I zûapa paw’n min iái bil lo,
I chûnnu-in min hnâr hek lo;
I vuate paw’n min lawm ve a,
I rûalduhte’n min sit hek lo;
Mahse,
Nang i ngawih tlat si chuan…!!
Ka zuapa paw’n min thlâwp ngei a,
Ka chûnnu lah min phûrpuitu;
Ka pianpuite’n an duh tlat che,
Ka lenrualte an lungrual ngei;
Mahse,
Nang i ngawih tlat si chuan…!!
Ka thlarau hian a hlat lo che,
Ka thinlung-in a làm reng che;
Ka thisen lah nang ngai rengin,
Ka nunpûm pawh beiseina nen;
Mahse,
Nang i ngawih tlat si chuan…!!
Hlimna ‘Lal nu’ i ni chiang ngei,
Damchhan tlak tih ka pâwm thlap che;
Ka pâr ni la, ka aû hial ang,
Ka tá ni la, ka zuâng hial ang;
Mahse,
Nang i ngawih tlat si chuan…!!
Ka thâi turin ka sàm thin che,
Ka tâng bei la ka ít hlé che;
Nangmah mai paw’n rûn i mawi tawk,
Kan rûn mawi a’n ka duhaisam;
Mahse,
Nang i ngawih tlat si chuan…!!
Thaikawi hmangin ka inpuan e,
Ka phawrh ta maw, ka chhûngril nun;
Ka duh ber chuan i lo dawng ta,
Chhanna duhawm nghahfák a nâ;
Mahse,
Nang i ngawih tlat si chuan…!!
I chetziaah min hnâr mawlh lo,
I mit rèngin a nemnghet chiang;
Min ngai ve hi hre reng siin,
Min hnar phal lo, ka ringhlel lo;
Mahse,
Nang i ngawih tlat si chuan…!!
Nau ti hlimtu nu-hnun iang,
Min ti lawmtu ni fô la;
Nun ti nuamtu ni tur a’n,
Dam thlakhlelh chhan ni zel la;
Hlimna famkim thuk ber leh
Lawmna ril ber neih ka duh;
Mahse,
Nang i ngawih tlat si chuan…!!
Kan nu ka rimthlukna Hla/ Thu a nih hi. La rimthlu ve theilo ho khan lo tangkaipui ve r’u… :lol:
June 12th, 2010 at 10:53 am
romantic (gothic :mrgreen:) ruih2 khawp mai, a flow a tha, a thu a mawi, a thu ken a ropui hle mai. In nu tan chuan dawl zawr a zawr hnap na tham a ni reng a nih hi. :lol:
Zephenath pawn tha a ni ngawt ang. Haha
Report this comment
June 12th, 2010 at 11:07 am
@kawlhawk: A thluk pawh a nalh hi, i chhaithluk tak Pic han dah tel nghe nghe la! :lol:
Report this comment
June 12th, 2010 at 11:26 am
@kawlhawk “Nang i ngawih tlat si chuan” tiin i kar chhuak a ni maw? Kei chu kan nu hi a hnial a ka hnial dan a nia! :lol:
Nia, an ngawi bik tur a ni lo. Kei zawng ngawi reng hian ṭhian ka kawm rei thiam lo!
Report this comment
June 12th, 2010 at 11:53 am
Kawlte, van phuah thiam em em ve le. Mipa pawh min chhai thlu mai dawn alawm
Report this comment
June 12th, 2010 at 12:18 pm
Kuhva kung thelh hun mai hnuai ah, i lu hrenna diar i bek sir dinglamah uaithlak tir la, thluk lungkuai tak nen ban phar meuhvin, a lam hawia he hla i sak hnu ah chauh maw in nu hi i thlem thluk theih le? A hla thk a tha khawp mai.
Thluksei chhinchhiahna hi engtin nge i type bik le?
Report this comment
June 12th, 2010 at 12:19 pm
pu kawla chuh! In nu chu a va ngawichawi/zakzuw awm ve aw! I bum chhuak thei hram ani maw?
