(Ka blog-a mi ka rawn vawm bei ve tawp e)
Kan thurin bu-a SAM ziaktu chuan,”Kan damchhung kumte chu kum 70 a ni a, chakna avangin kum 80 pawh a ni thei” tiin a sawi. Chuti anih si chuan, ka damchhung kum tur hmun thuma thena; hmun khat ka hmang liam ve thuai dawn tihna a ni ang.
Ka hringnun hi naktukah pawh ka chhiar liam mai thei a. He ka hring damchhung hi ka thlirkir hun a thleng a nih pawhin, ka thuziak ho të të te erawh chuan cham zai an la rel mahna. Chuvangin, nakin hun atan ka nupui, tu leh fate’n an lo thlirkir ve duh mai thei a nia (ka la nei ve te a nih takin) tiin, ka ir-âwm thai tial hi a tam thei ang ber hnutchhiah ve ka duh a ni.
Dam kum 70-80 mi ruatsak hi thu ho të të thai hnawkin, ka hringnun hi ka la ziak liam dawn a ang. “Eng nge ka ziah ang?” tiin ka kawlawm leh laisuih ka chuktuah a. Ka ziah tum loh deuhvin, a hnuaia inziak buai nuaih khu nunna thaw pai hauh si lovin; ka dinchhuak ta a nih chu maw le.
He hringnun chân hlau reng renga inbengbel thin hi a thim zawnga thlir chuan, a lungchhiatthlak chang a tam thin. Mahse, lei hringnun a ni miau si a, kan duh emaw duh lo emaw kan vanglai nun hian; hmanlai hunah min la hnukliam tho tho dawn a nih si hi maw le.
I vanglai hun i hmang tha emaw, tha lo emaw, a nuam emaw, nuam lo emaw, hmanlai hunah an la hnuk liam dawn che a. I vanglai leh that lai hun i la chhui kir ang a, lungtileng mai an la chang ang. Tlanchhiatsan tum mah la, a la umpha tho tho dawn che a; tlansan theih a ni chuang lovang.
Ni e, kan duh loh leh phal loh chungin kan mawina vun hi a la chuar ang. I záng a kul rualin, i ngaihtuahna a kul ve tan mai ang a. Ke pahnih mai a tawk tawh lo, ke pathum i mamawh dawn a. Chutih huna i buan hneh loh chu, i muan laia muang leh chawl ve ngai lo hun leh tuiluang a ni tih i hre tawh ang.
Naupang chhia ngaihtuahna nei lova tal muat muat ang khan, i la tal leh ngei ang. Mawi lo ti chung chung siin, i lu-ah kelsam a la to ang a; i phal lo chung chungin i ha an la tla zo ang. Chutih hunah chuan e, buhhawp bawkin a la hrai puar leh ang che.
A ni asin. I khawhmuh a la fiah lo tial tial ang a, i beng hriatna te an la chuai deuh deuh ang. Vawiina i hmel leh i vun hi, i hmel leh i vunah pawh i ruat tawh loh hial hun a la thleng dawn a; i awih lo rum rum ang a. Hei hi i la hmachhawn dawn a, ka la hmachhawn ang.
Thumb generation hian forefinger generation ah a la tir liam ang che. Cell phone, remote control..adt kutzungpui ngei maia hmet zut zut thin khan; i forefinger i la chhawr rim zawk dawn a ni. I awih em? Chik rawh, i hrethiam mai ang.
I mi hriatreng theihna an la tla hniam tel dawn a nih chu maw le. Em em a i ti em ni? I chenpuite chu ila hre reng thei mahna, i hmuh zen zen loh i chhungte chu, “Tunge i nih?” i la ti chuai raih fo tawh ang. I tu leh fate ngei paw’n, “A pi hi, a pu hi- i lo tar ve tak tak tawh a nih hi” an la ti dawn che zu nia.
I phunchiar sawt em em bawk ang. I naupan chhiat a intan tha leh ang a, tu leh fate chithlum i la hlimpui thar leh dawn zu nia le. Mut thlahlel ve tak thin kha, mut pawh i mut theih meuh loh hun a la rawn thleng ang. Nagmahin i phun i phun ang a, nitin thlanmual i hnaih tial tial dawn hi a lo ni.
