Vawiin (20.03.2012) chawhnu dar 2-ah Milennium Centre-a restaurant pakhatah misualdotcommer mi 25 vel chu Pu HVa pualin kan inhmukhawm a, a nuamin kan hlim tlang dar dar viau e. A hmasain member kalte ka hriat ang ang chu ka’n ziak phawt ang e.
As_Khiangte, ChhanaPa, father_sphinx, H. Vangchhia, Jessy, Jinx, Lersia, Maisek, Marvinic, Mate Ainawn, Nastycool, Ralte, Ruata Pachuau, Sheldon, Simply_me, Soberboy, Tete-i, TuaiSialA, VaiVa leh an nick ka hriat loh midang 5 an la awm cheu va, a nuam laih laih khawp mai.
Chawhnu dar hnih kha thlenkim hun atana ruat deuh a ni a, ṭhenkhat phur helhhawlh lutuk (entirna Soberboy) te chu dar 1:30-ah an awm dim diam tawh! Kei chu Sheldon ka sawm a, a hmun kan thlen meuh chuan Maisek, Mate Ainawn, Soberboy, Ruata Pachuau, Ralte, Nastycool, Tete-i, Jinx leh midang ṭhenkhat an lo awm nual tawh a, he’ngho hi alawm a phur fal ka’n tih deuh bik ni.
Tichuan, an lo thleng zel a. A changtupa pawh a rawn thleng a, a tawi zawngin, an lo thleng indawt zut i ti mai teh ang. Boruak a nuam chho laih laih viau mai.
Update : Pics
Fathera leh a ṭhiante kha an va han zahawm em em! Sphinx Clan (an tiin ka hria) father_sphinx leh a ṭhiante midang pathum an lo lut a, suit vek an ha. Necktie an awrh vek. Suit dum, kekawr chuar ve mai mai ngai lo leh smart shoe nen an rawn ni ri zaih a, an entawntlak kan ti dawn nge ni, an hmuhnawm tham khawp mai. An silhfen ringawt pawh vanram kaipuina tham a ni, a chhan chu a zahawm a, a felfai em em bawk a, bâl (sual) a kai lo a ni.
ChhanaPa mawlh kha! Misual.com-a a comment sei tak tak leh un pui pui, ṭha em em site avangin pa un leh upa lam ni turah ka lo ngai a — teuh lo mai! Khawlaia tleirawl hawklak mai mai ni âwm takin ka hmu a, a khan a sang deuh giau mai leh nghal a. A pum phu lovin a nui duh em em zui a, amah ka hmuh apiangin ka nui ziah! Tun aṭang chuan ChhanaFa inti tawh sela a inhmeh ngawt ang. A zak hnuai meng ṭawk ṭawk VaiVa nen an inkawm ngeih phian a, haw dawn aruaiah eitur pawh an lam chawp chuk chuk a nih kha. Hetiang mi hi an hmuingil ngai lo hrim hrim!
Soberboy kha hmeichhe duh chi tak niin ka hmu. Mahse, a ngawichawiin a zakzum mah mah a, a hmaa nula inparh harh harh, Tete-i pawh a be ngam reng reng lo va, a bula ka ṭhuta a biak ngam theih dan tur ang bera ka awm pawhin, ka biak chauhvin a ṭawng ngam ve ṭawk a ni. Chutiang khawpa zakzum a nih vang a ni ang, site lama a comment pawh a tawi theih em em ni. Naupang duhawm tak a ni.
Ruata Pachuau pawh fullstop chauhva comment ṭhin awm reng a ni, a pumrua han en chuan. A pumrua hi a pum ti-a sawi inthlahrunawm khawp a ni a, VaiVa nen a inbei tawk viau maithei. Ka chhuk thlir theih mihring reng reng chu ka’n nau en nghal em em vek ringawt maiah! Ani pawh kei aia upa mah ni se ka chutiang tur chi a ni.
