Kum 1929 January ni 17 khan Elzie Segar in kum 10 zet Comics alo tihchhuah tawh POPEYE chu Thimble Theatre ah tihchhuah a han nih khan, rinai takin miten an lo hlutin a lar ta hluai mai a. A hmel enin amah kan duhna tur leh ngaihzawn awmna hranpa tak a nei lem lo. Te teng tawng, taksa dang phulova banpuam lian, Kuaite petkawh deuh reng mai kha ani ve mai a. Mahse, Theatre a ahan chhuak chiah chu a tira a ziaktuin achangtu ber tura a ruat Olive Oyl a rawn larkhalh ta daih mai a ni. Television lamah tihchhuah ahan nih phei chuan lar namenin a lar ta lo va, a thawnthu hrang hrang hi 600(zaruk) vel zet siam ani tawh a ni.
Chu Lawngpu fuat nei, a tawp thlenga tang peih leh Hnehna chang leh nge nge thin chu karlovah Cartoon film ngainat ber leh lar ber alo nita mai a ni. Mahse he Lawngpu Popeye hian englai pawhin hnehna a chang reng thin bik hauhlo mai. “em em a, a lutuk deuh alawm maw le” tih tur khawpin sawisak ani thin a, reitak tihduhdah leh sawisak retheih a tuar thin. Amaherawhchu, a tlawm mai mai ngai lova, chutih a hnehin, Tuar theih chintawk a nei a, a thinur tawpkhawk rawn puakkeh chu a hlauhawm thin hle mai a, a tuartu nih a chakawm loh hle thin a ni. A Spinach bawm a han hawng a, a han ei tawh chuan, a bialnu Olive Oyl-I chu a hmelma pa Bluto/Brutus a lak atangin hnehsawh takin a chhanchhuak leh thin a, Hnehna a chang leh nge nge thin a ni.
A dawhtheihnain a a tlin tawh loh changa a thuchham thin lar tak mai, “Khati zawng kha ka tawrh theih chin a ni, a chhan chu ka tuar thei ta ngang lo a ni!” tih chu naupang zingah changlo pawh Rawlthar zingah thlengin a lar hle anih hi.
Popeye-a tawrh theih tawh nganglohna chuan misual leh a thil sual tih lakah a chetchhuah tir ta thin a, chu chu ngaihsanawm ang reng tak leh a film tihmuhnawmtu ber pawh a ni thin.
Kan nitin nunah hian kan inchhungkhurah rilru tihah tun leh thin tiur tun mai thil kan han tawng a. Kan office lamah leh kan chhuahvahnaah chu thil belhchhah tur thinur thlak tak tak thil kan han tawh belh leh a. Accident leh damlohna chi hrang hrangte bakah sual tura thlemna hautak tak takte kan han tawh belh leh chang phei hi chuan, “Ka tuar thei ta ngang lo ve” tia nun pawh thlahlel hlei theilo khawpa rilru ipik leh tawt tun chang te in tawng ve tawh ngai em?
Jakoba 1:2-4 kan chhiar chuan, Jakoba hian Thlemna leh tuarna kan tawh thinte hi min tichhetu tur nilovin kan dawhtheihna leh rinna fiahna anih zawk zia te, Chumi kan paltlang chuan Ringtu puitling kan lo nih theih zawk dawn zia te min hrilh a ni. Pathian hian kan tawrh theih tawk piahlam, a lutuka thlemna kan tawh hi a phallo tih Jakoba hian a sawi chiang hle a ni. Chutiang thlemna leh harsatna kan chunga thlen a phal chuan,amah hnaih a, amah atanga chakna la thin turin min duh a, a tawrh theihna leh rilru zangkhai theihna te, chu thlemna atanga tlanchhuah fihlim theihna kawng pawh min buatsaih sak thin tih a sawi chiang hle a ni.
