Châkna!

September 29th, 2011 9:30 am by kawlhawk

A tirin –
Ît lo zetin ka chuktuah a,
Nêr núng chungin ka thun a;
Tui lo zetin ka ti a.
A nawmna reng ka pawh lo!

Ka ti zing ta tial tial a,
Ka ngaina chho tual tual a;
Ka thlakhlelhna a sang thur thur a,
Ka ìtna a pung chho deuh deuh a;
Ka chet khawlohpui fo ta a.
A lo nuam em lah tak a!

Ti chuan –
Hun-awl ka neih hlek leh,
Khua a thim thet thet tawh chuan
Insum harsa khawp chakna leh,
Tawrh hreawm khawp zauthauna ten
Dan rual lohvin min bei a.
Nasa takin min túr a!

Ani lah –
Duh hun huna kawih bungbut theih leh,
Awlsam tèa a silhfen phelh theihin;
A mawina leh ìtawmna zawng zawng nen
A lo inkheh sén hiâm reng si a!

Aw le –
A lut thla leh ta zàl zál e…
Min fan leh ta chiai chiai e.
Duhthawh leh thlahlel takin,
Châkna, zauthauna leh thisen lum nen
Mipa mipatna zawi hnawk khawpin;
I’n ti leh ngheng mai teh ang!

Tunah chuan –
A nawm zia ka pawh tawh a,
A zei zia ka hre tawh a;
Min tihhlim zia ka tém tawh a,
Tih loh zan chu zan pamhmai…
Zan khat âwl pawh zan uiawm!

Zep nak emaw –
A nuamin a hlimawm a,
Dam man a awm, tih man a hla;
Thangvanah kan thlawk dèl dèl zu ni hawt a!
Mahni tawka in-fit lai lo ni vei nen…

Mahse –
Hetiang reng chuan e,
“Zu ngawlvei-ah ka chhuak ngei dawn e!!”
Hei hi dawt pawh va ni suh.

Chûmi hunah chuan –
Taksa chaknain a zo lo ang a,
Mihring chhelnain a tlin lo ang a,
Paukhauhnain a tuar chhuak hek lo ang.
Thi mai thei thih hlau siin,
Mut hmunah ka thaw dè dé tawh ang!.

Zu in nuam vek u le…! lawls!!!

33 Responses to “Châkna!”

1
chhangteval Says:
September 29th, 2011 at 9:45 am
Cheers..!!
2
lawlsss Says:
September 29th, 2011 at 9:50 am
lawlsss! hahaha… tha lutuk!
3
Chhuaklinga Says:
September 29th, 2011 at 9:52 am
Va thiam ve le.
Reality is an illusion cause by lack of alcohol.

