Tun kar kalta-ah khan ṭhian ṭhate zar zovin Mizoram hmarchhak lamah ka han zin ve a. Tunlai HPC [D] neuh neuh tam lai a ni a, ka zinna lam lah chu an demand area huam chhung a ni bawk a. Thu nawi neuh neuh ka han hria a. Ngaihtuahna a tithui ve khawp mai a, a ṭhenah phei chuan a den nuam tawkin ka ling ve viau a ni.
May ni 15 khan Sakawrdai lamah chuan kan han kal a. Darlawn tlangdung kawng ṭha em em si kha New Vervek aṭanga Sakawrdai inkar kawng chu a chhe em em mai a. Sakawrdai hnu lampang phei chu metal loh a ni awm a. Ngati nge heti em ema kawng a chhiat mai le, ka ti rilru a. Ngopa to Mimbung lampang pawh namenlovin a chhia tih ka hriat hnu chuan sawrkar hian inlakbing duhte awmna lam hi a ngaihthah deuh a nih ka ring ta ringawt a. Mimbung vel phei chu Minister bial a ni lehnghal. Chhe sawngkawrtawis tak a ni.
Sakawrdai kan thleng chu kan tihtur kan ti a. Pa pakhat (fimkhur thil thu-ah a nihna zêp ila) hian, “HPC hi Aizawl lamah in hlau em em a, in sawi angin a hlauhawm loh tih kan hria a, kan nuih a lo za khawp mai a,” tiin min hrilh a. A hmuna han awm mai chuan hlauhawm a awm âwm paw’n a lang lo. Anni Hmar te tan ngat phei chuan an hlauhawm loh lehzual ang.
Vanbawng lamah kan chho leh ta a. Thil a lo danglam ta daih mai. May ni 16 kha an Martyrs Day a lo ni a. Hemi ni hian HPC [D] te hian an demand area-a mipuite chu khaw chhung chhuahsan (ram kal) lo turin an ti ṭhin a. Khaw chhung chhuahsan rama an hmuh chuan an chungah action an la ṭhin (thihna thlengin — sawi tam rih lo ila). Information Centre-ah te ram riak awm zawng zawngte chu ko haw turin an puang a, tumah ram chhuak lo turin an inhrilh bawk a. Tumah an ram kal ngam lo va, inah an awm ṭhap mai a ni. Chutiang chuan tihluihnain HPC Martyrs Day chu an serhtir a, khaw ṭhenkhatah phei chuan tournament te an siam nghe nghe.
An Martyrs Day chiaha zin chhuah leh kan ngaih avangin kan thlenin nu chuan min ngaihtuah tak chungin, “Fimkhur ang che u. YMA pawh an ding ngam tawh lo va, an ṭhiat vek a nia. An hlauhawm lutuk,” tiin thu min chah a, Sakawrdai lam thu nen chuan a inpersan ta khawp mai. Tichuan, kan chhuak ta a, engmah buaina phei chu kan tawk lem hlei lo va.
Aizawl lam kan thlen leh hnu chuan Vanbawng khaw pa pakhat hian May ni 24 khan mi rawn phone a. “Tunlai hian kan khuaah HPC [D] hovin donation an rawn khawn a, kan VC te pawh an buai khawp mai. A nuai tel an rawn phut a ni,” a rawn ti a. “Chu chu in tinah em ni? Engtin zel?” ka ti a. “Sawrkar hnathawk hovah a ni deuh ber. Vawiinah Darlawn aṭangin OC hovin an rawn thawk chho dawn a, VC-te’n tihdik loh an neih chuan an man ang,” a ti ta mai a. A police lam pawh an thlamuanpui lo kher mai.
Tichuan, ka zawt ta zel a. “Engati nge YMA Tournament-ah in tel loh?” ka ti a, “YMA an awm tawh hleinem, an ṭhiat daih tawh alawm,” a ti leh ta zel a.
Chutah tak chuan, “HPC [D] ho zet chuh!” ka ti ta a ni!
Similar Posts:
- Tantia kawng siamah Lunglei mipui lawm lo
- Kan kawngte hi
- Nupui,Pasal Humhalh
- Zan vak
- Hriselna lam hawi post hi awm ve se
May 26th, 2012 at 7:36 pm
Chhiar zet phawt ilah
Report this comment
May 26th, 2012 at 7:45 pm
similar post zet chuh. i va zin nasa tawh ve…ts.
Report this comment
May 26th, 2012 at 7:47 pm
@vakul, nia, thil dangah daih ania ka zin ni. Blog-ah a kimchangin ka post chiah e.
Report this comment
May 26th, 2012 at 8:04 pm
TSA post a ni bawk a, comment hri hri teh ang.
Report this comment
May 26th, 2012 at 8:12 pm
north ho chu nuai hrep ila ni mai lom. (tih hot tum)
Report this comment
May 26th, 2012 at 8:19 pm
Manipur kan va ang tan ta ve awwwwwwwww. Manipur buai ang chi saw a tawp theilo chi, chutiang in Israel buaina.
