Hriat chhun chhun han thlasik mau puahpui ve leh pawp pawp ila! Hre zawkten han belhchhah bawk ula. Tunlai khawvel boruak inlumlet vel hi a hmuhnawm miah miah hle mai! Europe leh Middle East lam chu kan hrut hman rih lo ni se, “America, Land of the Free” chungchang hi tlema zawng i han sawi mai mai teh ang.
Internet news leh khual thuthang aṭanga ka lo hmuh ve mai maite chu:
*America ram hian tunah hian “Constitutional Crisis” a nei mek niin a lang. Obama hi American dik tak a ni nge Kenyan mi a ni zawk? tih pawh an hre fiah hlei thei lo niin a lang. Arizona Sheriff Joe Arpaio leh a hoten ngun taka an chhui hnuin Obama Birth Certificate chu phuahchawp ngei nia an hriat thu an sawi a, chu lah chu Media ho lah hian an haider lui tlat niin a lang!
Obama pianna hospital nia an chhal Hawaii rama an hospital-ah lah a pianna record engmah an hmu zo si lo. American ho hian Kenyan mi hi President atan an lo thlang tling der zawk em ni? Pu HV-a te chenna ram hi an buai ru fu niin a lang.
*America hi “land of the free” a ni meuh tawh em le? Tunah chuan mahni ngaihdan zalen taka sawi ngam pawh a ni tawh mang lo emaw tih mai turin thil a awm mek em le? A bik takin Kristian sakhaw zirtirna te, mawngkawhur duh lohna lam thu te phei chu sawi ngam pawh a ni tawh lo lek lek niin a lang. Duh duh naah an ṭawngṭai ngawt thei tawh lo va, duh duh naah Pathian thu an sawi thei tawh hek lo!
*President Obama hi a lal telh telh a, a la lal deuh deuh dawn niin a lang! Tunah chuan an Congress (Parliament) thu lo pawhin ama thu thuin sipai hman chungchangah te, indo chungchangah te pawh thutlukna
siam thei turin a indah mek a, Congress chu a hming mai maia ding ang lekin a palzut mek niin a lang. He ti chung pawh hian a term hnihna pawh hi an thlang tling leh tho mai thei! Ṭhenkhat sawi dan chuan Obama hi Illuminati hovin an hman mek leh amah an ṭanpui avanga President ni mek hi niin an sawi. He pa chanchinah hian thilmak inphum hi a tam lutuk a, ngun taka thlir tham mihring a ni!
*Obama hnuaiah hian America ram hian Democracy zia zawi zawia kalsanin Socialist ram zia a pu tam tial tial a, mimal zalenna a chep telh telh a, sawrkar thiltihtheihna a pung tual tual thung dawn niin a ngaihruat theih. Communist zia a inlar tam tial tial niin an sawi. Nakin lawkah phei chuan Martial Law an la puang mai awm mang e tiin ṭhenkhatin an hlauthawng.
*Tunah hian mahnia thawk chhuaka intodelh lam aiin sawrkar zem zena engmah thawk si lova “Welfare” suma chawm hlawm hi an tam telh telh a, chutih laiin America hi sum lamah a tla hniam ve telh telh bawk si a. Nakin lawkah chuan ‘social unrest’ (tualchhung buaina) namen lo tak an la hmachhawn thei niin an sawi bawk. Obama hian “change” hmatheha President nihna a han chelh pawh khan a “change” ber chu heng mi teirawlai mai mai ho vulh len leh mi rinawm leh taimate nek chep hi em ni tiin zawhna an zawt mek. Heng “welfare” suma chawm hlawmte hi ama Politics atana hman ṭangkai a tum niin an sawi bawk.
