(Nimin lama a chhuah awm tak a nia, a na chang ka hre leh pek lova, mahse a la rei em em lo bawk a kan chhuah ve ang e)
Kan Lalpa Isua Krista thihna hneha a thawhlehna ni, keini Kristiante tana ni ropui berah hian, a thawhlehna hriatpuina hun lawmawm tak mai, ni ropui bik leh hlu bik a nihna tar lanna turin zing ni chhuak inkhawm (Sunrise Service) kan hmang thin hi Pathian zaraha ka tel ve fo thin a. Nimin pawh khan khawvel hmun hrang hrang ah an hmang ang a, Delhi-a ka Sunrise service hman hmasak ber kha kan tarlang ve zuai ang e.
Mizoram lamah te theih ang ang in Easter Sunrise Service te ka lo tel ve thin a. Delhi a Good Friday kan hman hmasak ber khan keini tan Easter Sunrise Service tel a remchan loh avangin kan awm kum hmasa ber khan chu thawhlehna zing kar chu khawhar ang reng takin kan hmang liam ve mai a. Biak in lam programme erawh chu Chawlhni inkhawm pangai ai erawh chuan a nuam zawk in, inkhawm tawp dawn a ‘Halleluiah Chorus’ (Hei hi Delhi Mizo Inkhawm tih dan phung nghet pakhat a ni ve tlat) kan han sa te chu a ropui dangdai hle a ni.
Kum a lo vei a, tlem in Delhi ah pawh kan tlangnel ve deuh a. Easter Sunday kan hman vawihnihna tur chuan kan in luah pui pakhat zawk (tunah Doctor a ni tawh) nen chuan Sunrise service a tel ve ngei kan tum a. Rilru khan Easter Sunrise Service telna tur kha a zawng ru ve nauh nauh a. Amaherawhchu, han telna tur erawh kan van dun ang reng khawp mai a. Kan Lalpa in thihna hneha a thawhleh hnu, kum sang hnih dawn liam ta, 2003 kum khan Delhi a ka Sunrise Service inkhawm hmasa ber tur chu mi tlem te, Isua’n inkawm tih hminga koh theihna tura mihring tel ngai zat a tlem ber (2 ) chauh in kan hmang ve ta a ni.
Khang hun lai khan ka hriat sual loh chuan North Delhi lama Mizo ho hi chuan an hmang tawh a. Tin, kha mi kum khan Safdurjung Mizo hian Deer Park-ah Sunrise Service neih an tum a niawm a. Keini awmna bial kha chung hun lai chian ‘Aurobindo Chhaklam bial’ kan ni thin a. Easter Sunrise service a telna tur kan han zawn kualna lamaah khan eng tin tin emaw Lodhi Garden-ah Sunrise Service a awm kan ring ta tlat mai a. Hnam dang eng kohhran ber emaw chuan an huaihawt kan han ring thla ngawt a. He ngaihdan hi keimahni rin thu nge, mi titi leng vel kan hria nge, mi ngaihdan mai mai kan thu tak khuk pui nge pawh ka hre tawh lo.Lodhi Garden lama kal chu a lang ta tlat mai a. Eng mah pawh hriat leh dawn belh em em kan nei hran lo. Khawilaiah nge an neih a? Tu ten nge nei tih pawh hre lo chuan Lodhi garden lam a kal tur chuan thu kan pawt chat ve ta tawp mai a.
Zing dar thum leh a chanve velah thovin, kan inluah atanga motor kawng pui (Ring road) 1 km vel lai chu ke ngatin kan kal phei a. South extension-ah (Kotla side, Defence Colony ep lamah)ah sawn Autoricksaw la in Lodhi Garden chu kan thleng phei ve ta mai a. Kan bei zing deuh bawk a, khua pawh chu a la thim khawp mai a. Amaherawhchu, zing lama exercise la tlemte leh tar mu thei lo ho niawm tak te pawh an lo awm tawh a. Kan han hawi kual a Lal Isua thawhlehna lam hawi erawh a vang khawp mai. Sava hram bak chu Lal Isua thawhlehna lam hawi hmuh mai tur a awm hran lo. Kan chibai bukna dawn lah chu vaiho Pathian hminga in chibai na ‘Ram ram’ tih a ni a, kan la chhang let duh lo zui.
Mi exercise la kal karah chuan thawhlehna hriatpuitu te pung khawm zawngin kan han vak kual a. An vang duh khawp mai. Thawhlehna hriatpui tu tur te zawng kan ni na a, chutiang awm awm thawm a awm hauh lo mai a. A thawhleh hnu a, Mari Magdalini in Isua ruang a zawng ang mai khan, mipui kan zawng a ni bera, kan vak kual tam tawk lo nge ni thawhlehna hriat puitu mipui pungkawm lam hawi reng reng hmuh tur awm lo. Mahse, patling ti tawhna lai leng tiin kut ruak ngawta haw ai chuan tiin, chu zing boruak nuam tak maiah chuan in Lal Isua kan tana thihna hneha a thawhlehna ni tur, ni in a rawn her chhuah pui hma chuan, chu huan khawhar (sava hram erawh an beng chheng) takah chuan thingthi a tawngtai in thawhlehna hriatpuina hun tawi te chu kan hmang dun ta a. Kum danga kan hmang ang lo takin thusawi leh zai te erawh a awm ve lo, mahse kha hun tawi te ah khan kan tan a thawhleh avanga lawmthu sawi a tawngtaina hun hmang in kan kun a, in lamah kan haw leh ta a.
A kum leh lamah chuan Delhi a Mizo te pawh in hmun hrang hrangah Lal Isua’n thihna hnehna lawmna hun hman niin, keini bial pawh chu Mizoram House, Chanakya puri lama tel tur kan nih ang in phur takin kan chhungte nen (ka in luahpui te pahnih nen) kan va tel ve ta a. Ka Delhi sunrise service hman hmsak ber kha a rei lo ber leh mi kan tlem ber a ni na in rilruah erawh a la awm ve reng a nih hi.
Similar Posts:
- Ash Wednesday 2012
- Sunrise silhouettes
- Green Park Bye Bye….
- Halleluiah! A Tho Leh Ta!
- Delhi Mizo service at different places?
April 9th, 2012 at 11:07 pm
A hmasain muangmara chhiar hi ka tihdan a nia…
Report this comment
April 9th, 2012 at 11:32 pm
Chhiarchhuak lova comment hi ka hreh viau na a kan comment zuai phawt teh ang….
Report this comment
April 10th, 2012 at 12:11 am
Hmmmm in tan bung lova a lawm e. Kei pawh hi thu hi ka ziak tam lo na a, inti ziak mite tih dan hi ka la ve deuh a, duh duh a lo siamrem ve vak hi ka duh vak lo riau a….
Report this comment
April 10th, 2012 at 12:11 am
sheldon….ka sawi tum min sawi khalh
Report this comment
April 10th, 2012 at 12:27 am
I thian nen chuan in fakawm hle mai. Hnamdang ringlo zingah hi chuan ngaihthah ve mai a awl khawp ang. Mizoramah cuan kan khua a har lo teh asin.
Report this comment
April 10th, 2012 at 5:28 am
In tlem na a, Pathian erawh a lawm ngawt ang!
Report this comment
April 10th, 2012 at 2:42 pm
tam vanga Pathian hnaih thu awm suh…sunday tin mi 5 velin worship kan neih thin laite pawh mi ngaihtuah tir e a
Report this comment