JUSTICE for Sarah

May 11th, 2012 9:53 am by TuaiSialA

A chanchin sawi hmain hetah hian petition va sign phawt rawh le.

Dinthanga, Zotlang-in a in luahtute chhungkuaa naupang kum 5 mi, Sarah Lalduhawmi d/o Lalliantluanga kut a thlak chungchangah police-te’n thubuai an buaipui mek a, he thubuai hi Court-a chargesheet thehlut mai turin peih thawkhat tawh a. Sarah-i hi Dinthanga’n kut a thlakna avang hian a nghawng hnuai lam zawng a zeng a, tunah hian a taksa englai mah chêt thei lovin a awm mek a ni.

Pic — Pee Dee Kop Khiangte

Sarah Lalduhawmi nu, Roluahpuii sawi dan chuan, an chhungkuain a nu (a pasala nu)-te chhungkua an fin lai (September ni 9, 2011) khan an in chhungah nursery rhyme saa a zai chu an in chung pa, Dinthanga chuan bengchheng a tih avangin a in hnuaiah chuan chhukin Sarah Lalduhawmi chu a nu leh pate leh a chhungte dang awm laiin kut a thlak a ni.

Dinthanga’n Sarah-i kut a thlâk dan chu — a beng pahnihah manin na takin a herhsak a, a bengah chuan khai kângin chhuatah a nghat chawrh a, chumi hnuah a koki-ah a kut pahniha vuanin nasa takin a sâwi a, a chalah vawi nga vel a kuk bawk. Hetia a sawisak lai hian a chhungte an awm reng a, a nu min hrilh danin chêt ngaihna reng reng an hre lo. “Kan hamhaih vek a, kan ding reng ringawt mai a, aikhirh ang hian kan awm a ni ber,” tiin a sawi.

September ni 9, 2011 zan hian Sarah-i chu a beng pahnih bâwr vel a vûng nghal a, nâ a tih avangin zanah pawh an muhil mang lo a ni. Hemi hnu hian ni thum vel Anganwadi-a kal a ṭhulh tih loh chu a kal zui thei ve leh mai a, mahse, a nâ chu a reh theih tak loh avangin October ni 10, 2011-ah Adventist Hospital, Seventhday Tlang-ah an lut a ni.

Adventist Hospital-ah hian enkawl dan an hriat loh avangin Synod Hospital-ah luhpui leh a ni a, Synod Hospital-ah hian ṭum hnih an lut. January ni 28, 2012-ah GNRC, Guwahati panpui niin kar khat an awm a; GNRC-ah hian a spinal chord-ah thi a tling tih hmuhchhuah a ni. Spinal chord-a thi tling hi zai turin an ti a, mahse, zai man tur cheng 1,50,000 chu an neih loh avangin zai lohvin Mizoram-ah an rawn hawpui a.

Synod Hospital-ah lut lehin February ni 8, 2012-ah a spinal chord chu zai a ni a, mahse, a ṭhat phah em em lo. Synod Hospital-a an awm lai hian biopsy an tih result CMC, Vellore aṭangin an hria a, spinal chord-a thisen tling chu cancer-ah a chang tih hmuhchhuah a ni. Synod Hospital aṭang hian March thla tawpah a chhuak a, April ni 3-ah a pa, Lalliantluanga chuan a thihsan a. A pa hian a thih hmain, “Min râlnain Matei chu in lo enkawl dawn nia,” a ti niin an sawi a. A pa ruang thlalak ka enah chuan, Sarah-i’n thei leh thei lova a pa a ban ṭawk ṭawk lai a lang nghe nghe a.

April ni 18 aṭangin New Life Hospital-ah a awm leh a. mahse, doctor-te’n enkawl dam mai theiha an ngaih loh avangin May ni 3-ah damdawiin aṭangin an chhuak a, in lamah an inenkawl zui mek. Sarah-i hi a nghawng chin hnuai lam zawng a zen avangin a taksain engmah a hre lo va, zun leh êk pawh a hre lo, siak reng a ni. A taksa nâ a chhuak deuh reng bawk.

Dinthanga’n Sarah-i kut a thlak chungchangah hian a chhungte hian lungawi lo tak chungin, Dinthanga ngenna avangin an ngawihpui reng a, mahse, a nâin zual lam a pan zel hnuah Child Welfare Committee (CWC)-te nen ṭanghovin, February ni 29, 2012 khan Vaivakawn Police Station-ah FIR thehluh a ni.

CWC aṭanga thu dawn danin, Dinthanga hi police-te’n thu an zawtfiah tawh a, thubuai pawh an peih thawkhat tawh a, chargesheet pawh Court-ah an thehlut dawn hnai tawha an rin thu, CWC hotute chuan an sawi. Tunah hian Sarah-i te hi Chanmari West-ah mi inhnuai luahin an khawsa mek a, an inluahna te hian a thlâwnin an luahtir a ni. Mi ṭhahnemngaite’n Sarah-i tan TV an pe bawk a, mi chi hrang hrangin an ṭanpui nasa hle.

Facebook-ah pawh a pualin group siam a ni e. JUSTICE for Sarah

Vanglaini report bakah a nu ka kawmna ka han belh hlek a ni e. Comment lamah a chanchin kan la sawiho dawn nia.

124 Responses to “JUSTICE for Sarah”

1
adivadsy7 Says:
May 11th, 2012 at 10:01 am
Rilru a va khoihin a van khongaih thlak em.. na tak a hrem chi ani a ti tupa hi! Lalpan an chhungkuain thlamuan molh teh se!
2
Dr John Says:
May 11th, 2012 at 10:11 am
;-( Ka va’n lainat tak em! Patling hi ka hnuk a ulh tlat nia! Khawvelah hian mirethei leh chan-chhe-zawk, hnuai-hnung-zawk leh chhantu nei lo-te chan hi a chhia-in a va na thin em ve aw… Heng mite tan hi chuan tharum-a khinlet ve a rem mawlh si lo, “Lalpa engtikah nge i mithianghlim-te phuba i lak sak dawn?” tih bak chu tih-theih dang a awm lo… ;-( Court-ah pawh hian beisei ang a ni lo mai thei bawk, “Sum ngah ngah hmeltha…” tih a nih kha…

“Lalpa’n a tih tih-in ti sela, chu aia nasa pawhin…”
3
TuaiSialA Says:
May 11th, 2012 at 10:16 am
Thlalak ka rawn dah ang a, admin-te’n in hman hunah in lo emded vek mai dawn nia. Comment-a thlalak lang tur ang chi khan.

