Project tih a hnai chung chungin ka rilru ah a awm miau si a le, ka rawn ti leh thuai mai. Tawi tek tawk, kim tak siin tun tum chu sawifiah hram ka han tum ang e, hriatthiamloh chuan chai ho zel turah dah bawk ila .
Kan pipu ten pialral anlo dream dan hi inlo suangtuah ve fo thin tawh emaw chu le. An pialral burma ram pawh pello ah khan an kal chakna chhan ber kha chu faisa rin chakna, buh leh bal thawhchhuah ngai lo, hahdam taka awm der der mai kha a ni pek a. Mizo hla tam tak pawn, ” O..lei ninawm, ral tawh mai rawh” tiin a phuah chhuak hial a nih kha. Mizo zinga kristian-na alo luh tak hnu thleng pawh hian chu rilru(thatchhe rilru ka ti dawn nge)chu la chhawm zelin hla phuahtu leh sermon tam takah chuan vanram chu inthen tawhlohna ram, hmangaihte lenna. Natna reng reng awm tawhlohna hmun ah an chan tir a, an suangtuah a. Tuna a chhiartu ngei pawh hian i suangtuah ve fo ka ring. Retheihna a awm tawhlo ang a. Nuamsa em em leh lungmuang taka chawl der der turah kan inngai fur mai awm e.
Mizo hnam hian lungngaihna leh thinlung natna hi kan hre hmain, thil tul em em silo ah hian kan serious ang thum a! Huaisenna lamah erawh kan tuanfum leh lawi si. Pipu hunlai mihuaisen tak tak pawh kha hnam huaisen rilru puakchhuak niloin zu hmeh huai ni berin a lang zawk. Taima hnam kan nihloh zia pawh khawvel alo changkan telh telhna hian a rawn pholang tial tial a; mahni hlawh phulo a eiruk tun tun duhna hi hnam taima an ni ngai lo.
Hevang hi a ni mahna, pialral pawh hi kan dream sual mai ang a, kal tlak kan ni ngut a nge maw chu le! Hmangaih leh duh em em a kan then, mual min liam san ta te ngaih hla chham ah, “vanah kan intawng leh dawn nia aw….lungngaihna, inthenlohna ramah chuan min lo nghak ta che…..van kawtchhuahah chuan minlo nghak reng ang che aw..” kan han ti a. Hla phuahtu te lah chuan min velh tah nan tak an hmang a, dik tak chuan min tithatchhe zo vek hian a nia ka hriat ni. Hetiang reng reng a nih chuan vanram hi pianglo hian direct pawp mai ila tha tur a nia.
Thenkhat lahin vanram an lo han fang thul a. Bible-in nunna kawng chu a zim a, a lut te pawh an tlem a ni a tih mawlh mawlh laiin awlsam thei ang berin advance-in anlo han lut hman hmawh a. Hla thuin, “a then pawh kan hre theilo, he lui kam atang hian ” a tih laiin a chhunga cheng anlo han hmu thul. Dik tak chuan advance deuh a lo han fan lawk chi ah ka ngai lo vanram hi. Nutling patlingin “ka hmu” an tih chuan hmaichhanah “i hmu lo” han tih chi ngawtlah chu a ni bik der bawk silo a!
Dik tak chuan mihring ten chawlhna leh hahdam duhna rilru kan put tlat avang hian pialral, chumai ni nang Pathian pawh hi awm tir ang mai tlukah a ngaih theih a nia. Chu chu atheist leh agnostic tan fung bawk chu a ni. Dawizep rilru, huaisenna neilo, mahni nun duh tawklo leh duhamna a khat tiin ringtute hi an puh fo thin.
Ani lah tak a, pialral hi awmlo se nun hi a ho awm ngawih ngawih thin. Hmangaihna leh hlimna te hi a hma aiin kan la puithu leh zual sot ang a. Ram developement pawh hi a chak ang a, humanism pawh hi ava tangkai dawn em. Lusun inhnem te hi tuman tihchi ah kan ngai hauhlo a. Kum upa lam dreaming atang hian a chiang zual a sin. Sap pachal e chal lo e, an thih dawn meuh chuan after life hi an ngaihtuah chhuak fo a nia, darwin meuh pawn thin phu dup dup, inthiamlo ru tak siin bible thu a ngaithla ve kar a nih kha. Kan pi leh pu ten tlai nitla tur thlira an dah rauh rauh tawh chuan Lalroutmawi’n a, “pialral ram nuam” a sak kha han ngaihthlak tir ila, an lung a awi em em mai a ni. A chhan chu thlanmual chiah hmabak an nei tawh miau si a lawm le.
