lang kiau kiau khi….inti bengvar leh lutuk. Chhangte II, i thil sawi khi a dik na chen a awm awm e. In rel bawl hran an sawi rik tak hi chu kum 1909 lam hian a ri mai thei a ni. Khi lai te khi ka tawngkam khi a ngaihkawih ve thei mai awm mang e ka ti. Mahse, Pakistan hi an chhuina berah chuan Sir Mohammad Iqbal, urdu poet lar tak in All-India Muslim League kum 1930 a speech ‘Allahabad Address’ or ‘Conception of Pakistan’ atanga lo lar chhuak chho a ni a. Hard Disk lam khi chu in duh leh fb lam te sawi zawm ta ula… He ti laiah chuan PAKISTAN a ni kan sawi PAKISTAN a chiang em aw…@Pk, China lam hi chu ka hre tam lo, sawi tur pawh ka nei tam lo, India hian thup na chhan pawh hia ka hre tam lo khawp mai.
Report this comment
January 17th, 2012 at 3:58 pm
kha kha nimai sin ka sawi duhlo a Soderboy-an a rawn sawi vei anih kha.
By the way a ziak tha khawpmai.
Report this comment
January 17th, 2012 at 4:01 pm
Hmmm Soderboy hi Pu.HV-a ka la hauh tir khawp ang, a ni film star, US a film lama eizawng tur a kal ngei kha….
Report this comment
January 17th, 2012 at 4:12 pm
Hetiang lam hi i sabjek a nih te chuan rawn ziak nitin ta cheee… Mola.
tak tak in, a ngaihnawm khop mai.
Mumbai attack kha ka hrechhuak daih. LeT in an rawn tirh ho Taj hotel chhunga an awm laia, an pute pakistan ami nena an inbiakna record khn nuih a va ti za angreng tak! ”tukverh tiat tv te a awm!” ”hal rawh u, meikhu kan hmu duh, engemaw hal rawh u’…etc
Report this comment
January 17th, 2012 at 4:28 pm
Pakistan ah ka zin ta emaw ka ti dawn lom le, va ngaihnawm ve.
Pakistan sawi lai a Hard disk kha a in hmeh lo lutuk, hei hi Pakistan a ni. ha ha (Nui khi thu)
Report this comment
January 17th, 2012 at 4:52 pm
alo ni maw Chingdai
haha
Report this comment
January 17th, 2012 at 4:58 pm
A informative khawpmai.
Mahse han ti lawk ila sawisel ni chuanglo in chhingdailova article ziah dan style hi a arrogant nge a aggressive ka tih ang aw a thu ken leh a sawi tum hi a sawi uar thei. A debate thu ruih zelin ka hria. hehe
Report this comment
January 17th, 2012 at 5:03 pm
Vaivawm lam emaw ka’n ti hman tep a.
Ka sawi tum zawng zawng i sawi vek alawm le
Bengvarthlak hle mai. Maipawl pu la, i bengvar ang tih ai chuan; bengvar rau rauvah a bengvar thlak bik e.
Report this comment
January 17th, 2012 at 6:03 pm
Funny, ka thuziak dan chu ka lo chik ngai hauh lo mai a…nia, ka sawi uar deuh a ni mai thei, mahse uar deuh taka sawi loh chuan a chiang lo ang tih ka hlau a lawm le… Hei misual.com ah hian thu puarpawleng lam deuh chauh ka dah thin a, thu pangai deuh te pawh ka vawm bei ve tan dawn emaw ni… Kal phung thar a ni mahna…
Report this comment
January 17th, 2012 at 6:18 pm
A ngaihnawmin a bengvarthlak e.
Report this comment
January 17th, 2012 at 6:26 pm
Kan naupan lai (ti ve ngial ila) chuan India leh Pakistan-in hockey an khelh te khan Pakistan kha kan lo ṭan ve em em ringawt zel kha a nia…ṭan tlak vak hi chu an lo ni lem lo a nih hmel.
Report this comment
January 17th, 2012 at 6:28 pm
Paws Politikal sains tak a ni…
Tukinah ka chhiar tawh a…. Kei muslim hi ka tan ru riau. Chawlhni zing an bawng ser a buk an ti dik thei e mai… 
Report this comment
January 17th, 2012 at 6:32 pm
US sum ringawtah an innghat si a, an ram hruaituten an eiru zo zel bawk si. US leh Pakistan, India leh Russia ang zawng hian thil hi a la kal ru deuh fo em ni chu aw a tih theihin ka hria. Jet fighter changkang tak tak US in Pakistan a pek hi Helho do nan an ti tak na a, Al-Qaeda do nan chuan Jet Fighter changkang tak tak hi a tul em tih hi zawhna lian ber a ni fo mai.
Report this comment
January 17th, 2012 at 6:32 pm
Bengvarthlak e. An foreign minister a hmeltha e
Report this comment
January 17th, 2012 at 6:38 pm
Kan thawhna hmuna nu pakhat Whit… pawh khitiang lam kaihhnawihah research a ti a, tunlai chu Al Qaeda hovin min enthla a ti ta reng mai
Report this comment
January 17th, 2012 at 6:38 pm
Pu Chhingchhing i ziak ngaihnawm hle mai.
India leh Pakistan indan chungchang ka ngaihtuah chhuah emaw ka hriat apiang hian Pu Abul Kalam Azad hi ka hrechhuak ziah thin. Pu Gandhi tih lohah chuan ka duh berte zing ami a ni. A chanchin mizotawng ngeiin han ziak teh a, chhiar a chakawm e.