Pu John Rohmingliana ‘n TV a leisak a, cartoon a en nasa thei hle!
4
TuaiSialA Says:
May 11th, 2012 at 10:17 am
Naupang duhawm leh hlim thei tak a ni á¹hin. Pic â€” Ma Neia
5
TuaiSialA Says:
May 11th, 2012 at 10:19 am
Pic â€” Eddy Mizo
6
TuaiSialA Says:
May 11th, 2012 at 10:20 am
7
TuaiSialA Says:
May 11th, 2012 at 10:21 am
Pic â€” Chda Vh
8
TuaiSialA Says:
May 11th, 2012 at 10:24 am
Khuma a bula mu hi a u a ni a, a ngai thei em em a. A u ngaiin a á¹ap reng á¹hin. Amah hi a thinchhe hle a, a bula midang awm a phal lo. A nu’n a hnaih hlek pawhin, “Lal Ã‚nu, i sual, kal sawn rawh,” tiin a á¹ap á¹hin. New Life Hospital-a an awm lai hian ka va kan nghe nghe a. A takah ngei a khawngaihthlakzia ka va hmu a. A mutna bula damlo dang nurse-in an chiu a hmuh te hian, “Min chiu ve duh lo,” a tia, a á¹ap leh mai á¹hin.

Pic â€” Chhakchhuak Hualhang
9
TuaiSialA Says:
May 11th, 2012 at 10:27 am
Guwahati-a an inenkawl zo haw tur, a pain airport-ah a lo hmuak dawn tih a hria a, a hlim em em a. Mahse, a pa chuan tunah hian a thihsan tawh. A pa thlan hmuh ve a duh em em a, mahse, che chhuak thei lovin khumah a mu reng mai si a. A nu beidawng á¹awngkam te kha…

A pawmtu hi a nu a ni. Pic â€” Pezo TheBoss
10
Sangpuiipa Says:
May 11th, 2012 at 10:28 am
Petition ka sign hnan rup tawh kha. A sawisa tupa hi kohhran upa an tih kha ani em?
11
TuaiSialA Says:
May 11th, 2012 at 10:30 am
Hman hunah ka lo lut leh ang. A chanchin ka hre nual a.
12
chhana Says:
May 11th, 2012 at 10:34 am
Ka sa phat mai a.
Pawikhawihtu hian a hma kha chuan a khawih vanga hetiang thleng a nih loh thu a sawi kha a nia; mahse, tunah hei, in luah man te a free leh lawi si, hei hian a pawi khawih hi a pawm tih a ti lang. Hrem a phu e.
Engpawhnise, chhungte awm laia hetiang taka chet duhna thinlung hi mak ka ti thlawt, mahni naute pawh kan hau tha phallo a nih lai a.
13
TuaiSialA Says:
May 11th, 2012 at 10:34 am
Kohhran upa a nih leh nih loh chu ka hre lo va, Seventh Day Adventist kohhran rawngbawltu a ni, an ti. Hei hi chu ka chiang bik lo.
14
James Bond Says:
May 11th, 2012 at 10:35 am
Petition kha ka sign ve e. Police pawh chu an va che muang tulh tulh ve maw le. Eng ang case chiah nge an file pawh hriat a chakawm. Attemted murder hial a case lak theih ani lawng maw? Non-bailable offence.
15
TuaiSialA Says:
May 11th, 2012 at 10:36 am
@Chhana, in luah man free-tute chu midang daih tawh mawle. Tunah Chanmari West-ah mi in hnuai an luah a, an in luahna te’n an free a. A sawisatute in kha chu an luah tawh lo.
16
TuaiSialA Says:
May 11th, 2012 at 10:37 am
Lainattu a ngah em em a, a chanchin hi mi’n an hre zau telh telh bawk a. A sawisatu hi a la chawh dawn chauhvin ka hria.
17
sheldon Says:
May 11th, 2012 at 10:49 am
Hei chuan rilru a va khawih em! Ka hnuk a tiulh tlat mai. Mahni fate chungah thleng angah han chan teh u, a na in a thinrimthlak lutuk ;-(

Vanglaini ah khan ka chhiar a, mahse hun a lokal leh deuh a ka lo theihnghilh leh titih tawh a. Hetiang tak hian a taksa in a tuar in harsatna a tawk zui tih ka lo hre zui lo reng reng a. A lainatawm lutuk, theih tawk tawk a puih a va tha ve.
18
malsta27 Says:
May 11th, 2012 at 10:51 am
Naupang zai mai2…………patling ve meuh in kutthlak hi chuh. Mihring nep tak chu ni phawt mai………..
19
Dr John Says:
May 11th, 2012 at 11:10 am
(Y) Petition chu ka signed tawh kha… Dik taka rorelsakna chu awm thei ngei se ka va ti em!
20
funnyâ„¢ Says:
May 11th, 2012 at 11:17 am
Kutthlak tupa hi kohhran upa an ti lehnghal anilawmi? :-O
21
shailendra Says:
May 11th, 2012 at 11:21 am
ka sign fel e.
22
Leviji Says:
May 11th, 2012 at 11:27 am
naktuk chu va kan ve ka tum a,damdawi in atang khan an chhuak tawh em khah? Hnuk a ulh tung alawm le…ka lainat e
23
James Bond Says:
May 11th, 2012 at 11:34 am
Indian Spinal Injuries Centre, Vasant Kunj, Delhi ah an kal theih nan fund raising tute’n emaw organise sela ka va ti ve. Chutah chuan treat dan an hriat ka beisei. Mahse kal hma in he specialsied hospital a operation nei tawh Aizawl ah an awm nual awm e. Zawh chian phawt a tha ang.
24
TuaiSialA Says:
May 11th, 2012 at 11:52 am
Tunah hian damdawiinah an awm tawh lo va, Chanmari West-ah an awm. An in luahna tak ka hre bik lo.
25
sheldon Says:
May 11th, 2012 at 12:34 pm
Petition ka sign ve ta. James Bond @23 sawi ang khian engemaw tih chu a va tha ve.
26
lr hlonchhing Says:
May 11th, 2012 at 12:50 pm
Petition ka sign ve tawh kha maw.
27
keimah Says:
May 11th, 2012 at 12:50 pm
A va lainatawm teh lul em! Pathian hian naupangte thlavang hi a hauh na khawp a sin! Rilru a tinain hetianga naupang chunga kutthlak duhtu chungah hian thin a va ur ve le!

