JF Laldailova khan alu a lei reng rengin a tha tha thlang lovin a tê deuh leh tha vak lo pawh a la hmiah hmiah mai thin niin an sawi a. Kei erawh chuan a tha tha ka thlang zawt zawt a, midangin a chhia chhia chang mah se pawi ka ti lem lo. A tha a awm lohvin ka la phun zui a! A bûk tling lo aiin tlema rit hret zela lei ka’n duh deuh kher bawk a. Ka huamhauh a nia.
Aw.. Mahni hma ka van sial tak em! Ka inhmangaih si, ka duh zawng chauh ka ngaihtuah a, midang ka ngaichâng tawh lo reng reng. Ka tana a that dawn phawt chuan midang tana tha lo mah se pawi ka ti lo. Ka van sual tak.
Hausak leh neihnun ka châk em em a, ka hausak theihna tur a nih phawt chuan midang chu lo rethei mai mai mah se pawi ka ti thlawt lo. Eng nge, mahni tana chakai khawrh theuh theuh. A vak chak deuhvin a bawp lian deuh an chang mai tur alawm. Mi’n an neih hmaa neih ka duh a, mi neih theih loh nei thei bîk nih ka châk em em bawk si. Ka chuh huam huam a, ka bawh ruak ruak a; ka van chuhhelh reuh ve mawle.
Tuikang nghahnaah lah thâl har aiin tharum leh tawngka tlem nena thàl vat ka duh a. Gas laknaah lah hmaa mite an awm loh chuan kalkân zauh ka pawiti lo va. Pawisa leh thil dang dawn tur a awmin a tam thei ang ber dawn ka’n tum nghal ngawt a. Lirthei ka khalh lahin hmaa mite lehpelh phét ka tum a. A ngaihna awm lo….ngaihna awm lo!
Meng reng chunga mitdel nih hi a nuam hrep lo ve – mihring hi!
Similar Posts:
- Ram Thianghlim
- I hlu tawk e
- Nang I Awmna Hmunah, Kei Ka Hmunah
- Ka Ṭhianpa Thukhawchang
- Before and After Accident
January 27th, 2012 at 6:10 am
thu awmze ril tak i sawi leh a nih hi tuaite,
mahse ‘huamhauh’ tih nge dik a, ‘huamhap’ aw?
January 27th, 2012 at 6:56 am
Tha leh pek e
January 27th, 2012 at 7:48 am
A ngaihna awmlo!! I va huamhauh tak em!! Haha
good post..
January 27th, 2012 at 7:54 am
#1 Kei chu a dik ve ve ka ti mai. Khaw hrang hrang lam dan te thluk dan te hi a dang thin a, a dik ber, a dik zawk tih bur theih pawh niin a lang lo.
Good post. Hetih vang hi a niang, ‘survival of the fittest,’ an lo tih ni. Hehe.
January 27th, 2012 at 8:45 am
Kawng engkimah hian, mi bik leh dangdai bik hi an lo va tam em!
Thianpa, chung mi bik zinga mi pakhat i ni. A ril ka va han ti em!
I pu JF Laldailova’n “Tui” hi, “Tui” ti ve mai lova “Leng nghate tual chaina” a ti deuh kher angin; “Huamhauh” i hmang tlat te hi ka tan tawngkam thar a ni.
Ka lawm e
I tan chauh
Lr
January 27th, 2012 at 8:47 am
nia….. a va dik hor hor ve
a va tha em 
January 27th, 2012 at 8:59 am
Gud Post,mi huamhauh tam tak hian an huamhauh t zukin pawm duh hauh lova!
January 27th, 2012 at 9:09 am
I va selfish tak ve.
January 27th, 2012 at 9:31 am
A thawh lamah nang, a ei lamah kei..
Adama thlah mihring zia(rilru) i rawn phawrh chiang hle mai.
Isua Krista-in a nunthar min pek nen chuan a inletling thawk thung.
Isua min pek nunthar/zirtirna hi nunpui theuh ila chu, Zoram hi awih pang leh rualremlo ni mahse, khawvela ram nuam a ni ngei ang le.
‘I ram lo thleng rawh se, i duh zawng van a mi’n an tih angin, lei a mi’n ti rawh se..” kan ti ni tin a, alo thlen tak tak hi kan mihrinna hian a phal tak tak lawi si lo
January 27th, 2012 at 9:46 am
Pathianin mihringte nih dan tura a ruat ve reng a ni e, thusawm pek te hi bawhchhiat tura min pek a ni. He mihring hi fel thei lo, tha thei lo, dik thei lo, bawhchhe thin kan nih avanga mifel famkim lal isua ngai ngawih2 turin min duh a lo ni. (teh duah chuan)
January 27th, 2012 at 10:20 am
1@ Huamhap kala hre ngailo thung, huamhauh tih hi chuhhelh, phakar, mahni hmasial sawinan ka hmangtlangpui.