*Kristiante Pathian rinchhana din America-ah hian Kristiante an chep tawlh tawlh a, Muslim ho an pawng tual tual thung em ni a tih theih. Obama hi “Politically”-in Kristian a inti a, “Spiritually or Actually” chuan Muslim a ni thung an ti! Engemaw hlekah Muslim ho thlavang a hauh thuai thuai laiin khawvela Muslim hruaitu lu ber pakhat Sheik Abdul Aziz Bin Abdullah, Saudi Arabia ram Grant Mufti-in Kristian Biakin zawng zawng tihchhiat vek tur thu a sawi te chuan Obama beng a thleng zo lo va, Muslim rama Kristian tihduhdahna te chu kam khat pawhin a la dem chhin ngai hek lo!
*Muslim firfiak hovin tharum thawhna “jihad” hmanga World Trade Centre an tihchhiat hnuin a bul chiahah Islamic Centre an han sa leh hmiah thei mai te hi mak ve tak chu a ni! Tunlai tak hi chuan tharum aiin “Cultural Jihad” hmangin America hi an run mek niin an sawi a, sakhuana lamah te, zirna lamah te Islam hian huhang a nei lian telh telh niin an sawi a, sikul zirlaibu thlengin an inrawlh thuk hle niin an sawi.
*Bible hrilhlawknaah hian America ram hi a lang mang hauh lo nia! Tuna boruak inlumlet ang hi a kal zel chuan tun atanga kum rei vak lovah hian America ram hian a ropuina hi a hloh tial tial dawn niin ṭhenkhat chuan an ngai a, hun tawp lamah phei chuan khawvelah hian huhang nei phak pawhin a awm tawh dawn lo a niang tia ngai pawh an awm bawk.
(Duh tawk hrih phawt ang. A hre chiang leh a bel chiang deuh zawkte khan han thawh belh ve rawh u le.)
Similar Posts:
- Lazydog’s “KRISTIAN RAM ANI SI A”
- Obama hi AntiChrist?
- Vawiin pawh nidang ang thoin, hmeh theih hmet lo vin ni ahmang ral leh ta!
- Obama in Nobel Peace Prize a dawng
- Obama Thusawi Tur Ziahsaktu
“I mimal ngaihdàn ringawt hi...
March 21st, 2012 at 2:10 pm
China chuan hmar lamah Arunachal pradesh lam atangin min bei a, burma an control tawha, mawng lamah sri lanka ah awmhmun khuar thei khawpin access an nei tawh bawka an rawn lian zel anih chuan an hlauhawm thei viau ang.
World War III hi india leh china atang hian ala chhuak lovang tih pawh a sawi theihloh. Communist Vs Democracy War hi khawvel hian ala kalsan hlei theilo chu ani e communist ho rawn rise up tan tirh atang khan khawvel sawi nghing zawngin an la khawsa char char.
Report this comment
March 21st, 2012 at 3:04 pm
ngaihnom thei hle mai. nia, China ram pem mai hi keipoh ka duh toh, India lah hi kan tla hiam leh ang tual tual bok si. China hian Mizoram te hi ron hauh deuh tung se, India sawrkhar hi a harh chuak ve deuh ang chu, India ram democracy ah hi chuan development hi a zuan in a zaung thei thlot lo anih hi.
Report this comment
March 21st, 2012 at 3:19 pm
China hi a ropui khawp mai a, mahse awmna tur ah chuan ka it lo khawp mai..India hi alo nuam ber zawk e a, kan zalen emai hnam tlem zawkte pawh, China ah chuan an awpbet hneh khawp Tibetan ho te khi…
Report this comment
March 21st, 2012 at 3:22 pm
China hi chu US te ang tan chuan an hlauhawm lutuk tak tak ka ring chiah lo. Sap ho hi chu Thupui-hlapuiah hian an tangrual leh tham thin. Arunachal erawh hi chu an hauh na sawt khawp mai. Defence minister A.K.Antony leh Rahul Gandhi te lokal tur pawh an lo khap vel maw le.