Dinthanga’n a sawisak dan han chhiar hian Spinal Cord Injury thlen thei tur chu a ni hliah hliah e! A namai lo hle mai! Amaherawhchu Spinal Cord-a thisen tling Cancer-a chang tih lai tak erawh khi chu ka hriat thiam phak bak a ni tlat. Hetiang thil hi Medically chuan ka la hre ngai hauh lo va, thil thleng thei a nih pawhin thil vang tak a nih hmel! Helai point tak – ‘Dinthangan a sawisak avangin Sarah hian Cancer a vei’ tih hi Court-ah tanfung atan hmang dawn ta ila, a hman tlak kherin a rinawm loh.
28
James Bond Says:
May 11th, 2012 at 1:09 pm
Dr. Mahminga comment nghak ang u.
29
TuaiSialA Says:
May 11th, 2012 at 1:10 pm
Mahse, Sarah-i hian a hmain cancer (thisen cancer) a vei hriat a ni lo va. A mak khawp mai. A vanduai ve hrim hrim tih chu a chiang e.
30
sheldon Says:
May 11th, 2012 at 1:19 pm
Dr Mahminga nghah chu…Sarah-i hi ransa pawh a ni silova 😀

Tak tak a, keini ang tan chuan kan khawngaih thu sawi mai loh chu tihtheih a tlem khawp mai. Kutthlakna vang khan a spinal cord chhia in a lo zen phah ani mai a, cancer a lo ni lehzel hi chu a mak in a vanduai ani. Kutthlak leh cancer chu a in relate loh hmel viau bawk sia.
31
TuaiSialA Says:
May 11th, 2012 at 1:35 pm
Sarah-i kan duh tan:

Chanmari West thlanmual hlui hnuai,
Pi Laibati in hnuai tiin in zawng dawn nia.
32
malsta27 Says:
May 11th, 2012 at 1:40 pm
Cancer chungchang a nih leh nihloh chu Dr ten an hre chiang turah ngai ta i la……..

Thudang a lai chuan,Cancer hi cell a awm a ni awma an sawi dan in,a chhan diktak hi pawngpaw rindan ve ringot chuan pem leh eng2 engemaw vang a nih ka ring ve ngot mai, taksa chhungah hian pem te a awm thei a ngem? phei chu ka hre chuang lova 🙂 . meizial zuk leh thil ei tih vel atanga awm a nih hi ka ring thei der lo…… hriatloh ltk vang te pawh ni mahna, mahse force engemaw vanga cell pem, chumi mawih chhe ta a nih hmel deuh ber mai ka ti 🙂 ……..meizial zu lo, kuhva ei lo, sahdah hmuam lo adt adt cancer vei hi an tam ang reng tho bok si…..hriatthiam te pawh a har e.
33
Jacka Pi Says:
May 11th, 2012 at 1:46 pm
A sawisatu pa chu misual ho hian piai rawn ve liam liam a va chakawm duh ve
34
sheldon Says:
May 11th, 2012 at 1:52 pm
Hetiang mi nunrawng leh suaksual uchuak vang hian alawm Mob Rule te pawh kan support thut thut thin ni. A sawisatu hi a damchhungin nun nuam chuan a nung tawh in ka ringlo. A rawngbawlna Kohhran leh a Pathian a timualpho ve chiang khawp mai.
35
hltau Says:
May 11th, 2012 at 1:58 pm
Thil mak ka tih deuh mai chu, a nu leh a pa hian engtin nge a soisa lai i an en reng theih le. Retheih vanga thuhnuiarawlh ani thei a ngem. soi suh u tih vangin an la soi lo zui bok a. Society ah hetiang khopa kan in hlauh chuan a va serious ve..
36
hltau Says:
May 11th, 2012 at 2:07 pm
Bakah he naute hi a thi toh an ti a mo ka tia
37
Jacka Pi Says:
May 11th, 2012 at 2:33 pm
#36, a pa alawm thi chu, khawiah emaw ni ka chhiarah phei chuan a fanu enkawlna tur an nei si lo a, amah a intihlum a, ‘min ralna pawisa hi a enkawl nan in hmang dawn nia’ a ti tih vel te pawh a awm deuh nuai, a dik leh dik loh ka hre lo….
38
mach3 Says:
May 11th, 2012 at 2:54 pm
A hmasa ber ah chuan a sawisa tupa hi a Mizo lo thlawt ka ti. Keichu ka inchhungah hian tu emaw in ka fate chungah an thinrim rawn hrithla se ka lo tan hmawk duh ang. Thinrim hmaisen a mi luh khung hi Mizo dan ah chuan hlauhawm tak ani. A thinrim thlak in ka tawrhpui hle mai.
39
Astericâ„¢ Says:
May 11th, 2012 at 2:56 pm
Englekhawle, a sawisa tupa pu Dinthanga hi hmuh ve a remlo em ni??? Hei leh chen a hmel hmuh tumin ka nghak tawh 🙂
40
Sasaks Says:
May 11th, 2012 at 3:17 pm
Ka sign ve e. Mihausa deuh nih ka va chak em! Ka awmna atang leh ka dinhmun atang hian tawngtaipui bak tih theih ka va nei lo em!
41
somosis Says:
May 11th, 2012 at 3:30 pm
Tunah enge a mamawh ber ang.. Tanpui duh nita i la..??
42
Dr Mahminga Sailo Says:
May 11th, 2012 at 3:33 pm
# 30.. Dr Mahminga nghah chuâ€¦Sarah-i hi ransa pawh a ni silova .. 😀

Nia, min lo nghah tak si ah chuan… 😉 Thi tling atanga cancer insiam tih tak khi chu thil thleng vang tak a nih hmel. Ama’rawhchu, thisen zam pawna thi tling khian natna hrik inthlahpunna a pui a, chronic infection a thlen chuan, engemaw bawk/thang te chu a insiam thei mah na…

Sarah-i a lainatawmin, khitiang teh hrepa naupang chunga kutthlak duh patling khi a mak khawp mai. Mawlhtu/tibuaitu engemaw tak a a awm emaw ni hial ni? :-O