A tawp berah chuan kan ngaih ang leh kan rin ang hian vanram ah hian kan awm ngut a nge maw chu. Kan innghak thei ngut a nge maw. “Lungduh kimna ram” an ti. Natna awmlohna ram an ti a. Vanramah chuan chhungkua, hmangaihte intawn lehna ram tur a ni an ti maw..Lalpa erawh chuan mihring chu vanramah vana vantirhkoh ang an nih tur thu a sawi daih a sin. Nupa inhmuh leh lam a sawi lo; kan nupui chu beramno a ti daih mai si a. Kan suangtuah ang hi a ni dawnlo chuan ka hria. Nuamsa leh hlim reng a, awm mai mai tur kan nih hmel ta lo, chhun-zan a banglo a “thisen thisen” han tih hi nuamsa ah kei ka ngai hauhlo. Hrawk bawr leh ka a kham duh awm mang e..
Vana vantirhkoh ang kan ni dawn miau si a le. Vantirhkohte hian hmangaih leh duh bik an neih a rinawm si lo. Chuti a nih chuan kan nu leh pa, kan hmangaih leh ngaih em em kha kan han hriat hmel tawh kher lo. Kan bialnu, leia ka chan ngailoh khan vanah tal min hmangaih ang chu ti a kan rin khan min hmangaih bik dawn chuang der si lo a. Unau kan then tak te pawh khan min hre tawh bik dawn der si lo. Keichuan hetia ka ngaihtuah mai hian ka duh ang hi a ni ka ti lo, ka rin ang hian vanram hi a awmlo ka ti. Lung a leng lawk ru tlat a….Hmangaihte intawhkhawmna ram aimah chuan hmangaihte intheihnghilna ram hi a ang ka ti ber mai. Khawnge he hla hi ngaithla ang aw, a inhmeh bawk a.
Would you know my name
If i saw you in heaven?
Would you be the same
If i saw you in heaven?
April 7th, 2012 at 10:13 am
Nak1nah chh1ar ang.
Report this comment
April 7th, 2012 at 10:18 am
hman veleh chhiar ang.
Report this comment
April 7th, 2012 at 10:19 am
Vanramah chuan ka unau, ka nupui pasal ti tawh lovin hmangaih tiin kan leng ho tawh ang chu le.
Report this comment
April 7th, 2012 at 10:54 am
Report this comment
April 7th, 2012 at 10:55 am
I sawi tum awm ang chu a chiangin ka hria
A dikna chin pawh a awm ngei ang. Vanram hi kan suangtuah leh beisei ang chiah hi chu a ni lem lo maithei. Mahse thil pawi tak erawh a ni lem lo vang. Vana kan awmdan tur chiah hi tuman kan hre tak tak lova, beiseina min siamtu a nih chuan a tha maiin ka hria. Kan suangtuah thiam dan ang zel hian vanram pawh hi kan ngai a ang khawp mai – vanram fangtute hian vanram an sawidan hi a inang lo thei riau 
Engpawhnise kan suangtuah thiam dan leh beisei ai hian a ropui ang tih hi kei chu ka ring tlat.
Tin, vanramah chuan chhungkua hi kan la inhre vekin ka ring bawk. Leia kan inhriat ai hian kan la inhre chiang hial zawk ang – chhungkhat chauh nilovin, Pathian khawngaihna zara mithianghlim zawng zawngte pawh.
Report this comment
April 7th, 2012 at 11:08 am
Vanramah chuan Pathianin he leia ti tura min duh/phut, Lalpa kan Pathìan chu kan rilru zawng zawng, kan chakna zawng zawng leh kan theihna zawng zawngin kan hmangaih tawh ang a, he leia kan hmangaih takte thil tha tìh sak hrehawm kan ti ngailo a, kan hlimpui zawk thin angin, Lalpa rawngbawl leh fak chu hrehawm kan ti ngailo ang a, kan hlimna ani zawk ang. Ti tura min phut dang, ‘mahni inhmangaìh anga vengte hmangaìh’ kha kan tìh theìh tawh dawn avangin midang Lawmman/Lallukhum dawng te pawh mahni dawn ang chìahìn kan hlim phah tawh ang. Tin, kan chhungte pawh kan hre em em ang. SUAL leh sual avanga anchhia a awm leh tawh lovang. Chu chu a nawm em em na tur a ni.