Report this comment
March 21st, 2012 at 5:36 pm
USA in India a thian that chhoh viauna chhan hi chu China ep nana hman a tum vang mai mai maw le. Afghanistan-a Russia ep nan Pakistan kha, a fatlum ang deuh tho in a vulh a. Russia a keh chhia a, tunah chuan a ep ber tur chu China hi a nia, chuvangin India hi a rawn kawm ngeih leh tan ta em em mai ani. USA Vanneihna pakhat chu ram chak dang, a mah support tu a ngam em em mai hi ani..Britain, France leh NATO member dang hian indo tak takah chuan an support leh tham mai ang. China hi chuan India chu a rawn run maiin ka ring lo..tun dinhmunah chuan USA hian India hi a rawn support nghal em em ang.
Report this comment
March 21st, 2012 at 6:33 pm
Indo hi chu ala chhuak rup rup a rinawm rih loh a, mahse han suangtuah mai mai ta ila. china hian a rawn nek na tulh tulh in a rinawm a a lian tulh tulh mai bawksia. AP an capture vaih chuan north east ah kua an rawn hreuh thuk tulh tulh maithei ni. Engemaw deuh a thlen chuan US hian a rawn pui lo thei lo. Democracy lam ho chu an tangrual tham mai ang, bakah democracy ram an powerful zawk hian khawvel a ralmuang thei zawk in a rinawm. Communist lam hi an tangrual ve tham maithei bawk, mahse an powerful lo zawk ve hrim hrim. Russia tihvel pheichuan china pui duh pawhnise a ruk bakin an ti ngamlo ang. Pakistan hi tui lai rap angrengin a awm dawn ni US hlau bawksi India oppose a china lam tan duh bawksi in. hehe
Western lam support-na tello chuan India ringawt hi chuan kan hneh a rinawm loh china hi min rawn attack theih natur base atan burma leh sri lanka a hmang thei dawn bawksia.
(Indopui ringawt lo ngaihtuah. hihi)
Report this comment
March 21st, 2012 at 6:37 pm
Hmm Funny an Indo a hlau emai, India kan run rih lovang
Report this comment
March 21st, 2012 at 7:07 pm
*Muslim firfiak hovin tharum thawhna “jihad” hmanga World Trade Centre an tihchhiat hnuin a bul chiahah Islamic Centre an han sa leh hmiah thei mai te hi mak ve tak chu a ni.
Hemi chungchang hi 9/11 Conspiracy ah chiang takin a awmin ka ring. WTC kha Bin Laden-a sut nilovin an mahni sawrkar, Bush-a sawrkar sut ngei kha niin an sawi. Muslim tan chuan a NA dawn a sin, dawt muhluma inpuh chiam kha. Obama hian an rilru thawidam nan a ti anih pawhin a awmlo vakin a langlo. Flight pahnih-khat chauhin a sut avang khan WTC building lian lutuk, Engineer ten mumal taka an plan kha a chhe nghal rum rumin a rinawmloh bawk. A chhungah khan bomb plan a awm ngei niin an sawi a, a puak ri pawh hria an awm nual bawk niin an sawi. Flight-93 te, Pentagon sut chungchang te, etc.. A tlangpui chu ‘Loose Change-Second Edition’ ah khan a awm, youtube lamah pawh a awm mai ang ka ring.
President JF Kennedy leh JF Kennedy Jr. te pafa pawh kha US secret service lam assassinate tho ni tur a ni. An mahni leh an mahni an inthat vak vak a, midang an puh hleuh a, Bush-a hi a bulpui ber pawl niin a inrawlh ziah bawk niin a lang.
Iraq War te, Somalia chungchang te pawh kha hailan a tam tawh ang chu.
Tun hnai chho a an hruaitu ah chuan Obama sawrkar hi a fuh viau rihin ka hre mah a. Inhek te, insawichhiat te hi chu Politics kalphung ve hrim hrim a nia. Diklo lai chu lo awm tehreng pawh nise tunah rih chuan a hmaa mi aiin ka thlawp zawk hrim hrimin ka ring.