Rorelna dik chu lo lang chhuak mawlh teh se… (Y)
43
TuaiSialA Says:
May 11th, 2012 at 4:04 pm
@Somosis, sum leh paiin i pui thei a, tawngtaina hmangin i pui thei a, petition sign-in i pui thei bawk.
44
rawihteamizo Says:
May 11th, 2012 at 4:13 pm
Ka sign ve ta e. Sarah-i te hi ka va han khawngaih tak em. Fanu kum 4 mi ka nei a, hetiang thil a chunga thleng tura ka ngaihtuah ngawt pawh hian ka thin hi a rim ngawih ngawih mai. (Lalpa ngaihdam ka tul a nih chuan min ngaidam ang che). A na hi ka ti tlat alawm. May ni 14 ah Aizawl ka rawn chho dawn a, ni 15 emaw 16 velah tlawh ang u hmiang. Pawisa lam ka nei lova, Tawngtai leh thlamuanna thu lam ka lo tum ang e (Lalpan thu min pek chuan).
45
sonju_a Says:
May 11th, 2012 at 4:52 pm
Khawvel hi zawng retheite rahbehna a va han ni chiang em… Sarah, ka khawngaih lutuk che
46
bucko Says:
May 11th, 2012 at 4:52 pm
Vawikhat aia tam petition hi a signed theih em? vawi za tam signed ka duh a nia, awmzia a neih dawn chuan…………
47
bucko Says:
May 11th, 2012 at 4:52 pm
Vawikhat aia tam petition hi a signed theih em? vawi za tam signed ka duh a nia, awmzia a neih dawn chuan…………
Shaaaalllllaaaaaa………..
48
Whatever Says:
May 11th, 2012 at 5:03 pm
Ka va han lainat tak em, Naupang tianga kut han thlak mai chu … mi fa lehnghal, ava han zialo em. Mi nau kutthlak tu hi (source hi thudik leh belhchian dawl anih chuan) a phu tawka hrem ngei nirawh se.

Ka hriat duh ber chu tuna a natna leh kut thlak khan inkungkaihna a nei thei angem? Tihtheih kan va nei tlem tak em, thinlung takin kan tawngtai sak theuh dawn ania.
49
Awmtea Khiangte Says:
May 11th, 2012 at 5:13 pm
Ka rilru a va khawih tehlul em! Tih theih kan nei bawk si lo. Lalpan tanpui mawlh teh se. Tin, dimna nei miah lova sawisatu pawh dan ang takin hrem ni ngei rawh se
50
samuvuite Says:
May 11th, 2012 at 5:29 pm
HE THU HI helaia post a nih dan ang hi thil a ni vek lo thei tih hriat a tha…FB ah kan post vak vak a…thisen kha cancer ah a chang theih lo…coincidence a ni thei tih hriat a tha…A thu hretu inthup tam tak an awm maithy, sawi tam lo teh ang…Engpawh nise cancer kha lo awm sa a ni thei tih hriat a tha, a lo khoih nen khan By Chance in a lo coincide ve thei a ni tih hriat a tha,CMC vellore ah biopsy result ah Cancer an ti a, a zaitute pawhin cancer zaiin an zai a, tin, a khoih atanga thla Khat velah tihian a awm niin ka hria a, Pathology dan zawng zawng bawhchhiain thisen kha cancer ah lo chang thei pawh ni se, thla khat chhung lek khan khati khop khan a awm thei lo tih hriat a tha…Naupang hi a khawngaihthlak ka ti, a pa thil tih dan pawh an chhungkua an lainat awm Mahse, thu chiang zawk hi hriat a tha khawp mai

51
bucko Says:
May 11th, 2012 at 5:30 pm
A reng reng ah 29.2.2012 a FIR thehluh tawh tun thleng a chargesheet an la peih lo pawh chu ava mak reng reng ve? (N) (N) A sawisa tupa hi mi hausa leh thiltithei tak a ni lo maw? Eng ang mi nge a nih reng reng chu le?
52
bucko Says:
May 11th, 2012 at 5:31 pm
A reng reng ah 29.2.2012 a FIR thehluh tawh tun thleng a chargesheet an la peih lo pawh chu ava mak reng reng ve? A sawisa tupa hi mi hausa leh thiltithei tak a ni lo maw? Eng ang mi nge a nih reng reng chu le? (N) (N) ;-(
53
samuvuite Says:
May 11th, 2012 at 5:37 pm
A sawisak vanga awm nge a awm sa…tih hre chiang phot rawh u !!! Dem vak vak suh uu !!!
54
XaiA Says:
May 11th, 2012 at 5:37 pm
Tiang thil thleng hi a pawi thin ngawt mai.
55
bucko Says:
May 11th, 2012 at 5:46 pm
#53.. Nia a sawisak vanga awm a nilo thei tho mai a. A bik takin Cancer phei khi chu a awmsa thei a ni. Engpawhnise a natna dang zeng tih vel te khi chu a sawisak vanga awm thei a ni chiang mai, spinal shord a thisen tlin avang in zeng hi a awm thei tih hi kei damdawi lama thiamna nei lo pawh hian ka hria a ni. Chuvangin a sawisa tupa hi a demawm ka ti tho tho…
56
samuvuite Says:
May 11th, 2012 at 5:51 pm
#55 I hriat dan a dik lo hret…Thisen tling nia an hriat kha an biopsy-a cancer zawk a lo ni a, tih a ni e, chutah thisen kha cancer ah an chantir ta traalh a, thisen ni lovin cancer a lo ni zawk a ang…Helaia an post dan hi a dik vek lo thei tlat… Petition an sign vak vak hi a dik ber lo thei…thil hriatchian pht a tha
57
samuvuite Says:
May 11th, 2012 at 5:52 pm
#55 I hriat dan a dik lo hret…Thisen tling nia an hriat kha an biopsy-a cancer zawk a lo ni a, tih a ni e, chutah thisen kha cancer ah an chantir ta traalh a, thisen ni lovin cancer a lo ni zawk a ang a tir atang khan…Helaia an post dan hi a dik vek lo thei tlat… Petition an sign vak vak hi a dik ber lo thei…thil hriatchian pht a tha
58
samuvuite Says:
May 11th, 2012 at 5:54 pm
Ka Comment hmasa khi lo chhiar chhin la…
59
H.Vangchhia Says:
May 11th, 2012 at 6:06 pm
Damchhung lungin tang sela kava han ti tak em! Naupang chunga nunrawnna hian ka hnuk a ti ulh hma hle… a mangang thlabar ngaihtuahna kal dan tur ka ngaihtuah… ka fanu-ah ka chanlo theilo… ka mittui a tla. :-S ;-( (N)
60
zualtei Says:
May 11th, 2012 at 6:13 pm
A sawisa tupa hi chu jail a khung hmak chi a nih hmel. Sarah-i te chu a lainatawm hle mai.

Thil pawimawh ka tih deuh chu, media hian thil chian lova report mai hi sim se. A thi khar hi thisen cancer ah a chang awkawng lovang. Thisen cancer a nei sa, la hriat chhuah loh an hre leh a nih hmel zawk. Chuan.. thisen cancer an zai ngai lo. Chemo an pe a, a then a bone marrow transplant an ti ang.