Report this comment
June 12th, 2010 at 12:20 pm
E hem…
Ka zuapa’n lengdang chhai rawh, min ti,
Ka chunnu’n thalengdang an tam, min ti;
Ka vuate zawng an lunghnur e,
Ka rualduhte’n min sit zo ta;
Nang lah,
I pau tam si… !!
I zuapa reng a hrang thiam si,
I chunnu lah phungpuinu iang;
I pianpuite’n min raldo e,
I lenrualte’n sirah min hnawl;
Nang lah,
I pau tam si… !!
I thlarau hian mualtin a hrut,
I thinlung lah a pharvar si;
I thisen lah lengdang ngaiin,
I nunpum pawh phili reng in;
Nang lah
I pau tam si… !!
…hehehe…. :lol:
Report this comment
June 12th, 2010 at 12:30 pm
Va tha leh pek ve aw :lol:
Tlangval pakhat luck lo ve pawh khan a bialnu hnenah,”Min duh lo mah la i nu leh pa’n min duh tho,”te a ti vel…kha kha min ti hre chhuak zawk mai.
Report this comment
June 12th, 2010 at 12:34 pm
Ava nalh dangdai ve. Keichu hetiang hla leh poem vel, Mizo or English, ziak thiam hi ka mi ngaihsan zawng tak. Mahse i hla khian tunlai nula han kar mai ila, a bo awm mep mep. Nula senior bak kan kar thluk hmel loh lolzzz
Report this comment
June 12th, 2010 at 12:35 pm
I chun leh zua ten min sel, rethei dai kil kara leng min ti. I tan eng mah rosum leh chhuan tur ka nei ve lo. Ka neih chhun ka hmangaihna hi i tan ka rawn hlan e. Nawmsakna leh hausakna ka pe theilo che, mahse ka hmangaihna che hian pawisa hmanga lei theih loh Hlimna a pe ngei dawn che tih ka chiang e.
Report this comment
June 12th, 2010 at 1:08 pm
“Vanduaina tem ngai lote pawh hian an
vanneihna chu an la buaipui tho.” te kan ti ve mai dawn em ni.
Report this comment
June 12th, 2010 at 1:25 pm
ekhai a va han ril vele…..:) hetiang chuan han zawr loh chi em ni ang le??????????? shailendra sawi hi tawn tak tak atan chuan……..
Report this comment
June 12th, 2010 at 1:47 pm
@kawlhawk, a zia phianin ka hria. Syllable inzattir kher i tum avang hian a ulh ta deuh hlek hlawm a.
1)”I chunnu’n min hnar hek lo” han tih tluan zaih mai tur te kha, ‘I chunnu-in min hnar hek lo’ i han ti a..a ulh deuh.
2) I vuate paw’n min lawm ve a’ tih lai hian duhai a sam lo bawk..tawngkam mawi deuh dang awm thei sela..poetic license kan ti a, mahse, tawng upa hman sual hi a awm thei ve thovin ka hria. ‘Vua leh vang’ hi lak hrana, hlathu atan pawh hman chi em ni dawn aw tih min ngaihtuahtir. A dik lo ve, a intihsak ngawt theih hauh lova, mahse, a rem teuh lo chuan ka hria.
3)Ka thlarau hian a hlat lo che tih chang phei hi chu a nalh ka ti hran lo khawp mai.
4) Ka tang bei la ka it hle che’ han tih deuh tawl ai chuan ‘Duhaisamin ka tang bei la’ te pawh han ti ta la..
5)I poem hian amah a va address si a ‘ I chetziaah min hnar mawlh lo’ va tih ai chuan, ‘I chetziain min hnar mawlh lo’ ti zawk ta la..
Engtin nge an tih kha?? Selna anka dawng thiamte chu an nihlawh e…an tia mi kha?
Mizo tawngah hi chuan, rhyme scheme leh syllable inzat hman te kan han tum hian a buai ta nuaih duh khawp mai a. Buai miah lova ti thei leh phuah mam nalh thlap thei hi chu ‘mithiam’ an tling reng a nia..