Report this comment
April 7th, 2012 at 11:38 am
Vanram hi Pathian hmangaih tak tak tu te tan a siam ania! Chumi te chuan an mihring puite pawh an hmangaih em em ani. Leiah leh vanah hmangaihna a dang chuang lo. Kan chhung leh khat,vanrama lo kal hmasa te chuan min hria ang, meidil lamah kal ila chu min hre reng kher lo ang.
Report this comment
April 7th, 2012 at 11:58 am
Vanram awm dan tur suangtuah vak mai te chu a, Pathian thu2 a awm tur a in dah tawp mai chi lawm le, nge kan ring zo chiah hlawm lova ruahmanna kan lo siam lawk zawk?????…………finite mind hian a ngaihtuah pha in ka ring lem love. In rin siak mai bak hi tih theih a awm hmel loh, lo ti ve ngot mai teh.
Report this comment
April 7th, 2012 at 12:17 pm
Vanram hi eng tiang chiaha nuam tur nge tih hi mihring suangtuahna hian a hmu phak lo ngai lovang. Sualna leh tenawmna tih loh chu engkim a awm vek ka ring.
Report this comment
April 7th, 2012 at 1:19 pm
keizawng vanram awm dan tur ka suangtuah dangdai bik nge ni…? Vanrama kan awm dan tur thlirin ka lungleng lawk ngai miah lo.
mahse tunah ka lung a leng emai….
Report this comment
April 7th, 2012 at 1:36 pm
Kei vanramah chuan kan awm mai maiin ka ring hauh lo. Khawvela kan tuina ang hna hi thawh tur a awm zu han ring tlat i a.
Chuan, vanram fang inti abikin Sangtei hi ka ring therte lo. Kan in atang ngei pawn inlarna a hmu tawha (a tluk laia a tawng chhuah dan)hremhmunte a lo fang vel. Khatih lai lo that ta ila hremhmunah khan Pathian ringtu tha tak? kha a awm kumkhua mai dawn emniang?
I buaina ber Vanramah chuan in duhsak bik leh in hmangaih bik chuang kan awm lo anga; mahse, chhungte leh thenrual, hnam dang milarte pawh kan haiin ka ringlo.
Report this comment
April 7th, 2012 at 1:38 pm
Vanram hi tuma’n a nihna ang takin kan suangtuah phak lo. Kan culture azirin kan suangtuahna pawh a sangin a hniam mai niin a lang. Keini mizote pawn sapho culture a kan in baptis hnu hian kan thih hnu khawvel kan suangtuahna chu sapho suangtuahna tawmin kan ti danglam ta a. Tin, vantirhkoh kan rin dan pawh nula ngo tak hmeltha tak, setana chu hang ren run hmel tihbaiawm tak ani tlangpui thin. Hei pawh hi mingo ho rilru bawk, a tha lam zawng mingo, a chhelam zawng mihang. Mahse chutiang awzawng a nih loh zia chu kan bible pawn min hrilh. Lucifera chu lunghlu chi hrang hranga cheimawi vantirhkoh chungnung ber ni thin. A ropuina chapopui luat vanga Pathian meuh pawh tluk phaka inngai a nih kha. Chuvangin kan rindante hi Bible kaltlanga X ray tlak nise a fuh berin ka ring.
Tuikuk ho pawn an ti e an tia lawm” Vanramah chuan thingphel chhuatah kan han bawk ang veng vawng anga thingpui sen hang kan dawm veng veng tawh mai dawn a ni”.
Report this comment
April 7th, 2012 at 1:51 pm
In hre tawh lo law law mai ang u. Keini engtik ah mah nupui hmu zo ve lo tur tan chuan a nawm loh phah mai mai ang a. Thlen kim hun ah thenawmpa a nupui nen han hlim lutuk bik tur te, ka hisap lawk phei chuan, sualna awm lohna hmun ah pawh thikna tlem tal nen ka luhchhoh hmel ta tho tho mai. An duhber leh hmangaihber te nen a an han lengkhawm ang a, kei ka hawihiul lutuk tur ka ngaihtuah hian, mithianghlim lawr te pawh hi thleng lo law law mai se ka ti…
Report this comment
April 7th, 2012 at 2:42 pm
Thih hnu nun hi cu kan lo gaituah ve vak2 hian wmjia a neilo khp mai, a gaituah thui apiag an bo thui a gaituah nasa apiag an bo nasa nimai e. Mizo patlwmtak pu chawngkhupan “mihring mihrinna hian a gaihtuahcuak jo lo a che, ka chhandamtu i thuruk hi” alo tih hian a chiang mai awm e.