Mizo te hi thu belhchian dawl lo deuh thu dik sawi mai kan ching hi chu a tha lo khawp mai. News dangah pawh kan journalist ten an interview te sawi ang ang verify leh lem lova an rawn chhuah/publish mai thin hi chu, mipuiah awareness dik lo lutuk an siam a. A pawi khawp mai. Ti hi chuan mi tam tak chuan trauma (intihpalhna) in thisen cancer a siam thei emaw an ti mai dawn nih hmel.

Sarah lainatawmna a bo chuang lo, mahse thu dik kar a dik lo a tel hian a chhiartute rilru in pawt peng khawp mai.
61
H.Vangchhia Says:
May 11th, 2012 at 6:23 pm
Thubuai an va peih har em em vele!
62
TuaiSialA Says:
May 11th, 2012 at 6:30 pm
@samuvuite, Dinthanga chhungkhat hnaivai i ni lo maw? A cancer te hi amah vanga awm ni lo mah se, a sawisakna avangin Mizoram mipui hian Dinthanga hi an ngaidam thei tawh ngai lovang. Hetia in rawn tan vak vak hian Dinthanga dinhmun i tihlauhthawnawm mai mai. Kutthlak hreh lo hi Sarah-i dinhmun hretu zingah tam tak an awm tawh a nia. Chuvangin in tan a nih pawhin in fimkhur a ngai khawp ang.
63
sheldon Says:
May 11th, 2012 at 6:40 pm
#44 rawihteamizo comment hi second page ah ka rawn paste, in hmuhhmaih ka hlau Ka sign ve ta e. Sarah-i te hi ka va han khawngaih tak em. Fanu kum 4 mi ka nei a, hetiang thil a chunga thleng tura ka ngaihtuah ngawt pawh hian ka thin hi a rim ngawih ngawih mai. (Lalpa ngaihdam ka tul a nih chuan min ngaidam ang che). A na hi ka ti tlat alawm. May ni 14 ah Aizawl ka rawn chho dawn a, ni 15 emaw 16 velah tlawh ang u hmiang. Pawisa lam ka nei lova, Tawngtai leh thlamuanna thu lam ka lo tum ang e (Lalpan thu min pek chuan)
64
Soberboy Says:
May 11th, 2012 at 6:47 pm
Sarah-i chungchang hi inlo hre vek tawh zawk ah ka lo ngai char2 a!! a rei leh tawh angreng bawk nen! a lainatawm tak zet2 e thiante nen poisa thawh khawm/khawn khawm in tanpui dan kawng kan zawng ve a vawi hnih lai kan hlan tawh a CHeng SIngkhat chuang kan hlan ve tawh a an lawm kher mai! Sarah-i ka hmuh apiang hian ka lainat na a zual ting! a mah kha a vung leh nghala(ka zuk tlawh tum khan) a sa vet2 reng sia ka lainat tak zet zet! Dam mawlh se ka va ti tak em :'(
65
H.Vangchhia Says:
May 11th, 2012 at 6:48 pm
sheldon #63 kan chhungkua tlem viau mah ila, kan hming kimin kan sign 🙂
66
lrpa Says:
May 11th, 2012 at 6:48 pm
nia
67
TuaiSialA Says:
May 11th, 2012 at 6:51 pm
Lalramliana Hnamte > JUSTICE for Sarah

Tun maiah kha Sarah-i na tak tuara awmtirtu chu Sec204(b)CRPC tlawh chhanin Warrant of Arrest (Non-Bailable) issue a ni a, police-in an kutah an dah fel ta e.

A case awrh dan chu hetiang hi a ni:
Case No (criminal complaint): No. 73/2012
Book No: Section 23 of Juvenile justice (care and protection of children) Act 2000 and Section 320 IPC.
Case File tu: National Human Right Law Network through Advocate JC Lalnunsanga.
Jugde/ Magistrate: Julie Lalrinzami Magistrate 1st class.
68
SiLent_Man Says:
May 11th, 2012 at 6:53 pm
Sarah chanchin hi facebook atanga ka hriat ve mai a nia, a khawngaihthlak khawp mai. Patlingin hetia naupang pawi sawi lo kut a thlak ngawt hi hriat thiam pawh a har.

Chutih rual chuan thenkhat sawi ang hian “both side of the story” hriat hi thil sual a nilo. “Thuchiang hriat tum ang” ti apiang “Dinthanga chhungte i ni lo mo?” lo tih ringawt hi a fin thlak ber lo. Miin doubt an neih chuan an doubt kha address tur… anmahni ni lovin. Thu chiang kan hriat chuan, thil diklo na na na chu a diklo chiang telh telh zawk dawn lawmmi?

Tin, Dinthanga chhungte emaw, laina hnai emaw, kohhran khata lawi pui pawh kan nilo. Ka sawi tawh angin, he incident hi online a ka hriat ve mai a ni.
69
H.Vangchhia Says:
May 11th, 2012 at 6:54 pm
Petition signna turah khan tihian a inziak a:

…the Child Welfare Committee tried to settle the case in a court and fined the accused an amount of 1 lakh (about 1850 USD)as a compensation. The accused refused to pay and instead offered to pay off an amount of Rs 20,000 (370 USD) to the family without the consent of the Child Welfare Committee; which the family did not accept. This enraged the accused’s representative so much that they threatened the family with dire consequences.