Mahni ram leh hnam inkar ah buaina sual tu te hi chu Delete vek an chak awm.
Report this comment
May 26th, 2012 at 8:44 pm
Ka ning ve khawp mai, lo inluling zel teh se
Report this comment
May 26th, 2012 at 8:53 pm
Ho mai mai e a… tu man lau ngai-sang suh ang che u, Sorkar hna thok ho bul ah sum an demand a Sorkar hna (Sepaih tal) thok peih lo ho: Sorkar in han beih tum tak2 se hmuh phak tumah an awm lo ang e.g. Manipur a Operation All Clear an nei tum poh khan India Army in Manipur hel tu mah kah tur an phak loh kha, Just Like That.. Sala
Report this comment
May 26th, 2012 at 8:53 pm
HPC – tren tren!
Report this comment
May 26th, 2012 at 8:59 pm
An va zamlo hah2 ve aw!
Report this comment
May 26th, 2012 at 9:24 pm
Politics thil a ni a muang leiah tha te tein a indawr fel theih loh thin em ni ang le? Mihring nunna mai hi a hlu a ni lo, hlim leh thlamuang taka awm hi a hlu em em bawk asin. Helna hi thil tha lo a ni, mahse hel lo thei lo va siamtu an awm a nih erawh chuan a dik chuang bawk si lo.
Kan ram zimteah hian inngeihtlan dan kawng i zawng teh ang u.
Report this comment
May 26th, 2012 at 9:29 pm
N.B. 2012 thleng a Hel active ho hian sum/poisa bak buaipui aneilo e. hmanlai ang khan tu man an nun an sacifice ngam tak2 lo thung
Report this comment
May 26th, 2012 at 10:00 pm
Chu i rawn hlau haw viau a law?:D
Report this comment
May 26th, 2012 at 10:11 pm
Na’Maste, niang chu..haha
Report this comment
May 26th, 2012 at 10:29 pm
misual.com vrs lawrkhawm.com
Ṭan lak a ngai hle mai.
Report this comment
May 26th, 2012 at 10:45 pm
Ka bialnu hi Hmar a nia he post hi ka support ngam lo
Report this comment
May 26th, 2012 at 10:55 pm
^—– I tenawm mai e a.
Report this comment
May 26th, 2012 at 11:08 pm
HPC(D) ho hi Manipur leh Central sorkar nena inremna (SoO) nei an ni a, an ralthuam pawh an designated camp ah tung vek tur an ni….ralthuam nen Mizoramah an rawn inluling hle mai.
Engpawh ni se, an area a an puan chhunga hmasawnna chu tu pawhin kan duhpui theuh ang chu….a ngaihtuah theite tan chuan. Buaina/thisen chhuahna chuan rah tha a chhuah lovang, a tuar nasa tur chu an area chhunga mipui pawisawi lote tho an ni ang.
Tu rilru mah ka ti na lo ang chu maw….
Report this comment
May 26th, 2012 at 11:31 pm
Kan changkang lo, ngaihthah kan ni,ti a iak iak hi chu an mahni zir loh a ni tlangpui.
Report this comment
May 26th, 2012 at 11:49 pm
Hel pachhe ve tak pawh ni mahse, hel an nih na hrim hrim ah hian ngaihthah chi an ni lo. Hel leh tur zel tan hel a chakawm ngawt ang ti te hi chuan.
Report this comment
May 27th, 2012 at 12:30 am
HPC ah pawh a D zawk. D hi a Dawih zawk tihna ni hmiang ka ti mai a.
Report this comment
May 27th, 2012 at 1:12 am
19 lai chu kan online.
Report this comment
May 27th, 2012 at 1:36 am
^i ho mai mai em mai.
Report this comment
May 27th, 2012 at 3:08 am
sawrkar hian hlawh pe ve mai se, an hel peih ka ring lo..
Report this comment
May 27th, 2012 at 3:39 am
An hel rei tawh, hmin ve tawh se awww…
Report this comment
May 27th, 2012 at 3:56 am
Keini ang rilru te tan chuan tei theih an va har ve
Tingawt ila politics inlumlet hian thil nihphung hi alo ti awm ang ve viau zel bawk sia.
Report this comment
May 27th, 2012 at 6:24 am
Mipui zalenna leh mimal zalenna rap bet zawnga khawsa ho hi ka haw hrim hrim. Mahni veng tleirawl ar ru mai mai leh rakzu fun hnihkhat pai mai mai pawh hlap hrep thin hnam hian kan ram sahthlak tum a, mipui ti thlabartute hi kan hlap hrep ngam dawn lo a nih chuan… Mizo nih hi thil zahthlak tak a ni ang, mai mai lo chuan.. kan sorkar hian a hmet mit ngam lo a nih chuan HPC(D) do pawl pawh a ding lovang tih tu nge sawi thei, zu do pawl pawh an ding a lawm le.
