Hemite pahnih hi an ngaihsanawm chiang asin. Hmel hmu miah lova han biak mai hi chuan kan tlangval thar leh thin tihtur khawpa mi biangbiak thiam leh min ngaizawng ta emaw chu aw tihtur khawp hian min han besawm thiam a, han tihtur chu an ni miah lo thung a..
Amaherawhchu, hemite pahnih tluka an kum phu lova in “UPDATE” peih hi ka hre hauh lo thung si. An khawvel chhuahna leh keini khawvel chhuahna hi a inang love ti pawh ni ila kan tisual tam lovang tihtur khawpa hun inkar hlata cheng te ho min han kilkawi diah diah hi a ropui ngawt thin asin.
Apa maiseka hi chu nikum khan kan inhmu sawk tawh a. A hmel han en mai chuan, kan biak phak loh tawp tura hmel zahawm, a thawhna hmuna a dawhkan han en phei chuan a kephaha kun hniam mai tur kan nih laiin, keinite, tuaisiala te ho karah “misual.commer pakhat” a chhui dan chanchin te a kephah bula thuin a titi kamliam te kan lo chang ve phak a, a chilper te kan dawng ve pha a, chang ropui tak kan ni. Chumi ai mah chuan keini bula a tal peihna “tlawmna” kha ropui ka la ti fan.
Jeremy Mate Ainawni lah hi, thil thar thar hi a nei a, a lo hmang thiam ve zel lehnghal a. Facebook te lah chu trick thar ber ber, keini thalaiho pawhin kan thiam lem loh tur te hi a lo thiam ve zung zung a. Camera thar tha tak mai a nei a, rilruin “Pitar thil thar nei hi chu thul mawngah a khung mai mai ang chu” lo tih rilruk naklaiin, thlalak lah chu a bei nalh tulh tulh bawk si.
Engnge heng ho ka rawn sawi hmasak kher nachhan hi?? Ka sawi tum ber mai chu hei hi a ni, nu leh pate u, THING nih hi tum hauh suh ula, thalaite u fa in neih hunah OUT nih hi hlau hle ang che u.
Nu leh pa zahpui avang hian thalaite hi dem kan hlawh a, thangthar lungmawl, aia upate zahna chang hre lo nih kan hlawh fo thin. A lehlam zawngin in thlir keuh ang. Zahpuiawm lo tak nu leh pa, pitar putar chu an tu leh fate hlei hlei hian an chhuangin an fak thin a ni lawm ni??
Fa i neih hunah i fa khan a zahpui tur khawpa mawl nih tum hauh lo la, chu ahnekin lo in UPDATE ve char char teh. Nangmah a zahpui avang che khan i Fa kha miin an nuihzat let ai chuan, a zahpui loh tur khawpin nang pawhin tan han la mauh mai teh le..
Nang berin a bul i tan chuan, i fa pawhin a rawn chhawm zel ka ring tlat a ni. Facebook an ti maw, ti ve zel rawh. I fa khan Facebook-ah engnge a tih han hriatpui la, ninawm ni si lovin Facebook lama a thiante pawh han kawm pui la; tunlai thalai tam tak hi chuan an rilrua awm tam zawk hi Facebook hmangin an tlangaupui tawh tih hria la, i fa nungchang danglam emaw a neih chuan a Facebook page en rawh, chhanna i hmu nghal ang, a lo hlim viau anih chuan a wall han en teh, lawmpuina thu thawn tur pawh i nei ngei ang.
Nu leh pa, fate thiltih tuipui thei chuan Fate hmangaihna leh zahna an dawng nasa bik thin tih hi mi inzir mi lem lo tan pawh hai rual a ni love. Chuvangin, i tui vang em em pawh ni lovin, nuam i tih vang em em pawh ni lovin, Lalpa laka i rochan i rila rah i enkawlna atana i thiltih theih ropui tak chu ” A duhzawng hriatpui leh tuipui” ve hi a ni miau mai.
Ram hruaitu tan pawh, thalaite’n Online a an ngaihdan an auchhuahpui te hi beng chhitsak a hun asin. Minister Facebook hmang thiam leh Misual.com chhiar pha ho chan department chu a kang deuh awk awk hian in lo hre ve em??
Similar Posts:
- 2000!!!
