Nikum tun ang hun velah khan Mizote hi Indian kan ni…..em?” tih ka ziak tawh a. Tun tum chu tunlai boruak nen a inhmeh bawk a, thenkhat “Indian kan ni reng reng lo, min awp bet (by force)” ti te kan kat nuk bawk nen… Thil thleng thin, keimahni chungah emaw hmelhriatte hmelhriat lehchhawng te hnena thil thleng te kan chhuanlam in hahip in kan sawi thin a. Keima mimal thil tawn kan zep hmasa lawk ang e.
Inrinni kal ta (18.08.12) khan Mumbai Mizo Association in Fresher Social kan hmang a (a tawpah Bonus pic link a awm khu!). Kei pawh kan awmna atangin ka thianpa nen kan chhuak ve a. Harbour line ah relin kan chuang a, a hmun awmna line nen a inhlat deuh avangin Wadala station ah chhuka taxi lak kan tum a. Station kan chhuk tur hi vai rawlthar rual paruk vel (naupang pakhat a tel bawk a) kan bulah an ding ve a. Min en duh khawp mai a. A tawpa kan chhuk tur chu pakhat chuan, “Where are you from?” a rawn ti a. Kei chuan tha takin “Mizoram” ka ti mai a. An hawi deuh ha a. “North East India” han tih leh kher ka tum lai tak khan kan chhukna tur kan thleng ta a. Kan rualin anni ho pawh chu an rawn chhuk ve a.
Platform ah chuan min en ang he haw a, “You are lucky, if you are from Burma, I’ll kill you” min han ti teh reng mai a nih kha. Mizo tlangval, pate thin in a tuar zo ta ngang lo a, station ah khan eng ang mihring nge phu nuai nuaih pawh ka ngaihtuah chang hman tawh lo. An lam hawi a tlan phei pahin “Kiya bola, kiya bola ?? Dobara HINDI mein bol…” tih kan rual mai a….. maa*** bahein*** gaali a va chhuak teuh em! Khatia han tih takah chuan leh midangin min en tak deuh thap ah chuan “Sorry sir” ti meuhin min kal liam san ta a. Station pawn a taxi a kan lut tur te chu min la rawn bye bye ta vel a. Mood a off rei duh phian!
Ti hian ka ngaihtuah ka ngaihtuah zui ta a. Mi tam takin vai (Indian) in min hmuhdan an sawi thin hian mak ka lo ti thin a. Tun dinhmunah pawh mak ka la ti tho tho mai a. Indian kan ni tak tak em tih zawhna kan neih fo thin hi kan duhdan mai mai nge kan ngaihdan tak tak le?
Bonus : Mumbai Mizo Fresher Social 2012 Thlalak Bawm
August 20th, 2012 at 2:08 pm
Chhiar i1a.
August 20th, 2012 at 2:10 pm
Indiami chu a hming chuan kan ni ngei a, rilru erawh a dam si lo va ni.
August 20th, 2012 at 2:13 pm
Vai kan ni lova mahse Indian chu kan ni.
August 20th, 2012 at 2:37 pm
Nia, indian chu kan ni e. Indian service ah te, CRP ahte, Assam rifle ah te, vai massage parlor ah te pawh kan tang a lawm
August 20th, 2012 at 2:37 pm
Ngatinge “You are lucky, if you are from Burma, I’ll kill you” a tihna chhan khi sir?
August 20th, 2012 at 2:43 pm
Post a va chhuak tha pawp pawp ve
chhiar leh hmen hmen i la…. an id lah hi ka it der si lo a, ka va hman em 
August 20th, 2012 at 2:53 pm
ka hre tawh bik lo…nang berin min zawt ta si..
August 20th, 2012 at 2:53 pm
Mizo kan nia, India ramah kan cheng a Indian kan ni. Indian nih loh duh thu velah hi chuan buai buai loh hi a tha mai ka ti. Kan duh emaw duhlo emaw Indian kan ni tho tho. Kan vun leh hmel/pianzia vang erawh chuan harsatna kan tawk fo mahna, mahse Indian kan ni tlat si.