Ni a liam ang a, kar a liam ang a; thla leh kum an liam ang. Thlan khur lam i pan hret hret tih in hria ang che. I mamawh leh duh em em thin powder leh perfume te i tan awmzia an nei pha tawh lovang a, rimchhia maiah an la chang dawn a, êk pawh mahnia thiar thei tawh lo thlenga i la dam phei chuan, nangma hrin fanu, fapa leh tu te ngei pawh in an ten ang che a. I duh loh deuh hunah, i zun leh ek i la cheh ang. Chutah zet chuan i chhungte tan hnawksak mai mai i lo ni tawh dawn.
Ni a rei i tih em em rualin, zan rei i ti em em tho ang. Dam leh hrisel taka khawvel i chhuahsan ring suh, damdawi chakna ringin i mit i khap ang a; damdawi chakna ringin i thaw tawp i chhiar thleng ang.
Hei chauh hi ka sawi tum a la ni lo deuh deuh. Nâ i la tih em em tur pakhat chu, i nupui/pasalin a dampui reng lo tur che hi a ni. A tute emaw zawk zawk hnuk hi, hnukchahna khawvelah hian a la chat dawn sin. Engah nge hmangaihte hnuk hi Khuanu’n a tih chah rual mai loh tiin i la tap dawn tih hre lova i awm ka ring love.
Chakna avangin kum 80 pawh a ni thei…a reina chu thawhrimna leh lngngaihna mai a ni” tia min lo hrilhlawkna hi a dikin; i la tem dawn hauh va. Ka la tem dawn chauh hi a lo ni reng alawm le.
Nu te hmangaihna bawk. Misual ho hian...
May 20th, 2012 at 1:48 pm
Chhiar ang
Report this comment
May 20th, 2012 at 1:51 pm
He post hi ṭha ka ti ngei mai, a dik ka ti bawk si. Engtin emaw mi khawih, ‘riau’ a nei.
Report this comment
May 20th, 2012 at 2:02 pm
Tsa,
Report this comment
May 20th, 2012 at 2:13 pm
misual.com hi a reh vawng vawng mai a, hmun khawhar a chang zo ta!
Report this comment
May 20th, 2012 at 2:31 pm
Khawvêla tara thi leh ringawt tùra kan lo piang ve ringawt hi chu Siamtu hi a ninhlei ngawt mai.
Report this comment
May 20th, 2012 at 3:04 pm
@Ts, i awmloh phei chuan a reh vawng vawng.
Post chhiar hma a comment.
Report this comment
May 20th, 2012 at 3:59 pm
the patriot film ah khan a changtu Mel Gibson khan a inchhunga buaina lo thleng ta nuaih a hmuh khan engtikah emaw chuan ka sualnate khan min rawn um phak ka ring reng a ni..a ti a, ka hre chhuak zawk mai.
Report this comment
May 20th, 2012 at 4:18 pm
A va han huphurhawm ve… Mahse vanglaia mual han liam mai chu tuman kan duh awm si lova, siamtu min siam danah hian lungawi phawt ila, kan hmachawn tura i sawi khi pumpelh theih a ni si lo a, huai takin i hmachawn phawt mai ang.
Report this comment
May 20th, 2012 at 8:24 pm
Post tha tak a ni. Thumb generation tih khian class 11 kan zir lai min ti hrechhuak, kan sir pakhat hian a sawi uar thei lutuka, “tunlai thangtharte chu thumb generation ah kan chenga,” hi a ti fova, ama ‘concept’ phuachawp emaw ka ti thin. Kan nupui/pasalten min dampui ve reng dawn lo tih hriat hi chuan nupui/pasal neih pawh a chakawm loh sawt thin ka ti…mahse neih loh tawp lahin nun khawharna a zual ting mai dawn chu a ni si
Report this comment
May 20th, 2012 at 8:25 pm
Post tha tak a ni. Thumb generation tih khian class 11 kan zir lai min ti hrechhuak, kan sir pakhat hian a sawi uar thei lutuka, “tunlai thangtharte chu thumb generation ah kan chenga,” hi a ti fova, ama ‘concept’ phuahchawp emaw ka ti thin. Kan nupui/pasalten min dampui ve reng dawn lo tih hriat hi chuan nupui/pasal neih pawh a chakawm loh sawt thin ka ti…mahse neih loh tawp lahin nun khawharna a zual ting mai dawn chu a ni si.
Report this comment
May 20th, 2012 at 10:42 pm
Pathianin Finna apek Lal Solomona tluk zetin Hringnun i hmufiah a lawm le.