Ka rindan kn swi ve reg2 age..Vanramah cun nu le pa unau laina le bialnu hlui te cu kan la inhre vek ag, mahse hmagaihna khwpui, mi jwg2 agkhat veka hmagaihnaa phuarkhwm kan nih twh dwn avgangin a biktaka in gaihsak na cu a wm tw lovang!
Report this comment
April 7th, 2012 at 4:08 pm
In rinsiak te hi a nuam ve a lawm !! ” A kim lovin kan hria a, a kim lovin thu kan hril bawk thin a ni…”
In rinsiak ai mahin, Lal Isua duh zawng hian in nunsiak ta ila, engtik ni ah emaw chuan…a takin kan la lawi lut ve dawn nia. Hremhmuna ‘..in rin luh’ daih kha chuan vanram hi engtikah mah kan tem ve dawn tawh si lo.
“Tun hi chhandamna ni chu a ni”.
Vanram nawmzia tur te hi han suangtuah thin mah ila, a duh na zawng chu an lut hauh dawn silo. “Ka pa duh zawng titu te chauh…” a nei tupa in a tih kha.
“Tun ah zawng,Kristaa awmte tan chuan thiamloh chantirna reng a awm tawh lo”,Ro 8:1
Hrem hmun sat dan tur leh hre-awm dan tur han ngaihtuah hian, chhungkua a luhnan chuan ke ka it lo ve.
Report this comment
April 7th, 2012 at 4:16 pm
Hi hi hi hi….tun atanga kum 100 ral se rawn post leh ta zawk la, a va tha dawn em!
Report this comment
April 7th, 2012 at 4:20 pm
OT hmeks teng…
Red Ribbon football final Durtlang LC 1 – 2 Chanmari LC
hmuhnawm tak a ni. Tiau chhum zing erawh zawngin en a ti buai deuh.
Report this comment
April 7th, 2012 at 5:36 pm
Kan inhriat tawh ka ring lo.
Nge niang a ka pu John Lennon-a ‘imagine’ kha vanram chu ni dawn?
Report this comment
April 7th, 2012 at 6:28 pm
Pu donald- I ngaihdan deuh khi a ni. Hmangaihna hi chu a awm ngei dawn a lawm. A chanve pawh hi kan hre hauh silo a le. HE dimension hi chu kei ka hriat chak zawng leh ka lunglenna lam a ni fan mai.
“In tan hmun siamin ka kal dawn…” a han ti mai a. Engtikah tak lo let ang maw..alo let hmain kan chenna tur chu siam ta mai se ava nuamin ava lian dawn ka ti dawn nge, ava uluk dawn tiah tiah em.
Pu Pka Fanai- hmangaihna hi chu ala awm ka ring caihna ai cheuh mai. Helei hmangaihna ai hian a letin a nasat ka ring bawk. Mahse kei fair lo ka tihlai tak chu chhungkua a kan awm hi ka ring tawh lo a, chhungkaw inhmangaihna bil tih te, ngaihzawng, nupui, famal hmangaihna bik kha a awm ka ring tawh lo bible sawi dan thlap a nih chuan.
Chutiang chu lo ni ta se, hmangaihna hi sem rual a ni mai dawn si a. Hmangaihna hian enge awmzia a neih chuan vak ang le. Entirnana, vana lallukum khi khum vek ta ila, Lal lukhum a nihna enge awm chuang le??!!
Report this comment
April 7th, 2012 at 6:42 pm
score zat chu ka va risk dik ve a. Hmanni ah zofooty ah ka ring ve tep a 2-1 tih in mahse a blind lulai ema ka ti duh talo a. lo ring ila chu ka ring dik dawn nih hi. hehe
man of the match pawh chanmary striker kha ani lo maw. hei pawh blind deuha ka risk tum dan. leols
Report this comment
April 7th, 2012 at 6:50 pm
Post tupa ka va contact duh che ve. Fb-ah engtin nge i awm?
Report this comment
April 7th, 2012 at 6:57 pm
ka hmu leh tawh si che
Report this comment
April 7th, 2012 at 7:08 pm
Thu i basa ngam bawrh bawrh hle mai! Kan pipute sakhua-ah i chiang lo va, Kristian sakhuanaah pawh i chiang vak lo niin a lang
#”An pialral burma ram pawh pello ah khan an kal chakna chhan ber kha chu faisa rin chakna, buh leh bal thawhchhuah ngai lo, hahdam taka awm der der mai kha a ni pek a.”