Hun harsa leh Thlemna tawrhlelhawm tak kan tawh chang hian zam a, tlu mai lo leh, mahni nunna lak duh rum rumna thinlungte pulo hian, Popeye ang hian kan Spinach Lal Isua lam hi en thin ila, a tanpuina dilin intichak ila, kan hmelma Bluto/Brutus/Setana thlemna chu kan hneh thei thin dawn a lo ni.
“Ka unaute u, in rinna fiahna chuan chhelna a siam tih hriain, thlemna tinreng in tawh hunin lawman hlirah ngai rawh u. Tin, engmah tlachham lova in famkim a, in puma in him theih nan chhelna chuan thawk famkim rawh se” (Jakoba 1:2-4)
“Mihring tuar theih ang chauh lo chu thlemna reng reng in chungah a thleng ngai lo. Pathian zawng a rinawm a ni, ani chuan in tuar theih tawka liam chu thlemna in tawh a phal lo vang; in tuar theihna turin thlemna rualin tlan chhuahna kawng a siam nghal zawk ang”. (I Korinth 10:13)
Vawiin hian Kohhran intlawh tawnnaah Speaker atan min ruat ve a, kan va tlawh tur kohhran hi an lian lutuk lo naa, Itanagar bialtu MLA Techi Kaso te kohhran ania, min lo tawngtai pui ve dawn nia.
Sunday hman nuam vek u le.
Similar Posts:
- Attacking
- Thlemna (Temptation)
- Beidawn piah lama Chhantu Ropui
- Pathiana mihringte dinhmun;
- Mi thil tih sualah I lungngai ngai em?
June 3rd, 2012 at 11:40 am
good post.
Report this comment
June 3rd, 2012 at 11:48 am
tu tut
Report this comment
June 3rd, 2012 at 11:52 am
third pakak
Report this comment
June 3rd, 2012 at 11:52 am
K’u Pka a che leh ta. Tehkhin thu tha tak hriatthiam awl tak a ni e.
tren tren
Report this comment
June 3rd, 2012 at 11:54 am
a hlawkthlak thin hle mai.
Report this comment
June 3rd, 2012 at 12:16 pm
Report this comment
June 3rd, 2012 at 12:43 pm
A tha e. Rawngbawlna tluang taka i neih zel theih nan duhsakna tam tak nen kan lo tawngtaisak ang che…
Report this comment
June 3rd, 2012 at 12:44 pm
Report this comment
June 3rd, 2012 at 1:36 pm
Ekhai a va tha leh pap pap ve aw. Pk, i va rawngbawlna ah chuan Pathian malsawm mawlh che rawh se….
Report this comment
June 3rd, 2012 at 2:04 pm
Va han ropui tak,….. Mualthuam N TKP in kan kohhran TKP te an rawn tlawh a, keini pawhin hun hlimawm tak kan hmang mek e
Report this comment
June 3rd, 2012 at 2:17 pm
Inkhawm kan bang tawh a, ruai te kan theh a(ruai tenau han theh mai hi an awlsam hle), in kan thleng leh tawh e. Pathian zarah kan hlim ve khawp mai. Bucko te pawh hlim takin inlo hmang dawn nia.
Report this comment
June 3rd, 2012 at 2:24 pm
Report this comment
June 3rd, 2012 at 5:44 pm
Very good post
Report this comment
June 3rd, 2012 at 6:29 pm
Inkhawm hun hma deuh khan kan Misual zawk a, PKfanai’s Sunday special a lo awm hauh lo mai chu a hrilhhai thlak ka ti khawp mai. Mahse hei chhunah a lo chhuak hlauh mai a a va lawmawm em. Tun tum phei chu kan chhiar chhuah thak chu le, a tha kher mai.
Report this comment
June 3rd, 2012 at 6:53 pm
Report this comment
June 3rd, 2012 at 8:04 pm
@ 14 awmawmpuia, hetia in rawn comment thin hian min tiphur nasa thin ania. Lalpan rem atih chuan Sunday pual hi rawn chhunzawm zel chu ka tum ang. Hetiang chi leh Topic hrang hrang, a zirchianna ang chi rawn karthlak thin kan tum dawn nia.