Tete-i pawh hian a pum phu lova lian camera a rawn keng a; a lena a han lenzia chu, camera tih ringawt inthlahrunawm khawpa lian a ni. A hmaah Soberboy leh Ruata Pachuau an ṭhu a, zahzelah (ka ti lo thei lo) dawhkana thil ho mai mai lutuk tak maite kha a’n la mawlh mawlh a, khatih laia a rilru ka hre châk kher asin….haireihai! Pu As_Khiangte bulah a ṭhu a, a lungawi viau ni awm tak a ni! Nuho erawh an inkawmkhawm tel tel a, Sheldon leh Mate Ainawn leh Jinx te ho ṭhukhawm tel telin eng nge an sawi kan va hriatpui ta lo.
Hairehai mawlh kha! Amah Pu Hva chu a rawn lut a. VaiVa khan a glock pistol a’n lam nghal ngawt a, ani lah pek chuan, “Khawnge i lawng?” a’n ti thla ngawt bawk a! Live-a a hairehai an hriat chu a ngaihṭhatthlak veng veng asin aw.. Ani hi kan inhmuhkhawm chhan chu a ni a, a camera thar pawh a rawn hawn a, a State zaih mai! A chanchin kan sawi thui lovang!
Han ti teh duah lo mai ila. Jessy leh Marvinic (a nick thar sawi lo te’ng!) pawh tlai lam deuhvah an lo lut a, anni chu a ei leh in pawh a ni em em lo, thlalak hman loh mawlh an hlau ni berin ka hria. Tichuan, an lunglawm nan thla te kan han la zuai zuai a, lungawiah kan inchhuah a ni chek ang, han inhmuh ṭhe ṭhu zuina a awm lem lo va, a lawmawm takzet. Ralte te, Nastycool te hi a buai pawlah an ṭang a, chuvangin hetah chuan kan sawi lar hluai lovang!
Kan misualdotcommer senior tak tak lo tel theite kha an fakawm takzet. Anni khan he kan inhmuhkhawm hi an tiphuisui a, nalh leh mam takin an rawn induang zaih a, an fakawm, an ngaihsanawm. Mahse, an inthlahrung ta lutuk khan ka lung an tileng ngawih ngawih.
Tichuan, tlai dar thum velah kan ṭin darh thei ta a. Pawna kan chhuah mek laia chhak lam aṭanga misual nula hmelṭha leh duhawm no chik chek, chelsea rawn tlan thla hlawk hlawk khan hringnun a timawi ngawih ngawih. Chibai sem tur ringawtin a rawn kal a ni, ani ve thung chu. (Ka hmuh hmasak ber ngaihtuah chuan a lo lian tawh hle) Ani pawh hi fak tlak a ni.
Vawiin tak hi kan member duhawm tak, dolly dollz chu a eng emaw maw ni an zai ni a lo ni a, he inhmuhkhawm hnuah hian a hman remchang chu New Life lamah kan han kal a, ṭha takin an zai thei niin kan hria a, a lawmawm takzet. Dam zel turin duhsakna kan hlan e.
Similar Posts:
- Nikum MI leh ka Mizoram zin experience
- Mumbai MI ve thung aw! :-)
- Mi{sual} Drama
- Nang i ngawih tlat si chuan…!!
- Lehkhathawn
Zin report pumhlum blog lamah. 
Says:
OT...
March 20th, 2012 at 8:51 pm
Thlaak rawn show ula aw le !
March 20th, 2012 at 8:56 pm
Thlalak chu a hranpain an la rawn show turah ngai ang!