Report this comment
June 12th, 2010 at 2:04 pm
hetiang peom mawi leh thra deuh deuh hi dahkhawm teh ang u a thamral mai loh nan
kawlhawk chu tithra kan tih teh reng nen coolsoul09 in an refine leh hi ka thlop khooops
kei zawng hetiang ang thu hi chu kum khat pawh phuah nan hun nei ila ka chhuah pha lo hrim hrim
mahse hetiang thiam chuangl o hian ka chantawk erawh ka rimthlu ve zan tho. Ka thrianpa (fam) pohin a nupui hi thuziak ngatin a rim thlu mawle kum 20 chuang liamta khan
Report this comment
June 12th, 2010 at 2:08 pm
kawlhhawk….ka phuah, ka sa, ka paint, ka lei sak etc……ka ti thlu thei thlawts lo- ati ka thianpa in
tunlai, it takes more than words….
Report this comment
June 12th, 2010 at 2:08 pm
…heh….
Report this comment
June 12th, 2010 at 2:22 pm
zualbonez… ka sawi chu male.. tunlai tleirawl ho karthluk nan hman han tum chhin teh. A har reuh ngawt ang hihi..
Report this comment
June 12th, 2010 at 2:27 pm
ha ha ha gothica dik chiah….hetiang te hi chu cable tv lo luh hma khan a tangkai maithei….nang expert tunlai tleirawl/nula karthluk nan strategy/tactic tha ber han sawi teh…kan lo ngaithla thap e!
Report this comment
June 12th, 2010 at 2:39 pm
zualbonez hahahahah I’m no expert, nangman style apply tura min tih kha han sawi la. I sawifiah thiam zawk ang hihi
Report this comment
June 12th, 2010 at 2:44 pm
gothica….ok ka style anga i sawi i style min hrilh kha tunah han soi leh lawk teh, ka style hrilh che angin han sawi leh daih la….we r waiting
Report this comment
June 12th, 2010 at 2:53 pm
In nu chu a tawng mawh àwm mang e
Mahse nang i ngawi lo thung alawm le :lol:
I hlathu a mawi, a tluak nalh. Ka ngaihsan pangngai reng kha i la ni e.
A tikimtu atan… Mahse… i thuziah dànah hian sèlna che ka nei. A key sang apianga thluksei hman tura hriat tlatna hi Darrokima tihsual chauh tur emaw ka ti a, i chîng ve tlat mai. Thlûkna hi a ri sâng chhinchhiahna ni lovin a ri fân chhinchhiahna a ni ngai lo’m ni? Khai mah aw…
I zûapa paw’n min iái bil lo,
I chûnnu-in min hnâr hek lo;
A pa-in a iai lo che, a nu pawhin a hnâr (hnìmhnai) lo che a nih chuan a inpersan daih. A dang zel pawh hi en ila…
Chu bakah, Mizo grammar kan zir thinlai kha chuan “double vowel a awmin thluksei hman a ngai lo” tih kan zir thin.
Englekhawle, poetical value a tha thlawt.
Report this comment
June 12th, 2010 at 3:02 pm
zualbonez… khawvelah chuan nula 3 ngaihsan deuh deuh ka nei. 2 chu Mizo nula, pakhat chu hnamdang (Northeast state pakhat ami tho). Sketching, painting an thiam em2 a, an poem a turu hlawm hle. Ka la rawn refer ang che, ka thiantha te an nia. Ka sawichhuah chhan tak pawh ka ngaisang thlawt ani
Report this comment
June 12th, 2010 at 3:10 pm
lolz…gothica daih daih chu va OT tiah tiah ve…
hetiang (arts lama tui) hi chu maw an crack, depressive , suicidal etc lutuk….(fiamthu)…
tak takah an poem chu ka va chhiar ve chak e! an blog link min lo FB lawks
Report this comment
June 12th, 2010 at 3:18 pm
Ekhai,a va han tha beuh2 em mahse nang lah chu i ngoi daih mai si a :mrgreen:
Report this comment
June 12th, 2010 at 3:24 pm
Mithilchik Ku Muanga a rawn che leh ta. A ni hi chu a mit a var a nia. Ka hmuh hmaih a hmu leh ta vek mai. Mahse a poem hi a tha ka ti tho tho. Kawlhawk ka fak em em na chu ka hriat ve reng, ka sawifiah thiam si loh hi, thiam tak leh nalh takin a sawifiah leh tlat thin. Misual in Kawlhawk kan nei hi a lawmawm a ni.