by:- Sir Johny Walker
4
SaNgpuiipa Says:
September 29th, 2011 at 9:53 am
Guut paws
5
shailendra Says:
September 29th, 2011 at 10:03 am
a ti leh ta kerh kerh mai…
6
rohlupuia chalrang Says:
September 29th, 2011 at 10:20 am
A va nalh turu buru ve aw…
7
lawlsss Says:
September 29th, 2011 at 10:59 am
Heng te vang hian lawm site dang aia misual ka thlan thin. News leh thil dang ah hnu fum mah u la thu & hla lam ah in hausa tlat. Vawi 3 ka chhiar chuak ta
8
TuaiSialA Says:
September 29th, 2011 at 11:16 am
lawlsss…! Tha mang e aw.. Mi a bum vei hrep lehnghala!
9
CFL Says:
September 29th, 2011 at 11:22 am
No Comment.
10
Vetehmial Says:
September 29th, 2011 at 11:37 am
Kawlhawka ala pangai reng e..
11
littlerascal Says:
September 29th, 2011 at 12:24 pm
He thuziak tu pa hi chu awwww!! Ka ngaisang ka la chibai ang!!!
12
LR_rengsi Says:
September 29th, 2011 at 2:38 pm
‘ Thil ‘ ngaihtuah chungin ka chhiar a, a tawp ka chhiar thlen hnuah a bul atangin ka chhiar tha leh…ngaihtuahna thar nen…hahaha.
A tha thin ngawt mai…:)
13
lalpeace Says:
September 29th, 2011 at 3:11 pm
THIL chi hrang han kaihkawp vel hi chu a hneh mawle
14
eL Says:
September 29th, 2011 at 3:31 pm
ZIA khi i ziak sual em ni?? Post tha tak a ni,
15
Nghatunval Says:
September 29th, 2011 at 3:41 pm
I va han thiam zozai ve le, a tha kher mai. Ka chhiar nawn tlut tlut a,chhiar pawh a nuam,Rhyme tha khawp mai.Spelling mistake niawm tak Uiawm,hreawm tih te alo awm a,”h” belh ve ve la, Print Media lamah rawn theh chhuak teh,zirlaibu ah hial lak luh tlak ni in ka hria. KZP KZP
16
H.Vangchhia Says:
September 29th, 2011 at 3:49 pm
Thil 2 i ngaihtuah lo maw?
17
Atom c Says:
September 29th, 2011 at 4:03 pm
…, tam tak tan chuan chhiar a nuam vak kherlo thei….a tawpna chauh khi ngaihtuah thei ila a zia deuh mahna…
Eng kawng zawng pawh chu nise experience ngah tawk tak ziak a ni, tih chu a lang reng mai,.., (noi)
18
bulaya Says:
September 29th, 2011 at 4:07 pm
E khai! I va ziak thiam ve le
Suangtuahna ram ni lo lo min fan pui nghek hman a lawm le.
19
saint sammoo Says:
September 29th, 2011 at 4:33 pm
kei pawh zanin tlai chu condom hmang lovin ka’n thun sen zuai2 teh ang..gud paws.. kzp.
20
saint sammoo Says:
September 29th, 2011 at 4:37 pm
OT loks: sticky post khi pawtthla tawh se.. ka hman ve der si lo..haha..
21
ninja Says:
September 29th, 2011 at 5:27 pm
Ngaihtuahna a lo puk ruih hman a lawm le
22
ZerO Says:
September 29th, 2011 at 5:42 pm
Post hur tak a ni lolz…….
23
Unsung Says:
September 29th, 2011 at 5:53 pm
Misual.com hi mizo site zawng zawngah ka rilrem ber ani…chu mai te chu
24
H.Vangchhia Says:
September 29th, 2011 at 5:58 pm
#23 keimahah pawh a dik. Misual ah chuan computer hmang mah ni ila, kan thu inchhawn danah pawh mihring leh mihring kan inbe deuh alawm.

Hmun dangah chuan inzahpahna a awm lemlo. Computerah thu type mah ila kan thu dawngsawngtu kha mihring tho anih an hre chiah thinlo vin ka hre fo mai.
25
Asteric Says:
September 29th, 2011 at 6:07 pm
Kawlhawka hi sex lam a uar em mai a hur zek in ka ring tlat :tlan chhe daih:

A poem ziah chhan ber khi zu chu nih ve hmel fu si
26
H.Vangchhia Says:
September 29th, 2011 at 6:15 pm
Asteric #25 a rilru a awm a tih hlawhtlin theih thin siloh a puakchhuah pui thin aniang (hrethiam em?) hairehai
27
Asteric Says:
September 29th, 2011 at 6:26 pm
#26 hairehai a rawn in sawi fihlim leh vek tho ang
28
Lamji Says:
September 29th, 2011 at 7:54 pm
Hahai! Hur tùk dawn emaw tia.. Thu I van thiam ka tiii keichu…..
29
caribou Says:
September 29th, 2011 at 10:11 pm
Suangtuahna dam lam pangah min hnuklut dawn emaw ka tia….. Kawlhawka nge nge, thu leh hla lama mi duai lo a nihzia a rawn lan tir leh ta anih ber mai hi.
30
H.Vangchhia Says:
September 30th, 2011 at 8:41 am
Pic OT tak chu!: hairehai

https://i51.tinypic.com/jha0xy.jpg
31
littlerascal Says:
September 30th, 2011 at 9:19 am
#26 Hv comment khi ka like e, I sawi dan khi a cute reuh eee hihi

Misual a ka hmu chak pawl a ni, he mihring ril ru tak khi As_khiangte nen
32
lamea25 Says:
September 30th, 2011 at 12:04 pm
mi va bum chiang ve…rilru ila peng trep alom lee… aw zuuuuu
33
ruatruatapa Says:
October 1st, 2011 at 5:07 pm
K’u Kawltea nge nge. FB lamah a aitechiauna ka chhiar tawh.. ka nghakhlel hle mai. Ka save hmak e.. Hur miah lovin