Zanin hi Euro 2012 quarter-final match hnuhnung ber leh nghahhlelhawm ber tih ngam, England leh Italy inkhelh zan a ni a, football I hria a nih chuan he inkhel hi I en dawn tih ka chiang! Quarter-final dang te aia zanin match a hmuhnawm na tur chu he team pahnih te hi an in tluk tlang em em a, Germany leh Greece inkhel a chak tur zawk hriat sa ang kha a ni ve ngawt lova, England game ‘bon’ tak mai, mizote hmuhnawm tih em em mai leh football thiam team, defensive game khel thiam hmingthang Italy an in tum dawn avangin tun Euro a mite match nghahhleh ber pawh ani reng a, zanin dar 12:15 thleng I dam thleng a nih chuan nang pawhin I nghak thleng ve tih na!
Quarter-final an luh dan sawi si se tawh lo ila, England hi Group D leader an ni a, France draw in Sweeden leh Ukraine an hneh ani kha. Italy paw’n champion lai Spain leh croatia an draw hnu ah Rep. of Ireland hnehin Group C atangin pahnihna niin Quarter-final an inhlang kai anih kha.
Team Bihchiang ang..
ENGLAND
England hi sawi thiam an har! Ti tawp mai teh ang an chanchinbu miten an player te an vawrh lar thiam theih em avangin an player te hi khawvel hriat an ni reng zel a, tantu an nghah a, beisei anga sang chu an thleng khat viau thung a, euro hmasa phei kha chuan an khel phak lo hial anih kha! Coach thar Roy Hodgson hian player thlan thu ah sawisel a hlawh hle a, a chhan chu khawvela club tha ber Manchester United a player tha ber pahnih, Rio Ferdinand leh Michael Carrick te a koh loh vang ani. Mahse, Euro an khel tan, France an draw bak kha chu an la chak ve ve a, Hodgson a hian thuthlukna alo siam sual lo a nih hi tiin an media te chuan an fak leh chuai chuai tawh a, zanin match zawh hian fak tlak la awm tak maw! Mizo tam tak te chuan England hi kan tan leh dawn a, a chhan pawh kan ‘hmelhriatte’ an tam vang a ni leh pek dawn 
David Seaman a chawlh hnu ah khan England hian kum tam tak chhung chu keeper rintlak mumal an nei thei lo va, mahse tunah chuan Manchester city keeper tha zet mai Joe Hart an nei tawh a, tlar hnung ah Ferdinand awm dawn loh mahse Terry leh Lescott te an awm dawn avangin tun hma ai chuan tlar hnung pawh phui tha tawh tura ngaih ani. Scott Parker leh captian Gerard te midfield ah an awm leh hmel a, England game hi winger ah a innghat thui hle zel a, wing atang deuh zelin attacking an siam thin a, zanin ah pawh hian winger pahnih, young leh milner te kut(ke) ah England attacking chu a innghat thui leh hle ang, an ni pui tur hian an hnung ah cole leh Johnson te an awm leh ngei bawk anga, an inthlawp that chuan game hmuhnawm kan hmu leh ngei ang tih a chiang!
Machester United striker pahnih Rooney leh Welbeck te an inkawp leh hmel a, Roy Hodgson hian a thian zawk Welbeck aiin Liverpool player Andy Carroll hi a duh sak zawk thut thei bawk! Eng pawh nise, England game hi chu a hmuhnawm loh ngai lova, rough taka khel in an attack phei leh bian bian anga, ball kang an vawrh leh luah luah anga, wing atanga ball la lu lut in, spain te anga in pass kual ve neuh neuh lovin goal ah an attempt leh tlut tlut anga, a va han hmuhnawm dawn em! Manchester United player pathum, Rooney, Welbeck leh Young te hovin an attack phei tur chu en a va chakawm tawh em!!
ITALY
Khawvela defender nei tha bera hriat an ni a, an defender ten vawi duai lo an team an chhanhim thin a, attacking player aia defending player an neih that zawk thin avangin defensive game an khel tam zawk thin. Italy mipa te hi khawvel a mipa hmeltha ber pawla sawi an nih vang nge mizo hmeichhiate zingah pawh tantu an tam hle a Mizote tan hlawh ram pahnih team zanin a an intum tur hi chu a nghahhleh awm thlawt!
Kum lamah upa tawh mahse keeper tha bera la chhal ngam buffon an nei a, amaherawh chu an central defender rinrawl pakhat zawk, Chiellini chu a malpui hliam avangin zanin hian a khelh ve theih hmel lova, mahse italy chu sawi leh sawi hnu defender nei tha ram an ni a, a thlak tu tur ah an buai hauh lovang le. Chiellini aiah Bonucci a khelh leh a rinawm a, a hma ah mi defender 4 ngawt Balzaretti, Maggio, Motta leh De Rossi te an ding tlar leh hmel a, defender 5 hi England ho tan hian sut tlang a harsa fu maithei. Tin, midfield ah Marchisio, Pirlo leh Giaccherini ten tual an chai leh anga, an hma ah striker rinrawl Cassano a awm anga, a kawppui turin thinchhe hming thang balotelli nge Di Natale hi awm leh ang aw? Engpawh nise, an striker te hi an chhe lova, balotelli hian ball a thiamin a chak tha a, Natale leh Cassano hi chu Italian raih in ball an ke mai bakah an lu an hmag tangkai thiam em em bawk a, john terry leh lescott te tan chuan ven uluk chu an ngai ve ngawt ang!