A vauna te hi sawrkar/court lamin engtin nge an tih? Mihring kutthlak hi ka duhlo khawp ta mai, mahse hetiang mihring erawh hi chu man to man a ka khawih hrehloh tak anni maithei. (N)
70
Soberboy Says:
May 11th, 2012 at 6:55 pm
68 (Y) (Y)
71
blackmagicwoman Says:
May 11th, 2012 at 7:01 pm
Kan lo van hre har ve aw! Nikum sept mi daih tawh. Kan Misual charity te khan lo zu tanpui ve ila tha tur a nia.
72
luliana Says:
May 11th, 2012 at 7:18 pm
‘Thisen tling cancer a chang’ tih lai tak hi ka helh deuh…Sarah-i hi ka khawngaih, mahse he thil hi a hre chiang lo apiang an pawr emaw tih mai tur a ni…A bak chu no comment…
73
sheldon Says:
May 11th, 2012 at 7:21 pm
Thahnemngaih a na alawm tiraw Pu Hv? Fanu nei rilru a tawh dan chu na tak ani. Sarah-i pa boral nen, a nu rilru hah leh nat dan tur te rilruah a awm. An tan tanpuina tlem lua a awm thei lovang. Engemaw han rawt teh u.
74
mamboihi Says:
May 11th, 2012 at 8:01 pm
Hei chu ka hmu ve chiah.. A va lainatawm em.. Ka tawngtai ve phawt mai teh ang..
75
whotalk Says:
May 11th, 2012 at 8:04 pm
Petition sign ve chiah,khawngaih thlak khop mai. Tiang em2 a mihring nunrawng mai. Chhungte awm lai reng leh nghal . in hmuhsit thlak khawp mai. Hausa leh rethei kar hi azau tual2 chu anih hi.
76
PKfanai Says:
May 11th, 2012 at 8:07 pm
Ka sign ve chiah. 423 na. Dikna chu Luipui angin luang rawh se.
77
Whatever Says:
May 11th, 2012 at 9:07 pm
He thuah hian both sides of the story hi hriat kher tul katilo, he Naupang lainatawm tak hi Dinthanga hian kut a thlak tih chu achiang mai. Mahse petition chu sign ve lo mai ang, petition clause a sum inchawitir hi ka ngaihdan anilo va, damna pawh ani hek lo. He naupang lainatawm taka chhungte hian Dinthanga hi dan ang ngeia hrem an phutna chu nise ka sign nghal ang. Sarah-i health conditions hi chiang fekfawka hriat a chak awm hle. Ka lainat viau laiin tuna a condition hi chu kutthlakna nen khan a in relate theih ka ring lo, medical lam zir/thiam te atanga expert opinion hriat a chak awm hle mai.
Engpawh chu nise Dinthanga hi mana hrem ngei ngei tur ani.
78
TuaiSialA Says:
May 11th, 2012 at 9:09 pm
^Sign ve reng reng la.. 😀 Hek lo e…
79
saint sammoo Says:
May 11th, 2012 at 9:14 pm
min ruai se chuan ka sawi fihlim theih loh pawn nep deuhvin ka chhuah theih mai ka ring tlat. Naupang kutthlak satliah ang vel in. (fiamthoo)
80
filliz Says:
May 11th, 2012 at 9:15 pm
Keipawh sign ve chiah e. A khawih vang a khitiang a awm pawh chu lo ni lo mahse khitiang tak a naupang kut thlak hrim hrim khi chu a rapthlak ka ti khawp mai.
81
Whatever Says:
May 11th, 2012 at 9:21 pm
Liandova te unau chu ngam hartak ani, kan sign ve tak kha.
82
Whatever Says:
May 11th, 2012 at 9:24 pm
e hiau mi 437 chauh kan la ni….sign ve ru.
83
TuaiSialA Says:
May 11th, 2012 at 9:59 pm
A natna ni-a group lama an sawi chu HE LINK hi click ula.
84
sheldon Says:
May 11th, 2012 at 10:11 pm
Tsa link dah @83 khi ka va chhiar a, Sarah-i natna leh a thil tawrh chu a in relate khawp mai e. In neitu pa khawihna vanga na ngei a ang ka ti.
85
bauhbauh Says:
May 11th, 2012 at 10:25 pm
Sarah-i nu hian thudik lo deuh te pawh a thehdarh hnem ve fu an ti
86
TuaiSialA Says:
May 11th, 2012 at 10:28 pm
@bauhbauh, Dinthanga te lam pawh hian thudik lo an thehdarh nasa ve fu a nia. Sarah-i nu hian eng thudik lo nge a thehdarh chu min hrilh thei em? Ka lo zawt chiang ngat ang.
87
bauhbauh Says:
May 11th, 2012 at 10:35 pm
Thu dik lo theh darh á¹heuh á¹heuh ah khawi lam emaw ni hi chuan naupang na tuar hmatheh in á¹an an lak nasat hmel an ti
88
TuaiSialA Says:
May 11th, 2012 at 10:40 pm
Thudik lo lo thehdarh ve ve pawh ni se a na tuar lam hi ka á¹an zawk lo thei lo. A tuartu lam an ni tlat a. An phuba lak ve theih dan te pawh a ni mahna le.
89
samuvuite Says:
May 11th, 2012 at 10:44 pm
@Tuaisiala #62…a khoih tupa hi ka hre ngai hek lo a, an chawbel ka trawm hek lo, mahse he case hi ka hria Nikum lam thil daih tawh a nia…min hau deuh titih vau deuh titih a, a lawmawm viau tho e
90
samuvuite Says:
May 11th, 2012 at 10:45 pm
@Tuaisiala #62…a khoih tupa hi ka hre ngai hek lo a, an chawbel ka trawm hek lo, mahse he case hi ka hria Nikum lam thil daih tawh a nia, a intram chhoh lai vel chu…min hau deuh titih vau deuh titih a, a lawmawm viau tho e
91
samuvuite Says:
May 11th, 2012 at 10:47 pm
Mizo zia diktak, kan ti pung pung a, thil hrechiang mang hlei lo, ngaihtuah chiang mang hlei lovin…a tawpah kan zuzi tlangpui…Lovely Univ-a mizo thi te khaa, kan burma hnawhchhuah zozai te hii !! Kan sawi belh deuh ta luam a…engpawh nise Sarah te chhungkua chu kan theih ang angin tanpui theuh ang u !!!
92
TuaiSialA Says:
May 11th, 2012 at 10:54 pm
@samuvuite, vau pawh a ni chiah emaw ni le.. 😀 Amah hian insawifiahna tur an nei a niha insawifiah an duh a nih chuan amah ngei hi chanchinbu lamah emaw insawifiah sela a á¹ha ka ti. Amah ni lo midang an lo á¹awng zel hian thil a tikhawlo thei tlat a. A chhan chu, Sarah-i lainattu leh amah avanga thinrim ngawih ngawih hi an tam tawh lutuk tlat a ni.
93
mamboihi Says:
May 11th, 2012 at 10:59 pm
Hetia a sawisak lai hian a chhungte an awm reng a, a nu min hrilh danin chÃªt ngaihna reng reng an hre lo. â€œKan hamhaih vek a, kan ding reng ringawt mai a, aikhirh ang hian kan awm a ni ber,â€ tiin a sawi. :-S

Ka hma ah hian ka fa ti hian mi in sawisa se ka ding reng tawp in ka ring lo..
94
vakul Says:
May 11th, 2012 at 11:01 pm
Ka lo la hre ngai lo reng reng a; fate, Nursery Rhyme lawm rual han neih ve chuan kan inchan lo thei lo va, a na hle mai. Ka rilru a khawih hle a ni, a cancer chhan lam pawh ka ngaihtuah lo va, a khawih dan hi ka lung a dam thei lo va ni.
95
maawma Says:
May 11th, 2012 at 11:03 pm
Ka va sign ve e, patling in a naupang sawisak chu ngaihthlak a va nuam lo hle mai. Fanu nei tan phei chuan mahni chanah dah chhin ringawt pawhin a lo thinrim ve ul theih mai