An hruaitu hmasate pawh khuan an duhthawh tawh khawp mai,hetiang deuh hi:
“G.Bush was the most dishonest President of United State since Richard Nixon”
-Al Gore(45th Vice President of the United States (1993–2001))
(NOI)
Report this comment
March 21st, 2012 at 8:00 pm
Ka nuih zuk za tlat pek a! hairehai
Report this comment
March 21st, 2012 at 8:01 pm
58# lolzz lolz
Report this comment
March 21st, 2012 at 8:03 pm
#60 ni e hairehai
Report this comment
March 21st, 2012 at 8:15 pm
Kan damchhung hian America aia ropui kan hmu lo ang
muslim rilru na tihvel i sawi khi ka nuih a ti 100 noi
#58
Report this comment
March 21st, 2012 at 8:29 pm
2050 ah chuan China khian a khum mai lo maw…chhut dan pangngai aiin china hi a thangduang tlat mai…India tan erawh a hlauhawm loh ang, Neuclear countries an in do lovang..
Report this comment
March 21st, 2012 at 9:11 pm
Para tawp ber khian a khaikhawm tha ka ti khawp mai.Bible ah hian America lam hawi hi a lang miah lo a, chuvang chuan khawvel tawp lamah hi chuan America hi a awm tawh dawn lo emaw huhang a nei pha tawh dawn lo tihna em ni?
Obama tling chho hi chu mak ve deuh a ni reng a ni.
Report this comment
March 21st, 2012 at 11:37 pm
Hei pawh zeldin thu, thu va-uk
Report this comment
March 22nd, 2012 at 1:11 am
“Pu Hawla a buai ru….!”, tia chhiar phet ka’n tum chu le… a mak hle mai! hahaha
Report this comment
March 22nd, 2012 at 1:16 am
Ka rindan/ngaihdan pawh a ni chuanglo. 9/11 chungchang khi chu lo zawng khawm ve teh, khawi khawi ah emaw chhiartur a tam ang. FOX News a Proffessor Kevin Barret an kawmna velte pawh, rintlak erawh hriat thiam a har reng a . Iraq War te phei kha chu a diklo hulhuala, former official te sawi a ni. Iraq in nuclear programme annei lo. Hmuh pawh an hmuhloh kha. (NOI)
Conspiracy a nia. Muslim hlau khi a awm ang viaulo a mi, an hlauhawm em hi muslim te chu, thihchilh bomb an pai reng a nia……
Thildang zawng ai chuan Multi- International Space Program hi a ropui dawn. Mars ah kan kal dawn.
Report this comment
March 22nd, 2012 at 1:23 am
#62 khi answered #67.
Report this comment
March 22nd, 2012 at 1:37 am
#64 ninja zeldin thua tang hiana lawm hekhawvela kan hmanrua zawng zawng hialo pian chhuah kan hmanrua tangkai em em motor te pawhhi mi pakhat zeldinna a tanga rawn piang chhuak a nilo emni zeldin thu tiha mausam ngawt pawh hi dikber chuang dawn emni!!!???
Report this comment
March 22nd, 2012 at 4:18 am
#58, 9/11 Conspiracy thu vel kha kei pawh ka chhiar a, You Tube vela mi pawh kha, a ngaihnawm khawp mai. An sawi dan pawh kha awihawm ve tak a ni.
Khawvel inlumlet dan hi keini tapchhak zawl atang mai chuan kan hre ve pha tak tak lo va, hetia kan hmuh theih mai aia ril hi chu a awm a rinawm.
Thenkhat sawi dan chuan khawvel economy te pawh hi mi hausa leh thil ti thei tlemtein an duh duha an control ni tein an sawi a, a dik thei ve tlat a sin!
Pu HV#59, i nuihzat chhan ka rin hriat! Hairehai!!
Thil hriat ruk deuh deuh hi i nei phak tlat tawh a!! Mizoram i cham chhungin nuam tak leh hlim takin hun hmang turin ka duhsak a che!