Report this comment
June 3rd, 2012 at 8:11 pm
Chhun ah khan ka chhiar hmanlo a, tunah ka chhiar zo ta dap e…
hetiang thu tha tak2 awmhmun a han chhiar mai tur a awm thin hi keini ang inkhawm peihlo tan hian a zia khawp mai, A chhiar tal han chhiar ve hi chuan pathian lakah ngaih te pawh a ngam ve deuh alawm
Report this comment
June 3rd, 2012 at 8:23 pm
@ 17 mx
Report this comment
June 3rd, 2012 at 10:12 pm
A central idea chu pa te teng tawng tawrh theih toh loh chin………
.
I kailut thiam ang reng thin
Report this comment
June 3rd, 2012 at 10:19 pm
Heidenrial overlai tih hi han hrilhfiah dawn chhin teh a???….Hidden reality tih te a ni thei mai a ngem?
Report this comment
June 3rd, 2012 at 10:43 pm
Popeye-a hmanga sermon ah chuan ala tha ber ang
Report this comment
June 3rd, 2012 at 11:12 pm
ka sawi ve zauh tawh sunday pualah hian…kei aiin i sawi thiam…gud post.
Report this comment
June 4th, 2012 at 1:41 am
#19, mulco27, zanin chu ka silent ang ka’n ti zet a I comment mit siai turin ka lo lut zuai.
Pu Ck Fanai, i sermon hi mitin mil,naupang hriatthiam,puitling ngaihthlak nuam tihzawng tak niin ka hria. Hrilhfiahna awlsam,chiang em em si hian i sawi thei reng zel mai a Pathian nen lo chuan ziah mai a harsat ang. Malsawmna lo ni zel ang che.
Report this comment
June 4th, 2012 at 5:52 am
In ti lawmawm thin e. @vakul, i thawh tamlo naa, i thawh chhunte hi chu atha ka ti thin teh asin. @ malsta, Tawnghriatloh hi Pathian Thlarau thilpek ania, a chang velo ten hrilhfiah lo tum ve ngawt chi pawh ani lo. Pek ka ni ve rihlo tlats.
Report this comment
June 4th, 2012 at 6:00 am
Lamji, Sikulah kan thawk a, hostelah maupang 150 chuang kan enkawl bawk si a, thingtlang hmun hla lama Pathian thu hrila han vahchhuah theihna hun hi a tamlo khawp mai a. Rawngbawlna peng dang 1 Pathianin min pek niah ka pawm thlap a, Lalpan tul a tih chhung chu ziah tur pawh min pe zel ang tih hi ka ring hmiah mai.
Report this comment
June 5th, 2012 at 1:01 am
Pu PK Sunday pual hi chu ka hman hunah ka chhiar ve ngei ngei.. Popeye the sailor man hmangin sermon tha tak i rawn ziak thei a, ka lawm hle mai..
Report this comment
June 5th, 2012 at 1:12 am
PK Fanai: Tawng hriatloh hi mak ve ngot mai, mahse i rawngbawlna Pathian thlarau thianghlimin a awmpui zui zel che rawh se…..
Report this comment
June 5th, 2012 at 6:28 pm
@Malsta27, bible min zirtir dan hi a fiahin a chiang tawkin ka hria. Tuemaw ka hmangin, Thlarauvin tawnghriatlohvin thu a rawn sawi anih chuan, a awmzia hrilhfiahna a dawng nghal turah ka ngai a, anìhloh pawhin tuemaw talin a hrilhfiahna dawngin, Pathianin thu a puan duhnate hnenah an hriatthiam tur ngeiin a hrilhfiah thiam turah ka ngai. Chuti anih loh chuan bengchheng leh inkhawm tibuaitu mai mai ani thei.
Report this comment