Mizo tlangval paruk te chu Nagos Consultancy Aizawla miten advertisement an siam atangin Bangalore ah Security guard hna thawk turin an lokal a, Bangalore an lo thlen hnu in an hnathawh tur chu Mangalore lamah a ni zawk tiin hriattir an ni a.Tichuan an mahni sum seng in Mangalore lam an pan leh ta a.
Mangalore an thlen hnu pawh chuan an tiam anga hna an pek tak loh avangin an lungawi lovin Nagos consultancy a an Manager Sidique leh an promoter Pu Dika te an han phone a. Anni chuan Bangalore lamah hna dang Accomodation pawh awmsa vek a awm thu hrilh in Bangalore ah an let leh turin an hrilh a. Bangalore an lo thlen hnu hian Mizoram House ah innghat a.
Bangalore an lo thlen leh hnu chuan beiseina sang tak nen an hna thar tur chu an nghak leh a, amaherawh chu chutianga hna hmuhsa awzawng a lo awm lova, hna thawk tur chuan mahni va interview chawp a lo ngai a, an zinga thenkhat ten Hindi an thiam lova, hna hmuh mai theih a lo nilo a. Mizoram lama an haw leh dan tur te an ngaihtuah a, pawisa an neih tawh loh avangin pawisa te puk kualin buai takin an khawsa mek a ni.
Kumin kumtir April thla atang khan Bangalore ah hian Factory a thawk tur, miin a awm tur, leh Security hna thawk tura consultancy hrang hrang in an rawn tirh thlak tawh, hna an tiam ang a awm leh silo hi mi 34 lai BMA in a buaipui tawh a, haw leh duh pawisa nei silo te an hawnna tur Train ticket te a then chu leisak an ni.
He thil ah hian BMA chuan kum 2002 chho vel atang khan Mizoram Mipui te hnenah thuchah siam in Bangalore a lehkhazir tur emaw, hnathawk a lokal tur te emaw chuan Bangalore Mizo Association te hnenah zawhfiah hmasak thin nise tiin kumtin thuchhuah a siam thin a. Hei hi ngaih pawimawh nachang hriat a tha hle a,a tawp ah chuan Mizo Welfare thovin a buaipui leh thin avangin hna thawk tura lokal ten BMA hruaitute rawn hmasak nachang hre zel ila a lawmawm hle ang,.
Similar Posts:
- Bangalore-a hnathawk tura chhuk bum an ni em?
- Hello Bengaloor’ians!
- Thlawhna India ah chesual
- Mizoram Nursing College building permission chungchang
- Dynamic Consultancy neitu tlanbo
June 18th, 2012 at 11:44 pm
A lo thleng leh ta ani maw? 2009 pawh khan Kan PG ah mi 11 vel tianga buai hi an rawn thleng khawm tawh a. Khawngaithlak hle mahse a tir atang hian an chhut ngun lo deuh emawni aw, te ka lo tia. Mahse a Aizawl/Mizoram lama a Buaipuitu ho khan an convince hneh ve hle te pawh ani tak ang. Ram dang, an kal ngai loh na a rawn buai lo hmuh chu, tawng an thiam si lo, an bo ve lutuk a, an khawngaihthlak duh asin aw, a then chu..
Report this comment
June 19th, 2012 at 2:37 am
kan State a intodelh tawk lova, mahni khua/vengah hna han thawh mai tur a vang em em a, kuthnathawh tih loh chu. Tin mizote chu engmah ni si lova mahni aia hniam nia kan ngaihte hmuhsit ching tak mai kan ni a, chubakah sawrkar hna kan ngaisang si a, mi pangai tan chuan hna hniam deuh thawh rau rauah pawh mahni khuaa thawh ai chuan vai ramah zalen taka tuma mitmei veng lova thawh chu remchanna alo awm anih chuan an thlang zawk te pawh a ni ta ve ang.
Vaiho pawh kan ramah hnathawh tur zawngin an rawn lut chur chura, India ram State hausa leh intodelh deuha hnathawh tur zawnga kan lo chhuak te chu indem ringawt tur a ni lo. Chhuah pawh chhuak ngamlo/peih hlawl lo etc an tam mah nak laiin! an fin tawk loh leh well-informed an nih loh avanga tawhsual an lo tawk hi an thiamloh a ni vek ringawt lo, a chhehvelah thil tam tak a awm tih hriat tur. An hlawh zat tur hi Rs 5000 a ni chiah em tih pawh hre hawt lovin dem nan leh sawisel nana lo hman vak vak hi a fuh lo bawk.
Tin, a tuartu leh a tawngtu ni ve silo pawr tak taka chutiang khatiang hna a awm reng alawm rawn titu thenkhat te khi chu thawh tak tak ngai ta se a hreh berah an tang maithei a ni, nupui fanau chawm nan phei chuan a iai ber ber an nih ka ring. Diktak chuan a tifuh tan(leh a thiam tan) chuan Mizoram ai thlawt chuan hnathawh tur tha tak tak hi vairam khawpui lianah chuan a tam alawm! Tin prospects pawh a tha zawk nge nge mahni inhaikaw thiam tan chuan.
Vairam (madlab State pawn) chauh ni lo foreign ah te pawh mizo thalai engemawzat chu hna zawngin an chhuak tawh, an chhuak mek zel bawka, hei hi thil tha leh encourage tlak a ni a, kan ram economy thanna tur pakhat pawh a ni.
Report this comment
June 19th, 2012 at 6:36 am
A va thinrim thlak thin tak em! A thawn thlatute khi zawn chhuah vat chi an nih chu
Report this comment
June 19th, 2012 at 9:00 am
#52…
An zinga pakhat phei hi chu, a bike hralhin beiseina sang tak neia lo chhuk a ni (a thusawi a dikah ngai ila, tunah pawh a pawisa hi a thian te’n an hmansak rih). An beisei sanzia leh an rin ang thil a lo ni lo lutuk erawh a pawi. Mahse, hetianga insen huam siin, awlsam taka hna zawm mai theih awm anga an ngai thei hi an lainatawm thung.
Mihring hi kan inang lo teh e. Kan zirna tur atan, provisional admission kan tih thlap tawh, lehkha pawimawh engkim nei thlapa college thlena admission tihfel mai tur pawh kan huphurh laiin; thenkhat erawh ‘a awm ang’ tih mi tawng atanga hriain an kal ngawt ngam bawk si…
Report this comment
June 19th, 2012 at 10:35 am
Look before you leap..
Report this comment