March 20th, 2012 at 8:59 pm
ehew min bawl em mai a 😀 SHELDONka hmu a nuam eee
March 20th, 2012 at 9:01 pm
kha pic en duh tan MAISEK in FB lama a post ka rawn ru zuai
http://i.imgur.com/CUJss.jpg
March 20th, 2012 at 9:02 pm
Chhiar ava nuam ve. A nawm hmel e. Nikum charity kan thehchhuahni pawh kha lunglen thlak khawp mai. Tuaisiala nge nge (Y)
March 20th, 2012 at 9:02 pm
http://i.imgur.com/paKXB.jpg
March 20th, 2012 at 9:05 pm
http://i.imgur.com/4Wc83.jpg
pu HV-A ngei chu 😀
March 20th, 2012 at 9:12 pm
Va nawm hmel ve aw… (Y)
Pic lo show zuai zuai teh u, comment ah te hian
March 20th, 2012 at 9:12 pm
Ka tel ve thei ta lo a pawi ka ti hle mai, Pu HV ka hmuh chak tehreng nen
March 20th, 2012 at 9:16 pm
@TS, tunge “Hetiang mi hi an hmuingil ngai lo hrim hrim!” i tih khi? nge typing mistake? :-O
March 20th, 2012 at 9:17 pm
Ka nuih lai a ka meng manglo hi ka mi anlohna ang ber ka ti thin a, vaiva an nui chiah chu ka thla a muang khermai. . .
March 20th, 2012 at 9:17 pm
Nawm hmel khawp mai… Pic rawn dah tel ula.
March 20th, 2012 at 9:19 pm
Zan lam programme a awm na nge? Leikapui style a in zai dup dup hmuh ka inbeisei nen….
March 20th, 2012 at 9:19 pm
@Soberte, ka kal ve miah silo a, engtinnge min hmuh theih a??? 😀
March 20th, 2012 at 9:23 pm
Pu HVa a lo thleng chu kan ri luai luai mai… Vaiva a lo thleng leh a, kan ri hut hut tawh mai ani… Father spinx te kha an va han zahawm em… Pa pui tawh, Roman father anga kawr fual var ha turah ka lo ngai ngawt a… ka tisual kher mai… A nuam full ani ber e… 😀
March 20th, 2012 at 9:24 pm
@SuperPP, ka fiamthu a nih khi! VaiVa leh ChhanaPa ka kahna mai mai a nia. 😛 ChhanaPa ka’n hmu zet kha chuh! 😀 😀 😀
March 20th, 2012 at 9:24 pm
6 na hi ka en a, dinglam sir ber ami hi Home Missions School ah kan miss a ni thin tlata ka hriat chu le.. Han confirm thei in awm mial em oooo… 🙂 😀
March 20th, 2012 at 9:26 pm
#16, TS-a 😀 😀 😀
(Y) (Y) (Y)
March 20th, 2012 at 9:28 pm
@maxizz, a ni mai thei. Mahse, tunah chuan Home Mission School-ah ni lovin MZU-ah a thawk mek.
March 20th, 2012 at 9:30 pm
TSA’n min hmuh apiang a mim nuih ziah khan min ti zak ve tep! Vawiin chu a nuam a ni tawp mai.. Tetei’n camera lens cover ringawt thla an la reng ringawt kha chu chhan chu a awm chiang a ni!
March 20th, 2012 at 9:30 pm
Ekhai, vawiin report a chhuak der mai, TSA chu Soberboy,Tetei leh Marvina te nen khan ka lo naupang chhe en viau che u a sin maw le 😀 ….. Hmmmmmmmmm min naupang chhe bawl em mai Picnic hunah suit nen ka thawkchhuak ve tawh ang. 🙂
March 20th, 2012 at 9:31 pm
ehe Dr Sheldon kha a rawn kal leh si lo elaw 😀 😛 😀
March 20th, 2012 at 9:37 pm
Kha maw.. Tikhan ChhanaPa chuan puitling awm deuhvin a’n comment a, a takah chuan…hahahaha!!! Tun thleng hian ka nuih a la za mawle! Ka hmuh tum loh dan lutuka ka hmuh che avangin 😀 I chhe lo viau e ka tihna a ni miah lo a nia. 😛
March 20th, 2012 at 9:48 pm