Pialral kal tur hian THANGCHHUAH angai tih hi i hria em aw…? Mitthi khuaah chuan nitin hna an la thawk turin an ring bawk. Pilaral hi Burma ram a pelh leh pelh loh i hre rawk rawk em ni?
#”Huaisenna lamah erawh kan tuanfum leh lawi si. Pipu hunlai mihuaisen tak tak pawh kha hnam huaisen rilru puakchhuak niloin zu hmeh huai ni berin a lang zawk.”
Hei hi i hmuh dan anih chuan zu i in chauhvin i huai thin tihna a nih dawn chu. Sahrang leh mihrang hma a zam ngai lo te avang hian vawiin ni hi kan thleng a ni. Pipute kha an dawihzep lo ve!
#”Nuamsa leh hlim reng a, awm mai mai tur kan nih hmel ta lo, chhun-zan a banglo a “thisen thisen” han tih hi nuamsa ah kei ka ngai hauhlo. Hrawk bawr leh ka a kham duh awm mang e..”
I kal ve peih loh chuan i thu thu a lawm ! I chhungte chuan an lo la hre vek ang che!
Report this comment
April 7th, 2012 at 7:33 pm
Ahooma- course lam ai chuan after life an beiseina lam kha lawm ka sawi. Pipu te tan pialral kal turin thangchhuah, nula ngai, pasaltha nih kha a ngai reng a, ka direct hlauh. Mahse khi tak khi a nia after life an beisei nasat leh zual. Mizo cultural belief, abikin after life hi kan la chhawm zel a. Vanram pawh hi kan culture zelin kan dream a nih hi. Zu lam chu sawilo mai ang, zu hmehlum, zu hmeh huai an nihlohna tur hi proof dawn ila zu tello a an huaina hian a buk a ritlo zawk ang. A tawplam ah i rawn thlan chhuahah thung khi chuan dimension khat, may be angin ka rawn poit out keuh a nih khi.
Report this comment
April 7th, 2012 at 7:43 pm
Kan ti hot deuh teh ang !
#”Taima hnam kan nihloh zia pawh khawvel alo changkan telh telhna hian a rawn pholang tial tial a; mahni hlawh phulo a eiruk tun tun duhna hi hnam taima an ni ngai lo.”
Kan taimak zia hi sawi vak vak ai chuan min an hre mai zawk a, thatchhe hnam kan nih ka va hre lo ve!!
Eiruk leh taimakna hi a inzawm em? Taima deuh hian a lo eiru tun tun mai thei a sin ! CWG, 2G, mining scam-a inrawlhte hi an taima hlawm viau a sin
Report this comment
April 7th, 2012 at 7:55 pm
Haha, hlepruk leh taimak hi inverse a lawm. Hlepru hi a taima ngai lo.
Report this comment
April 7th, 2012 at 11:30 pm
Kan banner han mawizia leh boruak nena inhmehzia khi! Pu Sandman, i siam em ni?
Report this comment
April 8th, 2012 at 12:01 am
Ringtu Vanram kalte chuan min tlantu Lal Isua hmel hmuh kan chak ber tawh ang.
Report this comment
April 8th, 2012 at 1:35 am
Vanram ngaihna hi thatchhiat vang a ni lo, Paula ngei pawhin kal chhuaha Krista hnen ah awm a chak thu a sawi kha. Thlarau lam thil a tanga thlirna a ni e.
Report this comment
April 8th, 2012 at 2:45 am
Lta chu i subject chik lutuk lo ah post i siam a, i daibaw nawk nawk deuh ka ti a, traditional Mizo concept i chik lo mah mah, i comfort zone atangin i generalise pawp pawp ringawt a, a context i bawhchhe nasa lutuk, an value system limited zia, leh duhthlan tur an neih chuah zia, an thawrim leh raltit luat avanga chawlh an mamawh zia te i namnul lutuk alawm le. Kan pipute kha i sawichhiat ngam chuan i hringtu i nu le pa pawh i sawichhe bawrh bawrh ngam tur ah ngai ta ila, diklo a awm a nia, i project ziah tur tension san vang a ni ang e. i subject atangin i ziangchhuak nasa em mai bawk a. I post thupui nge kan chhan dawn a a chhung a i sapatal vek khi tih pawh ka hre thiam mai lo. Hmm…post chhang mai ang aw:
1. Isuan van a vantirhkoh te ang kanni dawn a tih kan a sawina issue chu inneih a ni e, memory lam a ni lo. Chu pawh sex kan hmang dawn tawhlo ti a ngai pawl an awm bawk, chu pawh a sawi tuma ni chuang lo, marraige covenant, kan insumtheihloh avanga nupui bik neih tur tih kha a ngai tawhlo a tihna a ni zawk. Tin, a sawina relation hi mi zawng zawng a ni lo bawk,a co-ruler tur te, puithiam class, disciple class te a sawina bik a ni bawk e, mipui nawlpui context a apply tur a ni lo tlat.