Report this comment
June 12th, 2010 at 3:33 pm
Thianpa kawlhawk nge nge khawih tha leh pek khawp mai. A metre a tha, a flow a fuh, i thu rawn coin (vua) khi i poem a tha ka tih lai tak a ni thung. Mizo idiom rawn hai theta hla thu mawi taka i chhuah hi tha danglam a ni. Ku Shai rawn chhan letna lah hi fuh thlawt.
Report this comment
June 12th, 2010 at 4:05 pm
Nia, Shailendra chhanna hi (impromptu a nih ngat phei chuan) a turu ka ti ngawt mai. Chu mai bakah hla fiamthu phuah phei chu a har ka ti lehzual.
Report this comment
June 12th, 2010 at 4:30 pm
Fuh thlurh thlurh ve le … :lol: Mahse maw, tawngtheilo leh bengngawng ngaihzawn hi chu … HETI HI a ni duh chawk asin! Ka sim tawh.
Tha ve pur, ngawi tlat — an chhungte’n thehthang an duh ve ngawih ngawih hi an awm ve chawk thin awm e! :lol: Chutiang nang fuh, hetianga mawihnai taka phuah chhuak hi an vang teh a nia! Mi phuah khalh a ni mai awm e …
Report this comment
June 12th, 2010 at 5:16 pm
Thu leh hla lamah chuan iduai dawn loh hi!!ka tawngkam thiam loh ang2 hian ka tui ve sia!mahse ka thiam loh vanga “ka ngawih tlat si chuan” ka tan engmah awm zia awm dawn si lo hehe,han tang sauh2 teh u!!Misual.com fans te u!!Hlimna hi mihring nun pawtsei tu damdawi tha tak nisin!!Tiang thu leh hla lam chhiar tam lehhriat tam hian nun ati hlimin hringnun akai hruai thu thei duh viau xel nia!!Mumangram mai tur anga kan phuah leh kan ziah hian atak ram min thlen hian mumang ram ah min awm tir fo thin zawk sin!!
Report this comment
June 12th, 2010 at 7:52 pm
E hem… e hem… a post tupa a reh vung vung vei a, a awm loh hlan in a hla hi kan sawp sak leh lawk teh ang :twisted: a lo kir hunah chuan ka ngawi vang vang ang… :lol:
Khua zawng i ti hnim ngei e,
Ka hringnun chan a vai ta lua;
Engti Khuanuleng reng pawh hi,
Ka lamtluang chhui, a lo chawi che;
Nang lah,
I pau tam si… !!
Kumtluan run rem ka dawn ngam lo,
Ka tangnem zawng a khir chuang ang;
Kan chhung run in, ramdai chang in,
Fairel bel zawng hmuar chang mai tur;
Nang lah,
I pau tam si… !!
Ka dawn lungruk tlangtin ka zarh,
Khua zawng in maw min nuih zat ta;
I zun ka uai ka hlan ta che,
Hnutiang min chhawn thei ta mai la;
Nang lah,
I pau tam si… !!
I lamtual her a parh lua e,
I mit meng reng valtin pak in;
Zaleng zawng tan lunglawm siam hi,
I hnar phal lo, i her luai e;
Nang lah,
I pau tam si… !!
hehehe… :lol:
Report this comment
June 12th, 2010 at 8:33 pm
a va tha thlawt ve…ka thinlung ram chul toh hnu..chawlawl toh hnu..tha thar mi pe tlaat mai…ka tho anga ka kal dawn..tha thar nen..a tlu toh hrim hrim!!!!!!!!!!
bei nge seirundung an ti mi kha..ka aply a..ka tar zo dawn…apply chi loh..tun atang cuan..ill shoot down every young girls i foung t mi kha…ka ti toh don..
a tha khop mai..