Khaikhawm ang..
Englang hian attacking game an khel leh ngei anga, an hman thiam leh an lar pui 4-4-2 formation hmangin kil tinreng atangin an nawr leh dawn a, Italy hian 5-3-2 formation an hman leh a rinawm a, team pahnih te game hi in pass kual neuh neuh game ang kha anih loh avangin a boring lo turah ngai ila, England hian inring hman lek lovin Italian defender te hi chhaih buai an tum leh dawn a, italy lah in midfield ah veteran Pirlo a hovin a remchan hun a piangah attack an lo tum ve bawk ang a, thinchhe pahnih Rooney leh Balotelli ten goal thun an han tum vel tur te, gerrard leh pirlo han in chhaih vel tur te, young, parker leh milner ten itlay kulhpui chhut nghing an han tum tur te, counter attack atanga italy in an han nawr vel tur hi mawlh mai hi hmuh a chakawm tawh em mai duh tawk tawh mai the ang! misualte, inkhel en nuam vek ule
Similar Posts:
- EURO 2012 Semi-final | Germany vs Italy
- Euro Quarterfinal France Vrs Spain
- World Cup – 24 June a khel turte
- Euro Group Stage Khelh Hnuhnung ber
- Euro 2012 Quarter Final Thlirlawkna.
June 24th, 2012 at 9:30 pm
Euro 2012 Quarterfinal England Vrs Italy…ropui takin sawihona tur ka hawng e 😛
June 24th, 2012 at 9:31 pm
ENGLAND X 100000000000000…..
June 24th, 2012 at 9:33 pm
Umm… (Y) 😛
June 24th, 2012 at 9:34 pm
..haha..
June 24th, 2012 at 9:34 pm
100 percent England in comment ka rawn hawng e (Y)
June 24th, 2012 at 9:34 pm
He Sap sipai leh Rom sipai indo tur hi… En chiah ila, a chak zawk zawk kan lo nghak e. 😛
tren tren
June 24th, 2012 at 9:35 pm
England 2 – 2 Italy
Full Time (90mins)
Ka predict dik tawh ngei ang zanin chu 😀
June 24th, 2012 at 9:35 pm
ku sheldy pawh thlalak zawng zawng nen rawn tang rap 😀
June 24th, 2012 at 9:36 pm
ENGLAAAAAAAAAAAAAAAAAAAAAAAAAAAAAAAAAAND!!!!!!!!!!!
June 24th, 2012 at 9:36 pm
Ka nuih hi zuk za tlat a…nui phawt ang 😀 😀 😀
Sawi hona tur post awmloh vang khan kan ngamtlak ber aniang chu Hnam Sakhua ah kan inkulh tawps 😀
June 24th, 2012 at 9:38 pm
Walcott a khelh loh chuan Rooney ten tihngaihna an hre vak dawn si lova…. Hodgson hian a start tir ve tawh ang em aw.. :O Khel tha ngai lo Milner tih vel a thlang leh anih chuan en a hahthlak leh dawn
June 24th, 2012 at 9:38 pm
Hnam Sakhua chu mi rilru nei zau ngang kha ni tho a! 😀
Ka en chak tawh luttuk hi min tur et2 thei alawm le
June 24th, 2012 at 9:39 pm
in va tang awm hlawm ve o……
June 24th, 2012 at 9:39 pm
American hovin Eye-taly an tih hi alawm ka ngei em em chu. Eye-raq, Eye-ran.
June 24th, 2012 at 9:39 pm
1
sisen Says:
June 24th, 2012 at 9:30 pm
.
Report this comment
😛 😀
tren tren
June 24th, 2012 at 9:40 pm
Sheldie, Pu Hnam Sakhua chu a nelawm a, a post ah engtin pawh awm ila, engmah sawi lovin a en liam mai mai thei zel alawm 😛
June 24th, 2012 at 9:40 pm
Arsenal nopang pahnih walcott leh chamberlain te kha chu bench lamah an awm leh ka ring, paws ah pawh an hming ka sawi lan miah loh khi 😛
June 24th, 2012 at 9:40 pm
Sisen, khawnge ka nau chhangtevala post sen tih vel chu…. Post ah khian thil sen pakhatmah ka hmulo 😀
June 24th, 2012 at 9:44 pm
ka tang teh mai a nia…
June 24th, 2012 at 9:44 pm
Chhuakling #15, shhhhhhhhhhhhhh 😛
Sheldie, Chhangteval chuan a TI SEN thiam ve lova : :-O
June 24th, 2012 at 9:45 pm
England ka tan dan hi 5 nise 10 vel aniang 😀
June 24th, 2012 at 9:45 pm
Zanin na na chu England hle teh ang. Zanin bak hi Euro ah hian an hmel kan hmu tawhlo mai thei bawi siaa 😀
June 24th, 2012 at 9:47 pm
Ziak ngaihnawm e. Ka’n sawilawk ve reng reng teh ang
England 10 – 1 Italy
:-S
June 24th, 2012 at 9:48 pm
ka arsi bel chan huamin ka england e..