August 20th, 2012 at 3:23 pm
“MIZO by Birth, Indian by Law”. Mizo Indian ka inti kher zel
August 20th, 2012 at 3:27 pm
A posttupa hi Vai-va ania, vai chu a ni chiang, Indian pawh.
Indian chu ni vek mah ila, an mitah leh an ngaihtuahnaa Indian “NIHNA” perception tak hi sufai thei kan awm te anih loh chuan India population tam ber, Lower class hian kan hmel ang hi an la hmu Indian ve thei lovang. Post-tupa anga Hindi a ti let hrep ngam kan tam chuan a zia deuh mahna.
August 20th, 2012 at 3:36 pm
Mizo by blood, Indian by Law
Post tupa angin Hindi in ka ti let hrep thiam dawn si lova, ka inla Indian viau mai dawn kei chu
August 20th, 2012 at 3:39 pm
NE state hrang hrang, Nagaland, Meghalaya, Arunachal, adt., vai hmel pu lo ve deuh deuh ho hian engtin nge an in ngaih ve le, hria in awm mial lo maw?
Ka rinthuin, Naga ho khu chu Indian-ah an inchhal duh ka ring chiah lo.
August 20th, 2012 at 3:44 pm
Indian nih leh nih loh hi vai ve mai mai ho thu ani pha lo. Anni ho awmhma in India hming pu in ram hi a awm tawh.Benares(varanasi) te khu mongol ho awmna hmasa niin an sawi..PM Indira khan “foreigner vek kan ni” a tih kha. Vai vengva deuh chin hi chuan Indian kan inti lovang tih an hlau khawp mai.
August 20th, 2012 at 3:48 pm
A chang leh mizo in tia, a chang leh zohnahthlak in tia, a chang leh Lai ka nia in ti thul, a chang leh lalhnam in ti, a chang leh vai (indian) in ti bawk, eng ber nge kan nih a
Tak takin paws ngaihtuah tithui tak a nih hi
August 20th, 2012 at 3:50 pm
history atanga a lan dan chuan..Indian kan ni thei a, burmese kan ni thei a, Mizo kan ni thei a….indian kan ni ta a, Mizo kan ni bawk a..a tha viau a lawm le..
August 20th, 2012 at 4:28 pm
pu saprawnga te ho tih indian kan ni lom ni? Burmese nih nge in duh indian..tih hunlai khan..
Ka va chiang ta lo e..haha..
August 20th, 2012 at 4:41 pm
Mizo by smell ; Indian by spice.
August 20th, 2012 at 5:15 pm
Indian ka ni e inti mawlh mawlh mah ila khawvel ram zauvah hian tupawhin mak ti leh awih lo zetin min zawt nawn ziah hi chuan ngaihtuah a tithui khawp mai! India rama kan chen avangin Indian Citizen chu kan ni mai a, khawvel mit hmuhah erawh chuan kan “Indian” hlei thei lo chu a nih hi! Maawma #9 sawi ang khian Mizo-Indian inti ila a dik ber mai thei.
August 20th, 2012 at 5:51 pm
Feren ram kal te atang tawh Lushai labour coy. (Indian Labour corps) tih kan ni tawh a.Khatih laia India mi ni reng reng lo Hyderabad pawh India ram khawpui lian tak anih tak hi.Hahaa
August 20th, 2012 at 5:58 pm
Indian-mizo chu intih ngailovin kan ni sa reng..Indian-meitei,indian-naga,indian-khasi,indian-assamese te pawh ani thei ang chu.Hnam ze hrang kan tam emai a.
August 20th, 2012 at 6:17 pm
Indian kan ni lovang. Tanzanian kan ni zawk ta ve ang!
Zawhna athhlak #1 of 2012
August 20th, 2012 at 6:23 pm
Indian kan ni lova, Mizo kan ni lova, Zohnahthlak kan ni lova, Burmese kan ni lova, Mihring mai kan nia.