tren tren
Report this comment
May 27th, 2012 at 7:33 am
Hmar area chhung mai ni lo Mizoram chhung ah kawngtha lai sawi tur pawh kan nei tawh lo. Development kai rual lo hian HEL pawh a kai tho ni in a lang. Kan hmar unau te pawh dem tur an awm chuang love. Mahse an in lak bing tum dan hi chu Mizoram thendarh duhna rilru a ang tlat, chuvangin heng ho hi chu dim miah lovin sorkar pawh hian control rawh se. Buai laiin kan ram leh hnam tan mi tamtakin nun an hlan a, an ni paw’n hei hi an rawn cho a ni. Kan sipai te pawh hian HEL ho hi nung chung in rawn hawn ziah lo sela a ziaawm deuh lawng maw? Min that a, an ni ve lem nung chung a an rawn zawn hawng leh ziah hi chu a khamawm ta. Israel ho ang khuan kan sipai te u nuai chimit hmiah2 mai teh u, an peih rei ngam ngut e maw chu en teh ang!!
Report this comment
May 27th, 2012 at 8:31 am
Pressure cooker ah chhum vak se an hmin mai ang
Report this comment
May 27th, 2012 at 9:30 am
Kan la nuai chimit vek ang, an duh dan in ro lo rel se mipui thlabar takin siam zel teh se. Hel nawn ngam tawhlo turin ka la nuai chimit vek ang. Manipur ah duhleh demand area te va nei se. Raltlan hian duh duh an phut tur a nilo.
Report this comment
May 27th, 2012 at 10:01 am
Kei chu Hmar bai hi tui ka ti
Report this comment
May 27th, 2012 at 10:04 am
Hahthlak khawp mai
Report this comment
May 27th, 2012 at 10:19 am
Tukin UFC fight chu helah an itawm hlawm khawp mai. Frank Mir lah Dos Santos (Heavyweight) a hneh ta bawk si lo. Charlize Theron pawhin Live in a en ve tlat
Report this comment
May 27th, 2012 at 10:22 am
HPC [D] ho hi Hmar bai ang an lo ni. An thak tlat. Home Minister-in, ‘ADC pek tumna kan nei lo,’ a tih dum dum hi demand area-a awmte tan thil thlamuanawm tak a ni lo.
Report this comment
May 27th, 2012 at 1:18 pm
ngaituahna mai2.. hpcd ho hian nakin zelah vai ho tanpuina la in in tipung zel se ralthuam tha ber2 nei thei zel se MIZORAM a him zel thei a ngem?? hmar ho hi MIZO te hian kn lo hmusit ve reg ani te ka t thin chang cuan… kan la chep don!!!
Report this comment
May 27th, 2012 at 3:11 pm
hmar lulian ho ve hi Manipur leh cachar lamah paihte leh kuki ho an ngam loh vangin mizoramah an rawn raltlan a an huangtau tawlh tawlh mai.
Report this comment
May 27th, 2012 at 4:34 pm
Vitamin_C
nia..kan la nuai pherh vek dawn nia..This is Mizoram!! mai mai sala! 
Report this comment
May 27th, 2012 at 8:24 pm
HPC D ho chanchin bawk maw! Manipura thin phu dep dep a awm thin, mizoram ah thlamuang taka an awm hi duhtawk mai awm ania, an inluling vak mai hi chu hriatthiam a har khawp mai. “An ni pawh in ralthuam an lek thiam a nih chuan keini pawh in kan thiam ve a, kan lek ve hun pawh a thleng maithei” ti tu pawh ka hre nual.
YMA an dissolved ngam hrim hrim avang hian kan sawrkar pawh ka dem tel tlat.
Report this comment
May 27th, 2012 at 10:00 pm
Mut hma leh lawks, MIZORAM MIZO TA.
tren tren
Report this comment
May 28th, 2012 at 1:58 pm
Kan thawhpui Paite pakhat ka zawta in khua (Churachandpur) ah HPC-D an tih ho hi an hrang ve em ka tia. Min chhanna chuan ngaihtuahna a ti thui khawp mai, “Never heard of HPC-D in ccpur, there used to be some Hmar underground but were never active in town area, the main outfits are ZRA and KNF” zuk ti daiha.
Thil hriatthiam har vak chu anih hmel loh, HPC-D hi chu sawi pawh sawi tawh lo ila ani mai…an nihna tak han hriat chian chuan an lo nep emmai.
Report this comment
May 28th, 2012 at 7:16 pm
@Whatever (40) – I Paite thianpa chuan a ti ve mai mai ani chu. CHurachandpur ah khian group pathum lian tak tak an awm – KNF (Kuki), ZRA (Paite), leh HPC(D). Mahse, area an nei hrang veka, an mahni “area (jurisdiction)” ah chuan hlauhawm tak tak vek an ni. Zu kal nikhua chang pawh hian fimkhur a ngai hle. A chhan chu Mizo (lushai) te hi min er em em vek an ni a (hnampui na na chu mi hi an thik khawp a), ho te a an pawi sawi vaih chuan kut tawrh chu sawi loh, nunna tan thleng pawhin a hlauhawm a ni.
A group len ang zawng chuan KNF an lian bera, a dawtah HPC(D). ZRA chu an te bera an area pawh a zim ber (Lamka area khi a ni deuh ber).
Report this comment