June 24th, 2012 at 9:49 pm
1-0… a tawk viau 😉
June 24th, 2012 at 9:54 pm
England an chak chuan Germany nen semi-final ah na intum awm sia, semi-final chu tan tur zawk pawh ka hre dawn lo nih hi :-O
June 24th, 2012 at 9:55 pm
inkhel en tur ngaihtuah lek lovin ka’n lo MLTP pek a… In tih harh char2 ngai..haha..
June 24th, 2012 at 9:57 pm
Kar leh maia ka tlawh tur Italy ka tan e.
June 24th, 2012 at 9:58 pm
Post ka chhiar chhuak ta. Comment hma hian post hi chhiar chhuah hram nise a tha khawp mai. 😀
Post-tupa ‘hming thang’ i tih khi ‘hmingthang’ tiin ziak ta la, zanin game hi a hmuhnawm hmel sawt ngei ang. 😛
tren tren
June 24th, 2012 at 9:59 pm
Ka tan ber Italy leh tan loh ber England, nghe3
Italy aw chak2 🙂
June 24th, 2012 at 10:00 pm
10:00pm a la rei dawn hle mai
June 24th, 2012 at 10:03 pm
Pu Sammoo chungah England fans te aiawhin lawmthu ka sawi e. Kan chak palh hlauh chuan (*) bel thum kan pe ang che 😀
June 24th, 2012 at 10:05 pm
Italy tan an tlem e, in sawi hot tham pawh an awm lo 🙂
June 24th, 2012 at 10:05 pm
Hun pangngaiah
Italy 0-0 England
Extra time
Italy 0-1 England
Risk dik tak maw..
tren tren
June 24th, 2012 at 10:09 pm
Italy ai chuan zemabawk pawh ka tan zawk
June 24th, 2012 at 10:12 pm
Khawiah nge Rom Sipai Tuaisiala hi? :O
England ka tan ve deuh tlat zanin chu, a chhan chu semi final a sawp hrep ka chak vangin. 😉
tren tren
June 24th, 2012 at 10:12 pm
Italy hi ka lo tan keuh nang a
June 24th, 2012 at 10:13 pm
Silent readers ah Italy tan an tam thung aniang :-O
Kawngka zim chu zawhtu pawh an tlem a..tih te kha a awm tak kha maw (H)
June 24th, 2012 at 10:13 pm
England ka tan ber a, a dawtah chuan England 😛
June 24th, 2012 at 10:18 pm
Italy ho hian mawi deuh deuh in an rawn head goal ang tih ka hlau mang e aw.. :-O
June 24th, 2012 at 10:22 pm
Terrya’n a dang thiam lutuk!
June 24th, 2012 at 10:24 pm
Italy chu an defender rinrawl ber Chiellini a awm dawn lova..NUAM!
June 24th, 2012 at 10:24 pm
Liverpool player hlui zarah nizan ka ţan te an chak leh a.. Zanin chu Liverpool player zarah an draw thei hramin ka ring England chuan 😛
Predictor: England 1-1 Italy… Penalty shoot out 4-3 England an chak e 😛
June 24th, 2012 at 10:25 pm
Hahaha..keipawh England ka tan ber a, a dawtah England 😀
Diktak chuan a huphurhawm mawle. Ukraine an khelh ang niaih te khan an rawn khel anih chuan kan ropuilo tawp ang le. Kei chu ka mawng a za, hahdamin ka en leh pek dawn love :-O
June 24th, 2012 at 10:27 pm
Darkar 2 dawn ala awm e.. 🙂
June 24th, 2012 at 10:27 pm
Ka message dawn ka lo share ang che u Kei chu England an chak theihnan chunglamah dilna ka lo han thawn chho dim diam tawh asin 🙂
June 24th, 2012 at 10:30 pm
Sheldie, i msg dawn ang deuh khian Italy fans ten chunglamah thawn chho ve ta se…a buaithlak awm :-O 😀
June 24th, 2012 at 10:30 pm
Zep lovah chuan ka mut a chhuak ve reng 🙁
June 24th, 2012 at 10:31 pm
Zanin chu Balotelli in a mawl chhuah se aw!!! Italy hi ka tan nachhan tur hi ka hrelo reng reng, hmelhriat ka nei tlem em a 😀 Chutih laiin England te chu Peter Shilton te pawh kan hmelhriat aniah. Michael Carrick hi chu ka hrethiam, Rio Ferdinand a ko lo hi chu ka lung a la dam theilo :-S
June 24th, 2012 at 10:31 pm
50 (Y)