Tin, ngaiteh, mihring te hi zawng thlah kan ni e an ti sia. Tichuan tu dang ni lovin, Zawng kan ni. A sap tawng in Zawng-ian, haha.
August 20th, 2012 at 6:51 pm
Indian kan ni lawm..Mizo tih vel…Punjabi pawh Indian tho an nia…
August 20th, 2012 at 7:31 pm
Soi buai ngai lovin indian dik tak mole. Chuti lo cu ei tur kan nei nag le.. 99% centre,1% state fund… very tough hai. Jai hind
August 21st, 2012 at 1:34 am
Kei chu ni ila ‘Uluka patha, batta meez, chalo jhau, mai tumse pyar karti hu, het shaaala benchut, pagal hogaya hai kya..?!’ tih leh chak tawka tlanchhiat ka rual ang mawle
Vaiva, you are the man
August 21st, 2012 at 2:04 am
@VaiVa chu bei tha ve
I huaisen ka ti hle mai.. thinchhiat vang mah nise
August 21st, 2012 at 4:25 am
kei chu ka sawi peih ve lo e..India sawrkar khua leh tui te ing a mi kan nia….
GOOD POST
August 21st, 2012 at 9:00 am
Indian Mizo (Indian citizen te) Burmese Mizo (Burmese citizen te), Bangladeshi Mizo…chutiang zelin.
August 21st, 2012 at 9:37 am
MNF khan zalenna kha lo sual hlawhtling se chuan nia kan inhriatna, kan nihna, khawvelin nia min pawm tlanna -MIZO tih hi tawk tiu teu viau asin maw le. Tunah chuan kan nih lohna zawk hi kan nihnaa kan hman a ngai anih hi, a biblical tak chuan ‘Esau-a thuam inbel’ a ngai anih hi….
August 21st, 2012 at 10:10 am
Pipul..dawn chiu uari, ui stil ar Mizo..
@ Shylo..I Kuat chhuak tha latakk.
August 21st, 2012 at 7:50 pm
US mizo like pu HV cutiang zelin
August 21st, 2012 at 7:59 pm
Comment te a ngaihnawm hlawm e. Misual ho chu an fing phakar an tih hi a dik a nih hi. Politically correct statement a tam duh e mai
August 21st, 2012 at 8:28 pm
Mizote hi Indian kan ni tak tak em? Ni tak tak emaw le… ;-)mahse kum 1947 atang chauh khan a nia…
.Mahse kan independent hun chuan Indian kan ni tawh lo vang….
Kum engtikahnge ni ang …ka la hre thei bik lo.. 
mizo tlangval Vaiva chu a huaisen hle mai.
a thla lo lak theih ni se… mizoramah a hit ang chu aw… 
August 22nd, 2012 at 9:19 am
Indian kan ni em tihte chu ala zia zawk.Mizo kan ni tak tak angem tih zawk hi alawm…ehhh…
August 22nd, 2012 at 9:38 am
Post tha leh ngaihtuah tithui tak a ni, a post-tupa a huaisen bawk…
Kei chu Indian ka ni, India sawrkar hnuaia Schedule Tribe (Mizo) ka nih avanga ka zirna kawnga Post Graduate zir thei ka ni ve tlat…
Post-tupa tawn ang erawh a ngeiawm. Chutih rualin min tlemte, India ram pela ramdang kal te’n Indian kan nih an awih ngai lo an tih hi chu a awm ve tho. Indian ka nih tho avang erawh chuan, min awihsak lo eng ang mah se, independent country kan nih hma loh chuan Indian kan ni reng dawn tho…
August 22nd, 2012 at 11:18 pm
Tibet hi China sorkar hnuaiah an awm avangin Tibetan ho hi official in Chinese an ni kher em tih ka hre lova, chutiang deuh bawk chuan Mizo te hi India sorkar hnuaia kan awm avang chauhin Indian te chu kan ni ve mahna, mahse Vai erawh chu kan ni lo anih hi…
August 22nd, 2012 at 11:28 pm
@36 loneeagle Haire hai!!