Report this comment
March 22nd, 2012 at 4:24 am
keimah #70 hei misual hovin min duatsual tep ta mai. Ka hlim e
Report this comment
March 22nd, 2012 at 4:30 am
Obama hian US birth certificate dik tak a neih leh neih loh ringhlel hmasa ber tu or sawichhuak ngam hmasa ber chu Donald Trump hi a ni awm e. Mahse Obama khan Mr. Trump kha a chhang a, a birth certificate a release thu a sawi ngei mai. Mahse kei chuan a copy chu ka hmu lo. Kha ta tang khan he thu hi a reh ta a ni.
# 27 “Obama hnuaiah hian America ram hian Democracy zia zawi zawia kalsanin Socialist ram zia a pu tam tial tial a, mimal zalenna a chep telh telh a, sawrkar thiltihtheihna a pung tual tual thung dawn niin a ngaihruat theih.” Hei hi chu a dik hmel viau rih e. Political Commentator tamtak pawn hei hi chu an sawi chamchi. Kei pawh kumin November a Presidential Election ah chuan Republican nominee vote ngei ka tum. Duhthu chu an sam lo deuh dawn a nih hi.
Economic tlakchhiahna leh tun thlenga US in leiba a la nei ngah lutuka, US ah hna nei lo an la tam lutuk chungchangah hian Obama leh a kaihhruaiten President Bush-a tih dik loh leh thiam loh a ni tiin tun thlenga President Bush-a an la dem fo hi chu a ni tawh lo lutuk deuh niin mi tamtak chuan an ngai. President tha tak leh fel tak chu ni se tun kum 3 chhung hian tlema leiba tih tlem deuha hma lam pan deuh hret tawh chu hun hle in mi tamtak chuan an ngai.
Obama-a an demna leh pakhat chu Iran nuclear chungchangah hian Israel a phatsan deuh niin mi tamtak leh zirchiangmite chuan an ngai.
Report this comment
March 22nd, 2012 at 8:35 am
@70:”Thenkhat sawi dan chuan khawvel economy te pawh hi mi hausa leh thil ti thei tlemtein an duh duha an control ni tein an sawi a, a dik thei ve tlat a sin!”
Economy hi mi thiam zawk te ngaih danah chuan Market atanga rawn in tan, market chu mi tlem te thunun na a innghat ah ngaih a ni. A hming ah pawh Oligopoly ti a sawi a ni.
https://www.investopedia.com/te.....z1poKsi7Qr
https://en.wikipedia.org/wiki/Oligopoly
Report this comment
March 22nd, 2012 at 4:24 pm
#72
US chungchang hla deuh atanga sawi chu hmeichhe hawizau chungchang sawinen a inang reng, a buai nuai mai. Hmmm!!! Neil Amstrong-a te pawh kha thlaah te khan lawn lehlo sela a ni mai.
Report this comment
March 22nd, 2012 at 6:08 pm
US hi chu khawvel ram ropui, ram dang zawng zawngten an U en hi a ni hrim hrim a, kawng leh lamah chuan a tlu chhe mai theia ngaih pawh a har khawp mai.
Tun laia theory pakhat leh chu US-in Israel a ṭan loh apiangin Natural disaster (Hurricane, etc) an tuar zui ziah an tih chu! Chumai ni lovin tunlai hian Thuthlung hlui hun laia Pathian thu an awih loh avanga Israelte hrem an nih ang chiah khan America pawh hi Pathian thu an kalsan nasat avangin Ama lama an let leh theih nan Pathianin American ho hi hremna a pe chho mek niin an chhut a, “Isaiah 9:10 Judgment” tih film pawh tun hnaiah an siam a, Faith Movie No 1 a nih nghe nghe kha. Tin lehkhabu, The Harbinger, Rabbi Jonathan Cahn ziak hi hetiang lam bawk hi a ni awm e. A chhiar leh hmu phak chuan lo chhiar chhin teh u.
Report this comment