Chhana rawn kha rawn tel ve sela chuan chhana pa pa emaw an ti ngei ngei ang 🙂
March 20th, 2012 at 9:48 pm
ka va han kham lo tak! Nawn leh ang uuuuuu 🙂
March 20th, 2012 at 9:49 pm
Tetei camera chu ava lian awm ve aw 🙂
March 20th, 2012 at 9:54 pm
(Y) MI ho in-hmukhawm chu a ngaihnawm e. Tel ve a chakawm hle mai (L) Pi Tete-i Camera chu Engtiat rem ruam a lian nge ni ta? Hmuh a va’n chakawm ve 😛
March 20th, 2012 at 9:54 pm
@lamea, Tetei phone ka’n khawihsak chiah mai chuh! 😉
March 20th, 2012 at 9:58 pm
Tetei leh a khamera hmuh chak vang hrim hrim a lo kal ka tum a sin mawle,daih mai a!!!lolzz
March 20th, 2012 at 9:59 pm
tuaite tinge 😉
March 20th, 2012 at 10:00 pm
Kalkhawm in hlim tluk zetin misual inpui (misual.com) leh misual choka (facebook group) ah kan lo hlim ve e… Hairehai.. (a vawikhat nan ti ve reng reng te’ng 😀 )
March 20th, 2012 at 10:03 pm
Vaiva chu a rawn chhuti a mi..? :-O
March 20th, 2012 at 10:03 pm
@lame, ka sawi duh leu! 😀 😛
March 20th, 2012 at 10:05 pm
Nuam awm bik ve aw! Pu HV chu va vannei ve!! lawmpui awm khawp mai..
March 20th, 2012 at 10:05 pm
Pic chi hrang hrang la beisei fan teh ang…
March 20th, 2012 at 10:06 pm
vawiin kha chuan dik tak chuan ka tawng ve mang lo TETE-I’N ka sawi ai engkim a sawi 😛 😀
March 20th, 2012 at 10:08 pm
#36 Kei pawh. 😀
March 20th, 2012 at 10:08 pm
tuaite hairehai 😛 awm ve a va chakawm ve aw.. pu.hairehai a chu… Google a pai lova a tawngtam vaklo ang a (H)
March 20th, 2012 at 10:14 pm
Nawm hmel hle mai a. Ka rawn hre ve reng a, mahse ka hman thei ta ngang si lo. Min lo hman kep niah ka ngai a, ka hlim ve em2 a ni
March 20th, 2012 at 10:16 pm
Mawng pawng hlat hlatin, in han ti ti kual vel lai tur ka’n suangtuah a. Ka kal chak ve zia kha aw.
March 20th, 2012 at 10:16 pm
#36 kei pawh 😛 😛
March 20th, 2012 at 10:17 pm
Ku Hv chu kungfu in show tir lawm ni? 😛 Tuntum chu ku Kawlhawk a langlo tlat mai, ka ngai reuh khawp mai.
March 20th, 2012 at 10:18 pm
Naaaa…..in sual hlawm e mai….. 😛
March 20th, 2012 at 10:19 pm
kungfu lam ai chuan list lam ka ngaithla chak zawk.. hairehai
March 20th, 2012 at 10:19 pm
Van nuam dawn tak ve. Nick hriak lohah khan kawlri a tel lo maw.
March 20th, 2012 at 10:19 pm
Space(hmun) leh time(hun) hi lak hran theih a ni lo. Inhne rialin a in FOURIER TRANSFORM thei. Hun in ang rengah hmun hnihah a awm theih loh. In zinga lo tal ve kha a chakawm khawp mai.
Soberte-a kha a comment thin angin a aw kha a nem khawp mai a, TS-a aw phawi dan mawlh kha Pathian thu sawi nan a awhawm a lawm le. Ruata Pachuau chu inla ral khel viau lo maw…
Tete-i Camera chu ka va awt deuh ve a. 🙂
March 20th, 2012 at 10:24 pm
nuam inva ti awm vele, nuam tur chu a ni.
March 20th, 2012 at 10:24 pm
@Ignatia (33-115 AD): misual zingah mifel thutin ka thu hle hle mai maw le (H)
March 20th, 2012 at 10:25 pm
TS khawnge nangmah?!!
March 20th, 2012 at 10:25 pm
@Ignatia, i âw mawlh kha a nia! A lu-a hriak hlu tak thih âw vah zawk nia! 😛