- Facebook Fiamthu
- Chhiartu duh tak
- Photo (Thlalak) Lama interest nei tan Facebook ah
- Un-conditional love
September 17th, 2012 at 8:17 pm
@Chtra : Khawi hmunah nge i lo hmuh hman bik ni ? Tv. tih takah i la tualleng peih deuh va ! Kan khua an lo zin hunah kan MI pui ve dawn nia auh !!!
Report this comment
September 17th, 2012 at 8:21 pm
A dik reng, thil tha tak a ni, chuan Maisek and Mate ainawn an fakawm ka ti, but nu leh pa tam tak hi chu harsa taka thingtlang atanga lo chawr chhuaka chhungkua rawn din ve tawk tawk an ni thina, thiamna lamah an inzir sang bik lova, thil thar leh tihdan thar hriaa in update vek senloh chin hi a awm, sum, hun leh neihin a tlin seng lova, inchhungkhur enkawl leh hna lama buai chung chuan fate tih ang zawng zawng an ti ve vek hman thinlo, thalaite hian engtikawng mahin kan nu leh pate hi kan zahpui tur a ni lo tih hi ka ngaihdan a ni bur.
Kan mizo IAS hmasa pakhat pawh IAS te hial lo tling ve ta chu miten a pa hnenah ‘Hei i fapa chuan a khum hle mai che a..” an ti a ni awm e, ani chuan “fapa IAS bawk a neih ve hunah min khum chauh ang..” alo to fel et. Nu leh pa zahlohna hi moral degradation chi khat a ni, facebook, iphone, news update etc ringawt hmanga deal chi a ni lo, psychological councelling a pawimawh, value system thar thalaiteah kan tuh a ngai, kan lifestlye leh living standard pawh kawng tam takah kan enfiah a ngai ang…
Report this comment
September 17th, 2012 at 8:33 pm
lushai_er, hman deuha ka haw khan party min lo throw sak hapz alawm. Bangalore lama a zin pawhin a “pok” an ti khawp mai, min treat ngei ang ka ring.
Report this comment
September 17th, 2012 at 8:48 pm
Post tha khawp mai. Maisek leh Mate Ainawn hi keipawh live in ka hmu tawh a, an bula awm a hahdam, an zau tih a hriat khawp mai. Kan tluk lo tih a chianna em em chu Trawta sawi ang khian naupang zawk te an ho peih. An kum ang zat kum mi tamtak in an tlin loh turah pawh a tunlai ber leh phur ber, midangte kaihruaitu ah an tang thei a, an fakawm ka ti.
Chuan, kan dinhmun in a zir anih chuan post tupa sawi ang khian rilru hi a pawimawh, mahni phak tawk zela hmasawn leh changkan tum hi a lo tul.
Report this comment
September 17th, 2012 at 9:08 pm
Fapate nen tlangval chho leh ziai ziai ila ni mai lawm
Ni e, nu leh pate phak ang tawk a tunlai (a tha zawng apiang) mil ang zela inher rem thiam ve hi a pawimawh reng a ni, thil zawng zawngah erawh a har ngei ang.
Ka ring sual love, Maisek leh Mate Ainawn khi misual an nih ka ringlo reng a ni. Nilo, misual an ni leh si
Report this comment
September 17th, 2012 at 9:21 pm
engnge Facebook intih chhen hi, american ho siam ani em @Chemtatrawta
Report this comment
September 17th, 2012 at 9:30 pm
A hring hrana an hmel hmuh a chakawm khawp mai..maisek leh mate ainawni chu..
Report this comment
September 17th, 2012 at 10:59 pm
nia… hei kei pawh in update ve zel tumin ka misual tlauh tlauh a nia..
Thingtlanga awm tih takah tunlai thangtharte hian min la ṭhan san thui lem lo ve..
misual, FB leh thiante blog a mi ka ruk khawm hi vengchhung chanchin bu velah kan chhuah a.. thangthar/tleirawl ho hian min la ngaisang a nia..haha..
Report this comment
September 17th, 2012 at 11:09 pm
Tatrawta lah hi, kan sawi chhuah thiam si loh hi engtin tin emaw hian nalh deuh hian i rawn phuah khawm a, chu chu kan lo chhiar a “Ni e” tih bak sawi thiam a lawi kan lo nei leh lova.