Abak thu inchuh thenkhat hi chu ngaihdan siam thiam a har hle mai, doctor lam atanga chiang deuh hlek a sawi fiah tur awm se. Hriatchian a chak awm hle mai
96
vakul Says:
May 11th, 2012 at 11:04 pm
#mamboih, a rei loh chuan a awm thei ang, tin rei lo lutuk lo pawh ni se a awm thei mai thei. hamhaihah mihring a chet hleih theih loh.
97
samuvuite Says:
May 11th, 2012 at 11:05 pm
Chu tak reng chu alawm sawi ka tum chu…Thu Dik tak kha angai hmasa ber, ni lo chuan Half Truth vangin kan lo thinrim ve mai mai tihna a ni dawn a sin…Thu chiang hre mang lova lo pawngsa invaupum ve vak vak an tam ltk a, a dik ak ti thei tlat lo…thu awmzia dik tak a lo chhuah hunah a lo khoih/sawisa tupa hi dem tur nge dem loh tur a chiang ang chu…kawmchhak/kawmthlang naupang te chu kan ben kan ben ve tho kha thenkhat chuan…A Hlap te pawhin kan Hlap a ni lawm mi !!!
98
samuvuite Says:
May 11th, 2012 at 11:09 pm
Thisen tling khawm hi Cancer ah a insiam thei ngai lo @vakul
99
mamboihi Says:
May 11th, 2012 at 11:09 pm
@Vakul…nia, may be! mahse hetia ka ngaihtuah mai hi chuan engtin emaw tal in ka react nghal ka ring ngawt a, ka au vak tal mai thei.. Ni e, a takah chuan shock/disbelief lutuk vangin react lo mai thei bawk e..
100
mamboihi Says:
May 11th, 2012 at 11:10 pm
Kan Century lawks! A thleng khat toh em mai! 😛
101
TuaiSialA Says:
May 11th, 2012 at 11:16 pm
@samuvuite: Mizo society hi chuti maiin i thlak danglam thei ngai lovang! Pawm tum zawk mai rawh.
102
vakul Says:
May 11th, 2012 at 11:19 pm
Samuvuite, ka comment khi chhiar nawn awn awn rawh, thisen tlingkhawm cancerah a insiam thei ka ti em ni? Ka sawi tum i man lo a nih ber kha le…a cancer chhan lam ka sawi lo.

A reng rengah “thisen tlingkhawm hi cancerah a insiam ngai lo” ti tur chuan i knowledge a famkim lo; i ring lo mai a nih kha. Eng chen pawh medical science lam hre mah la, complicated case-ah authoritative lutukin lo sawi ve sek teh suh. Ka sawi avang hian thisen tling kha cancer a ni ka ti chuang lo…a chiang em?
103
ninja Says:
May 11th, 2012 at 11:24 pm
A rapthlak em mai a!
104
sheldon Says:
May 11th, 2012 at 11:33 pm
Nia, he case hi a delicate teh ania. Cancer ani emaw nilo emaw, patling in naupang kut a thlak na lutuk hi a NA kan ti ngawih ngawih.
105
maawma Says:
May 11th, 2012 at 11:40 pm
Naupang khawih tu khi ka dem khawp mai, ka fanu hi rawn khawih awm ve ta se, mahni in dan kenkawh ka duh ang….. mahse injury atanga cancer awm anga sawi hi hre thui vak lo tan chuan hriat chian chak awm lai ni ve tlat.

Can a physical blow or injury cause cancer?

Though one study suggests a link between physical trauma to the breast and breast cancer, the study was very small and there were many problems with how it was conducted. Its findings have not been duplicated.

A diagnosis of cancer can happen soon after a physical injury – but this is because the exam or test for the injury leads to the discovery of a cancer. For example, a bone that is weak from a cancerous tumour is more likely to break if hit, and treating the broken bone leads to the discovery of the cancer.

Injuries cannot cause cancer but an injury may lead to finding cancer in the injured area.

https://www.cancer.ca/Canada-wi.....z1uaNPEwFH
106
rawihteamizo Says:
May 11th, 2012 at 11:59 pm
Cancer lai chauh in la vawng mai mai a nih kha. Cancer chu a hnu daih a an hriat a ni lo’m ni. A khawihna avangin (?) na a nei a, an inentir a, zawi muangin a tha lo telh2 a, a hnu deuhvah a Spinal cord a chhia a, che hleithei lovin a awm a. Chumi hnuah chuan thisen tling an hmu a, cancer a lo ni a, tih velin kei chu ka lo hria a. Engpawhnise Misual.com hming hian tawngtaina tal zuk hmang thei ila awww…
107
Mengreia Says:
May 12th, 2012 at 12:25 am
A va mak ngai em
108
zoho Says:
May 12th, 2012 at 12:41 am
Tuaisiala chu a nachang i va hre thin tak e aw, fb lam ah kan khel luih luih a, helam a post nachang hria kan lo awm miah lo a, tlukloh rim hi chu i nam thin mang e aw..

Kei chu ka hre rillo, hriat ril pawh ka tumlo, hriat ril pawh a tuartu tan a sawtna ka hrelo….. hei erawh ka hria…patling in a in luahtu te fanu hmeichhe naupang kum 5 mi a a thatna duhvang nilovin hnuaichhiahna vang liau liau vin na tak in kut a thlak, chu chu Human Rights leh Civil Society Dan bawhchhiatna lian em em a ni, chu chu KA HAW EM EM A NI.
109
hp.swing Says:
May 12th, 2012 at 3:10 am
Tuaisiala hi Sarahi te chhung tan tu rumrut a nih hmel a, midang in other side deuh hlek a an comment chuan an chhung emi i nih a ti pung pung mai a, mahse Tuaisiala hi ka hlau lem lo bawk a, Dinthanga te chhung hi ka hriat ngai an ni lo bawk a, he lai thu te hi tlem kan chhang ve mai mai ” Sarahi pa in ka thih hun ah min ralna in in lo enkawl mai dawn nia” tih tak te hi…Sarahi a dam loh leh Guwahati a an refer hma khan Sarahi an kan na pawisa hi A nu leh a pa hian an inchuh deuh ti tih thin.
110
hp.swing Says:
May 12th, 2012 at 3:18 am
hehehe…a van tam tawh comment
111
hp.swing Says:
May 12th, 2012 at 3:23 am
engmah sawi tawh dawn lo….court ah te min koh ve riau riau palh ang……hihihi
112
shailendra Says:
May 12th, 2012 at 9:12 am
Anganwadi naupang, sikul a a thian te nen a hlim tak a hla sa a zai del del, in a rawn thlen a hlim tak a a hla zir sa chu ka va han ngaithla ve chak tak em. A chhung te tan chuan hla mawi ber a ni dawn si a…
113
taitesena Says:
May 12th, 2012 at 10:28 am
Ka rin ai daih in misual tam tak ngaihdan hi a fim lo! Mizo hrim hrim ah hi chuan upa zawkte chuan an ai a naupang chu a tul chuan an zilh hau thin. Thenawm te fa pawh a tul chuan an beng thle lawl lawl thin bawk. High school ah te pawh zirtirtu ten duster in mi an vawm thin kha! Na tak a in hrem nuam ti hnam kan ni. Dan leh dun kan care teh chiam lo. Kan in hrosa vak vak a, kan ngaimawh tak tak vang pawh a ni hran lo. Huau huau hi kan lawm hlawm lutuk ani. He thread leh a comments te hian kan mizia a ti lang chiang hle mai. A mik a mak hre lova petition va sign ringawt te pawh kan awm nual ang.