Tin, ZA Bhutto chanchin ziakna bu kha ka tetalaiin vawi engmaw zat ka chhiarchhuak a, ngaihnawm ka tiin mak ka ti hle. Ama General ngei maiin khatiang thil a ti kha naupang rilru pawisawilo tan chuan mak tawpkhawk a tling a ni.
Report this comment
January 17th, 2012 at 7:05 pm
Pakistan ah hian Sawrkar School 200 chuang awm miah silo, awm anga sawiin, zirtirtu hlawh chu an eiru char char an ti tih ka hretawh tlatin ka hria.
Report this comment
January 17th, 2012 at 7:35 pm
Pu chhing a thatlohna pawh ka hre chuang lova, a thu ken a tha bawka. Mahse basketball khel ho hi chu khawvel hma ah an hmai ava bal tak em han ti chiah la chu Pu Sandman-a leh a pawlte an rawn ri leh hut hut mai ang. hihihi
ka comment hi ka like nghal e.
Report this comment
January 17th, 2012 at 7:46 pm
I ziak tha ka ti. Mahse Pakistan hi chu ka rilru ah hian a tla na lo ve khawp mai a. Mihring an nihna anga an hrehawm leh chepna chu ka khawngaih tho a, mahse an firfiak lutuk vang hian ka ‘manganpui’ lutuk lo.
Kristian te pawh an awm ve ngei ang a, an ram rorel phung dikloh vang hian pawisawilo nunna engzat tak luangral tawh ang maw
Report this comment
January 17th, 2012 at 9:26 pm
A tha viau mai, a hre tak tak nge news hrang hrang a mi a let kual vel tih pawh hriat hran a har ka ti. A inpekna fakawm hrim hrim e.
Sawi tawh an awm chu ka ring thova, a thupui hi a va he hu ve.. Mangan pui awm han tih tawp mai chu
Report this comment
January 17th, 2012 at 9:43 pm
chhingdailo….Va ziak tha ve…..hei chu a thupui fun ruih mai, ramhnuk a khawih e,
hetiang lam hi ziak zel teh… 
Pakistan han sawi takah chuan christian criketer ..oh a hming pum kan theihnghilh lawk chu…Younis tih lampang kha…a criket khelh changa ka lo tan ve thin em em kha Muslimah a in let leh kha chu ka haw rura…
a chhan ka zawt chu Kristian an tlem si a, a eizawnna atan Kristian nih a lo buaithlak an ti…
Report this comment
January 17th, 2012 at 9:54 pm
miss puii meuh in a kawmen chuan tha hle turah ngai ang
Report this comment
January 17th, 2012 at 11:11 pm
@Beethugs…internet sources chu ka hmang a, mahse lehkual tur chu vang ve khawp a sin, remkhawm sa phei chu. Research buaithlak deuh a sin,i ngaihdan ringawt i ziah chuan references/sources tel lo chuan eng he hu ah an ngai leh lova, mi ta i lak vak chuan plagarism a ni leh bawk si@puii vaivawm chaw hlui chu dam chuan ka la rawn chhawp zel ang.
Report this comment
January 17th, 2012 at 11:17 pm
WD ChDL.
…khrum
Report this comment
January 17th, 2012 at 11:54 pm
hriatna a zau lehzual
Report this comment
January 18th, 2012 at 10:27 am
India leh Pakistan independence day ni khat a in thlauh chhan hi zanlai dar 12 vang chauh an tia lom, Pakistan in zan dar 12 hma in independence an hmu a, zan dar 12 hnu ah India in an hmu ve leh a ni awm a sin. An hmu rual tho va mahse darkar tlem te vang chauh a in thlau lek a ni awm e
Report this comment
January 18th, 2012 at 4:08 pm
Maawm, dar 12 hi chu a dik a, mahse darkar rei lo te i tih hi Pakistan hian ni 13 a pelh chiah zan lai dar 12 ah independence an hmu ang a. India hian ni 14 zan lai dar 12 a pelh hnu a nih hmel.A chhan chu Lord Mounbatten hian Karachi ah Pakistan Independence day hi a hman pui a, chuan ni 14 vek hian Indiaah a thlawk lut leh a, Darkar 24 vel lai chuan a in thlau ve ang a….
Report this comment
January 19th, 2012 at 10:26 am
Vai Vawm a thra ber !!!!!!!!!!!!
Report this comment
January 19th, 2012 at 6:52 pm
Pu chhing, hei vawiin chu Pakistan an va che tha ve. I article hian zuk vawm vak an va chakawm ve. lolz
Report this comment
January 19th, 2012 at 7:04 pm
37
beethugs2 Says:
January 17th, 2012 at 9:26 pm
A tha viau mai, a hre tak tak nge news hrang hrang a mi a let kual vel tih pawh hriat hran a har ka ti. A inpekna fakawm hrim hrim e.
Sawi tawh an awm chu ka ring thova, a thupui hi a va he hu ve.. Mangan pui awm han tih tawp mai chu
Va typical mai mai ve, mi thil ziah tha te hi sawisel emaw tha tih vak lo anga lan tum hi kan sim a ngai. He thu hi lehlin ani lo,a ziaktupa subject lam ania hriat te pawh hre ve awm chu nia..thu ziah re re dawn chuan reference tur atan in hai ve te chu a ngai hrim hrim tih i hriat ka ring, . I ziak tha hlemai ti ve mai la
:P…
Report this comment
January 19th, 2012 at 7:11 pm
Pakistan won by 10 wickets!!!!! Rem rem mai a, So sad to England…..
Report this comment