Lalpa tih hi alo tha ber mai e. Chatuan nunna kawl thin then chung hian Hrinnun hi thlirin hmang ila alo hahdam thlak ber mai e.
Report this comment
May 21st, 2012 at 5:50 am
Pu Pk, i sawi dik khawp mai. Engkim Lalpa hnena kawl tir hi a hahdamthlakin a lo nuam ber a ni.
Report this comment
May 21st, 2012 at 8:40 am
misual.com hi hmun khawhar a chang zo ta…
Report this comment
May 21st, 2012 at 10:58 am
Hmun khawhar a ni e, a reh tlawk tlawk mai.
Report this comment
May 21st, 2012 at 11:37 am
a reh tak em a nih hi.
Khawvel hreawm tuar turin, a then leiba nei sa, a then hausa sa, a then chaw khamkhawp pawh hmu lova tarthi leh mai tur hian min rawn lo leh kan duhthlanna ni miah lova nawr chhuah leh piantir kan ni mak ka ti deuh thin… te ti ila, a hot deuh ang a.. Ka lo piang ve ange.. ka tih vanga piang pawh ka ni lova, ka nun chhoh dan tur pawh tumah ka rawn nachhan tur ka hre lo.. ka duhdan danin ka nung ang..its ma life..
HOT raw pip..
Report this comment
May 21st, 2012 at 11:48 am
Hawh u, a mi ngaite bawk hian i comment tlut tlut mai ang u.
Report this comment
May 21st, 2012 at 11:59 am
Va tha ve hei chu
…………
Report this comment
May 21st, 2012 at 12:05 pm
Hot raw pip!
Report this comment
May 21st, 2012 at 12:09 pm
ts, a hot tak tak thei lo..haha..
Report this comment
May 21st, 2012 at 12:18 pm
comment
Report this comment
May 21st, 2012 at 12:27 pm
In sual hlawm em vang a nih hi a HOT loh, misual ho…
Misual detective K’u doc_lib hrilhlawkna a thleng dik mek …
A.., a hot lo em mai, ka comment leh peih lo…
Report this comment
May 21st, 2012 at 12:29 pm
Ti leh zuai.
Report this comment
May 21st, 2012 at 12:30 pm
Nun awmzia ka hre tulh tulha ka a tulh tulh…..
Hlimna chhan hi ka hre tulh tulha ho ka ti tulh tulh…..
Damchhung rei loh zia ka hre tulh tulha ngaihhlut ka neilo tulh tulh…..
Thil engkim hi ho k ti tulh tulha ka thatchhe tulh tulh…..
Report this comment
May 21st, 2012 at 12:33 pm
Ava tha eee
Report this comment
May 21st, 2012 at 12:49 pm
HOT pawh chu in va ngaisang hlawm em em
Misual te chu tihian a kal ngaiin a kal reng a, a sosang hluai lova, engemaw chang chuan post a zirin online han tam hluai tum te a awm ve bawk a. Englai pawh a ri luai luai tur chuan tuman hun kan neilo. Misual hrim hrim a dul vang pawh niin ka hrelo.
Report this comment
May 21st, 2012 at 1:23 pm
# K’u sheldon… Nia ti raw
Rawlthar tih takah, an beidawng hma a nih hi…
(senior bihrukin biru daih te’ng…)
Report this comment
May 21st, 2012 at 1:25 pm
#23 belhna
Ka fing tulh tulh a ka luck lo tulh tulh…..
Report this comment
May 21st, 2012 at 1:53 pm
A hot tulh tulh dawn niin a lang.
Report this comment
May 21st, 2012 at 2:05 pm
A hot tulh tulh a, ka ho telh telh…
Report this comment
May 21st, 2012 at 3:37 pm
30 tling law law teh se. Duh dan danin a OT theih, a lo hot zual nan
Report this comment
May 21st, 2012 at 3:41 pm
Nia. Comment a tam tulh tulh a, hot se ka ti tulh tulh mai.
Report this comment
May 21st, 2012 at 3:44 pm
Recent comment ah chuan kan intlar thla dul mai Ts.
Report this comment
May 21st, 2012 at 3:54 pm
Comment hi 50 a tlin loh chuan a post-tu thiam loh a ni ang!
Report this comment
May 21st, 2012 at 3:57 pm
Khawnge ti zel te’ng
Report this comment