Report this comment
June 12th, 2010 at 9:58 pm
Shailendra chu leh. Hla phuah i va thiam ve. “I pau tam si…aw i pau tam si”.
Report this comment
June 12th, 2010 at 10:25 pm
@caribou, kawlhawk rawn inlar hun ka huphurh khawp mai. A hla nilo lam hlirin ka lo pau pui ta vak ta si a… :lol:
Report this comment
June 12th, 2010 at 11:00 pm
E khai! Komen i va turu hlawm ve! He Hla/ Thu hi nizan Ualkap inkhel karlakah hmanhmawh angreng taka ka tih chûk2 a nia, a phuailuaiin thu-elh tak2 pawh a awm ngei ang. Chuti chunga tha/mawi/ril ti a min fakdertute chungah ka lawm a, a tha lo lai leh fuh lo lai seltute chungah pawh ka lawm em em a ni. Inhnung zuiin kan han ti ve chhet2 a ni ber a, lehpekah chuan a ‘turu’ tawh ngawt ang! :smile:
Report this comment
June 13th, 2010 at 2:56 am
Rim thluk tur zawng ve nghal ang. :lol:
Report this comment
June 13th, 2010 at 3:36 am
A va ngawi rei ve a….
Report this comment
June 13th, 2010 at 6:57 pm
Ka’n ti ve chhin : (Light Verse)
“Ami tawnah i ti phut a
Nang ngaiin ka tlu khut a
Chhawrthlapui lah kal boh boh
Nang ngaiin ka pen koh koh
Theih chang se mi u
Heti’n ka ko ang che “Ka u”
A mak a maka nasain
Ka duh si ta che, nuihzatthlakin”
Report this comment
June 14th, 2010 at 1:39 pm
Ka thiannu a pasalin a boralsan tawh tan hman deuhah khan ti hian ka lo thai chhin ve a…
Dawnin a na, thlafam ngaih hi
A hrang mange, awmlai lian hi
Pawm lai ka then, thlunglu a hai
Hnutiang kir zai, reng rel lovin
Nuamin an leng, van khua mawiin
Eng dawn lovin, min ngai siin
A tlar bul ngaihtuah tel ka duh bawk sia, a ulh khawp mai..
Report this comment
June 15th, 2010 at 11:21 am
@Kawnga, a tha reng. Ka ti mai mai a, Mizo hoin saptawng kan thiam tak tak hma a kan hla phuah (hla ril/hla um/poetry based) ho flow nei tha tak tak kha, tuna saptawng kan thiam tak hnu a hla kan han phuah hian, kan vaw dal ta mai mai lo maw?
Tunhma kha chuan hlathu tawp a rhyme system etc etc kha kan ngaihtuah ngai lo a. Kan hla phuah ho kha flow tha takin a kal tho a. Entirnan, Chai hla, Puma zai, German ral run etc. Tuna thangthar in western assimilated zawng a hla kan han phuah chhoh takah hian, a rhyme leh i vel hi kan dah san tak luatah, a hla flow hi a ulh duh ta deuh in ka hria. Sap in rhyme system etc etc annei a, chu chu lakluh ve kher hi kan tih tur a ni ber em?
Kawnga, lo haw lo la, i rhyme words hi kan thiat chhin-
Dawnin a na,thlafam ngaih zawng
A hrang mang e, awmlai lian hi
Pawm lai ka then, thlunglu a hai ngei e.
Hnutiang kir zai, reng rel lovin
Nuamin an leng, van khaw mawian
Eng dawn lovin, min ngai ve maw…
Mizo style-ah chuan, a hla thu tawp ah rhymes intlarthla diat lo mahse, ka rilruah chuan a mar zaih zawk…
Report this comment
June 18th, 2010 at 9:46 pm
@Pu Shai, i ngaihdan hi ka tawmpui che. Hlaphuah lam kher hi zawng ka englo thenna lam hi a ni lo. An rawn ti sup sup a, ka phur ve thut a nih mai hi. Min comment sak a, ka lawm e.
Report this comment