He mi te pahnih hi ka hnial zawt zawt a, Kan pa te rual emaw tur hi online-ah chuan rualpui kawm tak hian kan han kawm ve a. A nungchunga han hmuh ngat phei chuan an nelawm leh zual………….Hman deuh a mi kan ral paw’n, kan zinga ka aia u zawk fe tur khan Pa Maisek hi a en vang vang a, hmanah min zirtir thin, kan sir kha i ni chiang mai an ti mai chu(h)…….An zingah khan ka naupang chhe leh zualin ka hria, generation gap awm hauh lovin kan kawm rualpui awm lekin an la awm thiam zel leh ta nghal a
Report this comment
September 18th, 2012 at 12:32 am
maisek hi hmeichhia emaw ka lo ti ve char char
Report this comment
September 18th, 2012 at 1:29 am
^^__ kei pawh.
@6,
tren tren
Report this comment
September 18th, 2012 at 3:19 am
Report this comment
September 18th, 2012 at 4:01 am
Jeremy ni lovin Apa Jeremiau ti law law la..Lal Tat-trot..
fb ah a sawi zet zet a, a lo ti tak tak dreuh nia..
Saibung tiat an nia..te pawh ti law law La..LoLsssssss
Report this comment
September 18th, 2012 at 4:04 am
E i la sawi hmaih..an TV te pawn Channel a man pawlh nasa lutakk a..Federer in Arnold a mawngtam a lo hlap zawt zawt a, Pu Hawla pawh LPS Comedian Seach a a lo tel vel..ti bawk raahh…
Report this comment
September 18th, 2012 at 9:41 am
Eh Misual.com chhiar peih deuh department pawh kan hriat si loh…
Report this comment
September 18th, 2012 at 9:55 am
A-nu Maiseki hian min duat khawp mai aaa(h). In hriat vek tawh kha. A bula awm a hahdam ngei mai…
Mate ainawn erawh ka la hmu lo nangin, a hming hi ka * tawp…
Report this comment
September 18th, 2012 at 10:28 am
mate ainawn tih hi ka fanu koh nan ka hmang ve… a haw em lovang chu…
Report this comment
September 18th, 2012 at 11:11 am
Van tha dap dap em!
Report this comment
September 18th, 2012 at 11:22 am
Report this comment
September 18th, 2012 at 12:51 pm
Mate Ainawn hi chu…aaa…sawi leh lo mai ang..a hre vek tho. Biak that chi lutuk tih kha tlangval awl, nupui fel leh hmeltha duh tan chuan a kalna apianga zui mai chi. Mahminga ka sawi chhan lo ania.
Report this comment
September 18th, 2012 at 1:00 pm
# 20..
Ka phur ve tawh nen, comment tawp lam khian min ti-down vek…
Report this comment
September 18th, 2012 at 1:25 pm
Mahming, Mate Ainawn-i rohlu chu lei mihring tawng hian a ropuizia a hrilhfiah theih loh, theih ni se, siar leh chhawrthlapuiah khian a hrilhfiah theihna tur tawngkam dang, lei mite hman loh hi awm sela, a ropuina tlem azawng chu kan hrilhfiah thiam mahna.
Report this comment
September 18th, 2012 at 2:28 pm
fanu an nei ve ve lehnghal
Report this comment
September 18th, 2012 at 2:40 pm
An ngawih hmak danah hian ngaih a tha lo tlat… Tarmit bun chungin kan comment hi an chhiar chiang…
Tlai khawhnuah…
Facebook chungchang khi ka thlawp khawp mai. Nula/tlangval tam zawk hian an nu/pa emaw an u leh nau te, an thiante zinga awm duh lo an tam awm e. Hei hian, facebook kan hman duh dan thui takin a tarlangin ka hria… Post tha tak a ni, Nu Maiseki leh mate ainawn te zarah…
Report this comment
September 18th, 2012 at 2:48 pm
E chu Tatrawt, Mate-ainawn leh Maisek te chu “TAR HOT” i tihna em ni? ( a hot lo emai
)
Report this comment
September 18th, 2012 at 6:57 pm
Tinge ka phalna la hmasa lo a ka ex te chanchin i lo post ringawt? FIR
Report this comment
September 18th, 2012 at 7:10 pm
Apa maiseka leh jeremy mate ainawni te hi an tar-hot reng reng lo, forever sweet-16 an nih hi.
Report this comment
September 18th, 2012 at 8:12 pm
#25
Report this comment
September 18th, 2012 at 8:27 pm
Aih ka lai saih…
Report this comment