Resurrection indawt dan kan sawi ang e. Mitthi an tho hmasa ang, chutah pawh a thi hnuhnung an tho hmasa ang. Mosia lo tho hmasa ta se, a buaithlak khawp ang, a hriatloh hnu a a tute a hre dawn silo a, tho hnuhnung ber tur chu Abela kha a ni ang, anin tumah a hre dawn silo a, keini erawh chuan amah kan hre vek thung dawn si a,a thih hnu a thilthleng ah hriat a nei si lo a, Adam le Evi chu an tho ve tawh lovang, an sual man judge anni tawh si a.
A process ve thung, naupang kum 8 mi chu naupang kum 8 mi, a thihlai ang chiah khan a tho leh a ang,a upa tial tial ang a, 30 ah growth hormone a perfect ang a, ageing constant ang, pitar kum 80 mi chu pitar kum 80 ah chiah a tholeh ang, reverse in a thang ang a, kum 30 perfect age ah a growth a tawp thung ang……..divine logic a ni e,a a aia fiah leh dik zawk a sawi thei in awm chuan ka tang tung lo ve.
Kan tih tur chu he lei hi huan a siam, chumi zawh ah he solar system hi luahkhah, chumizawh ah solar system dang, chumi zawh ah galaxy dang…. nunna pawh kan siam ve ngei ang le, chungte chuan eliohim min ti ve bawk ang.(YHWH nen a min ngaihpawlh an la awm cheu chuan kan kuk fawk tawh bawk ang)
Report this comment
April 8th, 2012 at 3:49 am
Zoho- Amak ka ti. Ka rawn pointout dan hi a vague lo lutk a. Mahse ka sawi tum erawh tih chian ka tum thung si a lawm comment atang hian. Context lam chu ka bih hmasa ve phawt a lawm…pialral luh theihna certificate pawh kha a rura hlawm lutuk, mi naran tan chuan har zet a sin. Chutak chu a boring na lai em em si a ni a, an kal chakna chhan kha dik tak chuan “Faisa rin/ awm der der ” mai kha a nia lawm. Chu chu inherit zelin, hremhmun hlauh avanga vanram kai inzirtirna te, thawhrimna awm tawhlohna a nih avanga vanram kal duhn te.
Divine bilogy lam hi chu ka hre thuilo, rin chu ka nei . Mahse mak takin thihna chu a a awm tawh dawn hauhlo a, a nih chuan aging hi chu a tawp tawh ang a. Kan domain ram hi chu kan zauh ngei hi ka ring bawk a lawm.
Ha ha…YHWH hi zoram kohhran tam tak hian elohim emaw tiin Pakhat leh pathum ah an inhnial luih luih thin
Report this comment
April 8th, 2012 at 4:27 am
A tho ta tih kha he post ka chhiar lai tak hian Salvetion unau ten band partyin an rawn rem thut a, a ngaihnawm danglam khawp mai.
Kan hriat tur chin bak a Pathianin a ruat hriat tum talh hi kan rinna kawngah hian a pawimawh ber lem loin ka hria. Lalpan ka hriat tur leh tih tur chu Thlarau Thianghlimin min hriattir mai turah ka ngai.
tren tren
Report this comment
April 8th, 2012 at 4:31 am
Edit *Salvation* Salvetion ni lovin. Mai mai lo chuan.
tren tren
Report this comment
April 8th, 2012 at 9:14 am
Heti lai chu miril inkawmkhawmna tur ni awm tak a ni lehpek.
Report this comment
April 8th, 2012 at 11:53 am
kei chu kan thluakah hian ‘chip’ an lo vuah belh keuh mai turah ka ngai.
Report this comment
April 8th, 2012 at 4:04 pm
Khua a chhe sia mu lum chungin ka lo chhiar ve mai mai. Vanramah chuan kan inhre vek dawn a ni lawmni?
Report this comment