FIR theh luh vang a mi in man ringawt hi thil hmanhmawh theih ani lo. A tul chuan a kum bi pawh investigation a ngaih chuan an ti ang…… hui ham! Heng zawng zawng te hi kan pu zahawm tak CM Thanhawla hming in ka rawn sawi e. Amen
114
ZerO Says:
May 12th, 2012 at 10:43 am
A va lainatawm ve aw… Naupang chu kutthlak lem lo paw’n hau mai se a tawk viau asin mawle
115
Bble Says:
May 12th, 2012 at 11:27 am
hetiang hi ani tih ka lo hriat ve chauh chu! ka van lainat tehlul em
116
tribepower Says:
May 12th, 2012 at 1:50 pm
vaw hrep rh se police ten
117
TuaiSialA Says:
May 12th, 2012 at 2:23 pm
Vaivakawn PS-ah an kawl mek a, Central Jail lamah an thawn thla thuai dawn, a ni awm e. A case hi bail theih loh a ni a, thubuai rip tak a awrh dawn a nih hmel ta khawp mai.
118
lrpa Says:
May 12th, 2012 at 2:40 pm
comment a va tam tawh ve!
Dinthanga hi hrem chu a phu khawp a, mahse …ka hrethiam chiah lo, unintentional/accidental angte pawn a ngaihtheih ang chu, enge a criminal record kan hre lo a, naupang/a fate pawh a sawisa thin em? etc..a pawi ngawt mai.
119
chhana Says:
May 12th, 2012 at 2:51 pm
Bail theih loha a tang dawn a nih chuan a lawmawm chu. Tang tlaklo khawp in a lo bawrhsawm ve ang tih ka lo hlau khawp mai a.(hrisel lohna chhuanlam)
120
aorta Says:
May 12th, 2012 at 7:06 pm
read this https://www.ncbi.nlm.nih.gov/pm.....MC1888428/
121
Lamji Says:
May 13th, 2012 at 12:10 pm
Ka chhiar ve chiah buai theih ngei mai. Ava nunrawng ve le.. A beng pahnih a ni thum vel khai ve ava chakawm ve! Sarah ava lainatawm em Lalpa’n awmpui mawlh rawh se.
122
matt^version Says:
May 13th, 2012 at 3:16 pm
petition kan sign ve kha
123
Jacka Pi Says:
May 14th, 2012 at 11:48 am
thenkhat chu a issue lo laiah tak zawk an buai teh daih a
124
mnb Says:
May 16th, 2012 at 1:20 pm
He post leh comment zawng zawngte ka chhiar vek a, Sarah kum 5 lek ni a, a thil tuar leh chu mi laia apan vanduai thlak taka a lo boral san te leh sum tam tak seng a in enkawl ngai zui dan te ka hriatin Sarah mai bakah an chhung in an lainat awm ka ti tak zet zet a. Kan pi leh pu te atanga kan lo chin thin dan angin tanpui ngai apiang in tanpui tawn dial dial hi a mawi ka tiin kan tihtur reng leh thangthar te pawhin kan chhawm nun chhoh zel tur ani.

Hetih rual hian ngaihdante kan sawi chhuah hmain fimkhur leh chik taka ngaihven phawt a tha in ka hria. A bik takin a hmuna hmute ngei leh tawngtu kan nih loh phei chuan na taka tawng hi a pawi thui thei hle a, media leh internet atanga lo chhiar midang rilru tha tak leh tluang tak te pawh tullovah rawng takin a awm tir thei ani. A bik takin he case hi thu neitu leh mithiam ten investigation an neih lai mek a ni a. Doctor report te pawh enfiah chhoh zel a ni mek niin, India danah eng ber nge tihsual tih thlengin finfiah chhoh zel ani a. Naupang hi sawisak vanga dam lo chho anih leh nih loh te, eng ang taka na in nge velh anih dan te, Ladinthanga hi eng ang mi reng nge anih tih te, misual hrim hrim niin leh case emaw naupang sawisak lamah history a nei em tih te, hethil a thleng leh naute damlo a lo in nang chho ve reng nge tih te, naupang thu awihlo vel satliah mai nge a tul lo thleng in a sawisa tak tak tih te, naute nu leh pa leh a chhungte hi an thusawi te belh chian a dawl em tihte, sum ringawt lam leh mi khawngaih chauh an ngaihtuah zawk tih thlengin a la hriat theih a rinawm ani. Chuvang chuan Sarah i khawngaih leh a enkawlna tur sum lama tanpui hi chu ka thlawp khawp mai, mahse thil chiang hriat hma a petition lo sign erawh hi chu fimkhur a ngaiin ka hria. Dana rorel tu te pawh hian mipui pressure avangin ro an rel dik ngam lo fo tawh thin ani.

Laldinthanga hi misual hrim hrim leh naupang sawisak ching lo ni lo ta se, duhsak vanga naupang luhlul thunun tum vang lo ni ta zawk se (tun hmaa kan zirtirtu emaw kan nu leh pa ten min vel ang khan), tum reng vang pawh nilovin naupang luhlul vangin duh aiin lo zilh na deuh te pawh lo ni tase, a tul lo thleng kan lo kal thui lutuk palh ve thei tho avangin , fimkhur tlan a tha khawp in ka hria.

Christian ram kan nih angin, rul anga fing thuro anga pawikhawih lova kan awm hi long term atan a daih rei duhin thil tih sual palh lakah kan in veng thei ang. Tawngtainaah dik taka rolrel anih theihna turin dil ila, kan tih theih ang tanpuina tih thulh chuang lovin.