January 27th, 2012 at 10:33 am
I lo va huamhauh tak ve!! E hei! huamhauh tawngkam hre ngailo te pawh an lo la awm ta fan e…
January 27th, 2012 at 10:33 am
Tha khawp mai. A heading atang khian thianpa @Kawlhawka ka hrechhuak nghal. Huamhauh/huamhap chungchang kan sawi hrep tawh kha. A dik ve ve, chawrchhuahna hmun a zirin kan sawi dan a dang mai mai thin. Mi thenkhat hriatdan hi kan hriat dan nen a lo inan loh avang maiin an dik lo bik a, ka dik bik tihna a ni hauh lo.
Mahni hmasial reng renga hun hman hi chu a hahthlak asin! ‘Not me but you’ kan tih fo a tul a ni.
January 27th, 2012 at 10:39 am
A tawifel in a va’n funkim lawi si em! Pu Ts, I thu ziak hi, Thu leh hla huanga a thatna sawi dawn ila; ka bialnu hmelthatna nen tehkhinin, huang khatah ka khung ngei ang…
I hma sial lo in, tuai i sial zawk a (Tuaisiala), a pawi lutuk lo e…
January 27th, 2012 at 11:23 am
MrDuhlova sawi ang khian mihring rilru chu duhamna, mahni hmasialna ani. Chu chiah chu Kros a khenbeh a, mihring thar nih tulna chu ani. Heti zawnga teh chuan Mizoram ah hian Kristian dik tak an tlem awm asin. 10,000 pawh an tling kher lovang.
January 27th, 2012 at 11:29 am
Mahni hma ka sial te’n tu tehlulin nge ka hma min sial sak chuang ang le?
January 27th, 2012 at 11:47 am
Keimah min sawi chhan
January 27th, 2012 at 12:01 pm
#1 @zoelife: Kan pute’n an sawi ang khan, a awmzia a inang reng e.
#2 @littleboihsuk: Ka lawm e.
#3 @Bellusboihi: Huamhauh hi chan hnemna a ngai.
#4 @thachianga: Ni e. ‘Survival of fittest’ nena i rawn sawi belhbawm chu a inrem thlap mai.
#5 @lr: Khaih khaih khaih.. Mi bik zawng ni lul lo ve. A hrât hian kan hrât hreih hruih hrim hrim a ni zawk e.
#6 @Soberboy: A eng ber maw dik?
#7 @Chhurbur: Dik chiah! Mahni inhriatchian hi a har ve bawk a..
#8 @Johnny: Selfish rem rem tak hi ka nia.
#9 @mr.Duhlova: A dik lutuk. Kan tawngtaina tam tak hi kan chham liam mai mai a ni. Isua Krista rinawm nih leh a hnungzuitu tha nih hi khawvel thlêmna doral lêng vel karah hian a va har thin tak em!
#10 @U Satea: A dik ve tho mai.
#11 @Pc-a: Dik chiah!
#12 @Jacka Pi: Hman dan a inang lo atin ni. A awmzia erawh a dang lo ve, te ka tia, kei mi huamhauh hian!
#13 @K’u Kawnga: Nia, kan hman dan hi kan inpawmpui thiam tawn a ngai a nih hi. Hemi kawnga inhnial chu, kei ka dik nang i dik lo, tihna a ni a, kan thupui nen pawh a inhlat lo khawp mai.
#14 @Dr Mahminga: Em em a che! I bialnu a hmelthat awm awm nen!
#15 @Sony: Kan sualnate kraws-ah khenbeh a ni ta.. Mahse, kan va la sual si em! Evi leh Adama zia kha khenbeh a lo ni tel lo kha a pawi a nih hi.
#16 @Caribou: Dik chiah. Hahaha
#17 @buh-duha: Mihring i ni miau sia lawm!
January 27th, 2012 at 12:06 pm
Mi huamhap/huamhauh takte hi mirethei tak an niin ka hria. A tuikang nghak a lungawi taka mahni hun inher hun hi nghak thei mai thin ila, zoram nuam kan siam mai tur lah ni.
Post-tupa i ngaihtuah chhuak tha thin teh e.
tren tren.
January 27th, 2012 at 1:05 pm
Mihring mize dik tak a ni. A tha lutuk e.
January 27th, 2012 at 1:40 pm
‘Survival of the fittest’ an tih kha niin ka hria hetiang hi chu
January 27th, 2012 at 2:25 pm
Ka ngiahtuah thin a, khawvela kan awm dan tur renga Pathianin a duan a ni thei em aw te ka ti mai mai a ni. Mahni hmasial lo chu an dingchang thei ngai si lo…
January 27th, 2012 at 3:40 pm
A Jesuit and a Franciscan sat down to dinner, after which pie was served. There were two pieces of pie, one small and the other large. The Jesuit reached over and took the larger piece for himself. The Franciscan remonstrated, “St. Francis always taught us to take the meaner piece.”
The Jesuit replied, “And so you have it.”
January 27th, 2012 at 8:36 pm
Va ril leh pek em!! comment ngaihna pawh ka hre lo! Inzir nan hmang ila a that hi.
January 27th, 2012 at 8:41 pm
Mahni in hmangaih em emna rilru put hi, “A fahrah rilru,” an ti thinin ka hria.
Mizo mize tlangpui i rawn sawi anih ber khi mawle
sim chi
January 27th, 2012 at 8:56 pm
I lo huamhauh em anih tak khi mawle! Sim daih rawh
Tak tak a, i thuziak hi a tha thin ngei mai 